ⴰⵔ ⵎⵎⴰⵍⵏ ⵉⵙⵏⵜⵉⵜⵏ ⴰⴷ, ⵉⵔⴰⴷ ⵉⵜⵜⵓⵙⴽⵔ ⵙ ⵡⴰⵜⵉⴳ ⵏ 17 ⵎⵍⵢⵓⵏ ⵏ ⴷⴷⵔⵀⴰⵎ, ⵜⵉⴽⵍⵜ ⵢⴰⴹⵏⵉⵏ, ⴰⵜⵏⵀⵍⵍⵓ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵢⵎⵄⴹⵔⴰⵏ ⴷ ⵓⵏⴽⵛⴰⵎ ⵏⵏⵙⵏ ⴰⵏⴰⵎⵓⵏ ⴷ ⵓⵣⵣⵓⵍⴰⵏ ⴷ ⵓⴼⵔⴰⴳ ⵏ ⵉⵄⵔⵔⵉⵎⵏ ⴳ ⵡⵓⵏⵓⴼ ⴷ ⵓⵛⵓⴹ ⴰⵏⴰⵎⵓⵏ, ⵙⵍⴰⵡⵏ ⴰⴽⴽⵯ ⵡⵉⵍⵍⵉ ⴷ ⵢⵓⵛⴽⴰⵏ ⴳ ⵜⴰⵡⵊⵉⵡⵉⵏ ⵉⵥⵍⴹⵏ.
ⴰⵢⴰⴷ ⵏ ⵉⵙⵉⵏⵜⵉⵜⵏ ⵔⴰⵜⵏ ⵜⵙⴽⵔ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⵡⵉⵣⵉ ⵙ ⵓⵎⵢⴰⵡⴰⵙ ⵏ ⵜⴰⵎⵏⴱⴰⴹⵜ ⵏ ⵟⴰⵏⵊⴰ- ⵜⵉⵟⵡⴰⵏ- ⵍⵃⵓⵙⵉⵎⴰ, ⴷ ⵜⵙⵏⵓⵔⴰⵢⵜ ⵏ ⵓⵙⴷⵓⵢ ⴷ ⵜⵉⴳⵎⵉ ⵏ ⵜⵙⴳⴳⵉⵡⵉⵏ ⵏ ⵉⵥⵍⵎⴹ ⵏ ⵜⴳⵍⴷⵉⵜ.
ⴷ ⵔⴰⴷ ⵢⴰⵡⵙ ⵡⴰⵎⵎⴰⵙ ⵏ ⵓⵙⵎⵓⵜⵜⴳ ⵏ ⵎⵉⴷⴷⵏ ⴳ ⵜⵍⵍⴰ ⵜⵎⴰⴹⵓⵏⵜ ⵏ ⵉⵎⵙⵍⵉ, ⴰⴹⵖⴰⵔ ⴰⵎⵣⵡⴰⵔⵓ ⵉⵥⵍⵉⵏ ⵙ ⵎⵉⴷⴷⵏ ⵉⵥⵍⵉⵏ ⵙ ⵓⵙⵎⵓⵜⵜⴳ ⴷ ⵓⵙⴳⵎⵉ ⵏ ⵎⵉⴷⴷⵏ ⴳ ⵜⵍⵍⴰ ⵜⵎⴰⴹⵓⵏⵜ ⵏ ⵉⵎⵙⵍⵉ ⴳ ⵍⵎⵖⵔⵉⴱ, ⵍⵍⵉ ⵔⴰ ⴷ ⵉⵜⵜⵓⵙⴽⵔ ⴳ ⵉⵖⵕⵎ ⵏ ⴱⵏⵉ ⵎⴰⴽⴰⴷⴰ, ⵢⴰⵏ ⵓⴹⵖⴰⵕ ⵏ ⵓⵙⵏⵓⴱⴳ ⵍⵍⵉ ⵔⴰⵜⵏ ⵉⵙⴷⵓⵢ ⵃⵎⴰ ⴷ ⴽⵛⵎⴰⵏ ⴳ ⵓⵙⵡⵉⵔ ⴰⵏⴰⵎⵓⵏ-ⴰⵣⵣⵓⵍⴰⵏ.
ⴳ ⵜⵙⴳⴰ ⵢⴰⴹⵏ, ⵔⴰⴷ ⵢⴰⵡⵙ ⴳ ⵜⵉⵖⵔⵉ ⴷ ⵓⵙⴳⵎⵉ ⵏ ⵎⵉⴷⵏ ⴷⴰⵔ ⵓⵜⵍⵍⵉ 18 ⵏ ⵓⵙⴳⴳⴰⵙ, ⴷ ⵓⵙⵎⵓⵜⵜⴳ ⵏ ⵉⵄⵔⵔⵉⵎⵏ ⴳ ⵜⵣⵣⵓⵍⴰⵏ ⵍⵍⵉ ⵔⴰⵜ ⵏ ⵢⴰⵡⵙ ⵎⵔⴰ ⴷ ⵙⵡⵓⵔⵏ.
ⴰⵎⵎⴰⵙ ⴰⴷ ⵉⵜⵜⵓⵙⴽⴰ ⴳ 2823 ⵎⵉⵜⵔ ⴽⴰⵔⵉ ⵉⵍⵍⴰ ⴳⵉⵙ ⵓⴹⵖⴰⵕ ⵏ ⵓⵙⵓⵊⵊⵉ ⵏ ⵉⵎⵙⵍⵉ, ⴷ ⵓⵙⵖⵓⴷⵓ ⵏ ⵡⴰⵡⴰⵍ, ⴷ ⵓⵙⵓⵊⵊⵉ ⵙ ⵓⵥⴰⵡⴰⵏ. ⴷ ⵉⵍⵍⴰ ⴳⵉⵙ ⵙⵓⵍ ⵢⴰⵏ ⵓⴹⵖⴰⵔ ⴰⴱⵉⴷⴰⵖⵓⵊⵉ ⵏ ⵓⵙⵍⵎⴷ , ⴷ ⵢⴰⵏ ⵢⴰⴷⵏ ⵏ ⵓⵙⵎⵓⵜⵜⴳⵏ ⴷ ⵢⴰⵏ ⵏ ⵜⵎⵙⵙⵓⴳⵓⵔⵜ.
ⴷ ⵔⴰⴷ ⵢⴰⵡⵙ ⴳ ⵜⵏⴽⵔⴰ ⵙ ⵜⵉⵎⵙⵓⵜⴰⵍ ⵏ ⵏ ⵜⵓⴷⵔⵜ ⴳ ⵎⴰⴷ ⵉⵥⵍⵉⵏ ⵙ ⵜⵎⵙⵙⵉⵔⴷⵉⵏ ⵏ ⴰⵙⵉⴷⵍⴼ ⴷ ⵓⵙⴳⵎⵉ ⵏ ⵜⵡⵓⵔⵉⵡⵉⵏ ⵍⵍⵉ ⴷ ⵢⴰⴽⴽⴰⵏ ⵉⴷⵔⵉⵎⵏ ⴷ ⵜⴳⵎⵉ ⵏ ⵉⵎⵓⵙⵙⵓⵜⵏ ⵏ ⵜⵉⵏⵎⵍ ⵍⵍⵉⵖ ⵔⴰⴷ ⴰⵎⵥⵏ ⵉⵔⴱⴰⵜⵏ ⵉⴱⵖⵓⵔⵏ.
ⴷ ⵔⴰⴷ ⵉⵜⵜⵓⵙⴽⵔ ⵡⴰⵎⵎⴰⵙ ⴰⴷ ⵙ ⵡⴰⵜⵉⴳ ⵏ 12 ⵎⵍⵢⵓⵏ ⵏ ⴷⴷⵔⵀⴰⵎ ⴳ ⵜⵉⵣⵉ ⵏ 24 ⵏ ⵡⴰⵢⵢⵓⵔ, ⵍⵍⵉ ⵔⴰⴷ ⵜⵙⵡⵓⴷⴷⵓ ⴳ ⵓⵙⴰⵜⵉ ⵏ ⵜⵓⵛⵛⵔⴽⴰ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⵎⵓⵔ, ⴷ ⵜⵎⴰⵡⴰⵙⵜ ⵏ ⵜⴷⵓⵙⵉ, ⴷ ⵓⵙⵉⵔⴰ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⴷⵓⵢ ⵏ ⵜⵡⵓⵔⵉ ⴷ ⵜⵎⵙⵎⵓⵏⵉⵏ ⵢⴰⴹⵏ.
ⵉⴽⵛⵎ ⵡⴰⵎⵎⴰⵙ ⴰⴷ ⴳ ⵢⵉⴳⵔ ⵏ ⵓⵖⴰⵡⴰⵙ ⵏ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴰⴼⴰⴷ ⴷ ⵢⵉⵍⵉ ⵢⴰⵏ ⵓⵙⵉⴷⴼ ⵏ ⵉⵄⵔⵔⵉⵎⵏ.
ⵉⴷ ⴰⵙⵏⵜⵉ ⵡⵉⵙⵙ ⵙⵉⵏ ⵍⵍⵉ ⵎⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ ⵍⴱⴷⵓ ⵏ ⵜⵡⵓⵔⵉ, ⵉⵥⵍⵉ ⵙ ⵜⵓⵚⴽⴰ ⵏ ⵡⴰⵎⵎⴰⵙ ⵏ ⵓⵙⵓⵊⵊⵉ ⵏ ⵓⵏⴳⴰⴹ, ⵉⴳⴰⵏ ⴰⵙⵏⵜⵉ ⵡⵉⵙⵙ ⴽⵕⴰⴹ ⵍⵍⵉ ⵜⵙⴽⵔ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⵡⵉⵣⵉ ⴳ ⵜⵎⴷⵉⵏⵜ ⵏ ⵟⴰⵏⵊⴰ.
ⴷ ⵔⴰⴷ ⵢⴰⵡⵙ ⵡⴰⵎⵎⴰⵙ ⵏ ⵓⵙⵓⵊⵊⵉ ⵏ ⵓⵏⴳⴰⴹ ⵙ ⵡⴰⵜⵉⴳ ⵏ 5 ⴷ ⵍⵎⵍⵢⵓⵏ ⵏ ⴷⴷⵔⵀⴰⵎ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵙⴱⵉⴷ ⵏ ⵓⵏⴳⴰⴹ ⵍⵍⵉ ⵜⵙⴽⵔ, ⵙ ⵜⴰⵔⴰⵜⵉⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵜⴰⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⵡⵉⵣⵉ ⵙ ⵜⵓⵛⵔⴽⴰ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵜⵉⵏ ⵓⴳⵏⵙⵓ.