Published on MAPNews (https://www.mapnews.ma/am)

Accueil > ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵜⵙⵙⵉⵅⴼ ⴰⵕⵥⵥⵓⵎ ⵏ ⴰⵏⵎⵓⴳⴳⴰⵔ ⵡⵉⵙⵙ 22 ⵏ ⴼⴰⵙ ⵏ ⵓⵥⴰⵡⴰⵏ ⴰⵕⵓⵃⵉ ⴰⵎⴰⴹⴰⵍ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵜⵙⵙⵉⵅⴼ ⴰⵕⵥⵥⵓⵎ ⵏ ⴰⵏⵎⵓⴳⴳⴰⵔ ⵡⵉⵙⵙ 22 ⵏ ⴼⴰⵙ ⵏ ⵓⵥⴰⵡⴰⵏ ⴰⵕⵓⵃⵉ ⴰⵎⴰⴹⴰⵍ

06 ⵎⴰⵢⵢⵓ 2016 Version Imprimable
ⴼⴰⵙ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⵎⵓⵏ ⴷ ⵍⴰⵍ ⵏ ⵜⴰⵜⵜⵓⵢⵜ ⵛⵛⵉⵅⴰ ⵎⵓⵣⴰ ⴱⵏⵜ ⵏⴰⵚⵕ, ⴳ ⵢⵉⴹ ⵏ ⵓⵙⵉⵎⵡⴰⵙ ⴳ ⴼⴰⵙ, ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵏⵎⵓⴳⴳⴰⵔ ⵡⵉⵙⵙ 22 ⵏ ⴼⴰⵙ ⵏ ⵓⵥⴰⵡⴰⵏ ⴰⵕⵓⵃⵉ ⴰⵎⴰⴹⴰⵍ, ⵍⵍⵉ ⵉⵜⵜⵓⵙⵏⵎⴰⵍⴰⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙ ⵜⵎⴰⵜⴰⵔⵜ ⵏ « ⵜⵉⵎⵖⴰⵔⵉⵏ ⵜⵓⵚⴽⴰⵡⵉⵏ ».

ⵍⵍⵉ ⵖ ⵏ ⵜⵍⴽⴰⵎ ⴱⴰⴱ ⵍⵎⴰⴽⵉⵏⴰ, ⵉⵣⵣⵓⵍ ⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⴰⵍⵎⴰ ⴷ ⵍⴰⵍ ⵏ ⵜⴰⵜⵜⵓⵢⵜ ⵛⵛⵉⵅⴰ ⵎⵓⵣⴰ ⴱⵏⵜ ⵏⴰⵚⵕ, ⵓⵎⴰⵡⵙⴰⵙ ⵏ ⵓⴳⵏⵙⵓ ⵎⴰⵙⵙ ⵎⵓⵃⵎⵎⴷ ⵃⵚⵚⴰⴷ, ⴷ ⵓⵎⴰⵡⵙⴰⵙ ⵏ ⵜⴷⵍⵙⴰ, ⵎⴰⵙⵙ ⵎⵓⵃⵎⵎⴷ ⴰⵎⵉⵏ ⵚⴱⵉⵃⵉ, ⴷ ⵓⵏⴱⴱⴰⴹ ⵏ ⵜⵙⴳⴰ ⵏ ⴼⴰⵙ-ⵎⴽⵏⴰⵙ, ⴰⵏⴱⴱⴰⴹ ⵏ ⴼⴰⵙ ⵎⴰⵙⵙ ⵙⴰⵄⵉⴷ ⵣⵏⵉⴱⵕ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵙⴳⴰ ⵏ ⴼⴰⵙ-ⵎⴽⵏⴰⵙ, ⵎⴰⵙⵙ ⵎⵓⵃⵃⵏⴷ ⵍⵄⵏⵚⵕ.

ⵉⵣⵣⵓⵍ ⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⴰⵍⵎⴰ ⴷ ⵍⴰⵍ ⵏ ⵜⴰⵜⵜⵓⵢⵜ ⵛⵛⵉⵅⴰ ⵎⵓⵣⴰ ⴱⵏⵜ ⵏⴰⵚⵕ ⴽⵕⴰⵏ ⵉⵡⵔⵉⴽⵏ ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵏ ⵓⵏⵎⵓⴳⴳⴰⵔ ⵡⵉⵙⵙ 22 ⵏ ⴼⴰⵙ ⵏ ⵓⵥⴰⵡⴰⵏ ⴰⵕⵓⵃⵉ ⴰⵎⴰⴹⴰⵍ.

ⴷⴼⴼⵉⵔ ⵎⴰⵢⴰⴷ, ⵜⵥⵕⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⵎⵓⵏ ⴷ ⵍⴰⵍ ⵏ ⵜⴰⵜⵜⵓⵢⵜ ⵛⵛⵉⵅⴰ ⵎⵓⵣⴰ ⴱⵏⵜ ⵏⴰⵚⵕ ⴰⵙⴼⵙⵔ ⵏ ⵓⵏⵏⵓⵕⵥⵎ ⵏ ⵓⵏⵎⵓⴳⴳⵯⴰⵔ ⴷⴷⵓ ⵜⵎⴰⵜⴰⵔⵜ ⵏ « ⵉⴳⵏⵏⴰ ⵉⵄⵎⵕⵏ ⵙ ⵉⵜⵔⴰⵏ » ⵍⵍⵉ ⵉⴳⴰⵏ ⵢⴰⵏ ⵓⵣⵎⵣⵣⵓ ⵏ ⵓⵙⴼⵙⵔ ⵏ ⵓⵎⵣⵔⵓⵢ ⵏ ⵜⵎⵖⴰⵔⵉⵏ ⵜⵉⵎⵖⵔⴰⴱⵉⵢⵉⵏ ⴷ ⵜⵡⵉⵣⵉ ⵏⵏⵙⵏ ⴳ ⵜⵉⴳⵎⵉ ⵏ ⵜⵓⴷⵔⵜ ⴳ ⵍⵎⵖⵔⵉⴱ ⵙⵓⵎⴰⵜⴰ.

ⴳ ⵜⵉⵢⵉⵔⴰ ⵏ ⵜⴼⵓⴳⵍⴰ ⴰⴷ, ⵣⵣⵓⵍⵏ ⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⴰⵍⵎⴰ ⴷ ⵍⴰⵍ ⵏ ⵜⴰⵜⵜⵓⵢⵜ ⵛⵛⵉⵅⴰ ⵎⵓⵣⴰ ⴱⵏⵜ ⵏⴰⵚⵕ, ⵛⴰⵢⴳⴰⵏ ⵏ ⵉⵏⴰⵥⵓⵕⵏ ⵉⴷⵔⵓⵏ ⴳ ⵓⵙⴼⵙⵔ ⴰⴷ.

ⴷ ⵔⴰⴷ ⵜⵙⵎⵖⵕ ⵜⵡⴰⵍⴰ ⵜⵉⵙⵙ 22 ⵏ ⵓⵏⵎⵓⴳⴳⴰⵔ ⵏ ⴼⴰⵙ ⵏ ⵓⵥⴰⵡⴰⵏ ⴰⵕⵓⵃⵉ ⴰⵎⴰⴹⴰⵍ ⵙ ⵜⵎⵖⴰⵔⵔⵉⵏ ⵜⵓⵚⴽⵉⵡⵉⵏ ⵙ ⵓⵙⴽⵜⵉ ⵏ ⵜⵙⵓⵔⵉⴼⵉⵏ ⵏ ⵜⵓⵜⵎⵉⵏ ⵉⵙⴽⵔⵏ ⵎⵏⵏⴰⵡ ⵏ ⵜⵓⴳⴳⴰⵣ ⴷ ⴷⴰⵔ ⵉⵍⵍⴰ ⵡⴰⴷⴷⵓⵔ ⴰⵅⴰⵜⴰⵔ ⴳ ⵜⵓⴷⵔⵜ ⵜⴰⵙⵔⵜⴰⵏⵜ ⴷ ⵜⴷⵎⵙⴰⵏⵜ ⴷ ⵜⴷⵍⵙⴰⵏⵜ ⴷ ⵜⵏⴰⵎⵓⵏⵜ ⵏ ⵍⵎⵖⵔⵉⴱ, ⴷ ⵙⴷⵓⵙⵏⵜ ⴳ ⵜⵙⵏⵙⵉ ⵏ ⵜⵎⴰⴳⵉⵜ ⵜⴰⵎⵖⵔⴰⴱⵉⵢⵜ.

ⵔⴰⴷ ⵉⴷⵔⵓ ⴳ ⵓⵏⵎⵓⴳⴳⴰⵔ ⴰⴷ ⵎⵏⵏⴰⵡ ⵏ ⵜⵔⵓⴱⴱⴰ ⵏ ⵜⵥⵓⵕⵉ ⴷ ⵓⵥⴰⵡⴰⵏ ⴷ ⵉⵏⴰⵥⵓⵕⵏ ⴳ ⵛⴰⵢⴳⴰⵏ ⵏ ⵜⵎⵉⵣⴰⵔ ⵏ ⵓⵎⴰⴹⵍⴰⵏ, ⵣⵓⵏⴷ ⵙⴰⵎⵉⵔⴰ ⵙⴰⵄⵉⴷ ⴷ ⵎⵃⵎⵎⵓⴷ ⵍⵉⴷⵔⵉⵙⵉ ⵙⴳ ⵍⵎⵖⵔⵉⴱ ⴷ ⵙⴰⵃⴰⵕ ⵎⵓⵃⵎⵎⴰⴷⵉ ⵙⴳ ⵉⵕⴰⵏ ⴷ ⵉⵏⵊⵉ ⵙⴳ ⴰⴷⵔⴰⴱⵉⵊⵊⴰⵏ ⴷ ⵀⵉⵏⴷⵉ ⵣⴰⵀⵕⴰ ⵙⴳ ⵍⵎⵖⵔⵉⴱ-ⴼⵕⴰⵏⵙⴰ, ⴷ ⵓⵎⵓ ⵙⴰⵏⴳⴰⵕⵉ ⵙⴳ ⵎⴰⵍⵉ, ⴷ ⵓⴼⵉⵜⵛⵉⵏⴰ ⵣⵓⵡⵉ ⵙⴳ ⵟⵟⴰⵍⵢⴰⵏ, ⴷ ⵕⴰⴽⵉⵛ ⵛⴰⵡⵔⴰⵙⵢⴰ ⵙⴳ ⵍⵀⵉⵏⴷ, ⴷ ⵉⵔⵛⴰⴷ ⵅⴰⵏ ⵙⴳ ⵜⵓⵔⵉⵏⵜⵓ, ⴷ ⴱⵓⵍⴷⵓⵥ ⵜⵓⵔⴷⵉⴼⵢⴰ ⵙⴳ ⵓⵣⴱⴰⴽⵉⵙⵜⴰⵏ, ⴷ ⵜⵔⴰⴱⴱⵓⵜ ⵏ ⴷⵢⴰⵍⵓ ⴳⵓⵙ ⵙⴳ ⵍⴱⵓⵙⵏⴰ ⴷ ⵍⵀⵉⵔⵙⵉⴽ, ⴷ ⵙⴱⴱⵉⵙ ⴷⵢⴰⵙⴱⴱⵓⵕⴰ ⵙⴳ ⵖⴰⵏⴰ, ⴷ ⵍⵎⵀⴷⵉ ⵏⵏⴰⵙⵓⵍⵉ ⵙⴳ ⵍⵎⵖⵔⵉⴱ ⴷ ⴱⵔⵉⵊⵏⴰ ⵕⵓⴷⵔⵉⴳⵉⵣ ⵙⴳ ⵍⴱⵕⴰⵣⵉⵍ ⴷ ⵉⵏⴰⵥⵓⵕⵏ ⵢⴰⴹⵏ.
 

Fichier attaché :
Icône paquet sar20lalla20salma20preside20-festival20des20musiques20sacrc3a9es--1.zip
Dernière modification : 06 ⵎⴰⵢⵢⵓ 2016
Source URL: https://www.mapnews.ma/am/activites-princieres/%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%99%E2%B5%8D%E2%B5%8E%E2%B4%B0-%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B4%B0%E2%B5%8F%E2%B5%8E%E2%B5%93%E2%B4%B3%E2%B4%B3%E2%B4%B0%E2%B5%94-%E2%B5%A1%E2%B5%89%E2%B5%99%E2%B5%99-22-1#comment-0