Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⴱⵔⴰⵜ ⵉ ⵢⵓⵙⴳⵔⴰⵡ ⴰⴼⵔⵉⵇⵉ ⴰⵎⵣⵡⴰⵔⵓ ⵅⴼ ⵓⵏⵀⵍⵍⴰ ⴷ ⵓⴼⵔⴰⴳ ⵏ ⵉⴱⵔⴷⴰⵏ ⴷ ⵓⵙⵏⴼⵍⵓⵍ ⴰⵜⵉⵇⵏⵉ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⴱⵔⴰⵜ ⵉ ⵢⵓⵙⴳⵔⴰⵡ ⴰⴼⵔⵉⵇⵉ ⴰⵎⵣⵡⴰⵔⵓ ⵅⴼ ⵓⵏⵀⵍⵍⴰ ⴷ ⵓⴼⵔⴰⴳ ⵏ ⵉⴱⵔⴷⴰⵏ ⴷ ⵓⵙⵏⴼⵍⵓⵍ ⴰⵜⵉⵇⵏⵉ

04 ⵎⴰⵢⵢⵓ 2016 Version Imprimable
ⵎⵕⵕⴰⴽⵛ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵜ ⵜⴱⵔⴰⵜ ⵉ ⵢⵓⵙⴳⵔⴰⵡ ⴰⴼⵔⵉⵇⵉ ⴰⵎⵣⵡⴰⵔⵓ ⵅⴼ « ⵓⵏⵀⵍⵍⴰ ⴷ ⵓⴼⵔⴰⴳ ⵏ ⵉⴱⵔⴷⴰⵏ ⴷ ⵓⵙⵏⴼⵍⵓⵍ ⴰⵜⵉⵇⵏⵉ » ⵉⴱⴷⴰⵏ ⵜⴰⵡⵓⵔⵉ ⵏⵏⵙ ⴰⵙⵙ ⵏ ⵓⴽⵕⴰⵙ ⴳ ⵎⵕⵕⴰⴽⵛ.

ⵜⴰⴱⵔⴰⵜ ⴰⴷ ⵉⵖⵔⴰⵜ ⵓⵎⵛⵉⵡⵔ ⵏ ⴱⴰⴱ ⵏ ⵡⴰⴷⴷⵓⵔ ⵄⴰⴱⴷ ⵍⵟⵉⴼ ⵍⵎⴰⵏⵓⵏⵉ.

ⵉⵙⴷⴷⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴱⵔⴰⵜ ⴰⴷ ⵎⴰⵙ ⵍⵎⵖⵔⵉⴱ ⵔⴰⴷ ⵉⴳ ⵜⵓⴳⴳⴰⵣ ⵏⵏⵙ ⵃⵎⴰ ⴰⴷ ⵢⴰⵡⵙ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ ⵃⵎⴰ ⴰⴷ ⵙⵖⵓⴷⵓⵏ ⴰⴷⴷⴰⴷ ⵏ ⵉⴱⵔⴷⴰⵏ ⵏⵏⵙ, ⵙⵍⵡⵏ ⴰⴽⴽⵯ, ⵙ ⵉⵔⵉⵎ ⴰⵅⴰⵜⴰⵔ ⴷⴰⵔⵙ ⵉⵍⵍⴰⵏ ⴳ ⵢⵉⴳⵔ ⴰⴷ.

ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ « ⵜⵉⵡⵉⵣⵉ ⵏ ⵉⴼⴼⵓⵙ-ⵉⴼⴼⵓⵙ, ⵓⵔ ⵜⴳⵉ ⵖⴰⵙ ⵜⴰⵎⴰⵜⴰⵔⵜ ⵉⵥⵍⵉⵏ ⵙ ⵜⴰⵙⵎⵓⵔⵜ ⵜⴰⵏⵖⵎⴰⵙⵜ, ⵎⴰⵛ ⵏⵔⴰ ⴰⵜ ⵏⵣⵣⴳⵉⵔ ⵙ ⵉⵖⴰⵡⴰⵙⵏ ⴷ ⵉⵙⵏⵜⵉⵜⵏ ⵍⵍⵉ ⵔⴰⴷ ⵢⴰⵡⵙ ⵉ ⵡⴳⴷⵓⴷ ⵏ ⵜⵎⵉⵣⴰⵔ ⵏⵏⵖ, ⵜⵔⵥⴰⵎ ⵉⴱⵔⴷⴰⵏ ⵎⵔⴰ ⴰⵏⵙⴽⵔ ⵜⴰⵎⴷⵔⴰⵡⵜ ⵉⵖⵓⴷⴰⵏ ⴳ ⵍⵍⴰⵏⵜ ⵎⵏⵏⴰⵡ ⵏ ⵜⵙⴳⴳⵉⵡⵉⵏ, ⴳ ⵢⵉⴳⵔ ⴰⴳⴷⵓⴷⴰⵏ ⴷ ⵉⵎⵥⵍⵉ.

ⴷ ⵉⴼⵔⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⴰⴷ ⵉⵖⵔⴰ ⵓⵎⵛⵉⵡⵔ ⵏ ⴱⴰⴱ ⵏ ⵡⴰⴷⴷⵓⵔ ⵄⴰⴱⴷ ⵍⵟⵉⴼ ⵍⵎⴰⵏⵓⵏⵉ ⵎⴰⵙ ⴰⵎⵢⴰⵡⴰⵙ ⴰⵎⴰⴹⵍⴰⵏ ⴷ ⵓⵙⵏⴼⵍ ⵏ ⵉⵏⵖⵎⵉⵙⵏ ⴷ ⵉⵔⵉⵎ ⵉⵍⵍⴰ ⴷⴰⵔⵙ ⵡⴰⴷⴷⵓⵔ ⴰⵎⵇⵕⴰⵏ ⴳ ⵎⴰⵢⴳⴰⵜ ⵉⴳⵔ, ⴷ ⵉⵏⵏⴰ ⵎⴰⵙ ⴰⵏⵏⵓⵔⵥⵎ ⴷ ⵓⵎⵢⴰⵡⴰⵙ ⴳⵔ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴷ ⵜⵎⵉⵣⴰⵔ ⵏ ⵉⵥⵍⵎⴹ ⴳ ⵢⵉⴳⵔ ⵏ ⵜⵓⵚⴽⵉⵡⵉⵏ ⵜⴰⵏⴰⴷⴷⴰⵡⵉⵏ ⵔⴰⴷ ⵢⴰⵡⵙ ⴳ ⵜⴰⵏⴽⵔⴰ ⴷ ⵓⵙⵖⵓⴷⵓ ⵏ ⵢⵉⴳⵔ ⴰⴷ.

ⴷ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⵎⴰⵙ « ⵏⵏⵔⴰ ⴰⵏⴳ ⵜⴰⵙⴳⴰ ⵏ ⵜⴰⵏⵣⵔⵓⴼⵜ ⵏ ⵍⵎⵖⵔⵉⴱ ⴱⵓⴳⵊⴷⵉ ⵏ ⵓⵙⵏⴼⵍ ⵏ ⵜⵙⴱⴱⴰⴱⵜ ⴷ ⵓⵎⵢⴰⵡⴰⴹ ⴰⵏⴼⴳⴰⵏ ⴳⵔ ⵉⴼⵔⵉⵇⵢⴰ ⴷ ⵓⵔⵓⴱⴱⴰ ».

ⴷ ⵉⴼⵔⴰ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰⵙ « ⵏⵔⴰ ⴰⵏⵙⴽⵔ ⴰⴼⵜⴰⵙ ⴰⵟⵍⵓⵏⵜⵉ ⴰⵅⴰⵜⴰⵔ ⵏ ⴷⴷⴰⵅⵍⴰ, ⴷ ⵓⵙⵡⵉⵏⴳⵎ ⴳ ⵜⵓⵚⴽⴰ ⵏ ⵢⴰⵜ ⵜⵓⵏⵉⵖⵜ ⵏ ⵓⴱⵔⵉⴷ ⵏ ⵡⵓⵣⵣⴰⵍ ⵙⴳ ⵟⴰⵏⵊⴰ ⴰⵔ ⵍⴳⵡⵉⵕⴰ ⵃⵎⴰ ⴰⵏⵏ ⵣⴷⵉ ⵍⵎⵖⵔⵉⴱ ⴷ ⵜⵎⵉⵣⴰⵔ ⵜⴳⵎⴰⵜⵉⵏ ⵏ ⵉⴼⵔⵉⵇⵢⴰ.

ⴳ ⵓⵙⴰⵜⵉ ⴰⴷ, ⵉⵙⴽⵜⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵓⵣⵎⵣⵣⵓ ⵏ ⵓⵙⴽⵜⵉ ⵡⵉⵙⵙ 40 ⵏ ⵜⵡⴰⴷⴰ ⵜⵣⴳⵣⴰⵡⵜ, ⵅⴼ ⵉⵙⵏⵜⵉⵜⵏ ⵏ ⵜⵉⴳⵎⵉ ⵍⵍⵉ ⵜⵕⵥⵎ ⵜⴳⵍⴷⵉⵜ ⵃⵎⴰ ⴰⴷ ⵜⵣⴷⵉ ⵉⵥⵍⵎⴹ ⵏ ⵜⴳⵍⴷⵉⵜ ⴷ ⵉⴼⴼⵓⵙ ⵏⵏⵙ, ⵙⵍⴰⵡⵏ ⴰⴽⴽⵯ, ⵜⵓⵙⴽⵔⴰ ⵏ ⵓⴱⵔⴱⵔⵉⴷ ⴳⵔ ⵓⴳⴰⴷⵉⵔ ⴷ ⴷⴷⴰⵅⵍⴰ, ⵉⵣⴷⵉⵏ ⵜⵉⵣⵏⵉⵜ ⴷ ⵍⵄⵢⵓⵏ.

ⴷ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵜⴱⵔⴰⵜ ⵉ ⵢⵓⵙⴳⵔⴰⵡ ⴰⴼⵔⵉⵇⵉ ⴰⵎⵣⵡⴰⵔⵓ ⵅⴼ « ⵓⵏⵀⵍⵍⴰ ⴷ ⵓⴼⵔⴰⴳ ⵏ ⵉⴱⵔⴷⴰⵏ ⴷ ⵓⵙⵏⴼⵍⵓⵍ ⴰⵜⵉⵇⵏⵉ » ⵉⴱⴷⴰⵏ ⵜⴰⵡⵓⵔⵉ ⵏⵏⵙ ⴰⵙⵙ ⵏ ⵓⴽⵕⴰⵙ ⴳ ⵎⵕⵕⴰⴽⵛ ⵎⴰⵙ ⵉⵍⵍⴰ ⴷⴰⵔ ⵓⵖⴰⵡⴰⵙ ⴰⴷ ⵢⴰⵏ ⵡⴰⴷⴷⵓⵔ ⴰⵅⴰⵜⴰⵔ, ⵙⵍⴰⵡⵏ ⴰⴽⴽⵯ ⵎⴰⵙ ⵔⴰⴷ ⵉⵣⴷⵉ ⵍⵎⵖⵔⵉⴱ ⴷ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴳ ⵜⵙⴳⴰ ⵏ ⵉⴼⴼⵓⵙ ».

ⴰⵡⵜⵜⴰⵙ ⵏ ⵢⵓⵙⴳⵔⴰⵡ ⴰⴼⵔⵉⵇⵉ ⴰⵎⵣⵡⴰⵔⵓ ⵅⴼ « ⵓⵏⵀⵍⵍⴰ ⴷ ⵓⴼⵔⴰⴳ ⵏ ⵉⴱⵔⴷⴰⵏ ⴷ ⵓⵙⵏⴼⵍⵓⵍ ⴰⵜⵉⵇⵏⵉ » ⵉⴱⴷⴰⵏ ⵜⴰⵡⵓⵔⵉ ⵏⵏⵙ ⴰⵙⵙ ⵏ ⵓⴽⵕⴰⵙ ⴳ ⵎⵕⵕⴰⴽⵛ ⴷ ⵍⵍⵉ ⵔⴰⴷ ⵉⵇⵇⵉⵎ ⴰⵔ ⴰⵙⴽⴽⴰ ⵏ ⵓⴽⵡⴰⵙ, ⴰⵎⴹⴰⴽⴰⵕ ⴷ ⵓⵎⵙⴰⵡⴰⵍ ⴷ ⵓⵙⵏⴼⵍ ⵏ ⵢⵉⵔⵉⵎ ⵅⴼ ⵜⵎⵓⴽⵔⵉⵙⵉⵏ ⵏ ⵓⵏⵀⵍⵍⴰ ⴷ ⵓⴼⵔⴰⴳ ⵏ ⵉⴱⵔⴷⴰⵏ.

ⴷ ⵔⴰⴷ ⵉⵥⵍⵉ ⵓⵙⴳⵔⴰⵡ ⵉⵜⵜⵓⵙⴽⵔⴰⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵜⵉⵣⵉ ⵜⴰⵅⴰⵜⴰⵔⵜ ⵉ ⵜⵉⵇⵏⵉⵢⵜ ⵏ ⵓⴱⵔⵉⴷ ⵙ ⵉⴳⵉⴷⵓ, ⴷ ⵜⵉⵇⵏⵉⵢⵜ ⵏ ⵓⵙⵖⵓⴷⵓ ⵏ ⵡⴰⴽⴰⵍ, ⴷ ⵓⵏⵀⵍⵍⵓ ⴳ ⵉⴱⵔⴷⴰⵏ ⴳ ⵓⵔ ⵉⵍⵍⵉ ⵍⴳⵓⴹⵕⵓⵏ, ⴷ ⵓⵏⵀⵍⵍⵓ ⴳ ⵉⵎⴰⵙⵙⵏ ⵉⵣⵍⵉⵏ ⵙ ⵉⴱⵔⴷⴰⵏ ⴷ ⵛⴰⵢⴳⴰⵏ ⵏ ⵜⵖⴰⵡⵙⵉⵡⵉⵏ ⴷ ⵉⵙⴳⵓⵎⵏ ⵢⴰⴹⵏ.

.


 

Dernière modification : 04 ⵎⴰⵢⵢⵓ 2016
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B4%B0%E2%B5%9C-%E2%B5%9C%E2%B4%B1%E2%B5%94%E2%B4%B0%E2%B5%9C-%E2%B5%89-%E2%B5%A2%E2%B5%93%E2%B5%99%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B4%BC%E2%B5%94%E2%B5%89%E2%B5%87%E2%B5%89-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93-%E2%B5%85%E2%B4%BC-%E2%B5%93%E2%B5%8F%E2%B5%80%E2%B5%8D%E2%B5%8D%E2%B4%B0-%E2%B4%B7-%E2%B5%93%E2%B4%BC%E2%B5%94%E2%B4%B0%E2%B4%B3-%E2%B5%8F-%E2%B5%89%E2%B4%B1%E2%B5%94%E2%B4%B7%E2%B4%B0%E2%B5%8F-%E2%B4%B7#comment-0