Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴰⵙⵙ ⵏ ⵓⵢⵏⴰⵙ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵏⴰⵜ ⴳ ⵡⴰⵢⵢⵓⵔ ⵏ ⵕⵎⴹⴰⵏ
  1. Accueil
  2. Activités royales

ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴰⵙⵙ ⵏ ⵓⵢⵏⴰⵙ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵏⴰⵜ ⴳ ⵡⴰⵢⵢⵓⵔ ⵏ ⵕⵎⴹⴰⵏ

13 ⵢⵓⵏⵢⵓ 2016 Version Imprimable
ⵕⵕⴱⴰⵟ - ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⴱⴰⴱ ⵏ ⵜⴰⵜⵜⵓⵢⵜ ⵎⵓⵍⴰⵢ ⵙⵎⴰⵄⵉⵍ , ⴰⵙⵙ ⵏ ⵓⵢⵏⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵕⵕⴱⴰⵟ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵏⴰⵜ ⵏ ⵕⵎⴹⴰⵏ.

ⵜⴰⵎⵙⵙⵉⵔⴷⵜ ⵜⵉⵙⵙ ⵙⵏⴰⵜ ⵉⵏⵏⴰⵜ ⵎⴰⵙⵙ ⵄⵓⵎⴰⵕ ⴼⴰⵕⵓⵇ ⵄⴱⴷ ⵍⵍⴰⵀ, ⴰⵎⵔⵣⵓ ⴰⵎⵉⵔⵉⴽⴰⵏⵉ ⴰⵙⵍⵎⴰⴷ ⴰⵇⴱⵓⵔ ⵏ ⵜⵙⴷⴰⵡⵉⵜ ⵏ ⵎⵉⵛⵉⴳⴰⵏ ⵅⴼ ⵜⵎⴰⵜⴰⵔⵜ ⵏ « ⵎⴰⵙ ⴷ ⵉⵇⵇⴰⵏ ⴰⴷ ⵙⴽⵔⵏ ⵉⵎⵓⵏⵙⵍⵎⵏ ⴳ ⵓⴱⵔⵉⴷ ⵏ ⵓⴼⵓⵍⴽⵉ».

ⵉⴱⴷⴰ ⵎⴰⵙⵙ ⵄⵓⵎⴰⵕ ⴼⴰⵕⵓⵇ ⵉⵏⴰⵡ ⵏⵏⵙ ⴰⴼⴰⴷ ⵢⵉⵏⵉ ⵎⴰⵙ ⵜⴰⴳⵓⵔⵉ ⵏ « ⵎⵉⴷⴷⵏ » ⵖⵉ ⴷⴰ ⵜⵙⵎⴷⵢⴰ ⵎⵉⴷⴷⵏ ⴽⵓⵍ ⵙⴳ ⵎⴰⵢⴳⴰⵜ ⵜⴰⵡⵉⵍⴰ ⵏⵏⵙⵏ ⴷ ⵉⵏⴰⵡ ⵏⵏⵙⵏ, ⴰⵎⵓⵎⵏ ⴷ ⵓⵏⵏⴰ ⵓⵔⵜ ⵉⴳⵉⵏ, ⴷ ⵉⵏⵏⴰ ⵎⴰⵙ ⵉⵅⵚⵚⴰ ⴰⵜⴳ ⵍⵓⵎⵎⴰ ⵏ ⵍⵉⵙⵍⴰⵎ ⵜⴰⵎⵓⴼⴰⵢⵜ ⴳ ⵎⵉⴷⴷⵏ ⴽⵓⵍ.

ⴷ ⵉⵏⵏⴰ ⵙⵓⵍ ⴱⴰⴱ ⵏ ⵜⵉⵏⴰⵡⵜ ⴰⴷ, ⵎⴰⵙ ⵜⴰⵎⵓⴼⴰⵢⵜ ⴰⴷ ⵉⵅⵚⵚⴰ ⴰⴷ ⵓⵔ ⵜⴳ « ⴰⵃⵏⵊⵉⴼ ⴷⴰⵜ ⵎⵉⴷⴷⵏ ⵢⴰⴹⵏ, ⵎⴰⵛ ⵜⴰⵎⵓⴼⴰⵢⵜ ⴰⴷ ⵜⴳⴰ ⵜⴰⵖⵍⵉⴼⵜ ⵜⴰⵅⴰⵜⴰⵔⵜ ⴷ ⵜⴰⵎⵙⵜⴳⴳⴰⵔⵜ ⵜⴰⵎⵇⵕⴰⵏⵜ ⴳ ⵜⵓⴷⴷⵔⵜ ⴷ ⵍⵉⵅⵕⵜ », ⴷ ⵉⵏⵏⴰ ⵎⴰⵙ ⵙⵉⴷⵉ ⵕⴱⴱⵉ ⴷⴰ ⵢⵜⴳⴳⵯⴰ ⵜⴰⵢⵔⵉ ⵜⴰⵅⴰⵜⴰⵔⵜ ⴳ ⵡⵓⵍ ⵏ ⵉⵎⵉⵎⵏ ⵏⵏⵙ.

ⴷ ⵉⴼⵔⴰ ⵎⴰⵙ ⵍⵎⵃⴱⴱⴰ ⵢⴰⴷ ⴷ ⵜⴰⵢⵔⵉ ⵉⵙⴰⵡⵍ ⵖⵉⴼⵙ ⵎⵓⵃⵎⵎⴷ ⵔⴰⵙⵓⵍ ⵍⵍⴰⵀ, ⵍⵍⵉ ⵖ ⵉⵏⵏⴰ « ⵓⵔⵔⴰⴷ ⵢⴰⵎⵏ ⵓⴼⴳⴰⵏ ⵅⵚ ⵎⴳ ⵉⵔⴰ ⵉ ⵢⴳⵎⴰⵙ ⴰⵎⵓⵏⵙⵍⴰⵎ ⴰⵢⵏⵏⴰ ⵉⵔⴰ ⵉ ⵢⵅⴼ ⵏⵏⵙ », ⴷ ⵉⴼⵔⴰ ⵎⴰⵙ ⵜⴰⴳⵓⵔⵉ ⵏ « ⵜⴰⵢⵎⴰⵜ » ⵉⴳⴰ ⵜⵉⴼⴼⵓⴳⵏⴰ ⵏ ⴱⵏⵏⵓ ⴰⴷⴰⵎ ⴰⴽⴽⵯ , ⵎⴰⵛⵉ ⵖⴰⵙ ⵜⴰⴳⵎⴰⵜ ⴳ ⵍⵉⵙⵍⴰⵎ.

ⴷ ⵉⵏⵏⴰ ⵙⵓⵍ ⵎⴰⵙⵙ ⵄⵓⵎⴰⵕ ⴼⴰⵕⵓⵇ ⵉⵏⴰⵡ ⵏⵏⵙ ⴰⴼⴰⴷ ⵢⵉⵏⵉ ⵎⴰⵙ ⵜⴰⴳⵓⵔⵉ ⵎⴰⵙ ⴰⵢⴰⴷ ⵏ ⵍⵎⵃⴱⴱⴰ ⵜⴳⴰ ⵜⵉⵔⵉⵜ ⵏ ⵍⵅⵉⵔ ⵉ ⵡⴼⴳⴰⵏ ».

ⵍⵍⵉⵖ ⵜⴼⵓⴽⴽⴰ ⵜⵎⵙⵙⵉⵔⴷⵜ ⴰⴷ, ⵉⵣⵣⵓⵍ ⵅⴼ ⵍⴰⵎⵉⵔ ⵏ ⵉⵎⵓⵎⵏⵏ ⵛⵛⵉⵅ ⵎⵓⵅⵜⴰⵕ ⵊⵓⵎⵓⵄⴰ, ⴰⵎⴰⵡⵙⴰⵙ ⵏ ⵍⵃⴰⴱⵓⵙ ⵏ ⵎⵉⵚⵕ, ⴷ ⵎⴰⵙⵙ ⵎⵓⵃⵎⵎⴷ ⵅⴰⵍⵉⵍ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⵓⵙⴳⴷ ⵏ ⵜⵓⵏⵙ, ⴷ ⵎⴰⵙⵙ ⵕⴰⴼⵉⵄ ⴱⵏⵏ ⵄⴰⵛⵓⵕ, ⴰⵙⵍⵎⴰⴷ ⴳ ⵜⵙⴷⴰⵡⵉⵜ ⵏ ⵇⴰⵕⵟⴰⵊ (ⵜⵓⵏⵙ), ⴷ ⵎⴰⵙⵙ ⵄⴰⴱⴷ ⵙⵍⴰⵎ ⵍⵄⴱⴱⴰⴷⵉ, ⴰⵎⴰⵔⵉ ⵏ ⵍⴼⵉⵇⵀ ⵍⵉⵙⵍⴰⵎⵉ ⴰⵎⴰⴹⴰⵍ (ⵍⵓⵕⴹⵓⵏ).

ⴷ ⵉⵣⵣⵓⵍ ⵅⴼ ⵍⴰⵎⵉⵕ ⵏ ⵉⵎⵓⵎⵏ ⵙⵓⵍ ⵛⵛⵉⵅ ⵙⴰⵍⵉⵎ ⵄⵍⵡⴰⵏ ⵍⵃⴰⵙⴰⵏⵉ, ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⴰⴷⴷⴰⵔⵜ ⵏ ⵍⴼⵜⵡⴰ ⴳ ⵓⵙⵜⵕⴰⵍⵢⴰ, ⴷ ⵎⴰⵙⵙ ⵄⵎⵎⴰⵕ ⵊⵎⵄⵉ ⵟⵟⵍⴱⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵏ ⵍⵄⵓⵍⴰⵎⴰ ⵉⵏⵙⵍⵎⴰⵏ ⴷ ⵎⵏⵏⴰⵡ ⵉⵏⵎⵖⵓⵔⵏ ⵉⵙⴳⴷⵏ ⵢⴰⴹⵏⵉⵏ.

Dernière modification : 13 ⵢⵓⵏⵢⵓ 2016
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B5%A2%E2%B5%8F%E2%B4%B0%E2%B5%99-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B5%8F%E2%B4%B0%E2%B5%9C-%E2%B4%B3-%E2%B5%A1%E2%B4%B0%E2%B5%A2%E2%B5%A2%E2%B5%93%E2%B5%94-%E2%B5%8F-%E2%B5%95%E2%B5%8E%E2%B4%B9%E2%B4%B0%E2%B5%8F#comment-0