Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵕⵥⵎ ⴰⴱⴰⵔⴰⵣ ⵏ ⵜⵓⵏⵏⵓⵏⵜ ⴳ ⵜⵏⴱⴰⴹⵜ ⵏ ⵜⵙⵓⵏⴹⵜ ⵏ ⴱⵏ ⵎⵙⵉⴳ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵕⵥⵎ ⴰⴱⴰⵔⴰⵣ ⵏ ⵜⵓⵏⵏⵓⵏⵜ ⴳ ⵜⵏⴱⴰⴹⵜ ⵏ ⵜⵙⵓⵏⴹⵜ ⵏ ⴱⵏ ⵎⵙⵉⴳ

11 ⴱⵕⴰⵢⵕ 2016 Version Imprimable
ⴹⴹⴰⵕⵍⴱⵉⴹⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⵙⵙ ⵏ ⵓⴽⵡⴰⵙ ⴳ ⵜⵏⴱⴰⴹⵜ ⵏ ⵜⵙⵓⵏⴹⵜ ⵏ ⴱⵏ ⵎⵙⵉⴳ (ⵜⴰⵙⴳⴰ ⵏ ⴹⴹⴰⵕⵍⴱⵉⴹⴰ - ⵚⵟⵟⴰⵜ), ⴰⴱⴰⵔⴰⵣ ⵏ ⵜⵓⵏⵏⵓⵏⵜ, ⵉⵜⵜⵓⵙⴽⵔⵏ ⵙ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ ⵙ ⵓⵙⵙⴰⵔⵓ ⵎⵉ ⵉⵍⴽⵎ ⵡⴰⵜⵉⴳ 7,4 ⵏⵉⴷ ⵎⵍⵢⵓⵏ ⵏⴷⴷⵔⵀⴰⵎ.
ⵢⵓⵛⴽⴰⴷ ⵓⵙⵏⵜⵉ ⴰⴷ, ⴰⴼⴰ ⴷ ⵉⵙⵔⵙ ⵜⴰⵙⵔⵜⵉⵜ ⵜⴰⵎⴰⵢⵏⵓⵜ ⵏ ⵜⵏⵉⵍⴰ ⵜⴰⵏⴰⵎⵓⵏⵜ, ⴳ ⵓⵏⵀⵍⵍⴰ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵉⵄⵔⵔⵉⵎⵏ ⴷ ⵜⵓⵏⵏⵓⵏⵜ, ⵍⵍⵉ ⵔⴰⴷ ⵢⴰⵡⵡⵙ ⵉⵄⵔⵔⵉⵎⵏ ⴳ ⵓⵙⴱⵉⴷ ⵏ ⵓⴼⵕⵕⵓⵖ ⴷ ⵎⴰⵔ ⴰⴷ ⵥⴹⴰⵕⵏ ⵉⵎⵣⴷⴰⵖ ⵏ ⵜⵎⵏⴰⴹⵜ ⴰⴷ ⵙⴱⵖⵔⵏ ⴳ ⵜⴰⵏⴰⴼⵓⵜⵉⵏ ⵏ ⵜⵓⵏⵏⵓⵏⵜ. ⵉⵜⵜⵓⵙⴽⵔ ⵏ ⵓⵙⵏⵜⵉ ⴰⴷ ⵙ ⵓⵙⴰⴳⵎ ⵏ 1,4 ⵍⵀⵉⴽⵜⴰⵔⴰⵜ, ⴰⵡⵜⵜⴰⵙ ⵏⵏⵙ ⴰⴼⴰ ⴷ ⵉⵙⴷⵓⵙ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ ⵏ ⵜⵓⵏⵏⵓⵏⵜ ⴳ ⵜⵏⴱⴰⴹⵜ, ⴷ ⵓⵙⵖⵓⴷⵓ ⵏ ⵜⵎⵙⵓⵜⴰⵍ ⵏ ⵜⵓⵏⵏⵓⵏⵜ, ⴷ ⵜⴳⵎⵉ ⵏ ⵉⵎⵓⵙⵙⵓⵜⵏ ⵏ ⵜⵏⵏⵓⵏⵜ ⴷⴰⵔ ⵉⵎⵣⴷⴰⵖ. ⴰⴱⴰⵔⴰⵣ ⴰⴷ ⵏ ⵜⵓⵏⵏⵓⵏⵜ ⴱⵏ ⵎⵙⵉⴳ, ⵉⵜⵜⵓⵙⴽⵔ ⵙ ⵜⵎⴷⵔⴰⵡⵜ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ ⴷ ⵜⵎⵏⴰⴹⵜ ⵏ ⴹⴹⴰⵕⵍⴱⵉⴹⴰ - ⵚⵟⵟⴰⵜ, ⴷ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⴹⴹⴰⵕⵍⴱⵉⴹⴰ, ⴳ ⵍⵍⴰⵏⵜ ⵉⴷⵖⴰⵔⵏ ⵏ ⵎⵉⴷⴷⵏ ⵉⵎⵄⴹⴰⵕⵏ, ⴳ ⵓⴱⴰⵔⴰⵣ ⵏ ⵜⵛⴰⵎⵎⴰ ⵓⴹⴰⵕ, ⴷ ⵙⵉⵏ ⵉⴱⴰⵔⴰⵣⵏ ⵏ ⵜⵛⴰⵎⵎⴰ ⵏ ⵜⵙⴽⵏⵉⵜ, ⴷ ⵓⴱⴰⵔⴰⵣ ⵉⵥⵍⵉⵏ ⵙ ⵜⵛⴰⵎⵎⴰ ⵓⵣⵣⴰⵍ, ⴷ ⵛⴰⵢⴳⴰⵏ ⵏ ⵜⵖⴰⵡⵙⵉⵡⵉⵏ ⵢⴰⴹⵏⵉⵏ. ⴷ ⵉⴷⴷⴰⴷ ⵓⵙⵏⵜⵉ ⴰⴷ ⵎⵉ ⴷⴰⵔ ⴰⵜⵉⴳ ⴰⵏⴰⵎⵓⵏ ⵉⴷⴷⵓⵙⵏ, ⵉⴽⵛⴰⵎⵏ ⴳ ⵓⵙⴰⵜⵉ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ, ⵜⴰⵔⵏⵉⵡⵜ ⵏ ⵛⴰⵢⴳⴰⵏ ⵏ ⵜⵡⵓⵔⵉⵡⵉⵏ ⵉⵙⴽⴰⵔ ⴱⴰⴱ ⵏ ⵡⴰⴷⴷⵓⵔ, ⴰⴷⵜ ⵉⵃⴼⴰⵟ ⵕⴱⴱⵉ, ⴳ ⵓⵙⵡⵉⵔ ⵏ ⵜⵙⴳⴰ ⴹⴹⴰⵕⵍⴱⵉⴷⴰ- ⵚⵚⵟⴰⵜ, ⵉⵔⴰⵏ ⴰⴷ ⵉⵙⵖⵓⴷⵓ ⵜⵎⵙⵓⵜⴰⵍ ⵏ ⵉⵎⵣⴷⴰⵖ ⴳ ⵜⵎⵏⴰⴹⵔ ⴰⴷ. ⵙ ⵓⵣⵎⵣⵣⵓ ⴰⴷ ⵜⵜⵓⵙⴽⴰⵔ ⵜⵡⵍⴰⴼⵜ ⵏ ⵓⴽⵜⵜⴰⵢ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷⵜ ⵉⵏⵚⵕ ⵕⴱⴱⵉ, ⴷ ⵜⵔⴰⴱⴱⵓⵜ ⵏ ⵉⴳⵎⴰⵎⵏ ⵏ ⵜⵎⵙⵎⵓⵏⵉⵏⵜ ⵏ ⵜⵓⵏⵏⵓⵏⵜ ⵉⵙⴱⵖⵔⵏ ⴳ ⵓⵙⵏⵜⵉ ⴰⴷ.
Dernière modification : 11 ⴱⵕⴰⵢⵕ 2016
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B5%95%E2%B5%A5%E2%B5%8E-%E2%B4%B0%E2%B4%B1%E2%B4%B0%E2%B5%94%E2%B4%B0%E2%B5%A3-%E2%B5%8F-%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C-%E2%B4%B3-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B5%8F-%E2%B5%9C%E2%B5%99%E2%B5%93%E2%B5%8F%E2%B4%B9%E2%B5%9C-%E2%B5%8F-%E2%B4%B1%E2%B5%8F-%E2%B5%8E%E2%B5%99%E2%B5%89%E2%B4%B3#comment-0