ⴷ ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ, ⴳ ⵢⴰⵏ ⵉⵏⴰⵡ ⵏⵏⵙ ⵉ ⵜⴼⵓⴳⵍⴰ ⵏ ⵓⵙⴳⵎⴹ ⵏ ⵓⵎⵙⴰⵙⴰ ⵏ ⴱⴰⵔⵉⵣ ⵅⴼ ⵉⵙⵏⴼⴰⵍⵏ ⵏ ⵓⵏⵣⵡⵉ ⴳ ⵓⵙⵖⵉⵎ ⵏ ⵜⵎⵜⵜⴰ ⵉⵎⵓⵏⵏ ⴳ ⵏⵢⵓⵢⵓⵕⴽ ⵜⴰⵖⵔⴰⵜ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⴰⴼⴰⴷ ⴰⴷ ⴷⴷⵓⵏⵜ ⵜⵓⴳⴳⴰⵙ ⵉⵛⵛⴰⵔⵏ ⴳ ⵜⵉⵏⴰⵡⵜ ⵏ ⴽⵓⴱ 22 ⵍⵍⵉ ⵉⵜⵜⵓⵙⵎⴰⵍⴰ ⴳ ⵏⵓⵡⴰⵏⴱⵉⵔ ⴰⴷ ⵢⵓⵛⴽⴰⵏ ⴳ ⵎⵕⵕⴰⴽⵛ ⵙ ⵓⵙⵎⵀⵍ ⵉⵖⵓⴷⴰⵏ ⵏ ⵓⵎⵙⴰⵙⴰ ⴰⴷ ⵏ ⴱⴰⵔⵉⵣ.
ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵏⵔⴰ ⴰⴷ ⵜⵙⵓⵜⵍⵜ ⵜⵉⵙⵙ 223 ⵏ ⵜⵉⵏⴰⵡⵜ ⵏ ⵓⵏⵣⵡⵉ ⴳ ⵎⵕⵕⴰⴽⵛ ⴰⵣⵎⵣⵣⵓ ⵏ ⵓⵙⴷⵓⵙ ⵉ ⵢⵓⴼⵔⴰⴽ ⴰⴳⵔⴰⵖⵍⴰⵏ ⵎⴰⵙⴷ ⵉⵇⵇⴰⵏ ⴰⴷ ⵏⴹⴼⵕ ⵜⵉⵡⵓⵔⵉⵡⵉⵏ ⴳ ⵓⵎⵏⵉⵙ ⵏ ⵉⵙⵏⴼⴰⵍⵏ ⵏ ⵓⵏⵣⵡⵉ.
ⴳ ⵓⵙⴰⵜⵉ ⴰⴷ, ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵎⴰⵙ ⴷⵉⵇⵇⴰⵏ ⴰⴷ ⵢⵉⵍⵉ ⵓⵎⵙⴰⵙⴰ ⵅⴼ ⵢⴰⵏ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⵣⵎⵣ ⵏ ⴷⴰⵜ 2020 ⴳ ⵎⴰⴷ ⵉⵥⵍⵉⵏ ⵙ ⵓⵣⵓⴳⵣ ⵏ ⵉⵙⵉⴼⴹⵏ ⴷ ⵓⵥⵕⴼ ⴷ ⵓⵙⴷⵓⵙ ⵏ ⵜⵉⵥⵥⵉⴹⵕⴰ ⴷ ⵡⴰⵙⵙⴰⵢ ⵏ ⵜⵉⴽⵏⵓⵍⵓⵊⵢⴰ ⵙⵍⴰⵡⴰⵏ ⴰⴽⴽⵯ ⵉ ⵜⵎⵉⵣⴰⵔ ⵍⵍⵉ ⵖ ⵜⵍⵍⴰ ⵜⴳⵎⵉ ⴷ ⵜⵎⵉⵣⴰⵔ ⵍⵍⵉⵖ ⵜⴷⵔⵓⵙ ⵜⴳⵎⵉ ⴳ ⵉⴼⵔⵉⵇⵢⴰ ⴷ ⴰⵎⵔⵉⴽⴰ ⵏ ⵉⴼⴼⵓⵙ.
ⵉⵙⴽⵜⵉⴷ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵎⴰⵙ ⵜⵜⵔⵙⵏⵜ ⴳ ⵜⵙⵓⵜⵍⵜ ⵜⵉⵙⵙ 21 ⵏ ⵜⵉⵏⴰⵡⵜ ⵏ ⵓⵏⵣⵡⵉ ⵜⵉⵙⴰⵍⵡⵉⵏ ⵏ ⵢⴰⵏ ⵓⵏⴳⵔⴰⵡ ⴰⵎⴰⵢⵏⵓ ⵏ ⵜⴱⴷⴰⴷⵜ.
ⴷ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⴰⵙ ⵜ ⵉⵙⵓⵙⵎ ⴰⵟⵟⴰⵙ ⴰⴷ ⵢⵉⵣⵡⵓⵔ ⵍⵎⵖⵔⵉⴱ ⴳ ⵓⵙⴳⵎⴹ ⵅⴼ ⵓⵎⵙⴰⵙⴰ ⵏ ⴱⴰⵔⵉⵣ.
ⴷ ⵉⵙⵏⵉⵎⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵜⵏⵙⵙⵉⵅⴼⵜ ⵏ ⴱⴰⵔⵉⵣ ⵉ ⵜⵡⴰⵍⴰ ⵏ ⴽⵓⴱ 21, ⵍⵍⵉ ⴷ ⵢⵓⵡⵉⵏ ⴰⵙⵎⵓⵙⵙⵓ ⵏ ⵓⵙⴰⴳⵎ ⵍⵍⵉ ⴷ ⵢⵓⵡⵉⵏ ⴰⵎⵙⴰⵙⴰ ⵏ ⴱⴰⵔⵉⵣ, ⴷ ⵉⵙⵎⴰⵢⵏⵓ ⴰⵙⴷⴷⵉⴷ ⵏⵏⵙ ⵎⴰⵙ ⵍⵎⵖⵔⵉⴱ ⵉⵔⴰ ⴷ ⵉⵙⵏⵓⴱⴳ ⵙⴳ 7 ⴰⵔ 18 ⵏⵓⵡⴰⵏⴱⵉⵔ 2016 ⴳ ⵜⵎⴷⵉⵏⵜ ⵏ ⵎⵕⵕⴰⴽⵛ.