ⴰⵙⵎⵏⵉⴷ ⵉ ⴱⴰⴱ ⵏ ⵡⴰⴷⴷⵓⵔ ⴷ ⵓⵏⵙⵙⵉⵅⴼ ⵏ ⴼⵔⴰⵏⵚⴰ ⴰⵙⵏⵜⵉ ⵏ ⵡⴰⵎⵎⴰⵙ ⴰⴷⵍⵙⴰⵏ ⵏ ⵍⵎⵖⵔⵉⴱ ⴳ ⴱⴰⵔⵉⵣ.

17 ⴱⵕⴰⵢⵕ 2016 Version Imprimable

ⴱⴰⵔⵉⵣ - ⵉⵙⴽⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⵙ ⵡⵉⵙⵙ ⵚⴹⵉⵙ ⴰⴷ ⵜ ⵉⵏⵚⵕ ⵕⴱⴱⵉ ⴷ ⵓⵏⵙⵙⵉⵅⴼ ⵏ ⴼⵔⴰⵏⵚⴰ ⵎⴰⵙⵙ ⴼⵕⴰⵏⵚⵡⴰ ⵀⵓⵍⴰⵏⴹ ⴰⵙⵙ ⵏ ⵓⴽⵕⴰⵙ ⵢⴰⵏ ⵓⵔⵣⴰⴼ ⵉ ⵢⵓⵙⵉⵏⴰⴳ ⵏ ⵓⵎⴰⴹⴰⵍ ⴰⵄⵕⴰⴱ ⴳ ⴱⴰⵔⵉⵣ ⵙ ⵜⵖⵓⵔⵉ ⵏ ⵓⵏⵙⵙⵉⵅⴼ ⵏⵏⵙ ⵊⴰⴽ ⵍⴰⵏⴳ.

ⴰⵙⵏⵜⵉ ⵏ ⵡⴰⵎⵎⴰⵙ ⴰⴷⵍⵙⴰⵏ ⵏ ⵍⵎⵖⵔⵉⴱ ⴳ ⴱⴰⵔⵉⵣ ⵉⴳⴰ ⴰⵙⵕⵥⵎ ⵅⴼ ⵜⴷⵍⵙⴰ ⵜⵎⵖⵔⴰⴱⵉⵢⵜ ⴳ ⵓⴳⵍⴰ ⵏⵏⵙ, ⴷ ⵔⴰⴷ ⵢⴰⵡⵙ ⴳ ⵓⵙⵢⴰⵙⵏ ⵏ ⵓⵢⴷⴰ ⴰⵎⵖⵔⴰⴱⵉ ⴷ ⵓⵎⵣⵔⵓⵢ ⵏ ⵜⴳⵍⴷⵉⵜ, ⴷ ⵔⴰⴷ ⵢⴰⵡⵙ ⵙⵓⵍ ⴳ ⵓⵙⵏⵎⵍ ⴳ ⴼⵕⴰⵏⵚⴰ ⵏ ⵢⵉⴳⵔ ⵏ ⵓⵏⴰⵥⵓⵕ ⴰⵜⵔⴰⵔ ⴰⵎⵖⵔⴰⴱⵉ ⴷⴰⵔ ⵉⴼⵕⴰⵏⵚ, ⴳ ⵓⵙⵏⵜⵉ ⵏ ⵉⵎⴰⵏ ⵏ ⵜⵓⵛⵔⴽⴰ ⴳⵔ ⵜⵎⵔⵙⴰⵍ ⵜⵉⴷⵍⵙⴰⵏⵉⵏ ⵏ ⵍⵎⵖⵔⵉⴱ ⴷ ⵜⵉⵏ ⴼⵕⴰⵏⵚⴰ.

ⴷ ⵔⴰⴷ ⵢⴰⵡⵙ ⵡⴰⵎⵎⴰⵙ ⴰⴷⵍⵙⴰⵏ ⵏ ⵍⵎⵖⵔⵉⴱ ⴳ ⴱⴰⵔⵉⵣ ⴳ ⵓⵙⴷⵓⵙ ⵏ ⵜⵓⵇⵇⵏⴰ ⴳⵔ ⵉⵎⵖⵔⴰⴱⵉⵢⵏ ⵉⴷⴷⵔⵏ ⴳ ⴼⵕⴰⵏⵚⴰ ⴷ ⵜⵎⵓⵔⵜ ⵏⵏⵙⵏ ⵍⵎⵖⵔⵉⴱ.

ⴰⵢⴰⴷ ⵏ ⵓⵙⵏⵜⵉ ⵔⴰⴷ ⵉⵜⵜⵓⵙⴽⵔ ⵙ ⵡⴰⵜⵉⴳ ⴰⵣⵔⴼⴰⵏ ⵏ 7 ⵏⵉⴷ ⵎⵍⵢⵓⵏ ⵏ ⵍⵓⵔⵓ ⴳ ⵜⵉⵣⵉ ⵏ 24 ⵏ ⵡⴰⵢⵢⵓⵔ.

ⴳ ⵜⵙⴳⴰ ⴰⴷ, ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⵙ ⵡⵉⵙⵙ ⵚⴹⵉⵙ ⴰⴷ ⵜ ⵉⵏⵚⵕ ⵕⴱⴱⵉ ⴷ ⵓⵏⵙⵙⵉⵅⴼ ⵏ ⴼⵔⴰⵏⵚⴰ ⵎⴰⵙⵙ ⴼⵕⴰⵏⵚⵡⴰ ⵀⵓⵍⴰⵏⴹ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵢⴰⵜ ⵜⴰⵎⵢⴰⵇⵇⴰⵏⵜ ⴳⵔ ⵜⴰⵎⵀⵍⴰ ⵏ ⵜⵏⵜⴰⵎⵜ ⵜⴰⴳⵍⴷⴰⵏ, ⴷ ⵜⴰⵙⵏⵏⵉⵖⵜ ⵏ ⵜⴰⵎⴰⴷⴰⵢⵜ ⵏ ⴰⵙⴷⵔⴼⵉ ⵉⵥⵉⵏ ⵙ ⵓⵙⵏⵎⴰⵍⴰ ⵏ ⵢⴰⵏ ⴰⵙⴼⵙⵔ ⴳ ⴽⵟⵓⴱⵔ ⵍⵍⵉ ⴷ ⵢⵓⵛⴽⴰⵏ ⴳ ⴼⵕⴰⵏⵚⴰ ⵅⴼ ⵍⵎⵖⵔⵉⴱ ⵙ ⵓⵣⵎⵣⵣⵓ ⵏ ⵓⴽⵜⴰⵢ ⵡⵉⵙⵙ 60 ⵏ ⵜⵙⵉⵎⴰⵏⵜ.

Dernière modification : 17 ⴱⵕⴰⵢⵕ 2016

Source URL: https://www.mapnews.ma/am/activites-royales/%E2%B4%B0%E2%B5%99%E2%B5%8E%E2%B5%8F%E2%B5%89%E2%B4%B7-%E2%B5%89-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B7-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B4%BC%E2%B5%94%E2%B4%B0%E2%B5%8F%E2%B5%9A%E2%B4%B0-%E2%B4%B0%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%A1%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B4%B0%E2%B4%B7%E2%B5%8D%E2%B5%99%E2%B4%B0%E2%B5%8F-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B3-%E2%B4%B1%E2%B4%B0%E2%B5%94%E2%B5%89%E2%B5%A3#comment-0