Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ ⴳ ⴼⴰⵙ ⵜⴰⴼⵓⴳⵍⴰ ⵏ ⵜⵓⵚⴽⴰ ⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵄⵓⵍⴰⵎⴰ ⵉⴼⵔⵉⵇⴰⵏⵉⵢ
  1. Accueil
  2. Activités royales

ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ ⴳ ⴼⴰⵙ ⵜⴰⴼⵓⴳⵍⴰ ⵏ ⵜⵓⵚⴽⴰ ⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵄⵓⵍⴰⵎⴰ ⵉⴼⵔⵉⵇⴰⵏⵉⵢ

14 ⵢⵓⵏⵢⵓ 2016 Version Imprimable
ⴼⴰⵙ - ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⴹ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷⴰⵙⵙ ⵏ ⵓⵙⵉⵏⴰⵙ ⴳ ⵜⵎⵣⴳⵉⴷⴰ ⵏ ⵍⵇⴰⵕⴰⵡⵢⵢⵉⵏ ⴳ ⵜⵎⴷⵉⵏⵜ ⵏ ⴼⴰⵙ ⵜⴰⴼⵓⴳⵍⴰ ⵏ ⵜⵓⵚⴽⴰ ⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵄⵓⵍⴰⵎⴰ ⵏ ⵉⴼⵔⵉⵇⵢⴰ.

ⴷⴼⴼⵉⵔ ⵜⵉⵖⵔⵉ ⵏ ⵍⵇⵕⴰⵏ, ⵉⴼⴽⴰ ⵍⴰⵎⵉⵔ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵏ ⵉⵏⴰⵡ ⵢⴰⵜⵜⵓⵢⵏ, ⵍⵍⵉ ⴳ ⵉⵙⴷⴷⵉⴷ ⵎⴰⵙ ⵜⴰⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵄⵓⵍⴰⵎⴰ ⵏ ⵉⴼⵔⵉⵇⵢⴰ, ⵜⴳⴰ ⴰⵙⴰⵜⵉ ⵏ ⵓⵎⵢⴰⵡⴰⵙ ⴷ ⵓⵙⵏⴼⵍ ⵏ ⵜⵉⵔⴰⵎ, ⴷ ⵓⵣⴷⴰⵢ ⵏ ⵜⵓⴳⴳⵯⴰⵣ ⴳⵔ ⵍⵄⵓⵍⴰⵎⴰ, ⵃⵎⴰ ⴷ ⵙⴽⵔⵏ ⴰⵢⵏⵏⴰ ⵖⵓⴼⵙⵏ ⵉⵍⵍⴰⵏ ⴳ ⵓⵙⵏⵎⵍ ⵏ ⵜⵡⵍⴰⴼⵜ ⵜⵉⴷⴷⵜ ⵏ ⵍⵉⵙⵍⴰⵎ, ⴷ ⵡⴰⵜⵉⴳ ⵏⵏⵙ ⵉⵖⵓⴷⴰⵏ, ⴳ ⵜⵍⵍⴰ ⵜⵎⵢⵉⴷⵉⵔⵜ ⴷ ⵓⵎⵙⴰⵎⴰⵃ.

ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ « ⵜⵖⵜⴰⵙⵜ ⵏ ⵜⵓⵚⴽⴰ ⵏ ⵜⵎⵔⵙⴰⵍⵜ ⴰⴷ, ⵓⵔ ⴷ ⵢⵓⵛⴽⵉ ⵖⴰⵙ ⵉⵎⴽⵉⵏⵏⴰⵖ, ⴷ ⵓⵔ ⵉⴳⵉ ⵓⵡⵜⵜⴰⵙ ⵏⵏⵙ ⵜⵉⵙⵏⵙⵉ ⵏ ⵜⵏⴰⴼⵓⵜⵉⵏ ⵉⵣⵔⵉⵏ, ⵎⴰⵛ ⵉⴽⵛⴰⵎ ⴳ ⵓⵙⴰⵜⵉ ⵉⵎⵓⵏ, ⴷ ⵉ ⵜⵡⵉⵣⵉ ⵉⵖⵓⴷⴰⵏ, ⴳ ⵛⴰⵢⴳⴰⵏ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⵜⵉⵎⴷⴷⵓⴽⴽⴰⵍ, ⴳ ⵓⵙⵡⵉⵔ ⴰⵎⴰⴷⴷⵓⴷ ⴷ ⵓⵎⴷⵏⴰⵏ, ⴳ ⵢⵉⴳⵔ ⴰⵙⴳⴷⴰⵏ".

ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵜⵍⵍⴰ ⴷⴰⵔⵙ ⵜⴰⵖⵍⵉⴼⵜ ⴳ ⵜⵎⵔⵙⴰⵍⵜ ⴰⴷ, ⴳ ⵎⵏⵏⴰⵡ ⵏ ⵓⵙⴰⴽⴰ ⵏⵏⵙ ⴳ ⵜⵎⵉⵣⴰⵔ ⵏ ⵉⴼⵔⵉⵇⵢⴰ, ⵍⵍⵉ ⵢⵔⴰⴷ ⵉⵙⴽⴰⵔ ⴰⵡⵜⵜⴰⵙ ⵏⵏⵙ ⴳ ⵓⵙⵎⴰⵜⴰ ⵏ ⵓⵙⵡⵉⵏⴳⵎ ⵏ ⵓⵙⴳⴷ ⵉⴼⵓⵍⴽⵉⵏ, ⴷ ⵓⵙⴱⵉⴷ ⵏ ⵜⵖⴰⵡⵙⵉⵡⵉⵏ ⵍⵍⵉ ⵜⵜⵉⵏⵉⵏ ⵉ ⵉⵎⴰⴷⵓⵜⵏ ⵏ ⵓⵙⴳⴷ.

ⴳ ⵜⵏⵉⵍⵍⴰ ⵏⵏⵙ, ⵉⴼⴽⴰ ⵓⵎⴰⵡⴰⵙ ⵏ ⵍⵃⴰⴱⵓⵙ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ, ⵎⴰⵙⵙ ⵃⵎⴰⴷ ⵜⵜⵓⴼⵉⵇ ⵜⴰⴳⵓⵔⵉ ⵏⵏⵙ ⴷⴰⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⵍⵉ ⴳ ⵉⵙⴷⴷⵉⴷ ⵎⴰⵙ ⵜⴰⵏⵏⴰⵢⵜ ⵜⴰⴼⵔⵉⵇⴰⵏⵉⵢⵜ ⵏ ⵜⵙⵔⵜⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵓⵔ ⴷ ⵢⵓⵛⴽⵉ ⴳ ⴳ ⵜⵙⵔⵜⵉⵜ ⵏ ⵓⵎⵢⴰⵡⴰⵙ ⵉⵣⵔⵔⵉⵏ, ⵍⵍⵉ ⵉⴱⴷⴷⴰⵏ ⵅⴼ ⵓⵙⵏⴼⵍ ⵏ ⵜⵖⴰⵡⵙⵉⵡⵉⵏ ⴷ ⵜⵏⴰⴼⴰⵜⵉⵏ, ⵎⴰⵛ ⵉⴳⴰ ⵢⴰⵜ ⵜⴰⵏⵏⴰⵢⵜ ⵜⴰⵙⵜⵔⴰⵜⵉⵊⵉⵢⵜ ⴳ ⵍⵍⴰⵏ ⵎⵏⵏⴰⵡ ⵏ ⵓⵣⴰⵔⵓ ⴷ ⵢⵓⵛⴽⴰⵏ ⴳ ⵉⵣⵖⵕⴰⵏ ⵏ ⵍⵎⵖⵔⵉⴱ ⵉⵍⵍⴰⵏ ⴳ ⵉⴼⵔⵉⵇⵢⴰ, ⴷ ⵜⴰⵎⴷⵔⴰⵡⵜ ⴳⵔ ⵍⵎⵖⵔⵉⴱ ⴷ ⵛⴰⵢⴳⴰⵏ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴳ ⵓⵙⴳⴷ.

ⴳ ⵜⴳⵓⵔⵉⵜ ⵏⵏⵙ ⵙ ⵢⵉⵙⵎ ⵏ ⵍⵄⵓⵍⴰⵎⴰ ⵏ ⵉⴼⵔⵉⵇⵢⴰ, ⵉⵙⴷⴷⵉⴷ ⵎⴰⵙⵙ ⴱⵓⴱⴽⴰⵕ ⴷⵓⴽⵓⵕ, ⵉⴳⴰⵏ ⵙⴳ ⴱⵓⵔⴽⵉⵏⴰⴼⴰⵚⵚⵓ, ⵎⴰⵙⵙ ⵜⵉⵍⵉⵜ ⵏ ⵍⵄⵓⵍⴰⵎⴰ ⴷⴰⵔ ⵉⵍⵍⴰ ⵓⴱⵓⵔⵣ ⵏ ⵜⵉⵍⵉⵜ ⴳ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵉⵙⵎⴰⵍ ⵜⴰⵎⴷⵔⴰⵡⵜ ⵏⵏⵙⵏ ⴳ ⵜⵙⵏⵓⵔⴰⵢⵜ ⵏ ⵍⴰⵎⵉⵔ ⵏ ⵉⵎⵓⵎⵏⵏ ⵉⵖⵓⴷⴰⵏ.

ⴳ ⵜⵙⴳⴰ ⵢⴰⴹⵏ, ⵉⵍⵍⴰ ⴳ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵄⵓⵍⴰⵎⴰ ⵉⴼⵔⵉⵇⴰⵏⵉⵢⵏ ⵛⴰⵢⴳⴰⵏ ⵏ ⵜⵎⵉⵣⴰⵔ ⵏ ⵓⵎⵏⵥⴰⵡ ⴰⴷ, ⵣⵓⵏⴷ ⵉⵜⵢⵓⴱⵢⴰ ⴷ ⵉⴼⵔⵉⵇⵢⴰ ⵏ ⵡⴰⵎⵎⴰⵙ ⴷ ⵜⵛⴰⴷ ⴷ ⵙⵉⵏⵉⴳⴰⵍ ⴷ ⵙⵙⵓⴷⴰⵏ ⴷ ⵚⵚⵓⵎⴰⵍ ⴷ ⵟⵟⵓⴳⵓ ⴷ ⵍⴳⴰⴱⵓⵏ ⴷ ⵍⴽⴰⵎⵉⵕⵓⵏ ⴷ ⵍⴽⵓⵜ ⴷⵉⴼⵡⴰⵕ ⴷ ⵏⵏⵉⵊⵉⵕ ⴷ ⴰⵏⴳⵓⵍⵍⴰ ⴷ ⵍⴱⵉⵏⵉⵏⵏ ⴷ ⴱⵓⵔⴽⵉⵏⴰⴼⴰⵚⵚⵓ ⴷ ⵜⴳⵣⵉⵔⵜ ⵏ ⵍⵇⵓⵎⵓⵕ ⴷ ⵉⴼⵔⵉⵇⵢⴰ ⵏ ⵉⴼⴼⵓⵙ ⴷ ⵜⵊⵓⴱⵓⵜⵉ ⴷ ⵙⴰⵡⵜⵓⵎ ⴷ ⵙⵉⵕⵍⵢⵓⵏ ⴷ ⴳⴰⵎⴱⵢⴰ ⴷ ⵖⴰⵏⴰ ⴷ ⵖⵉⵏⵢⴰ ⴱⵉⵙⴰⵡ ⴷ ⵖⵉⵏⵢⴰ ⴽⵓⵏⴰⴽⵕⵉ ⴷ ⴽⵉⵏⵢⴰ ⴷ ⵍⵉⴱⵔⵢⴰ ⴷ ⵎⴰⵍⵉ ⴷ ⵎⵓⵕⵉⵟⴰⵏⵢⴰ ⴷ ⵏⵉⵊⵉⵕⵢⴰ ⴷ ⵟⴰⵏⵣⴰⵏⵢⴰ ⴷ ⴽⵓⵏⴳⵓ ⴽⵉⵏⵛⴰⵙⵙⴰ.

ⴳ ⵜⵙⴳⴰ ⴰⴷ, ⵉⵍⵍⴰ ⴳ ⵜⴰⵍⴳⴰⵎⵜ ⵏ ⵉⴳⵎⴰⵎⵏ ⵉⵍⵍⴰⵏ ⴳ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵄⵓⵍⴰⵎⴰ ⵉⴼⵔⵉⵇⴰⵏⵉⵢⵏ.

Fichier attaché :
Icône image sm_le_roi_preside_linstallation_du_cs_de_la_fondation_mohammed_vi_des_oulemas_africains_g1.jpg
Dernière modification : 14 ⵢⵓⵏⵢⵓ 2016
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B3-%E2%B4%BC%E2%B4%B0%E2%B5%99-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%9C%E2%B5%93%E2%B5%9A%E2%B4%BD%E2%B4%B0-%E2%B5%8F-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2-%E2%B5%8F-%E2%B5%9C%E2%B5%8E%E2%B5%94%E2%B5%99%E2%B4%B0%E2%B5%8D%E2%B5%9C-%E2%B5%8F-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7#comment-0