Published on MAPNews (https://www.mapnews.ma/am)

Accueil > ⵉⵎⵙⵏⴰⵍⴰ ⴱⴰⴱ ⵏ ⵡⴰⴷⴷⵓⵔ ⴷ ⵓⵏⵙⵙⵉⵅⴼ ⵏ ⴼⵔⴰⵏⵚⴰ ⴳ ⵜⴳⴰⴷⵉⵔⵜ ⵏ ⵍⵉⵍⵉⵣⵉ
  1. Accueil
  2. Activités royales

ⵉⵎⵙⵏⴰⵍⴰ ⴱⴰⴱ ⵏ ⵡⴰⴷⴷⵓⵔ ⴷ ⵓⵏⵙⵙⵉⵅⴼ ⵏ ⴼⵔⴰⵏⵚⴰ ⴳ ⵜⴳⴰⴷⵉⵔⵜ ⵏ ⵍⵉⵍⵉⵣⵉ

17 ⴱⵕⴰⵢⵕ 2016 Version Imprimable
ⴱⴰⵔⵉⵣ/ - ⴳ ⵓⵙⴰⵜⵉ ⵏ ⵓⵔⵣⴰⴼ ⵏ ⵜⵡⵓⵔⵉ ⴷ ⵜⴰⴳⵎⴰⵜⵍⵍⵉ ⵉⵙⴽⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⵙ ⵡⵉⵙⵙ ⵚⴹⵉⵙ ⴰⴷ ⵜ ⵉⵏⵚⵕ ⵕⴱⴱⵉ ⵉ ⴼⵕⴰⵏⵚⴰ ⵉⵎⵙⵏⴰⵍⴰ ⴱⴰⴱ ⵏ ⵡⴰⴷⴷⵓⵔ ⴰⵙⵙ ⵏ ⵓⴽⵕⴰⵙ ⴷ ⵓⵏⵙⵙⵉⵅⴼ ⵏ ⵔⴰⵏⵚⴰ ⵎⴰⵙⵙ ⴼⵕⴰⵏⵚⵡⴰ ⵀⵓⵍⴰⵏⴹ ⴳ ⵜⴳⴰⴷⵉⵔⵜ ⵏ ⵍⵉⵍⵉⵣⵉ ⵉⴹⵕⵜ ⴷⴼⴼⵉⵔ ⵙ ⵉⵎⴰⵡⵙⴰⵙⵏ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵡⵏⴰⴹ ⴷ ⵉⵎⵛⴰⵡⴰⵔⵏ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵎⴰⵙⵙ ⵀⵓⵍⴰⵏⴹ ⴷ ⵉⵎⵙⵇⴰⵏⴷ ⵏ ⵜⵉⵎⵣⴰⵔ ⵙⵏⴰⵜ ⵎⴰⵢⴰⴷ ⴰⴷ ⵜⵏⵏⴰ ⵜⴰⵎⴰⵡⴰⵙⵜ ⵏ ⵜⴳⴰⴷⵉⵔⵉⵏ ⵜⵉⴳⵍⴷⴰⵏⵉⵏ ⴷ ⵍⴱⵕⵓⵜⵓⴽⵓⵍ ⴳ ⵢⴰⵏ ⵓⵙⵉⵡⴹ.
ⴰⵔⵣⴰⴼ ⴰⴷ ⵉⴽⵛⵎ ⴳ ⵓⵙⴰⵜⵉ ⵏ ⵉⵎⵢⴰⵙⵙⴰⵏ ⵖⵓⴷⴰⵏⵉⵏ ⴳⵔ ⵍⵎⵖⵔⵉⴱ ⴷ ⴼⵕⴰⵏⵚⴰ ⴷ ⵜⴰⵏⴰⵢⵜ ⵜⴰⵙⵜⵔⴰⵜⵉⵊⵉⵢⵜ ⵏ ⵜⵓⵇⵇⵏⴰ ⵉⵍⵍⴰⵏ ⴳⵔⴰⵙⵏ ⴷ ⵜⵉⵔⴰⵜ ⵏ ⵜⵏⴽⵔⴰ ⵏⵏⵙ ⵙ ⵡⴰⴷⴷⴰⴷ ⵉⵣⴷⵉⵏ ⵙⵔ ⵜⵓⵛⵔⴽⴰ ⵉⵎⵢⴰⵏⴰⵡⵏ ⵏ ⵉⵎⵏⴰⴷⵏ. ⴷ ⵉⵙⵏⵉⵎⵔ ⵓⵏⵙⵙⵉⵅⴼ ⵏ ⵜⴰⴳⴷⵓⴷⴰⵏⵜ ⵏ ⴼⵕⴰⵏⵚⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵓⵙⵓⵖⵏ ⴰⵏⵉⵎⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⵃⵎⴰ ⴰⴷ ⵉⵙⴱⵖⵔ ⴰⵙⴳⵔⴰⵡ ⵏ (ⴽⵓⴱ 21). ⴷ ⴳ ⵓⵙⵏⵜⵉ ⵏ ⵉⵎⴰⵏ ⵏ ⵓⵍⴰⵖⵉ ⵏ ⵟⴰⵏⵊⴰ ⴳ 20 ⵛⵓⵜⴰⵏⴱⵉⵔ 2015, ⴷ ⵅⴼ ⵢⴰⵜ ⵜⵡⵓⵔⵉ ⵜⴰⵎⵢⴰⵡⴰⵙⵜ ⴷ ⵉⵙⴷⵓⵙⵏ ⵉ ⵡⵏⵣⵡⵉ, ⴼⴽⴰⵏ ⵉⵏⴱⴷⴰⴷⵏ ⵏ ⵙⵏⴰⵜ ⵜⵎⵉⵣⴰⵔ ⴰⴷ ⵃⵎⴰ ⴰⴷ ⵉⵜⵜⵓⵙⴽⵔ ⵓⵖⴰⵡⴰⵙ ⵏ ⵓⴱⵔⵉⴷ ⵉⵛⵛⴰⵔⵏ, ⴰⴼⴰ ⴷ ⵃⵟⵓⵏ ⴰⵙⵎⵓⵙⵙⵓ ⴷ ⵙⴷⵓⵙⵏ ⴰⵣⴷⴷⵓⵢ ⵎⵔⴰ ⴰⴷ ⵙⴳⵎⴹⵏⵜ ⵜⵎⵉⵣⴰⵔ ⴰⴽⵯ ⵅⴼ ⵓⵎⵙⴰⵙⴰ ⵏ ⴱⴰⵔⵉⵣ ⴷ ⵜⵏⴼⵔⵓⵜ ⵏ ⵎⵓⵔⵙ ⵏ ⵓⴳⵔⴰⵡ ⵏ (ⴽⵓⴱ 22), ⵍⵍⵉ ⵔⴰⴷ ⵢⵉⵍⵉ ⴳ ⵎⵕⵕⴰⴽⵛ ⴳⵔ ⵡⴰⵙⵙ ⵏ 7 ⴷ 18 ⵏⵓⵡⴰⵏⴱⵉⵔ ⵍⵍⵉ ⴷ ⵢⵓⵛⴽⴰⵏ. ⴷ ⵉⵙⴰⵡⵍ ⴱⴰⴱ ⵏ ⵡⴰⴷⴷⵓⵔ ⴷ ⵓⵏⵙⵙⵉⵅⴼ ⵏ ⴼⵕⴰⵏⵚⴰ ⵅⴼ ⵎⵏⵏⴰⵡ ⵏ ⵉⵎⵔⵙⵉⵜⵏ ⴰⵙⴳⴰⵡⴰⵏ, ⵙⵍⴰⵡⵏ ⴰⴽⴽⵯ, ⴰⵙⴷⴰⵡ ⵏ ⵍⵉⴱⵢⴰ ⵍⵍⵉ ⴳ ⵍⵍⴰⵏⵜ ⵛⴰⵢⴳⴰⵏ ⵏ ⵜⴰⵏⵥⵕⵜ ⵜⵉⵅⴰⵜⴰⵔⵉⵏ ⵅⴼ ⵜⵏⴼⵔⵓⵜ ⵏ ⵜⵙⴳⴰ ⵏ ⵉⵥⵍⵎⴹ ⵏ ⵉⴼⵔⵉⵇⵢⴰ ⴷ ⵜⴰⴳⵓⵜ ⵏ ⵍⴰⵟⵍⵓⵏⵜⵉ. ⴷ ⵉⵙⵎⵖⵔ ⵓⵏⵙⵙⵉⵅⴼ ⵏ ⴼⵕⴰⵏⵚⴰ ⵙ ⵡⴰⴷⴷⵓⵔ ⴰⵙⵉⵍⴰⵏ ⵏ ⵍⵎⵖⵔⵉⴱ ⴳ ⵓⵙⴷⴷⵉ ⵍⵍⵉ ⵜⵔⵥⴰⵎ ⵜⴰⵎⵓⵏⵜ ⵏ ⵜⵎⵜⵜⴰ ⴷ ⵍⵍⵉ ⴷ ⵢⵓⵡⵉⵏ ⴰⵎⵙⴰⵙⴰ ⵏ ⵚⵅⵉⵕⴰⵜ ⵍⵍⵉ ⵖ ⵜⵜⵓⵙⴽⵔ ⵜⵏⴱⴰⴹⵜ ⵏ ⵜⴰⵎⵓⵏⵜ ⵏ ⵜⴰⵎⵓⵔⵜ. ⴳ ⵜⵏⵉⵍⵍⴰ ⴰⴷ, ⵖⵕⴰⵏ ⵉⵏⴱⴷⴰⴷⵏ ⵏ ⵜⵎⵉⵣⴰⵔ ⴰⵙⵇⵇⵉⵎ ⵏ ⵉⵎⴰⵔⵉⵜⵏ ⵏ ⵍⵉⴱⵢⴰ ⵃⵎⴰ ⴰⴷ ⵉⵙⴷⴷⵔⴼ ⴳ ⵜⵉⴽⴽⵉⵜ ⵏ ⵜⵖⵍⵉⴼⵜ ⵏⵏⵙ ⵉ ⵜⵏⴱⴰⴹⵜ ⵜⴰⵎⴰⵢⵏⵓⵜ ⵃⵎⴰ ⴰⴷ ⵙⴱⵉⴷⴷⵉⵏ ⵎⵏⵏⴰⵡ ⵏ ⵉⵎⵙⴰⵔⴰⵙⵏ ⵉⵍⵍⴰⵏ ⵅⴼ ⵍⵉⴱⵢⴰ ⴷ ⵜⵙⴳⴰ ⴰⴷ. ⴳ ⵙⵡⵉⵔ ⴰⵙⵉⵏⵔⴰⵏ, ⵉⵙⵎⵖⵔ ⴱⴰⴱ ⵏ ⵡⴰⴷⴷⵓⵔ ⴷ ⵓⵏⵙⵙⵉⵅⴼ ⵏ ⴼⵕⴰⵏⵚⴰ ⵙ ⵜⴰⵣⵣⵉⴳⵣⵜ ⵏ ⵜⴰⵙⴰⵡⵔⵜ ⵜⵉⵅⴰⵜⴰⵔⵉⵏ ⵍⵍⵉ ⵕⵥⵎⴰⵏ, ⵏⵓⵎⵍ ⴳ ⵢⵉⴳⵔ ⵏ ⵜⴷⴰⵎⵙⴰ ⴷ ⵜⴷⴰⵍⵙⴰ, ⴷ ⵢⵉⴳⵔ ⵏ ⵓⵙⴱⵉⴷ ⵏ ⵓⴱⵔⵙⵉⵡⴷ ⴷ ⵓⴱⴽⴽⵉⴹ ⴰⵎⴰⴹⵍⴰⵏ. ⴳ ⵓⵙⵏⵜⵉ ⵏ ⵓⵔⵣⴰⴼ ⴰⴷ, ⵉⵙⴽⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⵙ ⵡⵉⵙⵙ ⵚⴹⵉⵙ ⴰⴷⵜ ⵉⵏⵚⵕ ⵕⴱⴱⵉ ⴷ ⵓⵏⵙⵙⵉⵅⴼ ⵏ ⴼⵔⴰⵏⵚⴰ ⵎⴰⵙⵙ ⴼⵕⴰⵏⵚⵡⴰ ⵀⵓⵍⴰⵏⴹ ⵢⴰⵏ ⵓⵔⵣⴰⴼ ⵉ ⵢⵓⵙⵉⵏⴰⴳ ⵏ ⵓⵎⴰⴹⴰⵍ ⴰⵄⵕⴰⴱ ⴳ ⴱⴰⵔⵉⵣ.
Dernière modification : 17 ⴱⵕⴰⵢⵕ 2016
Source URL: https://www.mapnews.ma/am/activites-royales/%E2%B5%89%E2%B5%8E%E2%B5%99%E2%B5%8F%E2%B4%B0%E2%B5%8D%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B7-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B4%BC%E2%B5%94%E2%B4%B0%E2%B5%8F%E2%B5%9A%E2%B4%B0-%E2%B4%B3-%E2%B5%9C%E2%B4%B3%E2%B4%B0%E2%B4%B7%E2%B5%89%E2%B5%94%E2%B5%9C-%E2%B5%8F-%E2%B5%8D%E2%B5%89%E2%B5%8D%E2%B5%89%E2%B5%A3%E2%B5%89#comment-0