ⵉⵙⵙⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵜⴰⴼⵓⴳⵍⴰ ⵏ ⵜⵉⴽⴽⵉ ⵏ ⵜⵙⵎⵖⵓⵔⵜ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ "ⵜⴱⵓⵕⵉⴹⴰ"

29 ⵎⴰⵢⵢⵓ 2016 Version Imprimable

ⵕⵕⴱⴰⵟ - ⵉⵙⵙⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴰⵙⵙ ⵏⵓⵙⴰⵎⴰⵙ ⵜⴰⴼⵓⴳⵍⴰ ⵏ ⵜⵉⴽⴽⵉ ⵏ ⵜⵙⵎⵖⵓⵔⵜ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⵜⴰⵏⴰⴽⴰ ⵜⴰⵇⴱⵓⵔⵜ "ⵜⴱⵓⵕⵉⴹⴰ" ⵏ ⵜⴱⵔⵣⴰ ⵜⵉⵙⵙ 17 ⵍⵍⵉ ⵎⵓ ⵉⴳⴰ ⵡⴰⵜⵉⴳ ⵎⵍⵢⵓⵏ ⴷ 685000 ⵏ ⴷⴷⵔⵀⵎ ⴳⵉⵙ ⵎⵍⵢⵓⵏ ⴷ 443000 ⴷ 500 ⴷⵔⵀⵎ ⵉ ⵉⵅⴰⵜⴰⵔⵏ ⴷ 241000 ⴷ 500 ⴷⴷⵔⵀⵎ ⵉ ⵉⵄⵔⵔⵉⵎⵏ.

ⵜⵜⵓⵙⵏⵎⴰⵍⴰ ⵜⴰⵙⵙⵓⵜⵍⵜ ⴰⴷ ⵜⵉⵙⵙ 17 ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙⴳ23 ⴰⵔ29 ⵎⴰⵢⵢⵓ ⴳ ⵓⴷⴷⵉⵙ ⴰⴳⵍⴷⴰⵏ ⵏ ⵜⵏⴰⴽⴰ ⴷ ⵜⴱⵓⵕⵉⴹⴰ ⴹⴰⵕ ⵙⵙⴰⵍⴰⵎ ⴳ ⵕⵕⴱⴰⵟ. ⵍⵍⵉⵖ ⵉⵍⴽⵎ ⵙ ⵓⴷⴷⵉⵙ ⴰⴳⵍⴷⴰⵏ ⵏ ⵜⵏⴰⴽⴰ ⴷ ⵜⴱⵓⵕⵉⴹⴰ ⴹⴰⵕ ⵙⵙⴰⵍⴰⵎ, ⵉⵙⵏⵓⴱⴳ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵓⵏⵙⵙⵉⵅⴼ ⵏ ⵜⴼⵉⴹⵉⵕⴰⵍⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⴰⴱⵉⵜ ⵏ ⵜⵏⴰⴽⴰ, ⵛⵔⵉⴼ ⵎⵓⵍⴰⵢ ⵄⴱⴹⵍⵍⴰⵀ ⵄⴰⵍⴰⵡⵉⵎ ⴷ ⵎⵏⵏⴰⵡ ⵉⵏⵖⵓⵔⵏ. ⴷⴼⴼⵉⵔ ⵏ ⵖⵉⴽⴽⴰⵏ, ⵉⴽⵛⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵙ ⵜⵅⴰⵎⵜ ⵜⴰⴳⵍⴷⵓⵏⵜ ⵖ ⵉⵍⵍⵉ ⵖ ⵉⴹⵓⴼ ⵢⴰⵏ ⵓⴼⵕⵕⵊ ⵏ ⵓⴳⵔⴰⵡ ⴰⵏⴱⵔⴰⵣ ⴷⴰⵔ ⵉⵎⵥⵢⴰⵏⵏ ⵓⵍⴰ ⴽⵕⴰⴹ ⵏ ⵉⴳⵔⴰⵡⵏ ⵉⵏⴱⵔⴰⵣⵏ ⴰⵎⵎⴰⵙ ⵏ ⵉⵎⵇⵔⴰⵏ. ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵜⵉⵎⵉⴷⴰⵢⵉⵏ ⵉ ⵜⵔⴰⴱⴱⵓⵜⵉⵏ ⵍⵍⵉ ⴷ ⵢⵓⵛⴽⴰⵏ ⵜⵉⵎⵣⵡⴰⵔⵓⵜⵉⵏ. ⴳ ⵜⵎⴳⴳⴰⵔⵓⵜ ⵏ ⵓⵎⵃⵉⵣⵡⵔ ⴰⴷ ⵉⴼⵓⵍⴽⵉⵏ, ⵉⵙⴽⵔ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵢⴰⵜ ⵜⴰⵡⵍⴰⴼⵜ ⵜⴰⴽⵜⵜⴰⵢⵜ ⴷ ⵉⵏⴱⵔⴰⵣⵏ ⴷ ⵉⵎⵇⴷⴷⵎⵏ ⴷ ⴽⵓⵍⵍⵓ ⵜⵔⴰⴱⴱⵓⵜⵉⵏ ⵍⵍⵉ ⵢⴷⵔⵓⵏ ⴳ ⵜⴱⵔⵣⴰ ⵢⴰⴷ.

Fichier attaché :

sar_prince_moulay_el_hassan-trophee_hassan_ii-tbourida-g.jpg

Dernière modification : 29 ⵎⴰⵢⵢⵓ 2016

Source URL: https://www.mapnews.ma/am/activites-princieres/%E2%B5%89%E2%B5%99%E2%B5%99%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B5%8E%E2%B4%BD%E2%B4%BD%E2%B5%93%E2%B5%99%E2%B5%93-%E2%B5%8F-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%8D%E2%B5%83%E2%B4%B0%E2%B5%99%E2%B4%B0%E2%B5%8F-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%9C%E2%B5%89%E2%B4%BD%E2%B4%BD%E2%B5%89-%E2%B5%8F-0#comment-0