ⵜⴰⵡⵓⵔⵉ ⵢⴰⴷ ⴰⵔ ⵜⵎⵎⴰⵍ ⴰⵏⴼⴰ ⵍⵍⵉ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵉⴳⵔ ⵏ ⵓⵙⵍⵎⴷ ⴷ ⵉⵔⴳⴰⵣⵏ ⴷ ⵜⵎⵖⴰⵔⵉⵏ ⵍⵍⵉ ⵙⵍⴰⵏⵉⵏ ⵜⴰⵡⵓⵔⵉ ⵏⵏⵙ ⵙⵍⴰⵡⴰⵏ ⴰⴽⴽ ⵍⵍⵉⵖ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴳ ⵡⵢⵢⵓⵔ ⵏ ⵎⴰⵢⵢⵓ ⵉ ⵜⴰⵏⵏⴰⵢⵜ ⵜⴰⵙⵜⵔⴰⵜⵉⵊⵉⵜ ⵏ ⵓⵙⵡⵓⴷⴷⵓ ⵏ ⵜⵉⵏⵎⵍ ⵜⴰⵎⵖⵔⵉⴱⵉⵜ (2015- 2030).
ⵜⴰⵙⵏⵜⴰⵢⵜ ⵜⴰⴳⵍⴷⴰⵏⵜ ⴰⴷ ⵜⴳⴰ ⵢⴰⵜ ⵜⵖⴰⵡⵙⴰ ⵜⴰⵅⴰⵜⴰⵔⵜ ⵉⵜⵜⴰⵡⵙⵏ ⵅⴼ ⵓⵙⴱⴷ ⵏ ⵜⵎⵓⴽⵔⵉⵙⵉⵏ ⵍⵍⵉ ⵉⵍⵍⴰ ⵖ ⵉⴳⵔ ⵏ ⵓⵙⵍⵎⴷ ⴰⵛⴽⵓ ⴰⵔ ⵜⵜⴰⵡⵙ ⵉⵏⵍⵎⴰⴷⵏ ⴰⴼ ⴰⴷ ⴹⴼⴼⵓⵕⵏ ⵜⵉⵖⵕⵉ ⵏⵏⵙⵏ, ⵙⵍⴰⵡⴰⵏ ⴰⴽⴽⵯ ⵡⵉⵍⵍⵉ ⴷ ⵉⴷⴷⴰⵏ ⵙⴳ ⵜⴰⵡⵊⵡⵉⵏ ⵉⵥⵍⴹⵏ.
ⴰⵢⴰⴷ ⵏ ⵜⵙⵏⵜⴰⵢⵜ ⵍⵍⵉ ⵎⵉ ⵉⵜⵜⵓⴼⴽⴰ ⵓⵙⵙⴰⵔⵓ ⵏ ⵓⵥⵕⴼ ⵏ ⵡⴰⵜⵉⴳ ⵏ 390 ⵎⵍⵢⵓⵏ ⵏ ⴷⴷⵔⵀⴰⵎ, ⵍⵍⵉ ⵅⴼ ⵜⴱⴷⴷⴰ ⴰⵙⴳⴳⵯⴰⵙ ⴰⴷ ⵜⵏⴳⵎⴰⵎⵉⵏ ⴰⵎⵓⵔⴰⵏ ⵉⴹⴼⴰⵕⵏ ⵉ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⵉⴳⵎⵉ ⵜⴰⵏⴼⴳⴰⵏⵜ, ⴳ ⵎⴰⵢⴳⴰⵜ ⵜⴰⵙⴳⴰ ⴷ ⵜⵎⵏⴰⵟⵉⵏ ⵏ ⵜⴳⵍⴷⵉⵜ, ⴷ ⵍⵍⵉ ⵖ ⵔⴰⴷ ⵜⵙⴱⵖⵕⵏ ⵉⵏⵍⵎⴰⴷⵏ ⵏ ⵓⵙⵍⵎⴷ ⴰⵎⵏⵣⵓ ⴷ ⵓⵙⵉⵏⴰⵏ, ⵙ ⵓⵙⵉⵣⵡⵔ ⵏ ⵉⵏⵍⵎⴰⴷⵏ ⵏ ⵓⴼⴰⵔⴰⵏ (64%).
ⵉⴽⴽⴰⵜⵏ ⴱⴰⴱ ⵏ ⵡⴰⴷⴷⵓⵔ ⵉⴼⴽⴰ ⵍⴱⴷⵓ ⵉ ⵜⴰⵙⵏⵜⴰⵢⵜ ⵜⴰⴳⵍⴷⴰⵏⵜ ⵏ « ⵎⵍⵢⵓⵏ ⵏ ⵜⵛⵛⴽⴰⵔⵜ» 2008 ⵎⴰⵢⴰⴷ ⴰⵔ ⵉⵎⵎⴰⵍ ⵜⵓⴳⴳⴰⵙ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵉⴳⵔ ⵏ ⵜⵏⴽⵔⴰ ⴷ ⵓⵙⵍⵎⴷ.
ⴷ ⵉⵍⵍⴰ ⴳ ⵜⵙⵜⵔⴰⵜⵉⵊⵉⵢⵜ ⴰⴷ, ⴰⵖⴰⵡⴰⵙ ⵏ ⵜⵡⵉⵣⵉ ⴰⵥⵕⴼⴰⵏ ⵉ ⵜⴰⵡⵊⵉⵡⵉⵏ ⵎⵉ ⵉⴷⵔⵓⵙ ⵡⴰⴷⴷⴰⴷ « ⵜⵉⵙⵉⵔ » (777 ⵎⵍⵢⵓⵏ ⴷⴷⵔⵀⴰⵎ), ⴷ ⵙⵉⵏ ⵉⵖⴰⵡⴰⵙⵏ ⵏ ⵓⵊⵎⵉⵍ ⵏ ⵡⵓⵛⵛⵉ ⴰⵏⵎⵍⴰⵏ (948 ⵎⵍⵢⵓⵏ ⵏ ⴷⴷⵔⵀⴰⵎ), ⴷ ⵡⴰⵙⵙⴰⵢ ⴰⵏⵎⵍⴰⵏ (34 ⵎⵍⵢⵓⵏ ⵏ ⴷⴷⵔⵀⴰⵎ).
ⵙ ⵓⵣⵎⵣⵣⵓ ⴰⴷ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵓⵔⵣⴰⴼ ⵉ ⵜⵉⵏⵎⵍ ⵏ « ⵎⵓⵍⴰⵢ ⵢⵓⵙⴼ », ⴷⴰⵜ ⴰⴷ ⵉⴼⴽ ⵜⴰⵛⴽⴰⵔⵉⵏ ⴷ ⵉⴷⵍⵉⵙⵏ ⵉⵎⵏⵏⴰⵡ ⵉⵍⵎⴰⴷⵏ ⵏ ⵜⵉⵏⵎⵍ ⴰⴷ ⴷ 10 ⵙⴳ ⴰⵙⵉⵏⴰⵏ ⵏ ⵓⵙⵎⵓⵜⵜⴳ « ⵍⵄⵡⵡⴰⵎⴰ » ⴳ ⵜⴳⵔⴰⵡⵜ ⵏ ⵍⵄⵡⵡⴰⵎⴰ (ⵜⴰⵎⵏⴱⴰⴹⵜ ⵏ ⵟⴰⵏⵊⴰ- ⴰⵚⵉⵍⴰ).
ⴷⴼⴼⵉⵔ ⵏ ⵎⴰⵢⴰⴷ ⵢⵓⵎⵥ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⵡⵍⴰⴼⵜ ⴷ ⵉⵙⵍⵎⴰⴷⵏ ⴷ ⵉⵏⵍⵎⴰⴷⵏ ⴷ ⵉⵙⵜⵉⵏ ⵏ ⵜⵉⵏⵎⵍ ⵏ « ⵎⵓⵍⴰⵢ ⵢⵓⵙⴼ ».
ⴳ ⵓⵙⴰⵜⵉ ⴰⴷ, ⵉⴼⴽⴰ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵉⴷ ⵎⵃⵎⵎⴷ ⵡⵉⵙⵙ ⵚⴹⵉⵚ 8 ⵏ ⵓⵏⵙⵎⴰⴷⴷⵓⵜⵏ ⵏ ⵡⴰⵙⵙⴰⵢ ⴰⵏⵎⵍⴰⵏ ⵉ ⵢⵎⵍⵎⴰⴷⵏ ⵉⴹⴼⴰⵕⵏ ⵉ ⵜⴳⵔⴰⵡⵉⵏ ⵜⴰⴼⴰⵔⴰⵏⵉⵏ ⴳ ⵜⴰⵎⵏⴱⴰⴹⵜ ⵏ ⵟⴰⵏⵊⴰ- ⴰⵚⵉⵍⴰ.
ⴰⴷ ⵏⵙⴽⵜⵉ ⵎⴰⵙ ⴰⵏⵎⴹⴰⵏ ⵏ ⵓⵙⵙⵎⵓⵏ ⵉⵣⵎⵎⴻⵎⵏ ⴳ ⵓⵙⴳⴳⵯⴰⵙ ⴰⵏⵎⵍⴰⵏ 2016-2017 ⴳ ⵜⵎⵔⵙⴰⵍⵜ ⵏ ⵓⵙⵍⵎⴷ ⴰⴳⴷⵓⴷⴰⵏ ⴷ ⵡⵉⵏ ⵜⵥⵍⴰⵢⵜ 6 ⴷ ⵍⵎⵍⵢⵓⵏ ⴷ 951 ⵏ ⵢⵉⴼⴹ ⴷ 351 ⵏ ⵓⵏⵍⵎⴰⴷ, ⴷ ⵜⵍⵍⴰ ⵙⵉⵏ ⵉⴷ ⵎⵍⵢⵓⵏ ⴷ 722 ⵏ ⵢⵉⴼⴹ ⴳ ⵓⵎⴰⴹⴰⵍ ⴰⴼⴰⵔⴰⵏ.