Published on MAPNews (https://www.mapnews.ma/am)

Accueil > ⵙⵍⴰ..ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴼⴽⴰ ⴳ ⵓⵖⵣⵓ ⴰⴷⵖⴰⵕⴰⵏ ⵏ ⵍⵄⵕⵊⴰⵜ 1 ⵍⴱⴷⵓ ⵏ ⵜⵓⵚⴽⴰ ⵏ ⵡⴰⵎⵎⴰⵙ ⵏ ⵓⵙⵎⵓⵜⴳ
  1. Accueil
  2. Activités royales

ⵙⵍⴰ..ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴼⴽⴰ ⴳ ⵓⵖⵣⵓ ⴰⴷⵖⴰⵕⴰⵏ ⵏ ⵍⵄⵕⵊⴰⵜ 1 ⵍⴱⴷⵓ ⵏ ⵜⵓⵚⴽⴰ ⵏ ⵡⴰⵎⵎⴰⵙ ⵏ ⵓⵙⵎⵓⵜⴳ

10 ⵢⵓⵏⵢⵓ 2016 Version Imprimable
ⵍⵄⵕⵊⴰⵜ (ⵙⵍⴰ) - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ ⴳ ⵍⵄⵕⵊⴰⵜ (ⵙⵍⴰ), ⵍⴱⴷⵓ ⵏ ⵜⵓⵚⴽⴰ ⵏ ⵡⴰⵎⵎⴰⵙ ⵏ ⵓⵙⵎⵓⵜⴳ ⴳ ⵓⵖⵣⵓ ⴰⴷⵖⴰⵕⴰⵏ ⵏ ⵍⵄⵕⵊⴰⵜ 1 , ⵜⴰⵙⵏⵜⴰⵢⵜ ⵉⵙⵎⴰⵍⵏ ⴰⵟⵏⵀⵍⵍⵓ ⵏ ⴱⴰⴱ ⵏ ⵡⴰⴷⴷⵓⵔ ⵉ ⵡⴰⵍⵍⴰⵙ ⵏ ⵓⵙⵉⴷⴼ ⵉ ⵢⵏⵃⴱⴰⵙ ⴳ ⵓⵥⵟⵟⴰ ⴰⵏⴰⵎⵓⵏ ⴷ ⵓⴷⵎⵙⴰⵏ.

ⴰⵎⵎⴰⵙ ⴰⴷ ⴰⵎⴰⵢⵏⵓ, ⵉⴳⴰⵏ ⵡⵉⵙⵙ 55 ⴳ ⵜⴳⵍⴷⵉⵜ, ⵙⴳ ⵓⵖⴰⵡⴰⵙ ⵉⵎⵙⴰⵙⴰⵏ ⵜⵔⴰ ⴷ ⵜⵙⴽⵔ ⵜⵎⵔⵙⴰⵍ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵡⴰⵍⵍⴰⵙ ⵏ ⵓⵙⵉⴷⴼ ⵉ ⵢⵏⵃⴱⴰⵙ, ⵙ ⵓⵎⵢⴰⵡⴰⵙ ⵏ ⵓⵙⵉⵔⴰ ⵏ ⵓⵙⵎⵓⵜⴳ ⴰⵣⵓⵍⴰⵏ ⴷ ⵓⵙⴷⵓⵢ ⵏ ⵜⵡⵓⵔⵉ, ⴷ ⵜⴰⵙⵎⵉⵔⵉⵜ ⵜⴰⵎⴰⵜⴰⵢⵜ ⵏ ⵜⴰⵎⵙⵙⵓⴳⵓⵔⵜ ⵏ ⵉⵖⵣⵓⵜⵏ ⴷ ⵉⵎⴷⵔⴰⵡ ⵢⴰⴹⵏ.

ⴰⵡⵜⵜⴰⵙ ⵏ ⵓⵖⴰⵡⴰⵙ ⴰⴷ ⵉⵖⵓⴷⴰⵏ, ⵍⵍⵉ ⵔⴰ ⴷ ⵉⵙⵎⴰⵜⴰ ⴳ ⵎⴰⵢⴳⴰⵜ ⵜⵉⵎⵔⵙⴰⵍ ⵏ ⵉⵖⵣⵓⵜⵏ ⴳ ⵜⴳⵍⴷⵉⵜ, ⴰⴷ ⵉⴳ ⴰⴹⵖⴰⵔ ⴰⴷ ⴷ ⴰⵎⵎⴰⵙ ⵏ ⵡⴰⵍⵍⴰⵙ ⵏ ⵓⵙⵎⵓⵜⴳ ⴷ ⵜⵉⵖⵔⵉ, ⵙⵍⴰⵡⵏ ⴰⴽⴽⵯ, ⴰⵙⴳⵓⴷⵉ ⵏ ⵉⵎⵓⵙⵙⵓⵜⵏ ⵉⴷⵍⵙⴰⵏ ⴷ ⵓⵎⴰⵏⵓⵏ, ⴷ ⵓⵟⵏⵀⵍⵍⵓ ⴰⵎⵙⵓⵊⵊⵉ ⴳ ⵉⵃⴱⴱⴰⵙⵉⵢⵏ, ⴷ ⵜⵏⴽⵔⴰ ⵙ ⵜⵡⵓⵔⵉ ⵏ ⵓⵙⵎⵓⵜⴳ ⴷ ⵜⵖⵓⵕⵉ.

ⴰⵡⵜⵜⴰⵙ ⵙⵓⵍ ⵏ ⵓⵖⴰⵡⴰⵙ ⴰⴷ ⵉⴳⴰⵜ ⴰⵍⵍⴰⵙ ⵏ ⵓⵙⵉⴷⴼ ⴰⵏⴰⵎⵓⵏ-ⴰⴷⵎⵙⴰⵏ ⵉ ⵎⵉⴷⴷⵏ ⴰⴷ, ⵍⵍⵉ ⵔⴰⴷ ⵉⵙⴱⵖⵕ ⴰⴷⴰⵢ ⴼⵖⴰⵏ ⴳ ⵍⵃⴰⴱⵙ, ⴳ ⵡⴰⵎⵎⴰⵙ ⵏ ⵓⵟⵏⵀⵍⵍⵓ ⵍⵍⵉ ⵔⴰⴷ ⵜⵙⴽⴰⵔ ⵜⵎⵔⵙⴰⵍⵜ ⴰⴷ.

ⴰⵎⵎⴰⵙ ⴰⴷ ⴰⵎⴰⵢⵏⵓ, ⵍⵍⵉ ⴳ ⵔⴰⴷ ⵉⵙⴱⵖⵕ ⵡⵓⴳⴳⵯⴰⵔ ⵏ 340 ⵏ ⵓⵏⵃⴱⴰⵙ, ⵛⴰⵢⴳⴰⵏ ⵏ ⵓⵙⵎⵓⵜⴳ ⵉⵥⵍⵉⵏ ⵙ ⵎⵏⵏⴰⵡ ⵏ ⵜⵖⴰⵡⵙⵉⵡⵉⵏ ⴳ ⵜⵓⵚⴽⴰ ⴷ ⵚⴱⴰⵖⵜ ⴷ ⵜⵃⵍⵍⴰⵇⵜ ⴷ ⵓⵙⵖⵓⴷⵓ ⵏ ⵜⵖⴰⵡⵙⵉⵡⵉⵏ ⵏ ⵜⴰⴷⴷⴰⵔⵡⵉⵏ ⴷ ⵛⴰⵢⴳⴰⵏ ⵏ ⵜⵖⴰⵡⵙⵉⵡⵉⵏ ⵢⴰⴹⵏ.

ⴷ ⵉⵍⵍⴰ ⴳ ⵡⴰⵎⵎⴰⵙ ⵏ ⵓⵙⵎⵓⵜⴳ ⴳ ⵓⵖⵣⵓ ⴰⴷⵖⴰⵕⴰⵏ ⵏ ⵍⵄⵕⵊⴰⵜ 1 ⵜⵉⵡⵓⵔⵉⵡⵉⵏ ⵏ ⵜⵉⴳⵏⵉ ⵉ ⵜⵓⵜⵎⵉⵏ ⴷ ⵜⵃⴼⴼⴰⴼⵜ ⵍⵍⵉ ⴳ ⵔⴰⴷ ⵙⴱⵖⵔⵏⵜ ⵜⵃⴱⴱⴰⵙⵉⵢⵉⵏ.

ⴷ ⴷⴰⵢⵙⵎⴰⵍ ⵓⵖⴰⵡⴰⵙ ⴰⴷ ⵉⵜⵜⵓⵙⴽⵔⵏ ⵙ ⵡⴰⵜⵉⴳ ⵏ ⵓⵥⵔⴼ ⵏ ⵄⵍⴰⵢⵏ 9 ⵏⵉⴷ ⵍⵎⵍⵢⵓⵏ ⵏ ⴷⴷⵔⵀⴰⵎ, ⴰⵏⵀⵍⵍⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⵉ ⵢⵃⴱⴱⴰⵙⵉⵢⵏ.

Dernière modification : 10 ⵢⵓⵏⵢⵓ 2016
Source URL: https://www.mapnews.ma/am/activites-royales/%E2%B5%99%E2%B5%8D%E2%B4%B0%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B4%BC%E2%B4%BD%E2%B4%B0-%E2%B4%B3-%E2%B5%93%E2%B5%96%E2%B5%A3%E2%B5%93-%E2%B4%B0%E2%B4%B7%E2%B5%96%E2%B4%B0%E2%B5%95%E2%B4%B0%E2%B5%8F-%E2%B5%8F-%E2%B5%8D%E2%B5%84%E2%B5%95%E2%B5%8A%E2%B4%B0%E2%B5%9C-1-%E2%B5%8D%E2%B4%B1%E2%B4%B7%E2%B5%93-%E2%B5%8F-%E2%B5%9C%E2%B5%93%E2%B5%9A%E2%B4%BD%E2%B4%B0-%E2%B5%8F-%E2%B5%A1%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F#comment-0