Published on MAPNews (https://www.mapnews.ma/am)

Accueil > ⴰⵙⵙ ⵏ ⵜⵍⴰⵍⵉⵜ ⵜⵉⵙⵙ 13 ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ, ⴷ ⴰⵣⵎⵣⵣⵓ ⵍⵍⵉ ⵉⵎⵎⴰⵍⵏ ⴰⵣⴷⴰⵢ ⵏ ⵜⴰⵎⵜⵜⵉ ⴷ ⵓⴷⴰⴱⵓ ⴰⵄⴰⵍⴰⵡⵉ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⴰⵙⵙ ⵏ ⵜⵍⴰⵍⵉⵜ ⵜⵉⵙⵙ 13 ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ, ⴷ ⴰⵣⵎⵣⵣⵓ ⵍⵍⵉ ⵉⵎⵎⴰⵍⵏ ⴰⵣⴷⴰⵢ ⵏ ⵜⴰⵎⵜⵜⵉ ⴷ ⵓⴷⴰⴱⵓ ⴰⵄⴰⵍⴰⵡⵉ

06 ⵎⴰⵢⵢⵓ 2016 Version Imprimable
ⵕⵕⴱⴰⵟ - - ⵜⴰⵡⵊⴰ ⵜⴰⴳⵍⴷⴰⵏⵜ ⴷ ⵜⵎⵜⵜⵉ ⵜⴰⵎⵖⵔⵉⴱⵉⵜ ⴰⵔ ⴰⴽⴽⵯ ⵙⴼⵓⴳⵍⵓⵏ, ⴰⵙⵙ ⵏ ⵓⵙⴰⵎⴰⵙ 8 ⵎⴰⵢⵢⵓ, ⴰⵙⵙ ⵏ ⵜⵍⴰⵍⵉⵜ ⵜⵉⵙⵙ 13 ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ, ⵉⴳⴰⵏ ⴰⵣⵎⵣⵣⵓ ⵉⵎⵎⵔⵏ ⵉⵙⴼⵓⴳⵍⴰⵏ ⴳ ⵜⵓⵎⵔⵜ.

ⵎⴰ ⴰⴷ ⵉⴼⴽⴰ ⵢⴰⵜ ⵜⴽⵍⵉⵜ ⵢⴰⴹⵏ ⴰⵎⴷⵢⴰ ⵏ ⵓⵣⴷⴰⵢ ⵉⴳⴳⵓⵜⵏ ⴳⵔ ⵜⵎⵜⵜⵉ ⴷ ⵓⴷⴰⴱⵓ ⴰⵄⴰⵍⴰⵡⵉ, ⵉⴳⴰⵏ ⵜⴰⵢⴰⴼⵓⵜ ⵏ ⵓⴳⵣⵣⵓⵎ ⴷ ⵓⴼⵔⴰ ⵏ ⵜⴳⵍⴷⵉⵜ. ⴰⵔ ⴷ ⵉⵙⵙⴽⵜⴰⵢ ⵡⴰⵙⵙ ⵏ ⵜⵍⴰⵍⵉⵜ ⴰⴷ ⴰⴽⵓⴷ ⵉⵥⵉⵍⵏ ⵏ ⵓⴽⵡⴰⵙ 8 ⵎⴰⵢⵢⵓ 2003, ⵡⴰⵎⵉ ⵜⵡⵛⴰ ⵜⵎⴰⵡⴰⵙⵜ ⵏ ⵜⴰⴷⴷⴰⵔⵜ ⵜⴰⴳⵍⴷⴰⵏⵜ ⵉⵥⵍⵉⵏ ⵙ ⵓⴱⵕⵓⵟⵓⴽⵓⵍ, ⵜⵓⵙⵎⵉⵔⵜ ⵏ ⵜⵍⴰⵍⵉⵜ ⵏ ⵢⴰⵏ ⵓⵔⴱⴰ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵕⵕⴱⴰⵟ. ⵉⵙⵜⵉ ⴰⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉⵙⵎ ⵏ ⵎⵓⵍⴰⵢ ⵍⵃⴰⵙⴰⵏ. ⵉⵙⵎ ⴰⴷ ⵉⴳⴰ ⵜⴰⵙⵎⵖⵓⵔⵜ ⵏ ⵢⵉⵎⴰⵏ ⵏ ⴷⴰⴷⴷⴰⵙ ⵏ ⵓⵎⴽⴽⵓⵙⵓ ⵏ ⵜⴳⵍⴷⵉⵜ, ⵉⴳⵍⵍⵉⵏ ⵏ ⵍⵃⴰⵙⴰⵏ ⵡⵉⵙⵙ ⵙⵙⵉⵏ ⴰⴷ ⵜ ⵉⴳ ⵕⴱⴱⵉ ⴳ ⵓⵎⴰⵍⵓ ⵏⵏⵙ. ⵎⴽ ⴰⴷ ⴰⵙ ⵉⴳⴰ ⵓⵙⴼⵓⴳⵍⵓ ⵡⵉⵙⵙ 13ⵏ ⵡⴰⵙⵙ ⵏ ⵜⵍⴰⵍⵉⵜ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵓⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵢⴰⵏ ⵓⵣⵎⵣⵣⵓ ⴰⵎⴰⵢⵏⵓ ⴷⴰⵔ ⵉⵎⵖⵔⴰⴱⵉⵏ ⵃⵎⴰ ⴰⴷ ⵎⵍⵏ ⴰⵙⵓⴼⵓ ⵏⵏⵙⵏ ⵙ ⵓⴷⴰⴱⵓ ⴰⵄⴰⵍⴰⵡⵉ ⵙ ⵍⴱⴰⵢⵄⴰ ⵏⵏⴰ ⵉⵙⵎⵓⵏⵏ ⴰⴳⵍⵍⵉⴷ ⵏ ⵉⵏⴼⵍⴰⵙ ⴰⵏⵎⵣⴰⵢ ⵏ ⵜⴼⵍⵙⵜ ⴷ ⵓⵏⴼⵔⴰ ⵏ ⵜⵏⴰⴼⵓⵜⵉⵏ ⵜⵉⵏⴰⴼⵍⵍⴰⵜⵉⵏ ⵏ ⵜⵎⵜⵜⵉ ⴷ ⵉⵏⵎⵓⵔⵉⵏ. ⴰⵙⴳⴳⵯⴰⵙ ⵎⴰⵢ ⴷ ⵉⵍⴰ, ⴰⵎ ⵉⵙⴳⴳⵯⴰⵙⵏ ⵣⵔⵉⵏⵉⵏ, ⵓⵔ ⴷⴰ ⵉⵜⵜⴼⴼⵖ ⵓⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵜⴰⵙⴳⴰ ⵏ ⵓⴳⵍⵍⵉⴷ ⴳ ⵉⵎⵓⵙⵙⵓⵜⵏ ⵉⵎⴰⴷⴷⵓⴷⵏ.

Dernière modification : 06 ⵎⴰⵢⵢⵓ 2016
Source URL: https://www.mapnews.ma/am/activites-princieres/%E2%B4%B0%E2%B5%99%E2%B5%99-%E2%B5%8F-%E2%B5%9C%E2%B5%8D%E2%B4%B0%E2%B5%8D%E2%B5%89%E2%B5%9C-%E2%B5%9C%E2%B5%89%E2%B5%99%E2%B5%99-13-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B5%8E%E2%B4%BD%E2%B4%BD%E2%B5%93%E2%B5%99%E2%B5%93-%E2%B5%8F-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%8D%E2%B5%83%E2%B4%B0%E2%B5%99%E2%B4%B0%E2%B5%8F-%E2%B4%B7-1#comment-0