ⴰⵡⵜⵜⴰⵙ ⵏ ⵡⴰⵎⵎⴰⵙ ⴰⵏⵎⵏⴰⴹ ⵏ ⵍⴰⵏⴽⵓⵍⵓⵊⵉ ⴳ ⵜⵎⴷⵉⵏⵜ ⵍⵄⵢⵓⵏ, ⵉⴳⴰⵜ ⴰⵙⵙⵓⵊⴷ ⵏ ⵓⵟⵏⵀⵍⵍⴰ ⵉⵥⵍⵉⵏ ⵙ ⵉⵎⴰⴹⵓⵏ ⵙ ⵍⴽⵓⵏⵚⵉⵕ ⴳ ⵓⵙⵡⵉⵔ ⵏ ⵜⵙⴳⴰ ⵏ ⵍⵄⵢⵓⵏ-ⵙⵙⴰⵇⵢⴰ ⵍⵃⵎⵕⴰ, ⵍⵍⵉ ⵉⵣⴹⴰⵔⵏ ⴰⴷ ⵓⵙⵏⵓⴱⴳ ⵓⴳⴳⵯⴰⵔ ⵏ 2000 ⵏ ⵓⵎⴰⴹⵓⵏ ⴳ ⵓⵙⴳⴳⵯⴰⵙ. ⵙ ⵓⵢⴰⴷ ⵉⵎⴰⴹⵓⵏ ⵍⵍⵉ ⵉⵜⴷⴷⵓⵏ ⵙⵔ ⴰⴳⴰⴷⵉⵕ ⴷ ⵎⵕⵕⴰⴽⵛ ⵃⵎⴰ ⴰⴷ ⵙⵓⵊⵊⵉⵏ, ⵓⵔⵔⴰ ⴷ ⵜⵎⵓⴷⴷⵓⵏ ⵙⵓⵍ.
ⵍⵍⴰⵏⵜ ⴳ ⵡⴰⵎⵎⴰⵙ ⴰⵏⵎⵏⴰⴹ ⵏ ⵍⴰⵏⴽⵓⵍⵓⵊⵉ ⴳ ⵜⵎⴷⵉⵏⵜ ⵍⵄⵢⵓⵏ ⵛⴰⵢⴳⴰⵏ ⵏ ⵜⴳⵣⵣⵓⵎⵉⵏ ⵏ ⵓⵣⵔⴰⵢ, ⴷ ⵓⵙⵙⵓⵊⵉ ⵙ ⵍⴰⵢⵣⵕ, ⴷ ⵓⵙⵙⵓⵊⵉ ⵏ ⵛⵛⵉⵎⵉ-ⴰⵎⵙⵙⵓⵊⵉ ⵏ ⵡⴰⵙⵙ, ⴷ ⵜⵙⴰⵙⴼⵔⵜ, ⴷ ⵙⵏⴰⵜ ⵜⴳⵣⵣⵓⵎⵉⵏ ⵏ ⵓⵙⵙⵓⵊⵉ ⵙ ⵛⵛⵉⵎⵉ ⴷ ⵙ ⵍⵍⴰⵢⵣⵕ, ⴷ ⵜⵎⵙⵙⵓⴳⵓⵔⵜ, ⴷ ⵜⴳⵣⵣⵓⵎⵉⵏ ⵜⵉⵎⴰⵜⵜⴰⵢⵉⵏ.
ⴷ ⵉⵍⵍⴰ ⴳ ⵜⴰⴷⴷⴰⵔⵜ ⵏ ⵜⵓⴷⵔⵜ ⴳ ⵍⵄⵢⵓⵏ, 500 ⵏ ⵓⴹⵖⴰⵕ ⵏ ⵓⵙⵏⵓⴱⴳ ⵉ ⵡⵉⵏⵏⴰ ⴳ ⵜⵍⵍⴰ ⵜⵎⴰⴹⵓⵏⵜ ⵏ ⵍⴽⵓⵏⵚⵉⵕ ⴷ ⵜⴰⵡⵊⴰ ⵏⵏⵙⵏ ⵍⵍⵉ ⴷ ⵢⵓⵛⴽⴰⵏ ⴳ ⵉⴹⵖⴰⵔⵏ ⵢⴰⴳⴳⵓⴳⵏ.
ⵙⵏⴰⵜ ⵜⵓⵚⴽⵉⵡⵉⵏ ⴰⴷ ⵔⴰⴷ ⵜⵜⵓⵢⴰⵙⴽⵔⵏⵜ ⵙ ⵄⵍⴰⵢⵏ 57 ⵎⵍⵢⵓⵏ ⵏ ⴷⴷⵔⵀⴰⵎ, ⵉⴷ ⴰⵜⵉⴳ ⵏ ⵓⵎⴰⵡⴰ ⵏⵏⵙⵏ ⵙ 20 ⵎⵍⵢⵓⵏ ⴷⴷⵔⵀⴰⵎ.
ⴷ ⵔⴰⴷ ⴱⴷⵓⵏ ⵉⵙⵏⵜⵉⵏ ⴰⴷ, ⵍⵍⵉ ⵔⴰⴷ ⵉⵜⵜⵓⵢⴰⵙⴽⵔ ⵙ ⵓⵣⵎⵣⵣⵓ ⵏ ⵜⵉⴽⴽⵉ ⵍⵍⵉ ⵙⵎⵓⵏ ⴳ ⵢⵉⴹ ⵏ ⵓⴼⵓⵍⴽⵉ ⵍⵍⵉ ⵜⵙⵏⵎⴰⵍⴰ ⵜⵎⵔⵙⵍⵜ ⵍⴰⵍⵍⴰ ⵙⴰⵍⵎⴰ ⵏ ⵓⵔⴰⵢ ⴷ ⵓⵙⵓⵊⵊⵉ ⵏ ⵍⴽⵓⵏⵚⵉⵕ ⴳ ⵎⵕⵕⴰⴽⵛ ⴳ ⵡⴰⵙⵙ ⵏ 3 ⴽⵜⵓⴱⵕ 2015.
ⴷ ⵜⴽⵛⴰⵎ ⵜⵓⵚⴽⴰ ⵏ ⵡⴰⵎⵎⴰⵙ ⴰⵏⵎⵏⴰⴹ ⵏ ⵍⴰⵏⴽⵓⵍⵓⵊⵉ ⴳ ⵜⵎⴷⵉⵏⵜ ⵍⵄⵢⵓⵏ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵔⴰⵢ ⴷ ⵓⵙⵓⵊⵊⵉ ⵏ ⵍⴽⵓⵏⵚⵉⵕ, ⵍⵍⵉ ⵔⴰⴷ ⵉⴼⵓⴽⴽⵓ ⴰⵖⴰⵡⴰⵙ ⵏ ⵓⴼⵙⴰⵔ ⴰⴷⵓⵙⴰⵏ ⵉⵥⵍⵉⵏ ⵙ ⵍⴰⴽⵓⵍⵓⵊⵉ ⴳ ⵜⵙⴳⴰ ⵏ ⵍⵄⵢⵓⵏ- ⵙⴰⵇⵢⴰ ⵍⵃⵎⵕⴰ.
