ⴷⴰ ⵢⵙⵎⴰⵍ ⵓⵙⴰⵏⵜⵉ ⴰⴷ ⵉⴳⴰⵏ ⴰⵎⵣⵡⴰⵔⵓ ⴳ ⵓⵙⵡⵉⵔ ⵏ ⵜⴳⵍⴷⵉⵜ, ⵍⵍⵉ ⵜⵙⴽⵔ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵓⵎⵢⴰⵡⴰⵙ ⵙ ⵡⴰⵜⵉⴳ ⵉⵥⵍⵉⵏ ⵙ 8 ⵏ ⵍⵎⵍⴰⵢⵏ ⵏ ⴷⴷⵔⵀⴰⵎ, ⵜⴰⵙⵔⵜⵉⵜ ⵜⴰⵏⴰⵎⵓⵏⵜ ⵏ ⵓⵏⵎⴰⵍⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵃⵎⴰ ⴷ ⵉⵙⴷⵓⵙ ⴰⴼⵙⴰⵔ ⴰⴷⵓⵙⴰⵏ ⵉ ⵡⴳⴷⵓⴷ.
ⴷ ⵉⵎⵛⴰⵛⴽⴰⴷ ⴳ ⵜⵓⴳⴳⵯⴰⵣ ⵏ ⴱⴰⴱ ⵏ ⵡⴰⴷⴷⵓⵔ ⵎⵔⴰ ⴷ ⵉⵏⵣⴰⵍ ⵉ ⵢⵎⵥⵍⴰⴹ ⴰⴷ ⵙⴱⵖⵕⵏ ⴳ ⵉⵎⵙⵓⵊⵊⵉⵜⵏ ⵉⴷⵓⵙⴰⵏ, ⴷ ⵓⵟⵏⵀⵍⵍⵓ ⴳ ⵎⵉⴷⴷⵏ ⴳ ⵜⵍⵍⴰ ⵜⵎⴰⴹⵓⵏⵜ ⵉⵀⵔⵛⴰⵏ ⵙⵓⵎⴰⵜⴰ.
ⵢⵓⵛⴽⴰⴷ ⵡⴰⵎⵎⴰⵙ ⴰⴷ ⵙⵓⵍ ⴳ ⵓⵙⴰⵜⵉ ⵏ ⵜⵡⵉⵣⵉ ⵉ ⵡⴳⴷⵓⴷ ⵃⵎⴰ ⴷ ⵉⵙⴱⵖⵔ ⴳ ⵉⵎⵙⵓⵊⵊⵉⵜⵏ ⵉⵖⵓⴷⴰⵏ, ⵙⵍⴰⵡⵏ ⴰⴽⴽⵯ, ⴳ ⵜⴰⴳⵔⴰⵡⵜ ⵜⴰⵖⵔⵎⴰⵏⵜ ⴳ ⵜⵍⵍⴰ 75 ⵏ ⵢⵉⴼⴹ ⵏ ⵓⵏⴼⴳⴰⵏ, ⴳ ⵉⵍⵍⴰ ⵚⵚⴱⵉⵟⴰⵕ ⵜⵏⵉⴷ ⵉⵍⵎⴰⵍⴰⵏ ⴳ ⵡⵓⴳⴳⵯⴰⵕ ⵏ 20 ⴽⵉⵍⵓⵎⵉⵜⵕ.
ⴰⵎⵎⴰⵙ ⴰⴷ ⵉⵔⴰ ⴷ ⵉⵜⵜⵓⵙⴽⵔ ⴳ ⵓⵎⵜⵜⵓⵍ ⵏ ⵓⵙⴰⵢⵔⴰⵔ ⵏ 2100 ⵎⵉⵜⵔ ⴽⴰⵔⵉ, ⵔⴰ ⴳⵉⵙ ⵢⵉⵍⵉ ⵓⵖⴰⵡⵍ, ⴷ ⵓⴹⵖⴰⵕ ⵏ ⵓⵙⴼⵙⵉ ⴰⵎⵙⵏⵓⵊⵊⵉ, ⴷ ⵜⴷⵓⵙⵉ ⵏ ⵜⵉⵏⵎⵍ, ⴷ ⵓⵙⵓⵊⵊⵉ ⵏ ⵉⵎⵉ ⴷ ⵜⵓⵖⵎⴰⵙ, ⴷ ⵜⴰⴷⴷⴰⵔⵜ ⵏ ⵜⴰⵔⵡⴰ ⴷ ⵜⵓⴳⴳⵜ ⵏ ⵉⴹⵖⴰⵕⵏ ⵢⴰⴹⵏ.
ⴰⵎⵎⴰⵙ ⵏ ⵉⵙⵓⵊⵊⵉⵜⵏ ⵉⵙⵓⵍⴰⵏ ⴳ ⴱⵓⵇⵏⴰⴷⵍ, ⵔⴰⴷ ⵉⵜⵜⵓⵙⴽⵔ ⵙ ⵜⵎⴷⵔⴰⵡⵜ ⴳⵔ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵓⵎⵢⴰⵡⴰⵙ ⴷ ⵜⵎⴰⵡⴰⵙⵜ ⵏ ⵜⴷⵓⵙⵉ ⴳ ⵄⵍⴰⵢⵏ 12 ⵏ ⵡⴰⵢⵢⵓⵔ.