Published on MAPNews (https://www.mapnews.ma/am)

Accueil > ⵉⴼⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⴱⵃⵔⵉⵏ ⴳ ⵜⴳⵉⵔⴰ ⵏ ⵓⵔⵣⴰⴼ ⵏ ⵜⴳⵎⴰⵜ ⴷ ⵜⵡⵓⵔⵉ
  1. Accueil
  2. Activités royales

ⵉⴼⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⴱⵃⵔⵉⵏ ⴳ ⵜⴳⵉⵔⴰ ⵏ ⵓⵔⵣⴰⴼ ⵏ ⵜⴳⵎⴰⵜ ⴷ ⵜⵡⵓⵔⵉ

28 ⵉⴱⵔⵉⵔ 2016 Version Imprimable
ⵚⴰⵅⵉⵔ (ⵜⴰⵙⴳⴰ ⵏ ⵉⴼⴼⵓⵙ ⵏ ⵍⴱⵃⵔⵉⵏ) - ⵉⴼⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⴽⵡⴰⵙ ⵜⵉⴳⵍⴷⵉⵜ ⵏ ⵍⴱⵃⵔⵉⵏ ⴳ ⵜⴳⵉⵔⴰ ⵏ ⵓⵔⵣⴰⴼ ⵏ ⵜⴳⵎⴰⵜ ⴷ ⵜⵡⵓⵔⵉ.
ⵍⵍⵉⵖ ⵉⴼⵍ ⴱⴰⴱ ⵏ ⵡⴰⴷⴷⵓⵔ ⵜⴰⵙⵉⵍⴰ ⵏ ⵜⴰⵢⵍⴰⵍⵉⵏ ⵚⴰⵅⵉⵔ ⵉⵣⵓⵍⵜ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵙⴰⵍⵎⴰⵏ ⴱⵏ ⵃⴰⵎⴰⴷ ⴰⵍⵅⴰⵍⵉⴼⴰ ⴰⵎⴽⴽⵓⵙⵓ ⴷ ⵓⵎⴰⵔⵉ ⵏ ⵓⵏⵙⵙⵉⵅⴼ ⴰⵏⴰⴼⵍⵍⴰ ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ . ⵣⵓⵍⵏ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵎⵏⵏⴰⵡ ⵏ ⵉⵏⵎⵖⵓⵔⵏ ⵉⵄⵙⴽⵔⵉⵢⵏ ⴷ ⵓⵖⵔⵉⵎⵏ ⴷ ⵓⵎⵙⵇⴰⴷ ⴰⵎⵖⵔⵉⴱⵉ ⴳ ⵍⴱⵃⵔⵉⵏ ⵎⴰⵙⵙ ⵃⵎⴰⴷ ⵔⴰⵛⵉⴷ ⵅⵟⵜⴰⴱⵉ ⴷ ⵉⴳⵎⴰⵎⵏ ⵏ ⵜⵎⵙⵇⴰⴷⵜ. ⵉⴽⴽⴰⵜⵏ ⴱⴰⴱ ⵏ ⵡⴰⴷⴷⵓⵔ ⵉⵙⴽⵕ, ⵉⵎⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵢⵏⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵚⵚⴰⵅⵉⵕ ⵉⵎⴹⴰⴽⴰⵕⵏ ⵏⵜⵜⴰ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵃⴰⵎⴰⴷ ⴱⵏⵏ ⵄⵉⵙⴰ ⴰⵍ ⵅⴰⵍⵉⴼⴰ, ⵍⵍⵉ ⵉⵎⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵅⴰⵍⵉⴼⴰ ⴱⵏⵏ ⵙⴰⵍⵎⴰⵏ ⴰⵍ ⵅⴰⵍⵉⴼⴰ, ⴰⵏⵙⵙⵉⵅⴼ ⵏ ⵉⵎⴰⵡⴰⵙⵏ ⵏ ⵍⴱⵃⵕⴰⵢⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵙⴰⵍⵎⴰⵏ ⴱⵏⵏ ⵃⴰⵎⴰⴷ ⴰⵍ ⵅⴰⵍⵉⴼⴰ, ⴰⵎⴽⴽⵓⵙⵓ ⵏ ⵜⴳⵍⴷⵉⵜ, ⴰⵎⴰⵔⵉ ⵏ ⴰⵏⵙⵙⵉⵅⴼ ⵏ ⵉⵎⴰⵡⴰⵙⵏ. ⴳ ⵜⵙⴳⴰ ⴰⴷ, ⵙⵙⵉⵅⴼⵏ ⵉⴳⵍⵍⵉⴷⵏ ⵏ ⵙⵏⴰⵜ ⵜⵎⵉⵣⴰⵔ ⴰⴷ, ⴰⵙⴳⵎⴹ ⵏ ⴽⵕⴰⴹⵜ ⵜⵎⵢⴰⵇⵇⴰⵏⵉⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ. ⵜⴰⵎⵢⴰⵇⵇⴰⵏⵜ ⵜⴰⵎⵣⵡⴰⵔⵓⵜ ⵜⵥⵍⵉ ⵙ ⵍⴱⵔⵓⵜⵓⴽⵓⵍ ⵏ ⵓⵙⵏⴼⵍ ⵏ ⵜⵎⵢⴰⵇⵇⴰⵏⵜ ⵏ ⵓⵙⴱⵉⴷ ⵏ ⵎⵉⴷⴷⵏ ⵓⵔ ⵉⵜⵅⵍⵍⴰⵚⵏ ⴰⵔⴳⴰⵢ, ⵉⵜⵜⵓⵙⴳⵎⴹⵏ ⴳⵔ ⵍⵎⵖⵔⵉⴱ ⴷ ⵍⴱⵃⵕⴰⵢⵏ .
Dernière modification : 28 ⵉⴱⵔⵉⵔ 2016
Source URL: https://www.mapnews.ma/am/activites-royales/%E2%B5%89%E2%B4%BC%E2%B5%8D-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8D%E2%B4%B1%E2%B5%83%E2%B5%94%E2%B5%89%E2%B5%8F-%E2%B4%B3-%E2%B5%9C%E2%B4%B3%E2%B5%89%E2%B5%94%E2%B4%B0-%E2%B5%8F-%E2%B5%93%E2%B5%94%E2%B5%A3%E2%B4%B0%E2%B4%BC-%E2%B5%8F-%E2%B5%9C%E2%B4%B3%E2%B5%8E%E2%B4%B0%E2%B5%9C-%E2%B4%B7-%E2%B5%9C%E2%B5%A1%E2%B5%93%E2%B5%94%E2%B5%89#comment-0