ⴷⴰ ⵢⵙⵎⴰⵍ ⵓⵔⵣⴰⴼ ⴰⴷ ⵜⵉⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵃⵟⵟⵓ ⵏ ⴰⵏⴰⵡ ⵜⴰⵎⵙⴷⴰⴳⵜ ⵏ ⵜⵎⴷⵉⵏⵜ ⵜⴰⵇⴱⵓⵔⵜ ⵏ ⴼⴰⵙ, ⴷ ⵓⵙⴷⵓⵙ ⵏ ⵓⵙⴰⴼⵓ ⵏ ⵜⵎⴷⵉⵏⵜ ⴰⴷ, ⵍⵍⵉ ⵜⴳⴰ ⵍⵢⵓⵏⵉⵙⴽⵓ ⴳ 1981 ⴰⵢⴷⴰ ⴰⵎⴰⴹⵍⴰⵏ ⴰⵏⴼⴳⴰⵏ.
ⴷ ⵉⵙⴽⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵔⵣⴰⴼ ⵏⵏⵙ ⵉ ⵜⵉⵍⴳⴳⵉⵜ ⵏ ⵟⵕⴰⴼⵉⵏ ⵍⵍⵉ ⵢⴱⵏⴰ ⵍⴰⵎⵉⵕ ⵣⵏⴰⵜⵉ ⴷⵓⵏⴰⵙ ⴳ ⵜⴰⵙⵓⵜ ⵡⵉⵙⵙ 11, ⴷ ⵓⴳⴰⴷⴰⵣ ⵏ ⵉⴷ ⴱⴰⴱ ⵚⴱⴰⵖⵜ ⵍⵍⵉ ⵉⵜⵜⵓⵙⴽⵕⵏ ⴳ ⵓⵣⵎⵣ ⵏ ⵣⵏⴰⵜⵢⵉⵏ ⴳ ⵜⴰⵙⵓⵜ ⵡⵉⵙⵙ 10, ⴷ ⵜⵉⵏⵎⵍ ⵜⴰⵎⵓⵃⵎⵎⴰⴷⵉⵢⵜ ⵉⵜⵜⵓⵙⴽⵕⵏ ⴳ ⵜⵉⵢⵉⵔⴰ ⵏ ⵜⴰⵙⵓⵜ ⵡⵉⵙⵙ 13 ⴷ ⵉⵙⵖⵓⴷⴰⵜ ⵓⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴳ ⵜⴰⵙⵓⵜ ⵜⵉⵙⵙ 20, ⴷ ⵚⵚⴼⴰⵔⵉⵏ ⴳ ⵜⵉⵏⵎⵍ ⵜⴰⵎⵣⵡⴰⵔⵓⵜ ⴳ ⵓⵣⵎⵣ ⵏ ⵍⵎⴰⵔⵉⵏⵢⵢⵉⵏ ⴳ ⵍⵎⵖⵔⵉⴱ (1276/675), ⴷ ⵍⵎⵚⴱⴰⵃⵢⴰ ⵉⵙⴽⵕ ⵓⴳⵍⵍⵉⴷ ⴰⵎⴰⵔⵉⵏⵉ ⴰⴱⵓ ⵍⵃⴰⵙⴰⵏ ⴳ ⵉⵥⵍⵎⴹ ⵏ ⵜⵎⵣⴳⵉⴷⴰ ⵏ ⵍⵇⴰⵕⴰⵡⵢⵢⵉⵏ ⴳ ⵓⵙⴳⴳⵯⴰⵙ ⵏ 1347.
ⴷ ⵉⵙⴽⵕ ⴱⴰⴱ ⵏ ⵡⴰⴷⴷⵓⵔ ⴰⵔⵣⴰⴼ ⵏⵏⵙ ⵉ ⵜⴰⵍⴱⵔⵊⵜ ⵏ « ⵜⴰⴷⴷⴰⵔⵜ ⵏ ⵍⵎⵓⴰⵇⵇⵉⵜ » ⵉⵜⵜⵓⵚⴽⴰⵏ ⴳ ⵓⵣⵎⵣ ⵏ ⵓⴳⵍⵍⵉⴷ ⴰⵎⴰⵔⵉⵏⵉ ⴰⴱⵓ ⵄⵏⴰⵏ, ⵎⵉ ⵢⴳⴰ ⴰⵡⵜⵜⴰⵙ ⵏⵏⵙ ⴰⴼⵔⴰⴳ ⵏ ⵍⴼⴰⵍⴰⴽ ⵎⵖⴷ ⴰⴷⴷⴰⴷ ⵏ ⵢⵉⴳⵏⵏⴰ, ⴷ ⵜⵙⵏⵓⵔⵔⴰⵢⵜ ⵜⴰⵇⴱⵓⵔⵜ ⵏ ⵍⴱⴰⵏⴽ ⵍⵎⵖⵔⵉⴱ.
ⴷ ⵉⵙⴽⵕ ⴱⴰⴱ ⵏ ⵡⴰⴷⴷⵓⵔ ⴰⵔⵣⴰⴼ ⵉⵢⴹⵖⴰⵕⵏ ⵉⵇⴱⵓⵕⵏ ⵉⵍⵍⴰⵏ ⴳ ⵜⵎⴷⵉⵏⵜ ⵏ ⴼⴰⵙ ⵣⵓⵏⴷ ⴰⵙⵏⵙⵓ ⵏ ⵍⵇⵟⴰⵏⵢⵉⵏ ⵉⵜⵜⵓⵙⴽⵔⵏ ⴳ ⵜⴰⵙⵓⵜ ⵜⵉⵙⵙ 19 ⴳ ⵓⵣⵎⵣ ⵏ ⵓⴳⵍⵍⵉⴷ ⵎⵓⵍⴰⵢ ⵍⵃⴰⵙⵙⴰⵏ ⴰⵎⵣⵡⴰⵔⵓ, ⴷ ⵍⵃⵎⵎⴰⵎ ⵏ ⴱⵏⵓ ⵄⴱⴱⴰⴷ ⴳ ⵜⴰⵙⵓⵜ ⵜⵉⵙⵙ 14, ⴷ ⵜⴰⴷⴷⴰⵔⵜ ⵏ ⵍⴰⵣⵕⴰⵇ ⵉⵜⵜⵓⵙⴽⵔⵏ ⴳ ⵜⴰⵙⵓⵜ ⵜⵉⵙⵙ 15, ⴷ ⵜⵉⵍⴳⴳⵉⵜ ⵏ ⵍⵅⵕⴰⵛⴼⵉⵏ ⴳ ⵜⴰⵙⵓⵜ ⵜⵉⵙⵙ 11, ⴷ ⵜⴰⵍⴱⵔⵊⵉⵏ ⵏ ⴱⵓⵏⴰⴼⵄ ⴷ ⴱⵓⵟⴱⵉⵍ ⵍⵍⵉ ⵙⴽⵕⵏ ⵉⵙⵄⴷⵉⵢⵉⵢⵏ ⴳ ⵜⴰⵙⵓⵜ ⵜⵉⵙⵙ 16.
ⴷ ⵢⵓⵛⴽⴰⴷ ⵓⵙⴰⵏⵜⵉ ⵏ ⵓⵙⵖⵓⴷⵓ ⵏ 13 ⵏ ⵓⴹⵖⴰⵔ ⵏ ⵓⵎⵣⵔⵓⵢ ⴳ ⵜⵙⵜⵔⴰⵜⵉⵊⵉⵢⵜ ⵏ ⵓⴼⵔⴰⴳ ⵏ ⵜⵉⵎⴽⵜⵉⵜ ⵜⴰⵎⴳⵔⵓⵜ, ⵉⵉⵜⵜⵓⵙⴽⵔⵏ ⵙ ⵡⴰⵜⵉⴳ ⵏ 92 ⵎⵍⵢⵓⵏ ⴷⵔⵀⴰⵎ, ⴳ ⵓⵙⴰⵜⵉ ⵏ ⵜⵉⵙⵏⵙⵉ ⵏ ⵜⴰⵏⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷⵜ ⵉⵏⵚⵕ ⵕⴱⴱⵉ, ⵎⵉ ⵢⴳⴰ ⵓⵡⵜⵜⴰⵙ ⵏⵏⵙ ⴰⴳⵍⴰ ⵏ ⵓⴷⴳⴰⵔ ⴰⵔⴽⵎⴰⵎ.