ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵜⴰⴼⵓⴳⵍⴰ ⵜⴰⵎⵣⵡⴰⵔⵓⵜ ⵏ ⵓⵥⴰⵡⴰⵏ ⵏ ⵉⵍ ⴰⵏⴰⵎⵎⴰⵙ

09 ⵢⵓⵍⵢⵓⵣ 2016 Version Imprimable

ⵊⵉⵏⵉⴼ/ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴰⵙⵙ ⵏ ⵓⵙⵉⴹⵢⴰⵙ ⵜⴰⴼⵓⴳⵍⴰ ⵜⴰⵎⵣⵡⴰⵔⵓⵜ ⵏ ⵓⵥⴰⵡⴰⵏ ⵏ ⵉⵍ ⴰⵏⴰⵎⵎⴰⵙ ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⵜⴰⴷⴰⵍⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏ ⵜⴳⴰⴷⵉⵔⵜ ⵏ ⵜⵉⵎⵜⵜⴰ ⵉⵎⵓⵏ ⴳ ⵊⵉⵏⵉⴼ.

ⵙ ⵓⵣⵎⵣⵣⵓ ⴰⴷ ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ ⴰⵙⵙ ⵏ ⵢⴰⵜ ⵜⴱⵔⴰⵜ ⵢⴰⵜⵜⵓⵢⵏ ⵙ ⵓⵣⵎⵣⵣⵓ ⵏ ⵜⴼⵓⴳⵍⴰ ⵜⴰⵎⵣⵡⴰⵔⵓⵜ ⵏ ⵓⵥⴰⵡⴰⵏ ⵏ ⵉⵍ ⴰⵏⴰⵎⵎⴰⵙ. ⵜⴰⴱⵔⴰⵜ ⴰⴷ ⵜⵖⵔⴰⵜ ⵍⴰⵍⵍ ⵏ ⵜⴰⵜⵜⵓⵢⵜ ⵜⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴰⵙⵙ ⵏ ⵓⵙⵉⴹⵢⴰⵙ. ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⴰⴷ ⵎⴰⵙ ⴷ ⵉⵇⵇⴰⵏ ⴰⴷ ⵉⴳ ⵉⵍ ⴰⵏⴰⵎⵎⴰⵙ ⵢⴰⵏ ⵓⵙⴰⵢⵙ ⵏ ⵙⵙⵍⴰⵎⵜ ⵜⴰⵙⵓⵍⴰⵏⵜ ⴷ ⵜⴳⵎⵉ ⵉⵛⵛⴰⵔⵏ ⴷ ⵓⵙⴰⵔⵓⴼ ⴷ ⵍⵓⵇⵇⵔ. ⵉⵔⵏⵓ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵜⴱⵔⴰⵜ ⴰⴷ ⵎⴰⵙ ⵉⵙⵙⵓⵙⵎ ⴰⵟⵟⴰⵙ ⵍⵎⵖⵔⵉⴱ ⴰⴷ ⵉⴳ ⵢⴰⵏ ⴳ ⵜⵉⵎⵉⵣⴰⵔ ⵏ ⵉⵍ ⴰⵏⴰⵎⵎⵙ . ⵎⵏⵉⴷ ⵏ ⵜⵎⵓⴽⵔⵉⵙⵉⵏ ⵍⵍⵉ ⵉⵍⵍⴰⵏ ⴳ ⵉⵍ ⴰⵏⴰⵎⵎⴰⵙ ⵉⵍⵍⴰ ⴷⴰ ⵉⵏⴰⵥⵓⵕⵏ ⵢⴰⵏ ⵡⴰⴷⴷⵓⵔ ⵍⵍⵉ ⵉⵜⵜⴰⵡⵙⵏ ⴼ ⵜⵓⴷⵔⵜ ⵏ ⵜⵥⵓⵕⵉ ⴷ ⵉⵎⵢⴰⵙⵙⴰⵏ ⵍⵍⵉ ⵉⵙⵎⵓⵏ ⵜⵉⵎⵉⵣⴰⵔ ⵏ ⵜⵙⴳⴰ ⵢⴰⴷ ⵎⴰⵢⴰⴷ ⴰⴷ ⵉⵙⴽⵜⵉ ⵓⴳⵍⵍⵉⴷ ⴳ ⵜⴱⵔⴰⵜ ⴰⴷ. ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴼⴰⴷ ⴰⴷ ⵉⵜⵜⵓⴼⴽⴰ ⵡⴰⴷⴷⵓⵔ ⵉ ⵉⵏⴰⵥⵓⵕⵏ ⴷ ⵎⵉⵏⴷ ⵍⵍⵉ ⵉⴼⴽⴰⵏ ⴰⵏⴼⴰ ⵉ ⵜⵓⵙⵙⵏⴰ ⴳ ⵜⵎⵉⵣⴰⵔ ⵏ ⵉⵍ ⵉⵏⴰⵎⵎⴰⵙ ⴰⴼⴰⴷ ⴰⴷ ⵜⵜⵓⴼⴰⵏ ⵉⴼⵙⴰⵢⵏ ⵉⵜⵎⵓⴽⵔⵉⵙⵉⵏ ⵍⵍⵉ ⵉⵍⵍⴰⵏ .

Fichier attaché :

lalla_hasna_-_1ere_edition_du_concert_de_la_mediterranee.zip

Dernière modification : 09 ⵢⵓⵍⵢⵓⵣ 2016

Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%9C%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93%E2%B5%9C-%E2%B5%8F-%E2%B5%93%E2%B5%A5%E2%B4%B0%E2%B5%A1%E2%B4%B0%E2%B5%8F-%E2%B5%8F#comment-0