Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵏ ⵡⴰⵏⴰⴹ ⴰⴽⵓⵢⴰⵙⵙ ⵉ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ (ⴼⴰⵕ)
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵏ ⵡⴰⵏⴰⴹ ⴰⴽⵓⵢⴰⵙⵙ ⵉ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ (ⴼⴰⵕ)

14 ⵎⴰⵢⵢⵓ 2016 Version Imprimable
ⵕⵕⴱⴰⴹ - ⴳ ⵓⵣⵎⵣⵣⵓ ⵏ ⵓⴽⵜⵜⴰⵢ ⵡⵉⵙⵙ 60 ⵏ ⵜⵓⴳⵉ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ (ⴼⴰⵕ), ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⵏⵙⵙⵉⵅⴼ ⴰⵏⴰⴼⵍⵍⴰⵏ ⴷ ⴰⵏⵙⵙⵢⵅⴼ ⵏ ⵍⵉⵟⴰⵎⴰⵊⵓⵕ ⴰⵏⵎⴰⵜⴰⵢ ⵏ « ⴼⴰⵕ », ⴰⵙⵙ ⵏ ⵓⵙⵉⴹⵢⴰⵙ, ⵢⴰⵏ ⵡⴰⵏⴰⴹ ⴰⴽⵓⵢⴰⵙⵙ ⵉ ⵢⵉⴳⵎⴰⵎⵏ ⵏ ⵜⴳⴳⴰⵍⵉⵏ ⴰⴷ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵜ ⵉⵙⵏⵉⵎⵎⵔ ⴰⵟⵟⴰⵚ ⴰⴷ ⵉⵙⵙⴼⵓⴳⵍⴰ ⵓⴳⴷⵓⴷ ⴰⵎⵖⵔⵉⴱⵉ ⵙ ⴰⵙⵙ ⴰⴷ ⵍⵍⵉ ⵉⴳⴰⵏ ⵢⴰⵏ ⵓⵣⵎⵣ ⴰⵅⴰⵜⴰⵔ ⴳ ⵜⵓⴷⵔⵜ ⵍⵎⵖⵔⵉⴱ .

ⵉⵔⵏⵓ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵎⴰⵙ ⴰⵔ ⴷ ⵏⵙⵙⴽⵜⵉ ⴰⵙⵙ ⴰⴷ ⵉⴳⵍⵄⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ ⴷ ⵉⴳⵎⴰⵎⵏ ⵏ ⵜⵓⴳⵢ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵍⵍⵉ ⴼⴽⴰⵏⵉⵏ ⵜⵉⵖⴰⵡⵙⵉⵡⵉⵏ ⵖⵓⴷⵏⵉⵏ ⵉ « ⴼⴰⵕ ».

ⵉⵙⵏⵉⵎⵎⵔ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵜⵉⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵜⵉⵅⴰⵜⴰⵔⵉⵏ ⵙⵍⴰⵡⴰⵏ ⴰⴽⴽⵯ ⴳ ⵓⵙⴰⵜⵉ ⵏ ⵓⵙⵏⵊⵎ ⴷ ⵓⵎⵢⴰⵡⴰⵙ ⵏ ⵉⵎⵣⴷⴰⵖⵏ ⴳ ⵉⴷⵔⴰⵔⵏ ⴷ ⵜⵙⴳⴳⵉⵡⵉⵏ ⵍⵍⵉⵖ ⵉⵣⵔⵉ ⵓⵏⵣⵡⵉ ⵉⵅⵛⵏ.

ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵉⴼⴽⴰ ⵢⴰⵏ ⵡⴰⵏⴼⴰ ⴰⵅⴰⵜⴰⵔ ⵉ ⵢⵓⵙⵎⵓⵜⵜⴳ ⴰⵄⵚⴽⵕⵉⵢ ⴰⴼⴰⴷ ⴰⴷ ⴹⴼⵕⵏ ⵉⴽⵎⴰⵎⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵏ ⵓⵣⵎⵣ ⵍⵍⵉ ⵖ ⵍⵍⴰⵏ.

ⵉⵙⵏⵉⵎⵎⵔ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵜⴰⴷⵔⴰⵡⵜ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴳ ⵜⵓⴳⴳⴰⵙ ⵏ ⵉⵏⴳⵎⴰⵎⵏ ⵉⵏⴰⵎⵓⵔⵏ ⵏ ⵜⵏⴼⵔⵓⵜ ⵏ ⵓⵔⴰⵢ ⵏ ⵍⵎⵖⵔⵉⴱ ⴷ ⵉⴼⴳⴰⵏⵏ ⵖⵎⴽⵍⵍⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⵏⴼⴰ ⴰⵅⴰⵜⴰⵔ ⵉ ⵜⵡⵓⵔⵉⵡⵉⵏ ⵜⵉⵏⴼⴳⴰⵏⵉⵏ ⵏ ⵍⵉⴼⴰⵕ ⴳ ⵜⵎⵉⵣⴰⵔ ⵏ ⴱⵕⵕⴰ.

ⵉⵜⵜⵔ ⴱⴰⴱ ⵏ ⵡⴰⴷⴷⵓⵔ ⵉⵕⴱⴱⵉ ⴰⴷ ⵉⵕⵃⵎ ⵉⴳⵎⴰⵎⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵍⵍⵉ ⴼⴽⴰⵏⵉⵏ ⴰⵢⵎⴰⵏ ⵏⵏⵙⵏ ⴰⴼⴰⴷ ⴰⴷ ⵜⴷⴷⵔ ⵜⴳⵍⴷⵉⵜ ⴳ ⵓⵏⵢⴰ ⵏ ⵜⴷⵔⴼⵉ.
 

Dernière modification : 14 ⵎⴰⵢⵢⵓ 2016
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B5%A2%E2%B4%B0%E2%B5%8F-%E2%B5%A1%E2%B4%B0%E2%B5%8F%E2%B4%B0%E2%B4%B9-%E2%B4%B0%E2%B4%BD%E2%B5%93%E2%B5%A2%E2%B4%B0%E2%B5%99%E2%B5%99-%E2%B5%89-%E2%B5%9C%E2%B4%B0%E2%B4%B3%E2%B4%B3%E2%B4%B0%E2%B5%8D%E2%B5%89%E2%B5%8F-%E2%B5%9C%E2%B5%89%E2%B5%8D%E2%B4%B0%E2%B4%BC%E2%B5%89%E2%B5%8F-0#comment-0