Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴼⴽⴰ ⴳ ⵕⵕⴱⴰⵟ ⵍⴱⴷⵓ ⵜⵓⵚⴽⴰ ⵏ ⵡⴰⵎⵎⴰⵙ ⵏ ⵡⴰⵣⴰⵍ ⵏ ⵓⵙⵏⵓⴱⴳ ⵏ ⵉⵎⴰⴹⵓⵏ ⴳ ⵉⵍⵍⴰ ⴰⵍⵣⵀⴰⵢⵎⴰⵕ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴼⴽⴰ ⴳ ⵕⵕⴱⴰⵟ ⵍⴱⴷⵓ ⵜⵓⵚⴽⴰ ⵏ ⵡⴰⵎⵎⴰⵙ ⵏ ⵡⴰⵣⴰⵍ ⵏ ⵓⵙⵏⵓⴱⴳ ⵏ ⵉⵎⴰⴹⵓⵏ ⴳ ⵉⵍⵍⴰ ⴰⵍⵣⵀⴰⵢⵎⴰⵕ

09 ⵢⵓⵏⵢⵓ 2016 Version Imprimable
ⵕⵕⴱⴰⵟ- - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ, ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴰⵙⵙ ⵏ ⵓⴽⵡⴰⵙ ⴳ ⵃⴰⵢ ⵏⵏⴰⵀⴹⴰ ⴳ ⵕⵕⴱⴰⵟ, ⵍⴱⴷⵓ ⵜⵓⵚⴽⴰ ⵏ ⵡⴰⵎⵎⴰⵙ ⵏ ⵡⴰⵣⴰⵍ ⵏ ⵓⵙⵏⵓⴱⴳ ⵏ ⵉⵎⴰⴹⵓⵏ ⴳ ⵉⵍⵍⴰ ⴰⵍⵣⵀⴰⵢⵎⴰⵕ.

ⴷⴰⵢⵙⵎⴰⵍ ⵓⵙⴰⵏⵜⵉ ⴰⴷ ⵉⴳⴰⵏ ⴰⵎⵣⵡⴰⵔⵓ ⴳ ⵓⵙⵡⵉⵔ ⵏ ⵜⴳⵍⴷⵉⵜ, ⵍⵍⵉ ⵜⵙⴽⵔ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵓⵎⵢⴰⵡⴰⵙ ⵙ ⵡⴰⵜⵉⴳ ⵉⵥⵍⵉⵏ ⵙ 7 ⵏ ⵍⵎⵍⴰⵢⵏ ⵏ ⴷⴷⵔⵀⴰⵎ, ⵜⴰⵙⵔⵜⵉⵜ ⵜⴰⵏⴰⵎⵓⵏⵜ ⵏ ⵓⵏⵎⴰⵍⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉ ⵎⵉⴷⴷⵏ ⴳ ⵜⵍⵍⴰ ⵜⵎⵓⴹⵉⵏⵜ.

ⵜⵓⵛⴽⴰⴷ ⵜⵓⵚⴽⴰ ⵏ ⵡⴰⵎⵎⴰⵙ ⵏ ⵡⴰⵣⴰⵍ ⵏ ⵓⵙⵏⵓⴱⴳ ⵏ ⵉⵎⴰⴹⵓⵏ ⴳ ⵉⵍⵍⴰ ⴰⵍⵣⵀⴰⵢⵎⴰⵕ ⵙⴳ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵎⵔⵙⴰⵍⵜ, ⵍⵍⵉ ⵎⵉ ⵉⴳⴰ ⵓⵡⵜⵜⴰⵙ ⵏⵏⵙ ⴰⵙⵏⴰⵍ ⵏ ⵢⵉⴳⵔ ⵏ ⵓⵎⵙⵏⵉⵊⵊⵉ ⴰⵏⴰⵎⵓⵔ, ⵙⵍⴰⵡⵏ ⴰⴽⴽⵯ, ⵙ ⵉⵖⴰⵡⴰⵙⵏ ⵉⵏⴰⵎⵓⵏ.

ⴷ ⵔⴰⴷ ⵉⵟⵏⵀⵍⵍⴰ ⵡⴰⵎⵎⴰⵙ ⵏ ⵡⴰⵣⴰⵍ ⵏ ⵓⵙⵏⵓⴱⴳ ⵏ ⵉⵎⴰⴹⵓⵏ ⴳ ⵉⵍⵍⴰ ⴰⵍⵣⵀⴰⵢⵎⴰⵕ ⴰⴷ ⴳ ⵎⵉⴷⴷⵏ ⵖ ⵉⵍⵍⴰ ⴰⵍⵣⵀⴰⵢⵎⴰⵕ ⴳ ⵎⴰⵢⴳⴰⵜ ⵜⴰⵙⴳⴰ.

ⴰⵎⵎⴰⵙ ⴰⴷ ⵍⵍⵉ ⵢⵔⴰⴷ ⵉⴼⴽ ⵉⵎⵙⵓⵊⵊⵉⵜⵏ ⵉⵖⵓⴷⴰⵏ, ⵉⵍⵍⴰ ⴷⴰⵔⵙ ⵓⵖⴰⵡⴰⵙ ⵏ ⵓⵙⵏⴰⵍ ⵏ ⵓⵎⴰⴹⵓⵏ ⴷ ⵜⴰⵡⵊⴰ ⵏⵏⵙ, ⵃⵎⴰ ⴰⴷ ⴰⵙⵏ ⵢⴰⵡⵙ ⴳ ⵃⵟⵟⵓ ⴷ ⵓⴼⵔⴰⴳ ⵏ ⵡⴰⵏⵏⴰ ⴳ ⵉⵍⵍⴰ ⴰⵍⵣⵀⴰⵢⵎⴰⵕ, ⴷ ⵡⴰⵜⵉⴳ ⵏ ⵜⵡⵓⵔⵉ ⵏⵏⵙⵏ ⵙ ⵓⵙⵎⵓⵜⴳ ⴷ ⵓⵙⵏⵖⵎⵙ.

ⴰⵎⵎⴰⵙ ⴰⴷ ⵉⵔⴰ ⴷ ⵉⵜⵜⵓⵙⴽⵔ ⴳ ⵓⵎⵜⵜⵓⵍ ⵏ ⵓⵙⴰⵢⵔⴰⵔ ⵏ 1178 ⵎⵉⵜⵔ ⴽⴰⵔⵉ, ⴷ ⵍⵍⵉ ⵔⴰⴷ ⵢⵉⵍⵉ ⵜⴰⵎⴰ ⵏ ⵡⴰⵎⵎⴰⵙ ⵏ ⵓⵟⵏⵀⵍⵍⵓ ⴳ ⵎⵉⴷⴷⵏ ⵉⴽⴽⵓⵛⵎⴰⵏ, ⵍⵍⵉ ⵉⵕⵥⴰⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⵕⴱⵉ, ⴰⵙⵙⴰ.

ⴰⵎⵎⴰⵙ ⵏ ⵡⴰⵣⴰⵍ ⵏ ⵓⵙⵏⵓⴱⴳ ⵏ ⵉⵎⴰⴹⵓⵏ ⴳ ⵉⵍⵍⴰ ⴰⵍⵣⵀⴰⵢⵎⴰⵕ ⵔⴰⴷ ⵉⵜⵜⵓⵙⴽⵔ ⵙ ⵜⵎⴷⵔⴰⵡⵜ ⴳⵔ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵓⵎⵢⴰⵡⴰⵙ ⴷ ⵓⵙⵇⵇⵉⵎ ⵏ ⵜⴰⵎⵏⴱⴰⴹⵜ.

ⴷ ⵔⴰ ⵜ ⵙⵡⵓⴷⴷⵓ ⴰⵢⴰⴷ ⵏ ⵡⴰⵎⵎⴰⵙ ⵜⵎⵙⵎⵓⵏⵜ ⵏ ⵍⵎⵖⵔⵉⴱ ⴰⵍⵣⵀⴰⵢⵎⴰⵕ, ⵙ ⵜⵡⵉⵣⵉ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵓⵎⵢⴰⵡⴰⵙ ⴰⵏⴰⵎⵓⵔ.





 

Dernière modification : 09 ⵢⵓⵏⵢⵓ 2016
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B4%BC%E2%B4%BD%E2%B4%B0-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%8D%E2%B4%B1%E2%B4%B7%E2%B5%93-%E2%B5%9C%E2%B5%93%E2%B5%9A%E2%B4%BD%E2%B4%B0-%E2%B5%8F-%E2%B5%A1%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%A1%E2%B4%B0%E2%B5%A3%E2%B4%B0%E2%B5%8D-%E2%B5%8F-%E2%B5%93%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%8F-%E2%B5%89%E2%B5%8E%E2%B4%B0%E2%B4%B9%E2%B5%93%E2%B5%8F-%E2%B4%B3#comment-0