ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ : ⵜⴰⵎⴷⵔⴰⵡⵜ ⵍⵎⵖⵔⵉⴱ- ⵜⵉⵎⵉⵣⴰⵕ ⵏ ⵍⵅⴰⵍⵉⵊ ⵜⵙⴷⵓⵙ ⵙ ⵜⴰⴼⵍⵙⵜ ⵙ ⵢⴰⵏ ⵉⵎⴰⵍ ⴷ ⵓⵎⵙⴰⵙⴰ ⵏ ⵜⴰⵏⵏⴰⵢⵉⵏ

20 ⵉⴱⵔⵉⵔ 2016 Version Imprimable

ⵕⵕⵉⵢⴰⴹ - ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰⵙ ⵜⴰⵎⴷⵔⴰⵡⵜ ⵏ ⵍⵎⵖⵔⵉⴱ ⴷ ⵜⵎⵉⵣⴰⵕ ⵏ ⵍⵅⴰⵍⵉⵊ ⵜⵙⴷⵓⵙ ⵙ ⵜⴰⴼⵍⵙⵜ ⵙ ⵢⴰⵏ ⵉⵎⴰⵍ ⴷ ⵓⵎⵙⴰⵙⴰ ⵏ ⵜⴰⵏⵏⴰⵢⵉⵏ ⵅⴼ ⵜⴰⵎⵙⴰⵔⵉⵏ ⵉⵛⵛⴰⵔⵏ.

ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴳ ⵉⵏⵏⴰⵡ ⵏⵏⵙ, ⴰⵙⵙ ⵏ ⵓⴽⵕⴰⵙ ⴳ ⵕⵕⵉⵢⴰⴹ, ⴳ ⵓⵕⵥⵥⵓⵎ ⵏ ⵜⵇⵉⵛⵛⵉⵜ ⵜⴰⵎⵖⵔⴰⴱⵉⵢⵜ- ⵜⴰⵅⴰⵍⵉⵊⵉⵢⵜ ⴳ ⵕⵕⵉⵢⴰⴹ, ⵎⴰⵙ « ⵜⴰⵎⴷⵔⴰⵡⵜ ⵍⵎⵖⵔⵉⴱ- ⵜⵉⵎⵉⵣⴰⵕ ⵏ ⵍⵅⴰⵍⵉⵊ ⵓⵔ ⴷ ⵜⵓⵛⴽⵉ ⵖⴰⵙⵙⴰⴷ, ⴷ ⵓⵔ ⵜⴱⴷⴷⵉ ⵅⴼ ⵜⵏⴰⴼⵓⵜ ⵜⴰⵎⵙⵓⵜⵍⵜ, ⵎⴰⵛ ⵢⵓⵛⴽⴰⴷ ⵓⵙⴷⵓⵙ ⴰⴷ ⴳ ⵜⴰⴼⵍⵙⵜ ⵉⵣⴷⴷⵉⴳⵏ ⵙ ⵢⴰⵏ ⵉⵎⴰⵍ ⴷ ⵓⵎⵙⴰⵙⴰ ⵏ ⵜⴰⵏⵏⴰⵢⵉⵏ ⵅⴼ ⵜⴰⵎⵙⴰⵔⵉⵏ ⵉⵛⵛⴰⵔⵏ ».

ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵙⵏⵜⵉ ⴰⴷ, ⵎⴰⵙ ⵍⵎⵖⵔⵉⴱ ⴷ ⵜⵎⵉⵣⴰⵕ ⵏ ⵍⵅⴰⵍⵉⵊ « ⵣⴹⴰⵕⵏ ⴰⴷ ⵙⴽⵔⵏ ⵜⴰⵙⵉⵍⴰ ⵉⵣⵉⵍⵏ ⵉ ⵜⵎⴷⵔⴰⵡⵜ ⵜⴰⵙⵜⵔⴰⵜⵉⵊⵉⵢⵜ, ⵉⴳⴰⵏ ⵜⴰⵢⴰⴼⵓⵜ ⵏ ⵓⴱⵔⵉⴷ ⵉⵖⵓⴷⴰⵏ ⵏ ⵓⵎⵢⴰⵡⴰⵙ, ⴳ ⵓⵙⵡⵉⵔ ⴰⵙⵉⵏⵔⴰⵏ, ⵙ ⵜⵉⵔⵉⵜ ⵏⵏⵖ ⵉⵛⵛⴰⵔⵏ ».

ⴳ ⵓⵙⵏⵜⵉ ⴰⴷ, ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, « ⵎⴰⵙ ⵎⵇⵇⴰⵕ ⵢⴰⴳⴳⵓⴳ ⵓⵣⴰⵔⵓ ⴳⵔ ⵍⵎⵖⵔⵉⴱ ⴷ ⵜⵎⵉⵣⴰⵔ ⵏ ⵍⵅⴰⵍⵉⵊ, ⵎⴰⵛ ⵜⵙⵎⵓⵏⴰⵖ, ⴽⵃⴰⵎⴷⵓ ⵍⵍⴰⵀ, ⵉⵣⴷⴰⵢⵏ ⵉⴷⵓⵙⵏ, ⵓⵔ ⵉⴱⴷⴷⵉⵏ ⵖⴰⵙ ⵅⴼ ⵜⵓⵜⵍⴰⵢⵜ ⴷ ⵓⵙⴳⴷ ⴷ ⵜⵖⵔⵎⴰ ».

ⴷ ⵉⵙⴽⵜⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵍⵎⵖⵔⵉⴱ ⴷ ⵜⵎⵉⵣⴰⵔ ⵏ ⵍⵅⴰⵍⵉⵊ ⵜⵍⵍⴰ ⴷⴰⵔⵙⵏ ⵢⴰⵜ ⵜⴰⵏⵥⵕⵜ ⵉⵛⵛⴰⵔⵏ, ⵙⵍⴰⵡⵏ ⴰⴽⴽⵯ, ⴳ ⵢⵉⴳⵔ ⵏ ⵜⵏⴼⵔⵓⵜ.

Dernière modification : 20 ⵉⴱⵔⵉⵔ 2016

Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B4%B0%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%9C-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%9C%E2%B5%89%E2%B5%8E%E2%B5%89%E2%B5%A3%E2%B4%B0%E2%B5%95-%E2%B5%8F-%E2%B5%8D%E2%B5%85%E2%B4%B0%E2%B5%8D%E2%B5%89%E2%B5%8A-%E2%B5%9C%E2%B5%99%E2%B4%B7%E2%B5%93%E2%B5%99-%E2%B5%99-%E2%B5%9C%E2%B4%B0%E2%B4%BC%E2%B5%8D%E2%B5%99%E2%B5%9C-%E2%B5%99-%E2%B5%A2%E2%B4%B0%E2%B5%8F-%E2%B5%89%E2%B5%8E%E2%B4%B0%E2%B5%8D-%E2%B4%B7#comment-0