Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴳ ⵟⴰⵏⵊⴰ ⵢⴰⵜ ⵜⵖⵉⵎⵉⵜ ⵏ ⵜⵡⵓⵔⵉ ⵉⵥⵍⵉⵏ ⵙ ⵉⴳⵔ ⵏ ⵜⵥⴹⴰⵕⵜ ( ⴰⴱⵔⵙⵉⵔⴰ ⴰⴳⵍⴷⴰⵏ)
  1. Accueil
  2. Activités royales

ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴳ ⵟⴰⵏⵊⴰ ⵢⴰⵜ ⵜⵖⵉⵎⵉⵜ ⵏ ⵜⵡⵓⵔⵉ ⵉⵥⵍⵉⵏ ⵙ ⵉⴳⵔ ⵏ ⵜⵥⴹⴰⵕⵜ ( ⴰⴱⵔⵙⵉⵔⴰ ⴰⴳⵍⴷⴰⵏ)

26 ⵛⵓⵜⴰⵏⴱⵉⵔ 2016 Version Imprimable
ⵟⴰⵏⵊⴰ/ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ , ⴰⵙⵙ ⵏ ⵓⵢⵏⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵟⴰⵏⵊⴰ, ⵢⴰⵜ ⵜⵖⵉⵎⵉⵜ ⵏ ⵜⵡⵓⵔⵉ ⵉⵥⵍⵉⵏ ⵙ ⵉⴳⵔ ⵏ ⵜⵥⴹⴰⵕⵜ ⵙⵍⴰⵡⴰⵏ ⴰⴽⴽⵯ ⴰⵖⴰⵡⴰⵙ ⴰⵏⴰⵎⵓⵔ ⵏ ⵜⴳⵎⵉ ⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ,ⵎⴰⵢⴰⴷ ⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵙⵔⴰ ⴰⴳⵍⴷⴰⵏ.

ⵙ ⵓⵣⵎⵣⵣⵓ ⴰⴷ ⵉⵙⴽⵜⵉⴷ ⴱⴰⴱ ⵏ ⵡⴰⴷⴷⵓⵔ ⴰⵏⴼⴰ ⵏ ⵓⵙⵏⵜⵉ ⴰⴷ ⴰⵅⴰⵜⴰⵔ ⵍⵍⵉ ⵔⴰⴷ ⵢⴰⵊⵊ ⵍⵎⵖⵔⵉⴱ ⴰⴷ ⵉⵍⴽⵎ ⴰⵣⴰⵔⵓⴳ ⴳ ⵉⴳⵔ ⵏ ⵜⵥⴹⴰⵕⵜ ⵍⵍⵉ ⵉⴽⵛⵎⵏ ⴳ ⵓⵙⴰⵜⵉ ⵏ ⵜⴰⵏⵏⴰⵢⵜ ⵜⴰⴳⵍⴷⴰⵏⵜ ⴰⴼⴰⴷ ⴰⴷ ⵉⴳ ⵍⵎⵖⵔⵉⴱ ⵢⴰⵜ ⵜⵎⴰⵣⵉⵔⵜ ⵜⴰⵎⵣⵡⴰⵔⵓⵜ ⴳ ⵉⴳⵔ ⴰⴷ.

ⴳ ⵜⵙⵎⵓⵏⵉ ⵢⴰⴷ ⵉⵙⵏ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵜⵓⵙⵙⵉⵖⵣⵏ ⵎⵏⵏⴰⵡ ⵉⵙⵍⴳⵏⵏ ⵉⵎⴰⵢⵏⵓⵜⵏ ⵉⵥⵍⵉⵏ ⵙ ⵉⴳⵔ ⵏ ⵜⵥⴹⴰⵕⵜ ⵍⵍⵉⴷ ⵉⴼⴼⵖⵏ ⴳ ⵓⵖⵎⵉⵙ ⴰⵎⴰⴷⴷⵓⴷ ⵏ ⵜⴳⵍⴷⵉⵜ.

ⵙ ⵓⵣⵎⵣⵣⵓ ⵢⴰⴷ ⵓⵍⴰ ⵉⵙⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵎⴰⵙ ⵜⵢⴰⵡⵙⴽⴰⵔⵏⵜ ⵎⵏⵏⴰⵡⵜ ⵏ ⵜⵡⵓⵔⵉⵡⵉⵏ ⴰⴼⴰⴷ ⴰⴷ ⵉⵜⵍⵢⴰⵡⵍⴽⴰⵎ ⵓⵡⵜⵜⴰⵙ ⵏ ⵜⵏⴽⵔⴰ ⵙ ⵉⵙⴰⴳⵎⵏ ⵏ ⵜⵥⴹⴰⵕⵜ ⵜⴰⵎⴰⵢⵏⵓⵜ ⵏ ⵜⵉⴼⴰⵡⵜ ⴰⵔ 42% ⴳ ⵓⵙⴳⴳⵯⴰⵙ 2020.

ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙⴷ ⵉⵇⵇⴰⵏ ⴰⴷ ⵉⵍⴽⵎ ⵓⵟⵟⵓⵏ ⴰⴷ 52 % ⴳ ⵓⵙⴳⴳⵯⴰⵙ 2030.

ⵜⵣⵔⵉ ⵜⵉⵖⵉⵎⵉⵜ ⴰⴷ ⵙ ⵜⵉⵍⵉⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴱⴷⵍⵉⵍⴰⵀ ⴱⵏⴽⵉⵔⴰⵏ ⴷ ⵉⵎⵛⵉⵡⵉⵔⵏ ⵏ ⴱⴰⴱ ⵏ ⵡⴰⴷⴷⵓⵔ ⵎⴰⵙⵙ ⴼⵓⴰⴷ ⵄⴰⵍⵉ ⵍⵀⵉⵎⵎⴰ ⴷ ⵎⴰⵙⵙ ⵢⴰⵙⵉⵔ ⵣⵏⵣⴳⵉ ⴷ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵉⴷⵔⵉⵎⵏ ⵎⴰⵙⵙ ⵎⵓⵃⵎⵎⴷ ⴱⵓⵙⵄⵉⴷ ⴷ ⵓⵎⴰⵡⵙⴰⵙⵏ ⵏ ⵜⵥⴹⴰⵕⵜ ⴷ ⵡⴰⵎⴰⵏ ⴷ ⵓⵡⵏⴰⴹ ⵎⴰⵙⵙ ⵄⴱⴷⵍⵇⴰⴷⵔ ⵄⵎⴰⵕⴰ ⴷ ⵓⵏⵎⵀⴰⵍ ⵏ ⵏ ⵓⵙⵉⵔⴰ ⴰⵏⴰⵎⵓⵔ ⵜⵉⴼⴰⵡⵜ ⴷ ⵡⴰⵎⴰⵏ ⵎⴰⵙⵙ ⵄⴰⵍⵉ ⴼⴰⵙⵉ ⵍⴼⵉⵀⵔⵉ ⴷ ⵜⵎⵀⴰⵍⵜ ⵏ ⵓⵙⵉⵔⵙ ⴰⵏⴰⵎⵓⵔ ⵏ ⵍⵀⵉⴷⴽⴰⵔⴱⵓⵔⴰⵜ ⵎⴰⵙⵙⴰ ⴰⵎⵉⵏⴰ ⴱⵏⵅⴹⵕⴰ ⴷ ⵓⵏⵙⵙⵉⵅⴼ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵜⵥⴹⴰⵔⵜ ⵙⴳ ⵜⴰⴼⵓⴽⵜ ⵎⴰⵙⵙ ⵎⵚⵟⴰⴼⴰ ⴱⴰⴽⵓⵔⵉ.
 

Dernière modification : 26 ⵛⵓⵜⴰⵏⴱⵉⵔ 2016
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B3-%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B5%A2%E2%B4%B0%E2%B5%9C-%E2%B5%9C%E2%B5%96%E2%B5%89%E2%B5%8E%E2%B5%89%E2%B5%9C-%E2%B5%8F-%E2%B5%9C%E2%B5%A1%E2%B5%93%E2%B5%94%E2%B5%89-%E2%B5%89%E2%B5%A5%E2%B5%8D%E2%B5%89%E2%B5%8F-%E2%B5%99-%E2%B5%89%E2%B4%B3%E2%B5%94-%E2%B5%8F-%E2%B5%9C%E2%B5%A5%E2%B4%B9%E2%B4%B0%E2%B5%95%E2%B5%9C-%E2%B4%B0%E2%B4%B1%E2%B5%94%E2%B5%99%E2%B5%89%E2%B5%94%E2%B4%B0-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F#comment-0