Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴰⵙⵙ ⵏ ⵓⵙⵉⴹⵢⴰⵙ ⴳ ⴹⴹⴰⵕⵍⴱⵉⴹⴰ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵎⵎⵓⵙ ⴳ ⵡⴰⵢⵢⵓⵔ ⵏ ⵕⵎⴹⴰⵏⵙ
  1. Accueil
  2. Activités royales

ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴰⵙⵙ ⵏ ⵓⵙⵉⴹⵢⴰⵙ ⴳ ⴹⴹⴰⵕⵍⴱⵉⴹⴰ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵎⵎⵓⵙ ⴳ ⵡⴰⵢⵢⵓⵔ ⵏ ⵕⵎⴹⴰⵏⵙ

02 ⵢⵓⵍⵢⵓⵣ 2016 Version Imprimable
ⵕⵕⴱⴰⵟ - ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⵓⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴰⵎⴽⴽⵓⵙⵓ ⵏ ⵜⴳⵍⴷⵉⵜ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴰⵙⵙ ⵏ ⵓⵙⵉⴹⵢⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⴹⴹⴰⵕⵍⴱⵉⴹⴰ , ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵎⵎⵓⵙⵜ ⵏ ⵕⵎⴹⴰⵏ.

ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⴰⴷ ⵜⴼⴽⴰⵜ ⵜⵙⵍⵎⴰⴷⵜ ⵄⴰⵣⵉⵣⴰ ⵍⵀⴱⵔⵉ ⵜⴰⵙⵍⵎⴰⴷⵜ ⴳ ⵎⴰⴷ ⵉⵣⵔⵉⵏ ⵖ ⵜⵙⴷⴰⵡⵉⵜ ⵏ ⵔⵉⵜⵛⵎⵓⵏⴷ ⵅⴼ « ⵍⴽⵉⴱⵔ ⴳ ⵜⵉⴼⵔⵉⵉⵏ ⵜⵉⵎⴰⵢⵏⵓⵜⵉⵏ ».

ⴳ ⵓⵙⴰⵜⵉ ⴰⴷ ⵜⵏⵏⴰ ⵜⵙⵍⵎⴰⴷⵜ ⵎⴰⵙ ⵍⴽⵉⴱⵕ ⵉⴳⴰ ⵢⴰⵜ ⵜⵖⴰⵡⵙⴰ ⵉⵅⵛⴰⵏ, ⵍⵍⵉ ⵖ ⵉⴳⴰ ⵍⵎⵓⵏⴽⴰⵕ ⵎⴰⵛⴽⵓ ⵓⵔⵔⴰ ⵢⵜⴰⵊⵊⴰ ⵡⴰⵍⵍⵉ ⵖ ⵉⵍⵍⴰ ⵃⵎⴰ ⴰⴷ ⵉⵙⴱⵖⵕ ⴳ ⵍⴰⵢⴰⵜ ⵏ ⵎⵓⵍⴰⵏⴰ, ⴷ ⵜⵏⵏⴰ ⵎⴰⵙ ⴰⵏⵉⵎⴰⵍ ⴰⵙⵔⵜⴰⵏ ⵏ ⵜⴰⵡⴰⴹⵓⵄ ⵉ ⵕⴱⴱⵉ ⵉⴳⴰⵜ ⴰⴷ ⵓⵔ ⵉⵙⴽⵔ ⵓⴼⴳⴰⵏ ⵜⵉⵖⴰⵡⵙⵉⵡⵉⵏ ⵉⵅⵛⴰⵏⵏ.

ⴷ ⵜⵏⵏⴰ ⵙⵓⵍ ⵎⴰⵙ ⵎⵉⴷⴷⵏ ⵍⵍⵉ ⵖ ⵙⴼⵍⴷⵏ ⵉ ⵎⴰⵢⴰⴷ, ⵣⵓⵏⴷ ⵍⴽⵉⴱⵔ, ⴷⴰ ⵜⵉⵏⵉⵏ ⵎⴰⵙ ⵉⴳⴰ ⵜⴰⵖⴰⵡⵙⴰ ⵏ ⵓⵙⴳⴷ ⴷ ⵓⵔ ⵉⴳⵉ ⵜⴰⵖⴰⵡⵙⴰ ⵏ ⵜⵓⴷⵔⵜ ⴳ ⵜⵉⵣⵉ ⴰⴷ ⵜⴰⵎⵢⵏⵓⵜ, ⴷ ⴰⵔ ⵜⵉⵏⵉⵏ ⵎⴰⵙ ⵓⵔⵔⴰⴷ ⵉⴹⵉⵚ ⵜⵓⴷⵔⵜ ⵜⴰⵙⵔⵜⴰⵏⵜ ⵏ ⵓⴼⴳⴰⵏ.

ⴳ ⵜⵙⴳⴰ ⴰⴷ, ⵜⵏⵏⴰ ⵎⴰⵙ ⵉⵎⵓⵏⵙⵍⵎⵏ ⵍⵍⵉ ⵖ ⴰⵇⵕⴰⵏ ⵍⵓⵇⵕⴰⵏ ⵉⴳⴰⵏ ⴰⵙⴳⵎ ⵏ ⵍⵀⵉⴷⴰⵢⴰ ⵏⵏⵙⵏ, ⵓⵔⵔⴰ ⵜⴰⵏⴰⵢⵏ ⵜⵉⵖⴰⵡⵙⵉⵡⵉⵏ ⵏ ⵜⵓⴷⵔⵜ, ⵣⵓⵏⴷ ⵜⴰⵙⵜⵔⵉⵜ, ⴰⴱⵍⴰ ⵙ ⵓⵔⵎⵎⵓⵙ ⵉⵣⴷⵉⵏ, « ⴰⵢⵏⵏⴰⵖ ⴰⵍⵍⵉⴳ ⵉⵙⴰⵡⵍ ⵕⴱⴱⵉ ⵎⵏⵏⴰⵡ ⵏ ⵜⵡⴰⵍⵜ ⵅⴼ ⵍⴽⵉⴱⵕ ⴳ ⵍⵇⵓⵕⴰⵏ, ⵍⵍⵉ ⵉⴹⵉⵚⵏ ⵜⴰⵙⵔⵜⵉⵜ ».

ⵎⴰⵢⴰⴷ ⴰⵙ ⵉⵅⵚⵚⴰ ⴰⵏⴼⴽ ⵜⴰⵙⵏⵜⴰⵢⵜ ⵏ ⵍⵎⵄⵇⵓⵍ ⴷ ⵚⵚⴰⵃⵜ ⵃⵎⴰ ⴰⵏ ⵔⴰⵔ ⵍⵉⵎⵓⵔ ⵙⵔ ⴰⴹⵖⴰⵔ ⵏⵏⵙⵏⵜ, ⴷ ⵓⵙⴰⵙⵜⵍ ⵙⵔ ⵜⵣⵔⴼⵜ ⵃⵎⴰ ⴰⵏⵙⴱⵉⴷ ⵍⴽⵉⴱⵔ ⵏ ⵓⵖⵓⵍ ⵙ ⵍⵇⵓⵔⴰⵏ.

ⴳ ⵜⵉⵢⵉⵔⴰ ⵏ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵎⵎⵓⵙ ⵉⵣⵣⵓⵍ ⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ ⵓⵙⵍⵎⴰⴷ ⵇⴰⵢⵙ ⴱⵏⵏ ⵎⵓⵃⵎⵎⴷ ⴱⵏⵏ ⵄⴱⴷ ⵍⵟⵉⴼ ⴰⵍ ⵎⵓⴱⴰⵔⴰⴽ ⵜⵎⵉⵎⵉ, ⴰⴳⵎⴰⵎ ⵏ ⵓⵏⴳⵎⴰⵎ ⵏ ⵍⵄⵓⵍⴰⵎⴰ ⵉⵅⴰⵜⴰⵔⵏ ⵏ ⵙⵙⴰⵄⵓⴷⵢⴰ, ⴷ ⵓⵙⵍⵎⴰⴷ ⵊⴰⵍⴰⵍ ⴷⴷⵉⵏ ⵄⵍⵍⵓⵛ, ⴰⵙⵍⵎⴰⴷ ⵏ ⵓⵙⵍⵎⴷ ⴰⵎⴰⵜⴰⵢ ⴳ ⵜⵙⴷⴰⵡⵉⵜ ⵏ ⵣⵣⵉⵜⵓⵏⴰ ⴳ ⵜⵓⵏⵙ, ⴷ ⵓⵙⵍⵎⴰⴷ ⵅⴰⵍⵉⴷ ⵎⴷⴽⵓⵕ ⵄⴰⴱⴷ ⵍⵍⴰⵀ ⵍⵎⴷⴽⵓⵕ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵓⵎⵛⴰⵡⴰⵕ ⵜⴰⵎⴰⵜⴰⵢⵜ ⵏ ⵜⵉⵙⵏⵙⵉ ⵏ ⵛⴰⵔⵉⵄⴰ ⴳ ⵍⴽⵡⵉⵜ, ⴷ ⵎⴰⵙⵙ ⵄⴰⴱⴷ ⵍⵄⵣⵉⵣ ⴱⵏⵏ ⵚⴰⵍⵃ ⵍⵄⵓⴹⵉ, ⴰⵎⵛⵉⵡⵕ ⴳ ⵓⵙⵉⵔⴰ ⵏ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⵓⵙⴳⴷ ⴳ ⵙⴰⵍⵟⴰⵏⴰ ⵏ ⵄⵎⵎⴰⵏ, ⴷ ⵎⴰⵙⵙ ⵎⵓⵃⵎⵎⴷ ⵍⵃⴰⴼⵉⴹ ⵡⵍⴷ ⵙⵙⴰⵍⴽ, ⵍⵄⴰⵍⵉⵎ ⴷ ⵓⵎⴷⵢⴰⵣ ⵙⴳ ⵜⴰⵡⵊⴰ ⵏ ⵉⵄⴰⵍⴰⵡⵉⵢⵏ ⴳ ⵎⵓⵔⵉⵟⵏⵢⴰ.

ⴷ ⵉⵣⵣⵓⵍ ⵅⴼ ⴱⴰⴱ ⵏ ⵡⴰⴷⴷⵓⵔ ⵍⵃⴰⵊⵊ ⵄⴰⴱⴷ ⵍⵍⴰⵀ ⵊⴰⵙⵙⵉ ⵍⵄⴰⵍⵉⵎ ⵙⴳ ⵖⵉⵏⵢⴰ, ⴷ ⵎⴰⵙⵙ ⵎⵓⵃⵎⵎⴷ ⴽⴰⵕⵍⵓ ⵙⴳ ⵍⵄⵓⵍⴰⵎⴰ ⵏ ⵉⴼⴼⵓⵙ ⵏ ⵉⴼⵔⵉⵇⵢⴰ ⴷ ⵓⵙⵍⵎⴷ ⴰⵃⵎⴰⴷ ⵎⵢⴰⵏ ⵜⵀⴰⵏⴰⵡⵉ ⴼⴰⵕⵓⴽⵉ ⵙⴳ ⵍⵄⵓⵍⴰⵎⴰ ⵏ ⴱⴰⴽⵉⵙⵜⴰⵏ ⴷ ⵛⴰⵢⴳⴰⵏ ⵏ ⵉⵡⵔⵉⴽⵏ ⴷ ⵍⵄⵓⵍⴰⵎⴰ ⵢⴰⴹⵏ ⴳ ⵎⴰⵢⴳⴰⵜ ⵜⵉⵎⵉⵣⴰⵔ ⵏ ⴱⵕⵔⴰ. 

Dernière modification : 02 ⵢⵓⵍⵢⵓⵣ 2016
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B5%99%E2%B5%89%E2%B4%B9%E2%B5%A2%E2%B4%B0%E2%B5%99-%E2%B4%B3-%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B5%8E%E2%B5%8E%E2%B5%93%E2%B5%99-%E2%B4%B3#comment-0