Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⵙⵉⵅⴼ ⴳ ⵕⵕⴱⴰⵟ ⴰⵕⵥⵥⵓⵎ ⵏ ⵡⴰⵎⵎⴰⵙ ⵏ ⵓⵟⵏⵀⵍⵍⴰ ⴳ ⵎⵉⴷⴷⵏ ⴳ ⵉⵍⵍⴰ ⵓⴽⵓⵛⵎ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⵙⵉⵅⴼ ⴳ ⵕⵕⴱⴰⵟ ⴰⵕⵥⵥⵓⵎ ⵏ ⵡⴰⵎⵎⴰⵙ ⵏ ⵓⵟⵏⵀⵍⵍⴰ ⴳ ⵎⵉⴷⴷⵏ ⴳ ⵉⵍⵍⴰ ⵓⴽⵓⵛⵎ

09 ⵢⵓⵏⵢⵓ 2016 Version Imprimable
ⵕⵕⴱⴰⵟ- - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ, ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴰⵙⵙ ⵏ ⵓⴽⵡⴰⵙ ⴳ ⵃⴰⵢ ⵏⵏⴰⵀⴹⴰ ⴳ ⵕⵕⴱⴰⵟ, ⴰⵕⵥⵥⵓⵎ ⵏ ⵡⴰⵎⵎⴰⵙ ⵏ ⵓⵟⵏⵀⵍⵍⴰ ⴳ ⵎⵉⴷⴷⵏ ⴳ ⵉⵍⵍⴰ ⵓⴽⵓⵛⵎ, ⵍⵍⵉ ⵜⵙⴽⵔ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵓⵎⵢⴰⵡⴰⵙ ⵙ ⵡⴰⵜⵉⴳ ⵉⵥⵍⵉⵏ ⵙ 7 ⵏ ⵍⵎⵍⴰⵢⵏ ⵏ ⴷⴷⵔⵀⴰⵎ.

ⴰⵕⵥⵥⵓⵎ ⵏ ⵡⴰⵎⵎⴰⵙ ⴰⴷ ⵉⴳⴰⵏ ⴰⵎⵣⵡⴰⵔⵓ ⴳ ⵕⵕⴱⴰⵟ, ⵍⵍⵉ ⵎⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ ⴰⵕⵥⵥⵓⵎ ⵏⵏⵙ ⵙⴳ 24 ⵢⵓⵏⵢⵓ 2015, ⴳ ⵓⵙⴰⵜⵉ ⵏ ⵜⵓⴳⴳⵯⴰⵣ ⵏ ⴱⴰⴱ ⵏ ⵡⴰⴷⴷⵓⵔ ⵃⵎⴰ ⴷ ⵢⴰⵡⵙ ⵉ ⵢⵎⵄⴹⴹⵔⵏ, ⴳ ⵎⴰⵢⴳⴰⵜ ⵉⵎⴰⵙⵙⵏ ⵍⵍⵉ ⵔⴰ ⴷⴰⵙⵏ ⵢⴰⵡⵙ ⴰⴽⵛⵛⵓⵎ ⵉⵖⵓⴷⴰⵏ ⴳ ⵓⵏⴳⵔⴰⵡ ⴰⵙⴳⵎⴰⵏ, ⴷ ⴳ ⵓⵥⵟⵟⴰ ⴰⵏⴰⵎⵓⵏ ⴷ ⵜⵓⴷⵔⵜ ⴰⵣⵣⵓⵍⴰⵏ.

ⵜⴰⵎⵔⵙⴰⵍⵜ ⴰⴷ ⵜⴰⵎⴰⵢⵏⵓⵜ ⵉⴳⴰ ⵓⵡⴰⵜⵜⴰⵙ ⵏⵏⵙ ⴰⵙⵙⵓⵊⴷ ⵏ ⵓⵟⵏⵀⵍⵍⵓ ⴰⵎⵙⵏⵉⵊⵊⵉ ⴳ ⵜⵓⴳⵜ ⵏ ⵜⵙⵓⴳⵔⵜ, ⴷ ⵓⵙⵏⴰⵍ ⴰⵏⴰⵎⵓⵏ ⴷ ⵜⵏⵢⵉⵎⴰⵏⵜ ⵉ ⵎⵉⴷⴷⵏ ⴳ ⵉⵍⵍⴰ ⵓⴽⵓⵛⵎ, ⵙⵍⴰⵡⵏ ⴰⴽⴽⵯ, ⵉ ⵢⵎⵣⵣⴰⵏ, ⴷ ⵓⵍⵍⴰⵙ ⵏ ⵜⵉⵙⵖⵉⵢⵜ ⵏ ⵓⵙⵖⵏⴰⵏ ⴷ ⵜⴰⵣⵣⵉⵜ ⵉ ⵢⵎⵥⵥⴰⵏ, ⴷ ⵜⵡⵉⵣⵉ ⵏⵏⵙⵏ ⵃⵎⴰ ⴷ ⵏⵏⵓⵕⵥⵎⴰⵏ ⵙ ⵉⵎⵓⵙⵙⵓⵜⵏ ⴰⵙⴳⵎⴰⵏ.

ⵉⵣⴹⵕ ⵡⴰⵎⵎⴰⵙ ⵏ ⵓⵟⵏⵀⵍⵍⴰ ⴳ ⵎⵉⴷⴷⵏ ⴳ ⵉⵍⵍⴰ ⵓⴽⵓⵛⵎ ⴰⴷ ⵉⵙⵏⵓⴱⴳ 100 ⵏ ⵓⵎⵙⴱⵖⵔ ⴳ ⵛⴰⵢⴳⴰⵏ ⵏ ⵓⵙⵓⵊⵊⵉⵜⵏ.

ⴷ ⵔⴰ ⴳⵉⵙ ⵙⴽⵔⵏ ⵜⵉⵖⵔⴰⵙⵉⵏ ⵏ ⵓⵜⵓⵢ ⵉ ⵉⴷ ⴱⴰⴱ ⵏⵏⵙⵏ ⴷ ⵜⴰⵡⵊⴰ ⵏⵏⵙⵏ, ⵍⵍⵉ ⵎⵉ ⵢⴳⴰ ⵓⵡⴰⵜⵜⴰⵙ ⵏⵏⵙ ⵙⵓⵍ ⵓⵙⵏⴰⵍ ⵉ ⵜⵎⵙⵎⵓⵏⵉⵏ ⴳ ⵢⵉⴳⵔ ⵏ ⵓⴽⵓⵛⵎ.

ⴳ ⵜⵏⵉⵍⵍⴰ ⵢⴰⴹⵏ, ⵔⴰ ⴷ ⵉⵇⴰⴱⵍ ⴰⵢⴰⴷ ⵏ ⵡⴰⵎⵎⴰⵙ ⴰⵎⵙⵙⵓⵊⵉ, ⵛⴰⵢⴳⴰⵏ ⵏ ⵉⵟⴱⵉⴱⵏ ⴷ ⵉⵏⵙⵎⴰⴳⴰⵍⵏ ⴷ ⵉⵜⵉⵇⵏⵉⵢⵏ ⵏ ⵜⴷⵓⵙⵉ, ⵍⵍⵉ ⵉⵜⵜⴰⵡⵙⵏ ⴳⵔⴰⵜⵙⵏ ⵃⵎⴰ ⴷ ⵙⵉⵏⵙⵉⵏ ⵏ ⵓⵍⵍⴰⵙ ⵏ ⵜⵉⵙⵖⵉⵢⵜ ⵏ ⵓⵙⵖⵏⴰⵏ ⵉ ⵎⵉⴷⴷⵏ ⴳⵉⵙ ⵉⵙⴱⵖⵕⵏ.

ⴷ ⵔⴰⴷ ⵉⵙⴼⵍⵙ ⴰⵎⵎⴰⵙ ⴰⴷ, ⴰⵎⵎⴰⵙ ⴰⵏⴰⵎⵓⵔ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵉⵎⵄⴹⴹⵕ ⴷ ⵜⵎⴰⵡⴰⵙⵜ ⵏ ⵜⴷⵓⵙⵉ.

ⵙ ⵓⵣⵎⵎⵣⵓ ⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⵉⵙ ⵏ ⵓⵙⵏⴰⵎ ⵏ ⵉⵖⵚⴰⵏ ⵍⵍⵉ ⵉⴼⴽⴰ ⵡⴰⵎⵎⴰⵙ ⴰⵏⴰⵎⵓⵔ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵉⵎⵄⴹⴹⵕ, ⵉ 60 ⵓⵎⵄⴹⴹⴰⵕ.
 

Dernière modification : 09 ⵢⵓⵏⵢⵓ 2016
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%A1%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%93%E2%B5%9F%E2%B5%8F%E2%B5%80%E2%B5%8D%E2%B5%8D%E2%B4%B0-%E2%B4%B3-%E2%B5%8E%E2%B5%89%E2%B4%B7%E2%B4%B7%E2%B5%8F-%E2%B4%B3-%E2%B5%89%E2%B5%8D%E2%B5%8D%E2%B4%B0-%E2%B5%93%E2%B4%BD%E2%B5%93%E2%B5%9B%E2%B5%8E#comment-0