Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵏⴰⵡ ⵏⵏⵙ ⵉ ⵜⵡⴰⵍⴰ ⵜⵉⵙⵙ 27 ⵏ ⵜⵇⵉⵛⵛⵉⵜ ⵜⴰⵖⵕⴰⴱⵜ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵏⴰⵡ ⵏⵏⵙ ⵉ ⵜⵡⴰⵍⴰ ⵜⵉⵙⵙ 27 ⵏ ⵜⵇⵉⵛⵛⵉⵜ ⵜⴰⵖⵕⴰⴱⵜ

25 ⵢⵓⵍⵢⵓⵣ 2016 Version Imprimable
ⵕⵕⴱⴰⴹ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵙ ⴰⴷ ⵜ ⵉⵏⵚⵕ ⵕⴱⴱⵉ, ⵢⵓⵣⵏ ⵉⵏⴰⵡ ⵢⴰⵜⵜⵓⵢⵏ ⵉ ⵜⵡⴰⵍⴰ ⵜⵉⵙⵙ 27 ⵏ ⵜⵇⵉⵛⵛⵉⵜ ⵜⴰⵖⵕⴰⴱⵜ ⵉⴱⴷⴰⵏ ⴰⵙⵙ ⵏ ⵓⵢⵏⴰⵙ ⴳ ⵏⵡⴰⴽⵛⵓⵟ ⴳ ⵎⵓⵔⵉⵟⴰⵏⵢⴰ.
ⵜⴰⴱⵔⴰⵜ ⴰⴷ ⵉⵖⵔⴰⵜ ⵎⴰⵙⵙ ⵙⴰⵍⴰⵃⴷⴷⵉⵏ ⵎⵣⵡⴰⵔ ⴰⵎⵡⵙⴰⵙ ⵏ ⵜⵖⴰⵡⵙⵉⵙⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ. ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⵉⵏⴰⵡⵜ ⴰⴷ ⵎⴰⵙ ⵉⴳⴰ ⴰⵎⵙⴰⵔⴰⵙ ⴰⵅⴰⵜⴰⵔ ⵍⵍⵉ ⵉⵍⵍⴰⵏ ⴳ ⵎⵏⵉⴷ ⵏ ⵜⵎⵓⵔⵉⵏ ⵜⵉⵄⵕⴰⴱⵉⵏ ⴰⵎⵓⵔⵙ ⵏ ⵉⵎⵏⵖⵉ ⵏ ⵜⴳⵎⵉ ⵙ ⵜⵓⵚⴽⴰ ⵏ ⵜⵉⵥⵥⵉⴹⵕⴰ ⵏⵏⵙⵏⵜ ⴳ ⵓⵙⵉⵊⵊⵉ ⵏ ⵜⵎⵓⴽⵔⵉⵙⵉⵏ ⵏ ⴰⵥⵍⴹ ⴷ ⵓⵎⴰⵢⵡⴰⵙ ⴰⴷⵎⵙⴰⵏ ⴷ ⴰⵏⵙⴱⴰⴱ. ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵅⴼ ⵎⴰⵙ ⴷ ⵉⵇⵇⴰⵏ ⵜⵉⵎⵓⵔⵉⵏ ⵏ ⵡⴰⵄⵕⴰⴱⵏ ⵜⵓⵙⴽⴰ ⵏ ⵜⵎⴷⵔⴰⵡⵉⵏ ⵉⵖⵓⴷⴰⵏ ⴳⵔ ⵉⴳⵎⴰⵎⵏ ⵏ ⵉⵄⵕⴰⴱⵏ ⴰⴼⴰⴷ ⵜⵓⴷⵔⵜ ⵉⴼⵓⵍⴽⵉⵏ ⵉ ⵢⵉⴼⴳⴰⵏ ⵏ ⴳⵜⵎⵉⵣⴰⵔ ⴰⴷ . ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵉⵏⴰⵡ ⵏⵏⵙ ⵓⵍⴰ ⵎⴰⵙ ⴷ ⵉⵇⵇⴰⵏ ⵓⵙⴷⵓⵙ ⵏ ⵏ ⵉⵙⵙⵓⵔⴰ ⴳ ⵉⵎⵍⴰⵍ ⴷ ⵜⴱⴷⴰⴷⵜ. ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵜⵓⵚⴽⴰ ⵏ ⵉⵙⵏⵜⵉⵜⵏ ⵏ ⵜⵉⴳⵎⵉ ⵢⵓⵛⴽⴰⴷ ⴳ ⵢⴰⵏ ⵓⵖⴰⵔⴰⵙ ⵏ ⵜⵓⵛⵛⵔⴽⴰ ⴷ ⵓⵎⵙⴰⵡⴰⵍ ⵙⵍⴰⵡⵏ ⴰⴽⴽⵯ ⴷ ⵢⵉⴳⵔ ⵓⵙⵍⵉⴳ, ⵍⵍⵉ ⵉⵣⴹⴰⵕⵏ ⴰⴷ ⵉⵙⵎⵓⵔⵙ ⵎⴰⵢⴰⴷ, ⴷ ⵍⵍⵉ ⵔⴰⴷ ⵢⴰⵡⵢ ⵉⵙⵙⴰⵔⵓⵜⵏ ⴳ ⵎⴰⵢⴳⴰⵜ ⵜⵉⵎⵉⵣⴰⵕ ⵏ ⵓⵎⴰⴹⵍⴰⵏ ⴰⵄⵕⴰⴱ. 

ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⴰⵔ ⵉⵙⵙⵓⵜⵓⵔ ⴰⴷ ⵜⵉⵍⵉ ⵜⵡⵉⵣⵉ ⴳⵔ ⵜⵎⵉⵣⴰⵔ ⴰⴷ, ⵃⵎⴰ ⴰⴷ ⵜⵉⵍⵉ ⵜⵓⴷⵔⵜ ⵉⵖⵓⴷⴰⵏ ⵉ ⵜⵙⵓⵜⴰ ⵏ ⵉⵎⴰⵍ, ⴰⴼⵉⵏ ⵉⵙⵙⴰⵔⵓⵜⵏ ⵉⵣⴷⴷⵉⴳⵏ ⴳ ⵢⵉⴳⵔ ⵏ ⵜⴷⵎⵙⴰ ⴷ ⵜⵙⴱⴱⴰⴱⵜ ⴷ ⵜⵉⵇⵏⵉⵢⵜ ⴷ ⵜⴷⵍⵙⴰ ⴷ ⵢⵉⴳⵔⴰⵏ ⵢⴰⴹⵏⵉ, ⵍⵍⵉ ⵜⵙⴽⵔ ⵜⵙⴷⴰⵡⵉⵜ ⵏ ⵜⵎⵉⵣⴰⵔ ⵏ ⵡⴰⵄⵕⴰⴱⵏ, ⵃⵎⴰ ⴰⴷ ⵜⵅⵉⵜⵔ ⵜⵎⵔⵙⴰⵍⵜ ⴰⴷ ⴳ ⵜⴰⵍⵍⵉⵏ ⵏ ⵓⴳⴷⵓⴷ.

Dernière modification : 25 ⵢⵓⵍⵢⵓⵣ 2016
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B5%8F%E2%B4%B0%E2%B5%A1-%E2%B5%8F%E2%B5%8F%E2%B5%99-%E2%B5%89-%E2%B5%9C%E2%B5%A1%E2%B4%B0%E2%B5%8D%E2%B4%B0-%E2%B5%9C%E2%B5%89%E2%B5%99%E2%B5%99-27-%E2%B5%8F-%E2%B5%9C%E2%B5%87%E2%B5%89%E2%B5%9B%E2%B5%9B%E2%B5%89%E2%B5%9C-%E2%B5%9C%E2%B4%B0%E2%B5%96%E2%B5%95%E2%B4%B0%E2%B4%B1%E2%B5%9C#comment-0