Published on MAPNews (https://www.mapnews.ma/am)

Accueil > ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵕⵕⵉⵢⵢⴰⴹ ⵃⵎⴰ ⴷ ⵉⴷⵔⴰ ⴳ ⵓⵏⵎⵓⵇⵇⴰⵔ ⴰⵅⴰⵜⴰⵔ ⴳⵔ ⵍⵎⵖⵔⵉⴱ ⴷ ⵜⵎⵉⵣⴰⵔ ⵏ ⵍⵅⴰⵍⵉⵊ
  1. Accueil
  2. Activités royales

ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵕⵕⵉⵢⵢⴰⴹ ⵃⵎⴰ ⴷ ⵉⴷⵔⴰ ⴳ ⵓⵏⵎⵓⵇⵇⴰⵔ ⴰⵅⴰⵜⴰⵔ ⴳⵔ ⵍⵎⵖⵔⵉⴱ ⴷ ⵜⵎⵉⵣⴰⵔ ⵏ ⵍⵅⴰⵍⵉⵊ

20 ⵉⴱⵔⵉⵔ 2016 Version Imprimable
ⵕⵕⵉⵢⵢⴰⴹ - ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴳ ⵢⵉⴹ ⵏ ⵓⵙⵉⵏⴰⵙ ⵜⵉⴼⴰⵡⵜ ⵏ ⵓⴽⵕⴰⵙ ⵙ ⵕⵕⵢⴰⴹ (ⵙⵙⴰⵄⵓⴷⵉⵢⵢⴰ) ⵎⵔⴰ ⴷ ⵉⴷⵔⴰ ⴳ ⵓⵏⵎⵓⵇⵇⴰⵔ ⴰⵅⴰⵜⴰⵔ ⴳⵔ ⵍⵎⵖⵔⵉⴱ ⴷ ⵜⵎⵉⵣⴰⵔ ⵏ ⵍⵅⴰⵍⵉⵊ.

ⵍⵍⵉ ⵖ ⵉⴳⴳⵣ ⴱⴰⴱ ⵏ ⵡⴰⴷⴷⵓⵔ ⴳ ⵓⵣⴰⴳⵯⵣ ⵏ « ⵓⴳⵍⵍⵉⴷ ⵙⴰⵍⵎⴰⵏ », ⵢⵓⴼⴰⵏ ⴳ ⵢⵓⵙⵏⵓⴱⴳ ⵏⵏⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⴼⴰⵢⵚⴰⵍ ⴱⵏⵏ ⴱⴰⵏⴷⴰⵕ ⴱⵏⵏ ⵄⴰⴱⴷ ⵍⵄⵣⵉⵣ ⴰⵍ ⵙⴰⵄⵓⴷ, ⴰⵏⴱⴱⴰⴹ ⵏ ⵜⵙⴳⴰ ⵏ ⵕⵕⵉⵢⴰⴹ.

ⴷ ⵉⵣⵣⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵉⴳⵎⴰⵎⵏ ⵏ ⵜⵎⵙⵇⴰⴷⵜ ⵏ ⵍⵎⵖⵔⵉⴱ ⴳ ⵙⵙⴰⵄⵓⴷⵢⴰ.

ⴷⴼⴼⵉⵔ ⵎⴰⵢⴰⴷ, ⵉⴼⵜⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙⵔ ⵜⴳⴰⴷⵉⵔⵜ ⵏ « ⵓⴳⵍⵍⵉⴷ ⴼⴰⵀⴷ », ⴰⴹⵖⴰⵕ ⵏ ⵜⵣⴷⵓⵖⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⵙ ⵓⵣⵎⵣⵣⵓ ⴰⴷ, ⵉⵎⵓⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵖ ⵓⵔⵣⴰⴼ ⴰⴷ ⴷ ⵢⴰⵏ ⵓⴽⴰⴱⴰⵕ ⴰⵎⵇⵕⴰⵏ ⵍⵍⵉ ⵖ ⵍⵍⴰⵏ ⵉⵎⵛⵛⵉⵡⵕⵏ ⵏⵏⵙ ⵎⴰⵙⵙ ⵟⵟⴰⵢⴱ ⴼⴰⵙⵉ ⵍⴼⵉⵀⵔⵉ ⴷ ⵎⴰⵙⵙ ⴼⵓⴰⴷ ⵄⴰⵍⵉ ⵍⵀⵉⵎⵎⴰ ⴷ ⵢⴰⵙⵉⵔ ⵣⵏⴰⴳⵉ ⴷ ⵄⴱⴷⵍⵟⵟⵉⴼ ⵎⴰⵏⵓⵏⵉ ⴷ ⵎⵓⵃⵎⵎⴷ ⴽⵜⵜⴰⵏⵉ ⴷⵔⵙ ⵜⴰⵙⵎⵉⴳⵍⵜ ⴳ ⵓⵙⴱⵔⵙⵉⵔⴰ ⴰⴳⵍⴷⴰⵏ ⴷ ⵓⵎⴰⵡⵙⴰⵙⵏ ⵜⵖⴰⵡⵙⵉⵡⵉⵏ ⵏ ⴱⵕⵔⴰ ⵎⴰⵙⵙ ⵚⴰⵍⵃⴷⴷⵉⵏ ⵎⵣⵡⴰⵔ ⴷ ⵓⵎⴰⵡⵙⴰⵙⵏ ⴰⵎⴰⵔⵉ ⴳ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵔⵉⵟⴰ .

ⵔⴰⴷ ⵉⵥⵍⵉ ⵓⵏⵎⵓⵇⵇⴰⵔ ⴰⴷ ⴰⵎⵣⵡⴰⵔⵓ ⵙ ⵜⵏⴽⵔⴰ ⵙ ⵜⵎⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵍⵍⵉ ⵉⵍⵍⴰⵏ ⴳⵔ ⵍⵎⵖⵔⵉⴱ ⴷ ⵜⵎⵉⵣⴰⵔ ⵏ ⵍⵅⴰⵍⵊ.

ⴰⵏⵎⵓⵇⵇⴰⵔ ⴰⴷ ⵔⴰⴷ ⵉⴳ ⴰⵣⵎⵣⵣⵓ ⵏ ⵉⵎⵛⵉⵡⴰⵕ ⴷ ⵓⵎⵢⴰⵡⴰⵙ ⵅⴼ ⵜⵎⵓⴽⵔⵉⵙⵉⵏ ⵏ ⵜⵙⴳⴰ ⵜⴰⵄⵕⴰⴱⵜ ⴷ ⵜⵖⴰⵡⵙⵉⵡⵉⵏ ⵜⵉⵏⵎⵏⴰⴹⵉⵏ ⴷ ⵜⵉⴳⵔⴰⵖⵍⴰⵏⵉⵏ ⴰⴼⴰⴷ ⵢⴰⵜ ⵜⴰⵏⵏⵢⵜ ⵉⵛⵛⴰⵔⵏ.


 

Dernière modification : 20 ⵉⴱⵔⵉⵔ 2016
Source URL: https://www.mapnews.ma/am/activites-royales/%E2%B5%89%E2%B5%8D%E2%B4%BD%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%99-%E2%B5%95%E2%B5%95%E2%B5%89%E2%B5%A2%E2%B5%A2%E2%B4%B0%E2%B4%B9-%E2%B5%83%E2%B5%8E%E2%B4%B0-%E2%B4%B7-%E2%B5%89%E2%B4%B7%E2%B5%94%E2%B4%B0-%E2%B4%B3-%E2%B5%93%E2%B5%8F%E2%B5%8E%E2%B5%93%E2%B5%87%E2%B5%87%E2%B4%B0%E2%B5%94-%E2%B4%B0%E2%B5%85%E2%B4%B0%E2%B5%9C%E2%B4%B0%E2%B5%94-%E2%B4%B3%E2%B5%94-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7-%E2%B5%9C%E2%B5%8E%E2%B5%89%E2%B5%A3%E2%B4%B0%E2%B5%94#comment-0