Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵙⵏⴰ ⴳ ⵕⵕⴱⴰⵟ ⵜⴰⴼⵓⴳⵍⴰ ⵏ ⵓⵕⵥⴰⵎ ⵏ ⴽⵕⴰⴹ ⵡⴰⵎⵎⴰⵙⵏ ⵉⴷⵓⵙⴰⵏ ⴷⴼⴼⵉⵔ ⵜⵉⵡⵓⵔⵉⵡⵉⵏ ⵏ ⵓⵙⵎⴰⵢⵏⵓ ⵏⵏⵙⵏ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵙⵏⴰ ⴳ ⵕⵕⴱⴰⵟ ⵜⴰⴼⵓⴳⵍⴰ ⵏ ⵓⵕⵥⴰⵎ ⵏ ⴽⵕⴰⴹ ⵡⴰⵎⵎⴰⵙⵏ ⵉⴷⵓⵙⴰⵏ ⴷⴼⴼⵉⵔ ⵜⵉⵡⵓⵔⵉⵡⵉⵏ ⵏ ⵓⵙⵎⴰⵢⵏⵓ ⵏⵏⵙⵏ

04 ⵎⴰⵕⵚ 2016 Version Imprimable
ⵕⵕⴱⴰⵟ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵙⵏⴰ, ⵜⴰⵏⵙⵙⵉⵅⴼⵜ ⵜⴰⴱⵓⵔⵣⵜ ⵏ ⵜⵎⵙⵎⵓⵏⵜ ⵏ ⵜⵉⴳⵎⵉ ⵜⴰⵏⴼⴳⴰⵏⵜ « ⵃⴰⵙⴰⵏⴰⵜ », ⴰⵙⵙ ⵏ ⵓⵙⵉⵎⵡⴰⵙ ⴳ ⵕⵕⴱⴰⵟ, ⵜⴰⴼⵓⴳⵍⴰ ⵏ ⵓⵕⵥⴰⵎ ⵏ ⴽⵕⴰⴹ ⵡⴰⵎⵎⴰⵙⵏ ⵉⴷⵓⵙⴰⵏ (ⵍⵎⴻⵍⴽ, ⵍⵢⵓⵙⵓⴼⵢⵢⴰ1, ⴷ ⵜⵜⴰⵇⴷⴷⵓⵎ) ⵉⴹⴼⴰⵔⵏ ⵉ ⵜⵙⵎⵉⵔⵉⵜ ⵏ ⵜⴷⵓⵙⵉ ⴳ ⵕⵕⴱⴰⵟ ⴷⴼⴼⵉⵔ ⵜⵉⵡⵓⵔⵉⵡⵉⵏ ⵏ ⵓⵙⵎⴰⵢⵏⵓ ⵏⵏⵙⵏ.


ⵙ ⵓⵣⵎⵣⵣⵓ ⴰⴷ, ⵜⵙⴽⴰⵔ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵙⵏⴰ ⵜⵉⵔⵉⵡⵜⵉⵏ ⵉⵥⵍⵉⵏ ⵙ ⵓⵏⵙⵏⵓⴱⴳ ⴷ ⵜⵏⴽⴷⴰ ⵏ ⵓⵙⵙⵓⵊⵢ ⵉ ⵢⵎⴰⴹⵓⵏ ⴳ ⵉⴳⵣⵣⵓⵎⵏ ⵉⴷⵓⵙⴰⵏ ⴰⴷ.

ⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⵙⵎⵓⵏⵜ ⵏ ⵜⵉⴳⵎⵉ ⵜⴰⵏⴼⴳⴰⵏⵜ « ⵃⴰⵙⴰⵏⴰⵜ », ⵎⴰⵙ ⵜⴰⵎⵀⵍⵜ ⵏ ⵓⵙⵖⵓⴷⵓ ⵏ ⴽⵕⴰⴹ ⵡⴰⵎⵎⴰⵙⵏ ⵉⴷⵓⵙⴰⵏ, ⵉⴽⵛⵎⴰⵏ ⴳ ⵓⵙⵏⵜⵉ ⵏ ⵉⵡⵜⵜⴰⵙⵏ ⵏ ⵜⵎⵙⵎⵓⵏⵜ ⴰⴷ, ⵃⵎⴰ ⴰⴷ ⵜⵙⴼⵓⵍⴽⵉ ⴰⵙⵡⵉⵔ ⵏ ⵜⵏⴰⴼⵓⵜ ⵏⵏⵙ, ⵙⵍⴰⵡⵏ ⴰⴽⴽⵯ, ⴰⵙⵏⵓⴱⴳ ⵏ ⵉⵎⴰⴹⵓⵏ, ⴷ ⵜⵡⵓⵔⵉ ⵏ ⵓⵙⵔⵓⵙ ⵏ ⵓⴳⵣⵣⵓⵎ ⵉⵥⵍⵉⵏ ⵙ ⵜⴷⵓⵙⵉ ⵏ ⵉⵎⵎⴰ ⴷ ⵉⵃⵏⵊⵉⵔⵏ ⴷ ⵓⵥⵍⴰⵢ ⵏ ⵜⴰⴷⴰⵍⴰ ⵏ ⵓⵙⵙⵓⵊⵢ ⵏ ⵉⵎⵉ ⴷ ⵜⵓⵖⵎⴰⵙ.

ⴳ ⵓⵎⵏⴰⴹ ⴰⴷ, ⵜⴱⴷⴷⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵙⵏⴰ ⵙ ⵓⵣⵎⵣⵣⵓ ⴰⴷ, ⵅⴼ ⵓⵕⵥⴰⵎ ⵏ ⵓⵣⵓⵣⵣⵔ ⵏ ⵜⴳⵣⵣⵓⵎⵜ ⵜⴰⵙⵍⵉⵥⵉⵕⵜ ⴰⵙⴼⵔⴽ ⴳ ⵉⵎⵉⵥⴰⵕ ⵉⵍⵍⴰⵏ ⴳ ⵜⴰⴷⴰⵍⴰ ⵏ ⵓⴳⴰⵏⵉ ⴳ ⵡⴰⵎⵎⴰⵙⵏ ⵉⴷⵓⵙⴰⵏ ⴰⴷ, ⵃⵎⴰ ⴰⴷ ⵙⵔⵇⴱⵏ ⵉⵎⴰⴹⵓⵏ ⴳ ⵃⵟⵟⵓ ⵏ ⵉⴹⵖⴰⵔⵏ ⴰⴷ ⵉⵜⵜⵓⵙⵎⴰⵢⵏⵓⵏ.

ⴷ ⴳ ⵜⴼⵓⴳⵍⴰ ⴰⴷ, ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵙⵏⴰ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⴽⵕⴰⴹⵜ ⵜⴰⵎⵢⴰⵇⵇⴰⵏⵉⵏ, ⵜⴰⵎⵣⵡⴰⵔⵓⵜ ⴳⵔ ⵜⵎⵙⵎⵓⵏⵜ ⵏ ⵜⵉⴳⵎⵉ ⵜⴰⵏⴼⴳⴰⵏⵜ « ⵃⴰⵙⴰⵏⴰⵜ », ⴷ « ⵔⵉⴹⴰⵍ » ⴳ ⵍⵍⴰⵏ ⴽⵕⴰⴷ ⵉⵙⴳⴳⵯⴰⵙⵏ, ⴷ ⵜⵉⵙⵙ ⵙⵏⴰⵜ ⴳⵔ ⵜⵎⵙⵎⵓⵏⵜ « ⵃⴰⵙⴰⵏⴰⵜ » ⴷ ⵜⵎⵔⵙⴰⵍⵜ ⵏ ⵜⴼⵏⵉⵇⵜ ⵏ ⵓⵙⵔⵔⵓⵙ ⴷ ⵓⵙⵡⵓⴷⴷⵓ ⴷ ⵔⴰⴷ ⵢⵉⵍⵉ ⵢⴰⵏ ⵓⵙⴳⴳⵯⴰⵙ. ⴰⵡⵜⵜⴰⵙ ⵏ ⵙⵏⴰⵜ ⵜⵎⵢⴰⵇⵇⴰⵏⵉⵏ ⴰⴷ ⵉⴳⴰⵜ ⴰⵙⵏⴰⵍ ⴰⵥⵔⴼⴰⵏ ⵏ ⵜⵎⵙⵎⵓⵏⵜ ⴰⴷ.

ⵉⴷ ⵜⴰⵎⵢⴰⵇⵇⴰⵏⵜ ⵜⵉⵙⵙ ⴽⵕⴰⴹⵜ ⵉⵜⵜⵓⵙⵎⴹⵏ ⴳⵔ ⵓⵙⵉⵔⴰ ⵏ ⵓⵙⵎⵓⵜⴳ ⴰⵣⵣⵓⵍⴰⵏ ⴷ ⵓⵙⴷⵓⵢ ⵏ ⵜⵡⵓⵔⵉ ⴷ ⵜⵎⵀⵍⴰ ⵜⴰⵏⵎⵏⴰⴹⵜ ⵏ ⵜⴷⵓⵙⵉ ⴳ ⵕⵕⴱⴰⵟ, ⵉⴳⴰ ⴰⵡⵜⵜⴰⵙ ⵏⵏⵙ, ⵜⴰⵏⴼⵔⵓⵜ ⵜⴰⵙⵓⵍⴰⵏⵜ ⵏ ⵓⵖⴰⵡⴰⵙ ⵏ ⵓⵙⵏⵓⴱⴳ ⴷ ⵓⵙⴼⵔⴽ ⴷ ⵜⴰⵎⵓⵏⵜ ⴰⴽⴷ ⴰⴳⵏⵙⵓ ⵏ ⵡⴰⵎⵎⴰⵙ ⵏ ⵜⴷⵓⵙⵉ ⴳ ⵜⵙⴳⴰ.

ⴳ ⵓⵣⵎⵣⵣⵓ ⴳⵏ ⵜⵍⴽⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵙⵏⴰ ⴰⵎⵎⴰⵙ ⴰⴷⵓⵙⴰⵏ ⴰⵖⵔⵎⴰⵏ ⵏ « ⵍⵎⵍⴽ », ⵉⵣⵣⵓⵍ ⴼⵍⵍⴰⵙ ⵓⵎⴰⵡⵙⴰⵙ ⵏ ⵓⵙⴳⵎⵉ ⵜⴰⵏⴰⵎⵓⵔⵜ ⴷ ⵓⵙⵎⵓⵜⴳ ⴰⵣⵣⵓⵍⴰⵏ ⵎⴰⵙⵙ ⵔⴰⵛⵉⴷ ⴱⵍⵎⴰⵅⵜⴰⵔ, ⴷ ⵓⵏⴱⴱⴰⴹ ⵏ ⵜⵙⴳⴰ ⵕⵕⴱⴰⵟ- ⵙⵙⵍⴰ- ⵍⵇⵏⵉⵟⵔⴰ, ⵎⴰⵙⵙ ⵄⴰⴱⴷ ⵍⵡⴰⴼⵉ ⵍⴼⵜⵉⵜ, ⴷ ⵓⵏⵙⵙⵉⵅⴼ ⵏ ⵜⵙⴳⴰ ⵎⴰⵙⵙ ⵄⴰⴱⴷ ⵚⵚⴰⵎⴰⴷ ⵙⴽⴽⵯⴰⵍ ⴷ ⵎⵏⵏⴰⵡ ⵏ ⵉⵡⵔⵉⴽⵏ ⵢⴰⴹⵏ.

Fichier attaché :
Icône paquet activites_sar_lalla_hasna_g.zip
Dernière modification : 04 ⵎⴰⵕⵚ 2016
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%99%E2%B5%8F%E2%B4%B0-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%95%E2%B5%A5%E2%B4%B0%E2%B5%8E-%E2%B5%8F#comment-0