Published on MAPNews (https://www.mapnews.ma/am)

Accueil > ⵜⴰⴼⵓⴳⵍⴰ ⵏ ⵜⵍⴰⵍⵉⵜ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ.. ⵢⴰⵏ ⵓⵣⵎⵣⵣⵓ ⵏ ⵓⵣⵣⵓⵍ ⵏ ⵜⵓⴳⴳⴰⵣ ⵏⵏⵙ ⴳ ⵢⵉⴳⵔ ⴰⵏⴰⵎⵓⵏ ⴰⵎⴰⵏⴰⵡ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⴰⴼⵓⴳⵍⴰ ⵏ ⵜⵍⴰⵍⵉⵜ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ.. ⵢⴰⵏ ⵓⵣⵎⵣⵣⵓ ⵏ ⵓⵣⵣⵓⵍ ⵏ ⵜⵓⴳⴳⴰⵣ ⵏⵏⵙ ⴳ ⵢⵉⴳⵔ ⴰⵏⴰⵎⵓⵏ ⴰⵎⴰⵏⴰⵡ

24 ⵖⵓⵛⵜ 2016 Version Imprimable
ⵕⵕⴱⴰⵟ - ⵙⴼⴼⵓⴳⵍⴰⵏ ⵜⴰⵡⵊⴰ ⵜⴰⴳⵍⴷⴰⵏⵜ ⴷ ⵓⴳⴷⵓⴷ ⴰⵎⵖⵔⴰⴱⵉ, ⴰⵙⵙ ⵏ ⵓⵙⵉⵎⵡⴰⵙ (26 ⵖⵓⵛⵜ), ⴰⵙⵙ ⵏ ⵜⵍⴰⵍⵉⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⵍⵍⵉ ⵢⵜⵜⴰⵡⵙⴰⵏ ⵙ ⵓⵙⴰⵏⵜⵍ ⵏⵏⵙ ⵅⴼ ⵓⵙⵓⴼⵖⴼⵓⵙ ⵏ ⵜⵎⵖⴰⵔⵜ ⵜⴰⵎⵖⵔⴰⴱⵉⵜ ⴷ ⵓⵙⴷⵍ ⵏ ⵉⵣⵔⴼⴰⵏ ⵏ ⵉⵄⵔⵔⵉⵎⵏ, ⵙⵍⴰⵡⵏ ⴰⴽⴽⵯ, ⵙ ⵛⴰⵢⴳⴰⵏ ⵏ ⵜⵢⴰⴼⵓⵜⵉⵏ ⵉⵖⵓⴷⴰⵏ ⵉⵜⵜⵓⵙⴽⵔⵏ ⵙ ⵜⵓⴳⴳⴰⵣ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⴳ ⵢⵉⴳⵔ ⴰⴷ.

ⴷ ⴷⴰⵜⵉⴽⴽⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⴰⴷⴷⵓⵔ ⴰⵅⴰⵜⴰⵔ ⵉ ⵢⵄⵔⵔⵉⵎⵏ, ⵍⵍⵉⴳ ⴳⴰⵏ ⵉⵎⴰⵍ ⵏ ⵜⵎⵓⵔⵜ ⵏⵏⵖ, ⴷ ⵜⵙⴽⵔ ⴷⴰⵖ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵛⴰⵢⴳⴰⵏ ⵏ ⵜⵓⴳⴳⴰⵣ ⴳ ⵢⵉⴳⵔ ⴰⵏⴰⵎⵓⵏ ⴷ ⵜⵉⴳⵎⵉ, ⵙⵍⴰⵡⵏ ⴰⴽⴽⵯ, ⴰⵙⵖⵓⴷⵓ ⵏ ⵜⵓⴷⵔⵜ ⵏ ⵜⵎⵖⴰⵔⵉⵏ ⴷ ⵉⵄⵔⵔⵉⵎⵏ.

ⵜⴱⴰⴱⴱ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵎⵏⵏⴰⵡ ⵏ ⵜⵎⴰⵙⵙⴰⵢⵜⵉⵏ ⵍⵍⵉⵖ ⵜⴳⴰ ⵜⴰⵏⵙⵙⵉⵅⴼⵜ ⵏ ⵉⵡⵉⵔⵉⵏ ⵉⵏⴰⵎⵓⵏⵏ ⵏ ⵜⴳⴳⴰⵍⵉⵏ ⵜⵉⵍⴰⵍⵉⵏ ⵜⵉⴳⵍⴷⴰⵏⵉⵏ ⴷ ⵓⵙⵉⴷⵔ ⵃⴰⵙⴰⵏ ⵡⵉⵙⵙ ⵙⵉⵏ ⵏ ⵉⵎⵖⵔⴰⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ ⴷ ⵜⵎⵙⵎⵓⵏⵜ ⵜⴰⵎⵖⵔⴰⴱⵉⵜ ⵏ ⵓⵙⵎⴰⵜⴳ ⵏ « ⵍⵢⵓⵏⵉⵙⵉⴼ » ⴷ ⵜⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⵜⵎⵖⵔⴰⴱⵉⵏ ⴷ ⵓⵙⴰⵎⴰⵜⵔ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵉⵄⵔⵔⵉⵎⵏ ⴷ ⵓⴱⵕⵍⴰⵎⴰⵏ ⵏ ⵉⵄⵔⵔⵉⵎⵏ.

ⴰⵎⵎⴰ ⵅⴼ ⵓⵙⵎⵛⵜⴳ ⵏ ⵓⵏⵜⵜⵍ ⵏ ⵜⵎⵖⴰⵔⵜ, ⵜⵙⵙⵉⵅⴼ ⵍⴰⵍⵍⴰ ⵎⵔⵢⵎ, ⴳ ⵎⴰⵔⵙ ⵉⵣⵔⵉⵏ ⴳ ⵕⵕⴱⴰⵟ, ⴰⴼⵔⴳⵏ ⵏ ⵓⵔⵥⵥⵓⵎ ⵏ ⵓⴳⵔⴰⵡ ⵉⴳⵔⴰⵖⵍⴰⵏ ⵅⴼ « ⵜⴰⵎⵖⴰⵔⵜ ⵜⴰⵏⵇⵉⴹⴰⵏⵜ, ⵜⴰⵎⵙⵉⵎⵓⵔⵜ ⴳ ⵓⵣⵓⵏⴰⵙⴽⵓⵛ ⵏ ⵜⴳⵎⵉ », ⴳ ⵓⵙⴰⵜⵉ ⵏ ⵓⵙⴼⵓⴳⵍ ⵏ ⵡⴰⵙ ⴰⴳⵔⴰⵖⵍⴰⵏ ⵏ ⵜⵎⵖⴰⵔⵜ, ⴳ ⵎⴰⵏⵉ ⵚⴹⵉⵙ ⵉⵎⴰⵛⴽⵏ ⵏ ⵓⴷⵡⴰⵍ ⵅⴼ ⵓⵙⵎⵛⵜⴳ ⵏ ⵜⵎⵖⴰⵔⵜ ⵜⴰⵏⵇⵉⴹⴰⵏⵜ ⴳⵎⵣⵏ.

ⵜⵓⵎⵥ ⵍⴰⵍ ⵏ ⵜⴰⵜⵜⵓⵢⵜ ⵜⴰⴼⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴳ ⵓⵙⴳⴳⴰⵙ ⵏ 2010 ⵉⵔⵣⴼ ⵏ ⵜⵎⵖⴰⵔⵉⵏ ⵜⴰⵃⵔⵔⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⴰⵛⴽⵓ, ⵍⵍⵉⵖ ⵜⴳⴰ ⵜⴰⵏⵙⵙⵉⵅⴼⵜ ⵏ ⵜⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⵜⵉⵎⵖⵔⴰⴱⵉⵏ, ⵜⵙⴽⵔ ⵎⵏⵏⴰⵡ ⵏ ⵜⵖⴰⵡⵜⴰ ⵉⵅⴰⵜⴰⵔⵏ ⵅⴼ ⵓⵣⴷⵓⵙ ⵏ ⵓⵙⴷⵖⵔ ⵏ ⵜⵎⵖⴰⵔⵉⵏ ⵜⵉⵎⵖⵔⴰⴱⵉⵏ ⴷ ⵜⵉⵄⵔⴰⴱⵉⵏ ⴷ ⵜⵉⴼⵔⵉⵇⵉⵏ.

ⴳ 2011, ⵜⵉⵡⵉ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵉⵔⵣⴼ « ⵉⵍⵍ ⵓⵎⵍⵉⵍ ⵏ ⵜⵉⵄⵓⵔⵎⴰ » ⵅⴼ ⵜⵉⴳⴰⵡⵜⵉⵏ ⵏⵏⵙ ⴳ ⵓⵙⴰⵜⵉ ⵏ ⵓⵙⴷⵍ ⵏ ⵉⵣⵔⴼⴰⵏ ⵏ ⵉⵄⵔⵔⵉⵎⵏ. ⵉⴹⴼⴰⵕ ⵉⵔⵣⴼ ⴰⴷ ⵡⵉⵏ ⵏ « ⵏⵓⴱⵍ » ⴳ ⵜⵎⵙⴷⴷⵓⵔⵜ ⵏⵏⵙ.

ⴳ 2011 ⴷⴰⵖ, ⵉⴼⴽⴰ ⴰⵏⵎⵀⴰⵍ ⴰⵎⴰⵜⴰⵡ ⵏ « ⵍⵢⵓⵏⵉⵙⴽⵓ », ⵎⴰⵙⵙ ⴽⵓⵢⵛⵉⵔⵓ ⵎⴰⵜⵙⵓⵔⴰ ⵉ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵣⵡⵍ ⵏ ⵢⵎⵙⵇⴰⴷⵜ ⵏ ⵓⴱⵉⵔⵉ ⵉⴼⵓⵍⴽⵉⵏ ⵏ « ⵍⵢⵓⵏⵉⵙⴽⵓ ».

Dernière modification : 24 ⵖⵓⵛⵜ 2016
Source URL: https://www.mapnews.ma/am/activites-princieres/%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%9C%E2%B5%8D%E2%B4%B0%E2%B5%8D%E2%B5%89%E2%B5%9C-%E2%B5%8F-%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B4%B0%E2%B5%8E-%E2%B5%A2%E2%B4%B0%E2%B5%8F-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F-0#comment-0