Published on MAPNews (https://www.mapnews.ma/am)

Accueil > ⴰⵙⵏⵓⴱⴳ ⴰⵎⴰⴷⴷⵓⴷ ⴳ ⴹⴹⴰⵕⵍⴱⵉⴹⴰ ⵙ ⵓⴱⵓⵔⵣ ⵏ ⵓⵏⵙⵙⵉⵅⴼ ⴱⵕⵟⵇⵇⵉⵣ
  1. Accueil
  2. Activités royales

ⴰⵙⵏⵓⴱⴳ ⴰⵎⴰⴷⴷⵓⴷ ⴳ ⴹⴹⴰⵕⵍⴱⵉⴹⴰ ⵙ ⵓⴱⵓⵔⵣ ⵏ ⵓⵏⵙⵙⵉⵅⴼ ⴱⵕⵟⵇⵇⵉⵣ

27 ⵢⵓⵏⵢⵓ 2016 Version Imprimable
ⴹⴹⴰⵕⵍⴱⵉⴹⴰ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵜⴰⵍⴳⴳⴰⵜ ⵏ ⵡⴰⵙⵙ ⵏ ⵓⵢⵏⴰⵙ ⴳ ⵓⵙⴰⵔⴰⴳ ⵏ ⵍⵎⵉⵛⵡⴰⵕ ⵏ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⴹⴹⴰⵕⵍⴱⵉⴹⴰ, ⵜⴰⴼⵓⴳⵍⴰ ⵏ ⵓⵙⵏⵓⴱⴳ ⴰⵎⴰⴷⴷⵓⴷ ⵙ ⵓⴱⵓⵔⵣ ⵏ ⵓⵏⵙⵙⵉⵅⴼ ⵏ ⴱⵕⵟⵇⵇⵉⵣ ⵎⴰⵙⵙ ⵎⴰⵕⵙⵉⵍⵢⵓ ⴷⵡⴰⵔⵜⵉ ⵔⵉⴱⵉⵍⵢⵓ ⴷⵉ ⵙⵓⵣⴰ.

ⵍⵍⵉⵖ ⵉⵍⴽⴰⵎ ⴰⵙⴰⵔⴰⴳ ⵏ ⵍⵎⵉⵛⵡⴰⵕ, ⵢⵓⴼⴰⵏ ⵓⵏⵙⵙⵉⵅⴼ ⵏ ⵕⵓⵡⴰⵏⴷⴰ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ.

ⴷⴼⴼⵉⵔ ⵎⴰⵢⴰⴷ ⵉⴼⵜⴰ ⵎⴰⵙⵙ ⵎⴰⵕⵙⵉⵍⵢⵓ ⴷⵡⴰⵔⵜⵉ ⵔⵉⴱⵉⵍⵢⵓ ⴷⵉ ⵙⵓⵣⴰ ⵙⵔ ⵜⴰⴷⴽⴽⵯⴰⵏⵜ ⵜⴰⵎⴰⴷⴷⵓⴷⵜ ⵃⵎⴰ ⴷ ⵉⵣⵣⵓⵍ ⵅⴼ ⵓⵛⵏⵢⴰⵍ ⵙ ⵉⵣⵍⵉ ⴰⵏⴰⵎⵓⵔ ⵏ ⵙⵏⴰⵜ ⵜⵎⵉⵣⴰⵔ.

ⵙ ⵓⵣⵎⵣⵣⵓ ⵏ ⵓⵙⵏⵓⴱⴳ ⵏⵏⵙⵏ, ⵉⵣⵣⵓⵍ ⵅⴼ ⵎⴰⵙⵙ ⵎⴰⵕⵙⵉⵍⵢⵓ ⴷⵡⴰⵔⵜⵉ ⵔⵉⴱⵉⵍⵢⵓ ⴷⵉ ⵙⵓⵣⴰ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⴰⵔⵉⵜⵏ ⴷ ⵓⵙⵇⵇⵉⵎ ⵏ ⵉⵎⵛⴰⵡⵔⵏ, ⴷ ⵉⵎⵛⴰⵡⵔⵏ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ.

ⴷ ⵉⵣⵣⵓⵍ ⵙⵓⵍ ⵅⴼ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴱⵕⵟⵇⵇⵉⵣ ⵓⵏⵙⵙⵉⵅⴼ ⴰⵎⵣⵡⴰⵔⵓ ⵏ ⵜⵙⵏⴱⴹⴰⵢⵜ ⵜⴰⵅⴰⵜⵔⴰⵜ ⴷ ⵍⵡⴰⴽⵉ ⴰⵎⴰⵜⴰⵢ ⵏ ⵓⴳⵍⵍⵉⴷ ⴷⴰⵔ ⵜⵙⵏⴱⴹⴰⵢⵜ ⴰⴷ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⴷⵙⵜⴰⵔ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵓⵎⵉⴹⴰⵏ, ⴷ ⵉⵏⵙⵙⵉⵅⴼ ⵏ ⵉⵙⵇⵇⵓⵎⵏ ⴰⴷⵙⵜⴰⵔ, ⴷ ⵓⵏⵎⵀⴰⵍ ⵏ ⵜⴰⵏⴼⵍⵓⵙⵜ ⵜⵓⵙⵍⵉⴳⵜ ⵏ ⴱⴰⴱ ⵏ ⵡⴰⴷⴷⵓⵔ, ⴷ ⵍⵃⴰⵊⵉⴱ ⴰⴳⵍⴷⴰⵏ, ⴷ ⵓⵎⵙⵉⵡⵍ ⵙ ⵢⵉⵙⵎ ⵏ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ, ⴷ ⵓⵎⴰⵔⴰ ⵏ ⵓⵎⵣⵔⵓⵢ ⵏ ⵜⴳⵍⴷⵉⵜ, ⴷ ⵓⵏⵎⵀⴰⵍ ⵏ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ, ⴷ ⵉⵡⵔⵉⴽⵏ ⵉⵜⵜⵓⵙⵎⴰⴳⵍⵏ ⵙ ⵜⵎⵙⴽⵉⵔⵜ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ.

ⴳ ⵓⵙⴰⵜⵉ ⵏ ⴰⵙⵏⵓⴱⴳ ⴰⵎⴰⴷⴷⵓⴷ ⴳ ⴹⴹⴰⵕⵍⴱⵉⴹⴰ ⵙ ⵓⴱⵓⵔⵣ ⵏ ⵓⵏⵙⵙⵉⵅⴼ ⵏ ⴱⵔⵟⵇⵇⵉⵣ ⵎⴰⵙⵙ ⵎⴰⵕⵙⵉⵍⵢⵓ ⴷⵡⴰⵔⵜⵉ ⵔⵉⴱⵉⵍⵢⵓ ⴷⵉ ⵙⵓⵣⴰ, ⵉⵣⵣⵓⵍ ⵙⵓⵍ ⴼⵍⵍⴰⵙ ⵛⴰⵢⴳⴰⵏ ⵏ ⵉⵡⵔⵉⴽⵏ ⵉⵎⵖⵔⴰⴱⵉⵢⵏ ⴷⴰⵔ ⵉⵍⵍⴰ ⵡⴰⴷⴷⵓⵔ ⴰⵎⵇⵔⴰⵏ.

ⴳ ⵜⵙⴳⴰ ⵢⴰⴹⵏ, ⵉⵣⵣⵓⵍ ⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵓⴽⴰⴱⴰⵔ ⴷ ⵉⵎⴰⵏ ⴷ ⵓⵏⵙⵙⵉⵅⴼ ⵏ ⴱⵔⵟⵇⵇⵉⵣ ⴳ ⵍⵍⴰⵏ ⵎⵏⵏⴰⵡ ⵏ ⵉⵡⵔⵉⴽⵏ ⴷⴰⵔ ⵉⵍⵍⴰ ⵡⴰⴷⴷⵓⵔ ⴰⵅⴰⵜⴰⵔ ⴳ ⵜⵎⴰⵣⵉⵔⵜ ⴰⴷ.

ⴰⵔ ⵉⵎⵎⴰⵍ ⵓⵔⵣⴰⴼ ⴰⴷ ⵉⵙⴽⵔ ⵎⴰⵙⵙ ⵎⴰⵕⵙⵉⵍⵢⵓ ⴷⵡⴰⵔⵜⵉ ⵔⵉⴱⵉⵍⵢⵓ ⴷⵉ ⵙⵓⵣⴰ, ⵉⵎⵢⴰⵙⵙⴰⵏ ⵉⵅⴰⵜⴰⵔⵏ ⵍⵍⵉ ⵉⵍⵍⴰⵏ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵍⴱⵕⵟⵇⵇⵉⵣ .

Dernière modification : 27 ⵢⵓⵏⵢⵓ 2016
Source URL: https://www.mapnews.ma/am/activites-royales/%E2%B4%B0%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7-%E2%B4%B3-%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0-%E2%B5%99-%E2%B5%93%E2%B4%B1%E2%B5%93%E2%B5%94%E2%B5%A3-%E2%B5%8F-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B5%95%E2%B5%9F%E2%B5%87%E2%B5%87%E2%B5%89%E2%B5%A3#comment-0