Published on MAPNews (https://www.mapnews.ma/am)

Accueil > ⵍⵎⵓⵃⵎⵎⴰⴷⵢⴰ.. ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵕⵥⵎ ⴰⵎⵎⴰⵙ ⵏ ⵓⴽⴰⵣ ⴷ ⵓⵙⵓⵊⵊⵉ ⵏ ⵜⵎⵓⴹⵉⵏⵉⵏ ⵉⵀⵔⵛⴰⵏ
  1. Accueil
  2. Activités royales

ⵍⵎⵓⵃⵎⵎⴰⴷⵢⴰ.. ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵕⵥⵎ ⴰⵎⵎⴰⵙ ⵏ ⵓⴽⴰⵣ ⴷ ⵓⵙⵓⵊⵊⵉ ⵏ ⵜⵎⵓⴹⵉⵏⵉⵏ ⵉⵀⵔⵛⴰⵏ

22 ⵢⵓⵏⵢⵓ 2016 Version Imprimable
ⵍⵎⵓⵃⵎⵎⴰⴷⵢⴰ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ ⴳ ⵉⵖⵕⵎ ⵏ « ⵡⴰⴷ ⵍⵎⴰⵅⴰⵣⵉⵏ » ⴳ ⵍⵎⵓⵃⵎⵎⴰⴷⵢⴰ, ⴰⵕⵥⵥⵓⵎ ⵏ ⴰⵎⵎⴰⵙ ⵏ ⵓⴽⴰⵣ ⴷ ⵓⵙⵓⵊⵊⵉ ⵏ ⵜⵎⵓⴹⵉⵏⵉⵏ ⵉⵀⵔⵛⴰⵏ ⵉⴳⴰⵏ ⴰⵖⴰⵡⴰⵙ ⵏ ⵜⵡⵉⵣⵉ ⵎⵉ ⵢⴳⴰ ⵓⵡⵜⵜⴰⵙ ⵏⵏⵙ ⴰⵙⴷⵓⵙ ⵏ ⵓⴼⵙⴰⵔ ⴰⴷⵓⵙⴰⵏ ⴳ ⵓⵙⵡⵉⵔ ⵏ ⵜⵎⴷⵉⵏⵜ ⴰⴷ.

ⵢⵓⵛⴽⴰⴷ ⵓⵖⴰⵡⴰⵙ ⴰⴷ ⵜⵙⴽⵕ ⵜⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵙ ⵡⴰⵜⵉⴳ ⵏ 6 ⴷ ⵍⵎⵍⵢⵓⵏ ⴷⵔⵀⴰⵎ, ⴳ ⵜⵓⴳⴳⴰⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵃⵎⴰ ⴷ ⵉⵙⴱⵖⵔ ⵓⴳⴷⵓⴷ, ⵙⵍⴰⵡⵏ ⴰⴽⴽⵯ, ⵍⵎⵙⴰⴽⵏ, ⴳ ⵜⵏⴰⴼⵓⵜⵉⵏ ⵏ ⵓⵙⵓⵊⵊⵉ.

ⴷ ⵢⵓⵛⴽⴰⴷ ⵙⵓⵍ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ, ⵎⵉ ⵢⴳⴰ ⵓⵡⵜⵜⴰⵙ ⵏⵏⵙ ⴰⵙⵏⴰⵍ ⵏ ⵢⵉⴳⵔ ⴰⴷⵓⵙⴰⵏ ⴰⵏⴰⵎⵓⵔ, ⵙ ⵓⵙⴷⵓⵙ ⵏ ⵓⴼⵙⴰⵔ ⴰⴷⵓⵙⴰⵏ ⴳ ⵜⵍⵍⴰ ⵜⴰⵎⵢⴰⴷⴰⵙⵜ ⵜⴰⵏⴰⵎⵓⵏⵜ.

ⴷ ⵔⴰⴷ ⵢⵉⵍⵉ ⴳ ⵡⴰⵎⵎⴰⵙ ⵏ ⵓⴽⴰⵣ ⴷ ⵓⵙⵓⵊⵊⵉ ⵏ ⵜⵎⵓⴹⵉⵏⵉⵏ ⵉⵀⵔⵛⴰⵏ, ⵉⵍⵍⴰⵏ ⴳ ⵓⵙⵡⵉⵔ ⵡⵉⵙⵙ ⵙⵉⵏ, ⵍⵍⵉ ⵎⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⴱⴷⵓ ⵏ ⵜⵡⵓⵔⵉ ⵏⵏⵙ ⴳ ⵡⴰⵙⵙ ⵏ 6 ⵢⵓⵍⵢⵓⵣ 2015, ⵢⴰⵏ ⵓⴹⵖⴰⵕ ⵏ ⵓⵟⵏⵀⵍⵓ ⴰⴳⵜⵉⵥⵍⵉ ⵏ ⵉⵎⴰⴹⵓⵏ ⵎⵉ ⵉⵜⵜⵓⵙⴽⴰⵔ ⵡⴰⴽⴰⵣ ⵉ ⵡⴰⴷⴷⴰⴷ ⵏⵏⵙⵏ ⴳ ⵡⴰⵎⵎⴰⵙ ⴰⴷⵓⵙⴰⵏ ⵏ ⵓⵙⵡⵉⵔ ⴰⵎⵣⵡⴰⵔⵓ.

ⴷ ⵉⵍⵍⴰ ⴳ ⵡⴰⵎⵎⴰⵙ ⴰⴷ ⵉⵜⵜⵓⵙⴽⵔⵏ ⴳ ⵢⴰⵏ ⵓⴹⵖⴰⵔ ⵏ ⵓⵙⴰⵢⵔⴰⵔ ⵏ 1400 ⵎⵉⵜⵔ ⴽⴰⵔⵉ, ⴰⵎⵙⵓⵊⵊⵉ ⵏ ⵡⴰⵣⴰⵍ, ⴷ ⵜⴰⴷⴰⵍⴰ ⵏ ⵓⵙⴰⵙⴼⵔ ⵏ ⵜⴰⵙⵏⵉⵊⵊⵉⵜ ⵜⴰⵎⴰⵜⴰⵢⵜ ⴷ ⵜⴰⵙⵏⵉⵊⵊⵉⵜ ⵏ ⵜⵓⵏⵏⵓⵏⵜ, ⴷ ⵜⴰⵙⵏⵉⵊⵊⵉⵜ ⵏ ⵍⵇⴰⵍⴱ ⴷ ⵉⵣⵖⵕⴰⵏ, ⴷ ⵜⴰⵙⵏⵉⵊⵊⵉⵜ ⵏ ⵜⴰⵍⵍⵉⵏ, ⴷ ⵜⴰⵙⵏⵉⵊⵊⵉⵜ ⵏ ⵜⵖⵎⴰⵙ, ⴷ ⵛⴰⵢⴳⴰⵏ ⵏ ⵜⴰⵥⵍⴰⵢⵉⵏ ⵢⴰⴹⵏ.

ⴰⵎⵎⴰⵙ ⵏ ⵓⴽⴰⵣ ⴷ ⵓⵙⵓⵊⵊⵉ ⵏ ⵜⵎⵓⴹⵉⵏⵉⵏ ⵉⵀⵔⵛⴰⵏ ⵔⴰⵜ ⵜⵙⵡⵓⴷⴷⵓ ⵜⵎⴰⵡⴰⵙⵜ ⵏ ⵜⴷⵓⵙⵉ ⵙ ⵜⵡⵉⵣⵉ ⵏ ⵜⵎⵙⵎⵓⵏⵜ ⵏ ⵜⵎⴰⴹⵓⵏⵜ ⵏ ⵙⴽⴰⵕ ⴷ ⵜⴽⴰⴷⵉⵎⵉⵢⵜ ⵜⴰⵎⵓⵃⵎⵎⴰⴷⵉⵢⵜ.

ⴰⵢⴰⴷ ⵏ ⵓⵖⴰⵡⴰⵙ, ⵏ ⵜⴰⵎⵢⴰⴷⴰⵙⵜ ⵜⴰⵏⴰⵎⵓⵏⵜ, ⵢⵓⵛⴽⴰⴷ ⵃⵎⴰ ⴷ ⵢⴰⵡⵙ ⵉ ⵡⵖⴰⵡⴰⵙ ⴰⵏⴰⵎⵓⵏ- ⵜⴰⵙⵏⵉⵊⵊⵉⵜ ⵏ ⵓⵏⵎⴰⵍⴰ ⴳ ⵜⵙⴳⴰ ⵏ ⴹⴹⵕⵍⴱⵉⴹⴰ -ⵙⵟⵟⴰⵜ (2016-2020) ⵎⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⴱⴷⵓ ⵏⵏⵙ ⴰⵙⵙ ⵏ ⵓⵙⵉⴹⵢⴰⵙ ⵉⵣⵔⵉⵏ.


 

Dernière modification : 22 ⵢⵓⵏⵢⵓ 2016
Source URL: https://www.mapnews.ma/am/activites-royales/%E2%B5%8D%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B0%E2%B4%B7%E2%B5%A2%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B5%95%E2%B5%A5%E2%B5%8E-%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%93%E2%B4%BD%E2%B4%B0%E2%B5%A3-%E2%B4%B7-%E2%B5%93%E2%B5%99%E2%B5%93%E2%B5%8A%E2%B5%8A%E2%B5%89-%E2%B5%8F-%E2%B5%9C%E2%B5%8E%E2%B5%93%E2%B4%B9%E2%B5%89%E2%B5%8F%E2%B5%89%E2%B5%8F-%E2%B5%89%E2%B5%80%E2%B5%94%E2%B5%9B%E2%B4%B0%E2%B5%8F#comment-0