Published on MAPNews (https://www.mapnews.ma/am)

Accueil > ⵉⵎⵖⵔⴰⴱⵉⵢⵏ ⵉⵣⴷⵖⵏ ⴳ ⵇⴰⵟⴰⵕ ⵙⴽⵕⵏ ⴰⵙⵏⵓⴱⴳ ⴰⵎⴷⵏⴰⵏ ⴷ ⵓⵚⵚⴰⴱⵏⴰⵏ ⴰⵅⴰⵜⴰⵔ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ
  1. Accueil
  2. Activités royales

ⵉⵎⵖⵔⴰⴱⵉⵢⵏ ⵉⵣⴷⵖⵏ ⴳ ⵇⴰⵟⴰⵕ ⵙⴽⵕⵏ ⴰⵙⵏⵓⴱⴳ ⴰⵎⴷⵏⴰⵏ ⴷ ⵓⵚⵚⴰⴱⵏⴰⵏ ⴰⵅⴰⵜⴰⵔ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ

28 ⵉⴱⵔⵉⵔ 2016 Version Imprimable
ⴷⴷⴰⵡⵃⴰ - ⵙⴽⵕⵏ ⵛⴰⵢⴳⴰⵏ ⵏ ⵉⵎⵖⵔⴰⴱⵉⵢⵏ ⵉⵣⴷⵖⵏ ⴳ ⵓⵡⴰⵏⴽ ⵏ ⵇⴰⵟⴰⵕ ⵢⴰⵏ ⴰⵙⵏⵓⴱⴳ ⴰⵎⴷⵏⴰⵏ ⴷ ⵓⵚⵚⴰⴱⵏⴰⵏ ⴰⵅⴰⵜⴰⵔ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⵕⴱⵉ, ⵍⵍⵉ ⵉⴱⴷⴰⵏ ⴰⵙⵙ ⵏ ⵓⴽⵡⴰⵙ ⵢⴰⵏ ⵓⵔⵣⴰⴼ ⵏ ⵜⵉⴷⴷⵓⴽⵍⴰ ⴷ ⵜⵡⵓⵔⵉ ⵉ ⵡⴰⵏⴽ ⵏ ⵇⴰⵟⴰⵕ.

ⴷ ⴼⵖⵏⴷ ⵛⴰⵢⴳⴰⵏ ⵏ ⵉⵎⵖⵔⴰⴱⵉⵢⵏ ⵙⵔ ⵜⴰⵎⴰ ⵏ ⵜⴳⴰⴷⵉⵔⵜ ⴰⴳⵍⴷⵓⵏ ⵏ ⴷⴷⴰⵡⵃⴰ, ⵃⵎⴰ ⴰⴷ ⵣⵣⵓⵍⵏ ⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⵍⵉ ⵖ ⵉⵙⴽⵕ ⴱⴰⴱ ⵏ ⵡⴰⴷⴷⵓⵔ ⵛⵛⵉⵅ ⵜⴰⵎⵉⵎ ⴱⵏⵏ ⵃⴰⵎⴰⴷ ⴰⵍ ⵜⴰⵏⵉ, ⴰⴳⵍⴷⵓⵏ ⵏ ⵓⵡⴰⵏⴽ ⵏ ⵇⴰⵟⴰⵕ, ⴰⵙⵏⵓⴱⴳ ⴰⵎⴰⴷⵓⴷ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵙⴽⵕⵏ ⴰⵔⵣⴰⴼ ⵏ ⵜⵡⵓⵔⵉ ⴷ ⵜⴳⵎⴰⵜ ⵉ ⵇⴰⵜⴰⵕ, ⵉⵎⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ.

ⵍⵍⵉ ⵖ ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵜⴰⴳⴰⴷⵉⵔⵜ ⵜⴰⴳⵍⴷⵓⵏⵜ ⵏ ⵇⴰⵟⴰⵕ, ⵉⵣⵣⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⴳⵍⴷⵓⵏ ⵏ ⵇⴰⵟⴰⵕ, ⵉⵎⵎⵓⵜⵉ ⵙⵔ ⵜⴰⴷⴽⴽⵯⴰⵏⵜ ⵏ ⵓⴱⵓⵔⵣ ⵍⵍⵉ ⵖ ⵙⴼⵍⴷⵏ ⵉ ⵉⵣⵍⵉ ⴰⵏⴰⵎⵓⵔ ⵏ ⵙⵏⴰⵜ ⵜⴳⵍⴷⵉⵏ.

ⴷ ⵉⵣⵣⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⴼ ⵉⴳⵎⴰⵎⵏ ⵏ ⵓⴽⴰⴱⴰⵔ ⴰⵎⴰⴷⵓⴷ ⵏ ⵇⴰⵟⴰⵕ.

ⴷ ⵉⵣⵣⵓⵍ ⴱⴰⴱ ⵏ ⵡⴰⴷⴷⵓⵔ ⵛⵛⵉⵅ ⵜⴰⵎⵉⵎ ⴱⵏⵏ ⵃⴰⵎⴰⴷ ⴰⵍ ⵜⴰⵏⵉ, ⴰⴳⵍⴷⵓⵏ ⵏ ⵇⴰⵟⴰⵕ ⵅⴼ ⵓⴽⴰⴱⴰⵕ ⴷ ⵉⵎⴰⵏ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵔⵣⴰⴼ ⴰⴷ, ⵍⵍⵉ ⴳ ⵉⵍⵍⴰ, ⵙⵍⴰⵡⵏ ⴰⴽⴽⵯ, ⵉⵎⵛⴰⵡⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⵎⴰⵙⵙ ⵟⴰⵢⴱ ⵍⴼⴰⵙⵉ ⵍⴼⵉⵀⵔⵉ , ⴷ ⴼⵓⴰⴷ ⵄⴰⵍⵉ ⵍⵀⵉⵎⵎⴰ, ⴷ ⵢⴰⵙⵉⵔ ⵣⵏⴰⴳⵉ, ⴷ ⵄⴰⴱⴷ ⵍⵟⵉⴼ ⵍⵎⴰⵎⵓⵏⵉ, ⴷ ⵎⵓⵃⵎⵎⴷ ⵍⴽⵜⵜⴰⵏⵉ ⴷⴰⵔ ⵜⵍⵍⴰ ⵜⴰⵎⵙⴽⵉⵔⵜ ⴳ ⵓⴱⵔⵙⵉⵔⴰ ⴰⴳⵍⴷⴰⵏ, ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ, ⵚⴰⵍⴰⵃ ⴷⴷⵉⵏ ⵎⵣⵡⴰⵕ.

ⴷ ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⴽⵡⴰⵙ ⴷⴷⴰⵡⵃⴰ, ⴳ ⵢⴰⵏ ⵓⵔⵣⴰⴼ ⵏ ⵜⵉⴷⴷⵓⴽⵍⴰ ⴷ ⵜⵡⵓⵔⵉ ⵉ ⵓⵡⴰⵏⴽ ⵏ ⵇⴰⵟⴰⵕ ⴷⴼⴼⵉⵔ ⴰⵔⵣⴰⴼ ⵍⵍⵉ ⵉⵙⴽⴰⵕ ⵉ ⵍⴱⴰⵃⵕⴰⵢⵏ ⴷ ⵎⵏⵏⴰⵡ ⵏ ⵜⵎⵉⵣⴰⵔ ⵏ ⵜⵙⴳⴰ ⴰⴷ.

ⴷ ⵍⵍⵉ ⵖ ⵉⴳⴳⵣ ⴱⴰⴱ ⵏ ⵡⴰⴷⴷⵓⵔ ⴳ ⵓⵣⴰⴳⵯⵣ ⵏ ⵃⴰⵎⴰⴷ ⴰⵎⴰⴹⵍⴰⵏ, ⵢⵓⴼⴰⵏ ⴳ ⵓⵙⵏⵓⴱⴳ ⵏⵏⵙ ⴱⴰⴱ ⵏ ⵡⴰⴷⴷⵓⵔ ⵛⵛⵉⵅ ⵜⴰⵎⵉⵎ ⴱⵏⵏ ⵃⴰⵎⴰⴷ ⴰⵍ ⵜⴰⵏⵉ, ⴰⴳⵍⴷⵓⵏ ⵏ ⵓⵡⴰⵏⴽ ⵏ ⵇⴰⵟⴰⵕ.

ⴰⴷ ⵏⵙⴽⵜⵉ ⵎⴰⵙ ⵍⵍⴰⵏⵜ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵡⴰⵏⴽ ⵏ ⵇⴰⵟⴰⵕ ⵜⵓⵇⵇⵏⴰ ⵉⵖⵓⴷⴰⵏ ⵛⵉⴳⴰⵏ ⴷ ⴷ ⵓⵎⵙⴰⵙⴰ ⵏ ⵜⴰⵏⵏⴰⵢⵜ ⴷ ⵓⵙⵡⵉⵏⴳⵎ ⵅⴼ ⵎⵏⵏⴰⵡ ⵏ ⵜⴰⵎⵙⴰⵔⵉⵏ ⵏ ⵜⵙⴳⴰ ⵜⴰⵄⵕⴰⴱⵜ ⴷ ⵜⵏⵙⵍⵎⵜ ⴷ ⵓⵎⴰⴹⵍⴰⵏ, ⵙⵍⴰⵡⵏ ⴰⴽⴽⵯ, ⴰⵢⵏⵏⴰ ⵉⵥⵍⵉⵏ ⵙ ⵜⵎⴰⵣⵉⵔⵜ ⵏ ⴼⵉⵍⵉⵚⵟⵉⵏ ⴷ ⵡⴰⴷⴷⴰⴷ ⴳ ⵙⵓⵔⵢⴰ ⴷ ⵍⵉⴱⵢⴰ ⴷ ⵍⵢⴰⵎⴰⵏ, ⴷ ⵢⵉⴳⵔ ⵏ ⵓⵙⴱⵉⴷ ⵏ ⵓⴱⵔⵙⵉⵡⴷ.
 

Dernière modification : 28 ⵉⴱⵔⵉⵔ 2016
Source URL: https://www.mapnews.ma/am/activites-royales/%E2%B5%89%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%A2%E2%B5%8F-%E2%B5%89%E2%B5%A3%E2%B4%B7%E2%B5%96%E2%B5%8F-%E2%B4%B3-%E2%B5%87%E2%B4%B0%E2%B5%9F%E2%B4%B0%E2%B5%95-%E2%B5%99%E2%B4%BD%E2%B5%95%E2%B5%8F-%E2%B4%B0%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B0%E2%B5%8E%E2%B4%B7%E2%B5%8F%E2%B4%B0%E2%B5%8F-%E2%B4%B7-%E2%B5%93%E2%B5%9A%E2%B5%9A%E2%B4%B0%E2%B4%B1%E2%B5%8F%E2%B4%B0%E2%B5%8F-%E2%B4%B0%E2%B5%85%E2%B4%B0%E2%B5%9C%E2%B4%B0%E2%B5%94-%E2%B5%89-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7#comment-0