ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴰⵙⵙ ⵏ ⵓⴽⵡⴰⵙ, ⴳ ⵕⵕⴱⴰⵟ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⴰⵎⵣⵡⴰⵔⵓⵜ ⴳ ⵡⴰⵢⵢⵓⵔ ⵏ ⵕⵎⴹⴰⵏ

09 ⵢⵓⵏⵢⵓ 2016 Version Imprimable

ⵕⵕⴱⴰⵟ - -ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ, ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴰⵙⵙ ⵏ ⵓⴽⵡⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵕⵕⴱⴰⵟ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⴰⵎⵣⵡⴰⵔⵓⵜ ⵏ ⵕⵎⴹⴰⵏ.

ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⴰⵎⵣⵡⴰⵔⵓⵜ ⴰⴷ ⵉⵏⵏⴰⵜ ⵓⵎⴰⵡⵙⴰⵙ ⵏ ⵍⴰⵡⵇⴰⴼ ⴷ ⵜⵉⵎⵙⴰⵔⵉⵏ ⵜⵉⵙⵍⴰⵎⵉⵢⵏ, ⵅⴼ ⵜⵎⵔⵏⵓⵜ « ⵜⵉⵡⵉⵣⵉ ⵏ ⵜⵎⵖⴰⵕⵉⵏ ⴳ ⵜⵓⵚⴽⴰ ⵏ ⵜⴷⵍⵙⴰ ⵏ ⵍⵉⵙⵍⴰⵎ ⵏ ⵉⵎⴰⵏ". ⴳ ⵍⴱⴷⵓ ⵏ ⵜⵎⵙⵙⵉⵔⴷⵜ ⴰⴷ ⵉⵙⴰⵡⵍ ⵎⴰⵙⵙ ⵃⵎⴰⴷ ⵜⴰⵡⴼⵉⵇ ⵉⵔⵏⵓ ⵉⵏⵏⴰ ⵎⴰⵙ ⵉⵙⵙⴼⵓⴳⵍⴰ ⵍⴰⵎⵉⵔ ⵏ ⵉⵎⵓⵎⵏⵏ ⵜⴰⵎⵖⴰⵔⵜ ⵉⴼⴽⴰⵙ ⵉⵣⵔⴼⴰⵏ ⵖⵎⴽⵍⵍⵉⵜ ⵢⵓⵊⵊⴰ ⴰⴷ ⵜⵍⴽⵎ ⴰⴷⵖⴰⵔ ⵏⵏⵙ ⴳ ⴽⵔⴰ ⵉⴳⴰⵜ ⵉⴳⵔ ⵖ ⵉⴳⴰ ⵡⵉⵏ ⵓⵙⴳⴷ . ⵉⵙⴷⴷⵉⴷ ⵓⵎⴰⵡⵙⴰⵙⵏ ⵏ ⵍⴰⵡⵇⴰⴼ ⴳ ⵜⵉⵏⴰⵡⵜ ⵏⵏⵙ ⵓⵍⴰ ⵎⴰⵙ ⵜⵙⵡⴰ ⵜⵉⵡⵉⵣⵉ ⵏ ⵜⵎⵖⴰⵔⵉⵏ ⴷ ⵜⵉⵏ ⵉⵔⴳⴰⵣⵏ ⴳ ⵜⵓⵚⴽⴰ ⵏ ⵜⴷⵍⵙⴰ ⵏ ⵍⵉⵙⵍⴰⵎ ⵏ ⵉⵎⴰⵏ . ⵉⵙⴷⴷⵉ ⵓⵎⴰⵡⵙⴰⵙ ⵏ ⵍⴰⵡⵇⴰⴼ ⴷ ⵜⵉⵎⵙⴰⵔⵉⵏ ⵜⵉⵙⵍⴰⵎⵉⵢⵏ ⵎⴰⵙ ⴷⵔⴰⵏ ⵜⵎⵖⴰⵔⵉⵏ ⴳ ⵓⵎⵣⵔⵓⵢ ⵏ ⵍⵉⵙⵍⴰⵎ ⴳ ⵜⵏⴽⵔⴰ ⵙ ⵜⵉⵎⵜⵜⴰ ⵣⵓⵏⴷ ⵉⵎⵎⴰ ⴷ ⵜⵎⵀⴰⵍⵉⵏ ⵜⵓⴷⵔⵜ ⵏ ⵜⵡⵊⵉⵡⵉⵏ ⴳ ⵉⴳⵔⴰⵏ ⵎⴰⵔⵔⴰ. ⴳ ⵜⴳⵉⵔⴰ ⵏ ⵜⵎⵙⵙⵉⵔⴷⵜ ⴰⴷ ⵣⵓⵍⵏ ⴱⴰⴱ ⵏ ⵡⴰⴷⴷⵓⵔ ⵎⴰⵏⵏⴰ ⵍⵄⵓⵍⴰⵎⴰ ⵏ ⴱⵕⵕⴰ ⵉⵉⵍ ⴳⴰⵏⵉⵏ ⵉⵏⴱⴳⵉⵡⵏ ⵏ ⵜⴳⵍⴷⵉⵜ ⵙ ⵓⵣⵎⵣⵣⵓ ⵏ ⵡⴰⵢⵢⵓⵔ ⵏ ⵕⵎⴹⴰⵏ. ⵍⵄⵓⵍⴰⵎⴰ ⴰⴷ ⵓⵛⴽⴰⵏⴷ ⵙⴳ ⵍⴽⵓⵜ ⴷⵉⴼⵡⴰⵔ ⴷ ⴳⴰⵎⴱⵢⴰ ⴷ ⵏⵏⵉⵊⵉⵔ ⴷ ⴱⵓⵔⴽⵉⵏⴰ ⴼⴰⵙⵓ ⴷ ⵙⵉⵏⵉⴳⴰⵍ ⴷ ⵖⵉⵏⵢⴰ. ⵓⵛⴽⴰⵏ ⴷ ⵓⵍⴰ ⵙⴳ ⵊⵓⵥⵓⵕ ⵍⵇⵓⵎⵓⵕ ⴷ ⵍⴳⴰⴱⵓⵏ ⴷ ⴱⵉⵏⵉⵏ ⴷ ⵙⵙⵓⴷⴰⵏ ⴷ ⵎⵓⵔⵉⵜⴰⵏⵢⴰ.

Dernière modification : 09 ⵢⵓⵏⵢⵓ 2016

Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B4%BD%E2%B5%A1%E2%B4%B0%E2%B5%99-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93%E2%B5%9C-%E2%B4%B3-%E2%B5%A1%E2%B4%B0%E2%B5%A2%E2%B5%A2%E2%B5%93%E2%B5%94-%E2%B5%8F#comment-0