ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵜⴰⴱⵔⴰⵜ ⵏ ⵓⵙⵏⵉⵎⵕ ⵉ ⵡⴳⵍⵍⵉⴷ ⵏ ⵍⴱⴰⵃⵕⴰⵢⵏ ⴳ ⵓⴼⵓⴽⴽⵓ ⵏ ⵓⵔⵣⴰⴼ ⵏ ⴱⴰⴱ ⵏ ⵡⴰⴷⴷⵓⵔ ⵉ ⵍⴱⴰⵃⵕⴰⵢⵏ

28 ⵉⴱⵔⵉⵔ 2016 Version Imprimable

ⵕⵕⴱⴰⵟ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵜⴰⴱⵔⴰⵜ ⵏ ⵓⵙⵏⵉⵎⵕ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵃⴰⵎⴰⴷ ⴱⵏⵏ ⵄⵉⵙⴰ ⴰⵍ ⵅⴰⵍⵉⴼⴰ, ⴰⴳⵍⵍⵉⴷ ⵏ ⵜⴳⵍⴷⵉⵜ ⵏ ⵍⴱⴰⵃⵕⴰⵢⵏ, ⴳ ⵓⴼⵓⴽⴽⵓ ⵏ ⵓⵔⵣⴰⴼ ⵏ ⵜⴳⵎⴰⵜ ⴷ ⵜⵡⵓⵔⵉ ⵏ ⴱⴰⴱ ⵏ ⵡⴰⴷⴷⵓⵔ ⵉ ⵍⴱⴰⵃⵕⴰⵢⵏ.

ⴷ ⵢⵓⵛⴽⴰⴷ ⴳ ⵜⴱⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵉⵙⵙⵓⵙⵎⵜ ⵛⵉⴳⴰⵏ ⵓⵔⵣⴰⴼ ⵍⵍⵉ ⵉⵙⴽⴰⵕ ⵉ ⵜⴳⵍⴷⵉⵜ ⵏ ⵍⴱⵃⵕⴰⵢⵏ ⴷ ⵓⵙⵏⵓⴱⴳ ⴰⵅⴰⵜⴰⵔ ⵍⵍⵉ ⴰⵙ ⵜⴳⴰ ⵜⴳⵍⴷⵉⵜ ⵉ ⴱⴰⴱ ⵏ ⵡⴰⴷⴷⵓⵔ ⴷ ⵓⴽⴰⴱⴰⵔ ⴳⵉⵙ ⵉⵎⴰⵏ.

ⴷ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵉⵙⵙⵓⵙⵎⵜ ⵛⵉⴳⴰⵏ ⵜⵢⴰⴼⵓⵜⵉⵏ ⵉⵣⴷⴷⵉⴳⵏ ⵏ ⵓⵔⵣⴰⴼ ⴰⴷ ⵏ ⵜⴳⵎⴰⵜ ⴷ ⵜⵡⵓⵔⵉ, ⵙⵍⴰⵡⵏ ⴰⴽⴽ , ⵉⵎⴹⴰⴽⴰⵕⵏ ⴳⵔ ⴱⴰⴱ ⵏ ⵡⴰⴷⴷⵓⵔ ⴷ ⵓⴳⵍⵍⵉⴷ ⵏ ⵍⴱⵃⵕⴰⵢⵏ, ⴷ ⵓⵎⵙⴰⵙⴰ ⵏ ⵜⴰⵏⵏⴰⵢⵜ ⴷ ⵓⵙⵡⵉⵏⴳⵎ ⵅⴼ ⵎⵏⵏⴰⵡ ⵏ ⵜⴰⵎⵙⴰⵔⵉⵏ ⵏ ⵜⵙⴳⴰ ⴷ ⵓⵎⴰⴹⵍⴰⵏ.

ⴷ ⵉⴼⵔⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵜⵓⵇⵇⵏⴰ ⵉⵣⴷⴷⵉⴳⵏ ⵉⵙⵎⴰⵏ ⵙⵏⴰⵜ ⵜⵎⵉⵣⴰⵔ ⴰⴷ, ⵔⴰⴷ ⵜⵙⴷⵓⵙ ⵜⵣⴰⵢⴷ ⴳ ⵜⴳⵎⵉ, ⵙⵍⴰⵡⵏ ⴰⴽⴽ, ⵎⴰⵙ ⵜⵍⵍⴰ ⴷⴰⵔ ⵙⵏⴰⵜ ⵜⴳⵍⴷⵉⵜⵉⵏ ⵜⵉⵔⴰⵜ ⵃⵎⴰ ⴰⴷ ⴷⴷⵓⵏⵜ ⵙⵔ ⴷⴰⵜ.

ⴰⴷ ⵏⵙⴽⵜⵉ ⵎⴰⵙ ⵉⴼⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⴽⵡⴰⵙ ⵜⵉⴳⵍⴷⵉⵜ ⵏ ⵍⴱⵃⵔⵉⵏ ⴳ ⵜⴳⵉⵔⴰ ⵏ ⵓⵔⵣⴰⴼ ⵏ ⵜⴳⵎⴰⵜ ⴷ ⵜⵡⵓⵔⵉ.

Dernière modification : 28 ⵉⴱⵔⵉⵔ 2016

Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C-%E2%B5%8F-%E2%B5%93%E2%B5%99%E2%B5%8F%E2%B5%89%E2%B5%8E%E2%B5%95-%E2%B5%89-%E2%B5%A1%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8F-%E2%B5%8D%E2%B4%B1%E2%B4%B0%E2%B5%83%E2%B5%95%E2%B4%B0%E2%B5%A2%E2%B5%8F-%E2%B4%B3-%E2%B5%93%E2%B4%BC%E2%B5%93%E2%B4%BD%E2%B4%BD%E2%B5%93-%E2%B5%8F-%E2%B5%93%E2%B5%94%E2%B5%A3%E2%B4%B0%E2%B4%BC-%E2%B5%8F-%E2%B4%B1%E2%B4%B0%E2%B4%B1-%E2%B5%8F#comment-0