Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⴱⵔⴰⵜ ⵉⵢⵎⴷⵔⴰⵡⵏ ⴳ ⵓⵏⵎⵓⵇⵇⴰⵔ ⴰⵅⴰⵜⴰⵔ ⴰⵏⴼⴳⴰⵏ ⴰⵎⵣⵡⴰⵔⵓ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⴱⵔⴰⵜ ⵉⵢⵎⴷⵔⴰⵡⵏ ⴳ ⵓⵏⵎⵓⵇⵇⴰⵔ ⴰⵅⴰⵜⴰⵔ ⴰⵏⴼⴳⴰⵏ ⴰⵎⵣⵡⴰⵔⵓ

23 ⵎⴰⵢⵢⵓ 2016 Version Imprimable
ⵉⵚⵟⴰⵏⴱⵓⵍ - /ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵙⵕ ⵕⴱⴱⵉ ⵢⴰⵜ ⵜⴱⵔⴰⵜ ⵉⵢⵎⴷⵔⴰⵡⵏ ⴳ ⵓⵏⵎⵓⵇⵇⴰⵔ ⴰⵅⴰⵜⴰⵔ ⴰⵏⴼⴳⴰⵏ ⴰⵎⵣⵡⴰⵔⵓ ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⵙⵟⴰⵏⴱⵓⵍ ⴳ 23 ⴷ 24 ⵎⴰⵢⵢⵓ.

ⵉⵙⵏⵉⵎⵎⵔ ⴱⴰⵀⵔⴰ ⴱⴰⴱ ⵏ ⵡⴰⴷⴷⵓⵔ ⴰⵏⵙⵙⵉⵅⴼ ⵏ ⵜⵓⵔⴽⵢⴰ ⵎⴰⵙⵙ ⵟⴰⵢⵉⴱ ⵕⴰⵊⴰⴱ ⵓⵔⴷⵓⴳⴰⵏ ⵍⵍⵉⵯ ⵜⵙⵏⵓⴱⴳ ⵜⵎⵓⵔⵜ ⵏⵏⵙ ⴰⵏⵎⵓⵇⵇⴰⵔ ⴰⴷ ⴰⵅⴰⵜⴰⵔ ⵓⵍⴰ ⵙⵓⵍ ⵜⵉⵎⵉⵣⴰⵔ ⵍⵍⵉ ⴷⵔⴰⵏⵉⵏ ⴳ ⵉⵎⵛⵉⵡⵉⵕⵏ ⵅⴼ ⵍⵍⴰⵙ.

ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵎⴰⵙ ⵉⵜⵜⵓⵙⵏⵎⴰⵍⴰ ⵓⵏⵎⵓⵇⵇⴰⵔ ⴰⴷ ⴳ ⵢⴰⵏ ⵡⴰⴷⴷⴰⴷ ⵍⵍⵉⵖ ⴳⴳⵓⵜⵏ ⵉⵎⵣⵡⴰⴳ ⴳ ⵓⵎⴰⴹⴰⵍ ⴷ ⵡⵉⵍⵍⵉ ⵔⵡⵍⵏⵉⵏ ⴳ ⵉⵎⵏⵖⵉⵜⵏ.

ⵙⵖⵎⴽⴰⴷ ⵉⵇⵇⴰⵏⴷ ⴰⴷ ⵏ ⴹⴼⵕ ⵜⵉⵎⵢⴰⴷⴰⵙⵉⵏ ⵖⵓⴷⴰⵏⵉⵏ ⴰ ⴰⴷ ⵏⴰⴼ ⵜⵉⵎⵙⵓⵎⵔⵉⵏ ⵏ ⵉⵎⴰⵍ ⵍⵍⵉⵙ ⵔⴰⴷ ⵢⴰⵊⵊ ⵜⵉⵡⵓⵔⵉⵡⵉⵏ ⵜⵏⴼⴳⴰⵏⵉⵏ ⵖⵓⴷⴰⵏⵜ.

ⵉⵔⵏⵓ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵉⴼⴽⴰ ⴰⵏⴼⴰ ⴷ ⵡⴰⴷⴷⵓⵔ ⵉ ⵜⵡⵓⵔⵉⵡⵉⵏ ⵜⵉⵏⴷⴳⴰⵏⵉⵏ ⵣⵉⴽ ⵍⵍⵉ ⵢⵓⵎⵥ ⴰⴷⴰⴱⵓ ⵙⵍⴰⵡⴰⵏ ⴰⴽⴽ ⴳ ⵜⵙⵜⵔⴰⵜⵉⵣⵉⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵙⵍⴰⵡⴰⵏ ⴰⴽⴽ ⴷ ⵜⵎⵓⵔⵉⵏ ⵏⵉⴼⴼⵓⵙ.

ⵉⵔⵏⵓ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵜⵔⴰ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵓⵣⵎⵣⵣⵓ ⵏ ⵓⵙⵏⵓⴱⴳ ⵏ ⵓⵏⵎⵓⵇⵇⴰⵔ ⴰⵅⴰⵜⴰⵔ ⵏ ⴽⵓⴱ 22 ⵍⵍⵉ ⵔⴰⴷ ⵉⵜⵜⵓⵙⵏⵎⴰⵍⴰ ⴳ ⵎⵕⵕⴰⴽⵛ ⴰⴷ ⵉⵜⵜⵢⴰⴼⴰ ⵢⴰⵏ ⵓⵙⵓⵖⵏ ⴰⵎⴰⴹⵍⴰⵏ ⴳ ⵎⴰⴷ ⵉⵥⵍⵉⵏ ⴷ ⵉⵙⵏⴼⴰⵍⵏ ⴷ ⵜⵎⵓⴽⵔⵉⵙⵉⵏ ⵏ ⵓⵏⵣⵡⵉ.

ⵉⴽⴽⴰⵜⵏ ⵉⵍⴽⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴰⵙⵙ ⵏ ⵓⵙⴰⵎⴰⵙ ⵉⵚⵟⴰⵏⴱⵓⵍ ⵍⵍⵉⵖ ⵉⵙⵎⴷⵢⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵓⵏⵎⵓⵇⵇⴰⵔ ⴰⵅⴰⵜⴰⵔ ⴰⵏⴼⴳⴰⵏ ⴰⵎⵣⵡⴰⵔⵓ ⴳ ⵉⵚⵟⴰⵏⴱⵓⵍ .
 

Dernière modification : 23 ⵎⴰⵢⵢⵓ 2016
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B4%B0%E2%B5%9C-%E2%B5%9C%E2%B4%B1%E2%B5%94%E2%B4%B0%E2%B5%9C-%E2%B5%89%E2%B5%A2%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%93%E2%B5%8F%E2%B5%8E%E2%B5%93%E2%B5%87%E2%B5%87%E2%B4%B0%E2%B5%94-%E2%B4%B0%E2%B5%85%E2%B4%B0%E2%B5%9C%E2%B4%B0%E2%B5%94-%E2%B4%B0%E2%B5%8F%E2%B4%BC%E2%B4%B3%E2%B4%B0%E2%B5%8F-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93#comment-0