Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⴱⵔⴰⵜ ⵉ ⵜⵙⵎⵓⵏⵉ ⵜⴰⵅⴰⵜⴰⵔⵜ ⵜⵉⵙⵙ 27 ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⴽⵉⴳⴰⵍⵉ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⴱⵔⴰⵜ ⵉ ⵜⵙⵎⵓⵏⵉ ⵜⴰⵅⴰⵜⴰⵔⵜ ⵜⵉⵙⵙ 27 ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⴽⵉⴳⴰⵍⵉ

17 ⵢⵓⵍⵢⵓⵣ 2016 Version Imprimable
ⴽⵉⴳⴰⵍⵉ/ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵙ ⴰⴷ ⵜ ⵉⵏⵚⵕ ⵕⴱⴱⵉ ⵢⴰⵜ ⵜⴱⵔⴰⵜ ⵉ ⵜⵙⵎⵓⵏⵉ ⵜⴰⵅⴰⵜⴰⵔⵜ ⵜⵉⵙⵙ 27 ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⴽⵉⴳⴰⵍⵉ.
ⵜⴰⴱⵔⴰⵜ ⴰⴷ ⵉⴼⴽⴰⵜ ⵎⴰⵙⵙ ⵟⵟⴰⵍⴱⵉ ⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ ⵓⵙⴰⵎⴰⵙ ⵉⵓⵏⵙⵙⵉⵅⴼ ⵏ ⵜⵛⴰⴷ ⵎⴰⵙ ⴷⵔⵉⵙ ⴷⵉⴱⵉ ⴰⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ. ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵜ ⵜⴱⵔⴰⵜ ⴰⴷ ⵎⴰⵜ ⵉⵙⵙⵓⵙⵎ ⵉ ⵜⵡⵊⴰ ⵜⴰⴼⵔⵉⵇⵉⵜ ⵜⴰⵅⴰⵜⴰⵔⵜ. ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵎⴰⵙ ⵢⵓⵣⵏ ⵜⴰⴱⵔⴰⵜ ⴰⴷ ⴰⵛⴽⵓ ⵉⴳⴰ ⵢⵉⵡⵙ ⵏ ⵓⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵍⵍⵉ ⵉⴳⴰⵏ ⵢⴰⵏ ⵯ ⵉⵏⵎⵖⵓⵔⵏ ⵏ ⵉⴼⵔⵉⵇⵢⴰ ⵍⵍⵉ ⵉⵣⵡⴰⵔⵏ ⵉⵜⵙⵎⵓⵏⵉ ⵏ 1961 ⵍⵍⵉⵖ ⵜⴱⴷⴰ ⵉⴼⵔⵉⵇⴰⵢ ⵏ ⵜⴷⵔⴼⵉ . ⵉⵙⴽⵜⵉⴷ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵎⴰⵙ ⵢⵓⵣⵏ ⵜⴰⴱⵔⴰⵜ ⴰⴷ ⴰⵛⴽⵓ ⵉⴳⴰ ⵢⵉⵡⵙ ⵏ ⵓⴳⵍⵍⵉⴷ ⵃⴰⵙⴰⵏ ⵡⵉⵙⵙ ⵙⵉ ⵍⵍⵉ ⵉⵙⴽⵔⵏ ⵎⵏⵏⴰⵡⵜ ⵏ ⵜⵖⵡⵙⵉⵡⵉⵏ ⵉⴼⵓⵍⴽⵉⵏ ⵉ ⵉⴼⵔⵉⵇⵢⴰ. ⵢⴰⵣⵏ ⴱⴰⴱ ⵏ ⵡⴰⴷⴷⵓⵔ ⵜⴰⴱⵔⴰⵜ ⴰⴷ ⵓⵍⴰ ⵙ ⵉⵙⵎⵏⵙ ⴰⵛⴽⵓ ⵉⴳⴰ ⴰⴳⵍⵍⵉⴷ ⵏ ⵢⴰⵜ ⵜⵎⵓⵔⵜ ⵏ ⵍⵎⵖⵔⵉⴱ ⵍⵍⵉ ⴷⴰⵔ ⵉⵍⵍⴰ ⵢⴰⵏ ⵓⵎⵣⵔⵓⵢ ⴷ ⵉⴼⵔⵉⵢⴰ. ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵉⴼⴽⴰ ⵍⵎⵖⵔⵉⴱ ⵢⴰⵏ ⵡⴰⵏⴼⴰ ⴰⵅⴰⵜⴰⵔ ⵉ ⵢⵓⵎⵢⴰⵡⴰⵙ ⴷ ⵉⴼⵔⵉⵢⴰ ⵡⴰⵅⵅⴰ ⵉⴼⵖ ⴳ ⵜⵎⵔⵙⵍⵜ ⵏ ⵜⵎⵓⵏⵜ ⵏ ⵉⴼⵔⵉⵇⵢ ⵙⴳ 12 ⵏⵓⵡⴰⵏⴱⵉⵔ 1984. ⵎⵏⵏⴰⵡ ⵉⵙⴳⴳⴰⵙⵏ ⵍⵍⵉ ⵉⵣⵔⵉⵔⵉ ⵜⵜⵔⵏ ⵉⵎⴷⴷⵓⴽⴰⵍ ⵏ ⵍⵎⵖⵔⵉⴱ ⴰⴼⴰⴷ ⴰⴷ ⵉⵖⵓⵍ ⵙ ⵜⵡⵊⴰ ⵜⴰⴼⵔⵉⵇⵉⵜ ⵎⴰⵛ ⵉⵣⵎⵣ ⴰⴷ ⵢⵓⵛⴽⴰⴷ ⵖⵉⵍⴰⴷ. ⵜⴰⵖⵜⴰⵙⵜ ⵏ ⵓⵖⵓⵍ ⵙ ⵜⵡⵊⴰ ⵜⴰⴼⵔⵉⵇⵉⵜ ⵜⵓⵛⴽⴰⴷ ⴷⴼⴼⵉⵔ ⵏ ⵢⴰⵏ ⵓⵙⵡⵉⵏⴳⵍ ⴰⵅⴰⵜⴰⵔ ⵏ ⵉⵎⵙⴽⴰⵔⵏ ⵉⴷⴷⵔⵏ ⴳ ⵜⴳⵍⴷⵉⵜ.
Dernière modification : 17 ⵢⵓⵍⵢⵓⵣ 2016
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B4%B0%E2%B5%9C-%E2%B5%9C%E2%B4%B1%E2%B5%94%E2%B4%B0%E2%B5%9C-%E2%B5%89-%E2%B5%9C%E2%B5%99%E2%B5%8E%E2%B5%93%E2%B5%8F%E2%B5%89-%E2%B5%9C%E2%B4%B0%E2%B5%85%E2%B4%B0%E2%B5%9C%E2%B4%B0%E2%B5%94%E2%B5%9C-%E2%B5%9C%E2%B5%89%E2%B5%99%E2%B5%99-27-%E2%B5%8F-%E2%B5%9C%E2%B4%B0%E2%B5%8E%E2%B5%93%E2%B5%8F%E2%B5%9C-%E2%B5%9C%E2%B4%B0%E2%B4%BC%E2%B5%94%E2%B5%89%E2%B5%87%E2%B5%89%E2%B5%9C-%E2%B5%8D%E2%B5%8D%E2%B5%89#comment-0