Published on MAPNews (https://www.mapnews.ma/am)

Accueil > ⵉⴼⴽⴰ ⵍⴰⵎⵉⵔ ⵏ ⵉⵎⵓⵎⵏⵏ ⵉⵏⴰⵡ ⵢⴰⵜⵜⵓⵢⵏ ⵙ ⵓⵣⵎⵣⵣⵓ ⵏ ⵜⵏⵙⵙⵉⵅⴼⵜ ⵏⵏⵙ ⵜⴰⴼⵓⴳⵍⴰ ⵏ ⵜⵓⵚⴽⴰ ⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵄⵓⵍⴰⵎⴰ ⵉⴼⵔⵉⵇⴰⵏⵉⵢⵏ
  1. Accueil
  2. Activités royales

ⵉⴼⴽⴰ ⵍⴰⵎⵉⵔ ⵏ ⵉⵎⵓⵎⵏⵏ ⵉⵏⴰⵡ ⵢⴰⵜⵜⵓⵢⵏ ⵙ ⵓⵣⵎⵣⵣⵓ ⵏ ⵜⵏⵙⵙⵉⵅⴼⵜ ⵏⵏⵙ ⵜⴰⴼⵓⴳⵍⴰ ⵏ ⵜⵓⵚⴽⴰ ⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵄⵓⵍⴰⵎⴰ ⵉⴼⵔⵉⵇⴰⵏⵉⵢⵏ

14 ⵢⵓⵏⵢⵓ 2016 Version Imprimable
ⴼⴰⵙ - ⵉⴼⴽⴰ ⵍⴰⵎⵉⵔ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⵢⴰⵏ ⵉⵏⴰⵡ ⵢⴰⵜⵜⵓⵢⵏ ⵙ ⵓⵣⵎⵣⵣⵓ ⵏ ⵜⵏⵙⵙⵉⵅⴼⵜ ⵏⵏⵙ, ⴰⵙⵙ ⵏ ⵓⵙⵉⵏⴰⵙ, ⵜⴰⴼⵓⴳⵍⴰ ⵏ ⵜⵓⵚⴽⴰ ⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵄⵓⵍⴰⵎⴰ ⵉⴼⵔⵉⵇⴰⵏⵉⵢⵏ ⴳ ⵜⵎⵣⴳⵉⴷⴰ ⵏ ⵍⵇⴰⵕⴰⵡⵢⵢⵉⵏ ⴳ ⵜⵎⴷⵉⵏⵜ ⵏ ⴼⴰⵙ.

ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵜⴰⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵄⵓⵍⴰⵎⴰ ⵏ ⵉⴼⵔⵉⵇⵢⴰ, ⵜⴳⴰ ⴰⵙⴰⵜⵉ ⵏ ⵓⵎⵢⴰⵡⴰⵙ ⴷ ⵓⵙⵏⴼⵍ ⵏ ⵜⵉⵔⴰⵎ, ⴷ ⵓⵣⴷⴰⵢ ⵏ ⵜⵓⴳⴳⵯⴰⵣ ⴳⵔ ⵍⵄⵓⵍⴰⵎⴰ, ⵃⵎⴰ ⴷ ⵙⴽⵔⵏ ⴰⵢⵏⵏⴰ ⵖⵓⴼⵙⵏ ⵉⵍⵍⴰⵏ ⴳ ⵓⵙⵏⵎⵍ ⵏ ⵜⵡⵍⴰⴼⵜ ⵜⵉⴷⴷⵜ ⵏ ⵍⵉⵙⵍⴰⵎ, ⴷ ⵡⴰⵜⵉⴳ ⵏⵏⵙ ⵉⵖⵓⴷⴰⵏ, ⴳ ⵜⵍⵍⴰ ⵜⵎⵢⵉⴷⵉⵔⵜ ⴷ ⵓⵎⵙⴰⵎⴰⵃ.

ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ « ⵜⵖⵜⴰⵙⵜ ⵏ ⵜⵓⵚⴽⴰ ⵏ ⵜⵎⵔⵙⴰⵍⵜ ⴰⴷ, ⵓⵔ ⴷ ⵢⵓⵛⴽⵉ ⵖⴰⵙ ⵉⵎⴽⵉⵏⵏⴰⵖ, ⴷ ⵓⵔ ⵉⴳⵉ ⵓⵡⵜⵜⴰⵙ ⵏⵏⵙ ⵜⵉⵙⵏⵙⵉ ⵏ ⵜⵏⴰⴼⵓⵜⵉⵏ ⵉⵣⵔⵉⵏ, ⵎⴰⵛ ⵉⴽⵛⴰⵎ ⴳ ⵓⵙⴰⵜⵉ ⵉⵎⵓⵏ, ⴷ ⵉ ⵜⵡⵉⵣⵉ ⵉⵖⵓⴷⴰⵏ, ⴳ ⵛⴰⵢⴳⴰⵏ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⵜⵉⵎⴷⴷⵓⴽⴽⴰⵍ, ⴳ ⵓⵙⵡⵉⵔ ⴰⵎⴰⴷⴷⵓⴷ ⴷ ⵓⵎⴷⵏⴰⵏ, ⴳ ⵢⵉⴳⵔ ⴰⵙⴳⴷⴰⵏ".

ⵉⵔⵏⴰ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵜⵍⵍⴰ ⴷⴰⵔⵙ ⵜⴰⵖⵍⵉⴼⵜ ⴳ ⵜⵎⵔⵙⴰⵍⵜ ⴰⴷ, ⴳ ⵎⵏⵏⴰⵡ ⵏ ⵓⵙⴰⴽⴰ ⵏⵏⵙ ⴳ ⵜⵎⵉⵣⴰⵔ ⵏ ⵉⴼⵔⵉⵇⵢⴰ, ⵍⵍⵉ ⵢⵔⴰⴷ ⵉⵙⴽⴰⵔ ⴰⵡⵜⵜⴰⵙ ⵏⵏⵙ ⴳ ⵓⵙⵎⴰⵜⴰ ⵏ ⵓⵙⵡⵉⵏⴳⵎ ⵏ ⵓⵙⴳⴷ ⵉⴼⵓⵍⴽⵉⵏ, ⴷ ⵓⵙⴱⵉⴷ ⵏ ⵜⵖⴰⵡⵙⵉⵡⵉⵏ ⵍⵍⵉ ⵜⵜⵉⵏⵉⵏ ⵉ ⵉⵎⴰⴷⵓⵜⵏ ⵏ ⵓⵙⴳⴷ.

ⴷ ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⴹ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴰⵙⵙ ⵏ ⵓⵙⵉⵏⴰⵙ ⴳ ⴼⴰⵙ ⵜⴰⴼⵓⴳⵍⴰ ⵏ ⵜⵓⵚⴽⴰ ⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵄⵓⵍⴰⵎⴰ ⵉⴼⵔⵉⵇⴰⵏⵉⵢⵏ.


 

Dernière modification : 14 ⵢⵓⵏⵢⵓ 2016
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B5%89%E2%B5%8F%E2%B4%B0%E2%B5%A1-%E2%B5%A2%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%8F-%E2%B5%99-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F-%E2%B5%9C%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC%E2%B5%9C-%E2%B5%8F%E2%B5%8F%E2%B5%99-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%9C%E2%B5%93%E2%B5%9A%E2%B4%BD%E2%B4%B0-%E2%B5%8F-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E#comment-0