Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⵉⴼⴽⴰ ⴳ ⵇⵏⵉⵟⵕⴰ ⵍⴱⴷⵓ ⵏ ⵜⵓⵚⴽⴰ ⵏ ⵡⴰⵎⵎⴰⵙ ⵏ ⵓⵙⵎⵓⵜⴳ ⴰⵣⵣⵓⵍⴰⵏ ⴳ ⵜⴰⵣⵓⵍⵜ ⵏ ⵜⵎⵙⵙⵓⴷⵓⵜⵉⵏ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⵉⴼⴽⴰ ⴳ ⵇⵏⵉⵟⵕⴰ ⵍⴱⴷⵓ ⵏ ⵜⵓⵚⴽⴰ ⵏ ⵡⴰⵎⵎⴰⵙ ⵏ ⵓⵙⵎⵓⵜⴳ ⴰⵣⵣⵓⵍⴰⵏ ⴳ ⵜⴰⵣⵓⵍⵜ ⵏ ⵜⵎⵙⵙⵓⴷⵓⵜⵉⵏ

13 ⵢⵓⵏⵢⵓ 2016 Version Imprimable
ⵍⵇⵏⵉⵟⵕⴰ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ ⴳ ⵉⵖⵕⵎ ⵏ ⴱⵉⵔ ⵔⵔⴰⵎⵉ ⴳ ⵍⵇⵏⵉⵟⵕⴰ, ⵍⴱⴷⵓ ⵏ ⵜⵓⵚⴽⴰ ⵏ ⵡⴰⵎⵎⴰⵙ ⵏ ⵓⵙⵎⵓⵜⴳ ⴰⵣⵣⵓⵍⴰⵏ ⴳ ⵜⴰⵣⵓⵍⵜ ⵏ ⵜⵎⵙⵙⵓⴷⵓⵜⵉⵏ ⵎⵉ ⵢⴳⴰ ⵓⵡⵜⵜⴰⵙ ⵏⵏⵙ ⴰⵙⵎⵓⵜⵜⴳ ⴷ ⵜⵉⵙⵖⵉⵢⵜ ⵏ ⵉⵄⵔⵔⵉⵎⵏ ⵏ ⵜⵎⵏⴰⴹⵜ ⴰⴷ ⴳ ⵜⴰⵣⵓⵍⵜ ⵏ ⵉⵎⴰⵍ ⴳ ⵉⵍⵍⴰ ⵓⵣⵎⵣ ⵏ ⵜⵡⵓⵔⵉ, ⵢⵉⵍⵉ ⴷⴰⵔⵙ ⵡⴰⵜⵉⴳ ⴰⵎⵇⵕⴰⵏ.

ⴷⴰ ⵢⵙⵎⴰⵍ ⵓⵙⴰⵏⵜⵉ ⴰⴷ ⵍⵍⵉ ⵜⵙⴽⵔ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵓⵎⵢⴰⵡⴰⵙ, ⴰⵟⵏⵀⵍⵍⴰ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵉⵄⵔⵔⵉⵎⵏ, ⴷ ⵢⵓⵛⴽⴰⴷ ⴳ ⵜⵓⴳⴳⵯⴰⵣ ⵉⵙⴽⴰⵔ ⵃⵎⴰ ⴷ ⵉⵏⴽⵔ ⵙ ⵜⵡⵉⵣⵉ ⵏ ⵜⵡⵉⵣⵉ ⵏ ⵜⴷⵉⵏⴰⵎⵉⵢⵜ ⵏ ⵜⵉⴳⵎⵉ ⵜⴰⴹⵖⴰⵕⴰⵏⵜ, ⴷ ⵜⵡⵉⵣⵉ ⵏⵏⵙⵏ ⴳ ⵓⵏⴽⵛⵎ ⴰⵏⴰⵎⵓⵏ ⴰⵣⵣⵓⵍⴰⵏ ⴷ ⵓⴷⵎⵙⴰⵏ ⵉⵖⵓⴷⴰⵏ.

ⵢⵓⵛⴽⴰⴷ ⵡⴰⵎⵎⴰⵙ ⴰⴷ ⵙⵓⵍ ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵜⵡⵓⵔⵉⵡⵉⵏ ⵏ ⵜⵎⵔⵙⴰⵍⵜ ⵉ ⵢⵄⵔⵔⵉⵎⵏ ⵏ ⵜⵙⴳⴰ ⵏ ⵕⵕⴱⴰⵟ- ⵙⵍⴰ- ⵍⵇⵏⵉⵟⵕⴰ, ⵎⵉ ⵢⴳⴰ ⵓⵡⵜⵜⴰⵙ ⵏⵏⵙ ⴰⵏⵣⴰⵍ ⵏ ⵉⵄⵔⵔⵉⵎⵏ ⵎⵔⴰ ⴷ ⵙⴱⵖⵕⵏ ⴳ ⵓⵣⵎⵣ ⵏ ⵜⵡⵓⵔⵉ ⵉⴳⴰⵏ ⵉⵎⴰⵙⵙⵏ ⵏ ⵓⵏⴽⵛⵎ ⴰⵏⴰⵎⵓⵏ ⴷ ⵓⵣⵣⵓⵍⴰⵏ, ⵙⵍⴰⵡⵏ ⴰⴽⴽⵯ, ⴰⵙⵎⵓⵜⴳ ⴳ ⵜⴰⵣⵓⵍⵜ ⵍⵍⵉ ⴷ ⵉⵛⴽⵛⴰⵎⵏ ⴰⵥⵔⴼ.

ⴷ ⵔⴰⴷ ⵢⴰⵡⵙ ⵡⴰⵎⵎⴰⵙ ⵏ ⵓⵙⵎⵓⵜⴳ ⴰⵣⵣⵓⵍⴰⵏ ⴳ ⵜⴰⵣⵓⵍⵜ ⵏ ⵜⵎⵙⵙⵓⴷⵓⵜⵉⵏ ⴳ ⵉⵍⵍⴰ 1764 ⵏ ⵓⵙⵖⵉⵎ ⴰⴱⵉⴷⴰⵖⵓⵊⵉ , ⴳ ⵓⵙⵎⵓⵜⴳ ⵏ ⵉⵄⵔⵔⵉⵎⵏ ⴷⴰⵔ ⵜⵍⵍⴰ ⵜⵓⵙⵙⵏⴰ ⵙ ⵎⴰⵢⵣⵍⵉⵏ ⵙ ⵜⵎⵙⵙⵓⴷⵓⵜⵉⵏ.

ⴰⵎⵎⴰⵙ ⴰⴷ ⵍⵍⵉ ⵢⵔⴰⴷ ⵉⵜⵜⵓⵙⴽⵔ ⴳ 24 ⵏ ⵡⴰⵢⵢⵓⵔ, ⵉⵣⴹⴰⵕ ⴰⴷ ⵢⴰⵡⵙ ⵉ ⵢⵄⵔⵔⵉⵎⵏ ⴰⴷ, ⴰⵙⵎⵓⵜⴳ ⴳ ⵛⴰⵢⴳⴰⵏ ⵏ ⵉⵥⵍⵉ ⴳ ⵜⴰⵎⴳⵓⵔⵉ ⵏ ⵜⵎⵙⵙⵓⴷⵓⵜⵉⵏ , ⵙⵍⴰⵡⵏ ⴰⴽⴽⵯ, ⴳ ⵍⵉⵍⵉⴽⵜⵔⵓⵎⵉⴽⴰⵏⵉⴽ, ⴷ ⵜⵉⴽⵏⵓⵍⵉⵊⵉⵢⵜ ⵏ ⵜⵎⵙⵙⵓⴷⵓⵜⵉⵏ ⴳ ⵛⴰⵢⴳⴰⵏ ⵏ ⵜⵖⴰⵡⵙⵉⵡⵉⵏ ⵢⴰⴹⵏ.




 

Dernière modification : 13 ⵢⵓⵏⵢⵓ 2016
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B4%BC%E2%B4%BD%E2%B4%B0-%E2%B4%B3-%E2%B5%87%E2%B5%8F%E2%B5%89%E2%B5%9F%E2%B5%95%E2%B4%B0-%E2%B5%8D%E2%B4%B1%E2%B4%B7%E2%B5%93-%E2%B5%8F-%E2%B5%9C%E2%B5%93%E2%B5%9A%E2%B4%BD%E2%B4%B0-%E2%B5%8F-%E2%B5%A1%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%93%E2%B5%99%E2%B5%8E%E2%B5%93%E2%B5%9C%E2%B4%B3-%E2%B4%B0%E2%B5%A3%E2%B5%A3%E2%B5%93%E2%B5%8D%E2%B4%B0%E2%B5%8F-%E2%B4%B3-%E2%B5%9C%E2%B4%B0%E2%B5%A3%E2%B5%93%E2%B5%8D%E2%B5%9C-%E2%B5%8F#comment-0