Published on MAPNews (https://www.mapnews.ma/am)

Accueil > ⴷⴷⴰⵅⵍⴰ.. ⴱⴰⴱ ⵏ ⵡⴰⴷⴷⵓⵔ ⵉⵕⵥⵎ ⵉⵙⵏⵜⵉⵜⵏ ⵏ ⵓⵙⵉⵣⴷⴳ ⴷ ⵓⵙⵍⴽⵎ ⵏ ⵡⴰⵎⴰⵏ ⵏ ⵜⵉⵙⵙⵉ ⵙ ⵡⴰⵜⵉⴳ ⵏ 495 ⵎⵍⵢⵓⵏ ⵏ ⴷⴷⵔⵀⴰⵎ
  1. Accueil
  2. Activités royales

ⴷⴷⴰⵅⵍⴰ.. ⴱⴰⴱ ⵏ ⵡⴰⴷⴷⵓⵔ ⵉⵕⵥⵎ ⵉⵙⵏⵜⵉⵜⵏ ⵏ ⵓⵙⵉⵣⴷⴳ ⴷ ⵓⵙⵍⴽⵎ ⵏ ⵡⴰⵎⴰⵏ ⵏ ⵜⵉⵙⵙⵉ ⵙ ⵡⴰⵜⵉⴳ ⵏ 495 ⵎⵍⵢⵓⵏ ⵏ ⴷⴷⵔⵀⴰⵎ

09 ⴱⵕⴰⵢⵕ 2016 Version Imprimable
ⴷⴷⴰⵅⵍⴰ - ⵉⵕⵥⴰⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵏⴰⵙ ⴳ ⵜⵎⴷⵉⵏⵜ ⵏ ⴷⴷⴰⵅⵍⴰ , ⵉⵙⵏⵜⵉⵜⵏ ⵏ ⵓⵙⵉⵣⴷⴳ ⴷ ⵓⵙⵍⴽⵎ ⵏ ⵡⴰⵎⴰⵏ ⵏ ⵜⵉⵙⵙⵉ ⵙ ⵡⴰⵜⵉⴳ ⵏ 495 ⵎⵍⵢⵓⵏ ⵏ ⴷⴷⵔⵀⴰⵎ.

ⴰⵢⴰⴷ ⵏ ⵉⵙⵏⵜⵉⵜⵏ ⵓⵛⴽⴰⵏ ⴳ ⵓⵙⵡⵉⵔ ⵏ ⵜⴰⵎⵓⵏⵜ ⵏ ⵜⵉⴳⵎⵉ ⵜⴰⴷⵉⵎⵓⵖⵔⴰⴼⵉⵢⵜ ⴷ ⵓⵖⵔⵉⵎ ⵏ ⵜⵎⴷⵉⵏⵜ ⵏ ⴷⴷⴰⵅⵍⴰ, ⴰⴼⴰ ⴷ ⵉⵙⴷⵓⵙ ⴰⵏⴰⵡ ⵏ ⵜⵉⴳⵎⵉ ⵜⴰⵎⴰⵢⵏⵓⵜ ⵏ ⵜⵎⵏⴰⴹⵉⵏ ⵏ ⵉⴼⴼⵓⵙ, ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵓⵣⵎⵣⵣⵓ ⵏ ⵄⴽⵜⵜⴰⵢ ⵡⵉⵙⵙ 40 ⵏ ⵜⵡⴰⴷⴰ ⵜⴰⵣⴳⵣⴰⵡⵜ, ⵍⵍⵉ ⵎⵉ ⵉⴳⴰ ⵓⵡⵜⵜⴰⵙ ⵏⵏⵙ ⴰⵙⵖⵓⴷⵓ ⵏ ⵜⵓⴷⵔⵜ ⵏ ⵉⵎⵣⴷⴰⵖ ⵏ ⵜⵙⴳⴰ ⴰⴷ.


ⴷ ⴷⴰⵙⵎⴰⵍⵏ ⵉⵙⵏⵜⵉⵜⵏ ⴰⴷ ⴷⴰⵔ ⵉⵍⵍⴰ ⵡⴰⴷⴷⵓⵔ ⴰⵅⴰⵜⴰⵔ ⴳ ⵓⵙⵡⵉⵔ ⴰⴷⵓⵙⴰⵏ ⴷ ⵓⴱⵢⵓⵍⵓⵊⵉ ⴷ ⵓⴷⴰⵎⵙⴰⵏ ⴷ ⵓⵡⵏⴹⴰⵏ, ⴰⵏⵀⵍⵍⴰ ⵢⴰⵜⵓⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵜⵙⴳⴳⵯⵉⵡⵉⵏ ⵏ ⵉⴼⴼⵓⵙ, ⴷ ⵓⵙⴷⴷⵉⴷ ⵏ ⴱⴰⴱ ⵏ ⵡⴰⴷⴷⵓⵔ ⵃⵎⴰ ⴰⵜⵜⴳ ⴰⵏⴰⵡ ⵏ ⵜⵉⴳⵎⵉ ⵉⵎⴰⵏ.


ⴳ ⵓⵎⴰⴹ ⴰⴷ, ⵉⴳⴰ ⴰⵡⵜⵜⴰⵙ ⵏ ⵓⵙⵏⵜⵉ ⵏ ⵓⵙⵉⵣⴷⴳ ⴳ ⵜⵎⴷⵉⵏⵜ ⵏ ⴷⴷⴰⵅⵍⴰ ⵍⵍⵉ ⵉⵜⵜⵓⵙⴽⵔⵏ ⵙ ⵡⴰⵜⵉⴳ ⵏ 245 ⵎⵍⵢⵓⵏ ⵏ ⴷⴷⵔⵀⴰⵎ, ⵃⵎⴰ ⴰⴷ ⵉⴼⴽ ⵜⴰⵎⵔⴰⵔⵓⵜ ⵜⴰⵙⵓⵍⴰⵏⵜ ⵏ ⵜⵏⵥⵕⵜ ⵏ ⵓⵥⴽⴰⵡ, ⵙⵍⴰⵡⵏ ⴰⴽⴽⵯ, ⵎⴰⵙ ⵉⵔⴰ ⴰⴷ ⵉⵙⴷⵓⵙ ⵜⴰⵎⴰⵍⵍⴰⵢⵜ ⴳ ⵜⵎⴷⵉⵏⵜ ⴰⴷ, ⴷ ⵓⴼⵔⴰⴳ ⵏ ⵓⵙⵏⵎⴰⵍⴰ ⵏ ⵓⵡⵏⴰⴹ, ⴷ ⵜⵏⴼⵔⵓⵜ ⵏ ⵜⵉⴳⵎⵉ ⴰⵏⴰⵎⵓⵏⵜ ⴷ ⵜⴷⴰⵎⵙⴰ ⴳ ⵜⵙⴳⴰ ⴰⴷ.


ⴰⵢⴰⴷ ⵏ ⵓⵙⵏⵜⵉ ⵉⴽⵛⵎⴰⵏ ⴳ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵙⵉⵣⴷⴳ, ⵜⵓⵙⴽⵔⴰ ⵏ ⵢⴰⵏ ⵓⵙⴰⵏⴼⵓ ⵏ ⵓⵙⵖⵓⴷⵓ ⵏ ⵡⴰⵎⴰⵏ ⵏ ⵓⵔ ⵉⵣⴷⴷⵉⴳⵏ ⵙ ⵄⵍⴰⵢⵏ ⵏ 10 ⵏ ⵢⵉⴼⴹ ⵎⵉⵜⵔ ⵎⵓⴽⵄⵄⴰⴱ ⴳ ⵡⴰⵙⵙ.


ⴷ ⵉⵍⵍⴰ ⴳⵉⵙ ⵜⵓⵙⴽⵔⴰ ⵏ 21 ⴽⵉⵍⵓⵎⵉⵜⵔ ⵏ ⵉⴹⵖⴰⵔⵏ ⵏ ⵓⵙⵍⴽⵎ ⵏ ⵡⴰⵎⴰⵏ ⵓⵔ ⵉⵣⴷⴷⵉⴳⵏ, ⴷ ⵜⵓⵙⴽⵔⴰ ⵏ ⵙⵎⵎⵓⵙ ⵏ ⵉⵙⴰⵏⴼⵓⵜⵏ ⵏ ⵓⵙⵓⴼⵖ ⴷ ⵉⵙⴰⴽⵯⵏⵏ ⵏ ⵡⴰⵎⴰⵏ ⵉⵜⵜⵓⵙⵖⵓⴷⴰⵏ ⵃⵎⴰ ⴰⴷ ⵜⵜⵓⵙⵎⵎⵓⵔⵙⵏ.


ⴰⵢⴰⴷ ⵏ ⵓⵙⵏⵜⵉ ⵢⵓⵛⴽⴰⴷ ⴷ ⵓⴼⵓⴽⴽⵯⵓ ⵏ ⵓⵙⵏⵜⵉ ⴰⵎⵣⵡⴰⵔⵓ ⵏ ⵓⵙⵉⵣⴷⴳ ⵍⵍⵉ ⵉⵜⵜⵓⵙⴽⵔⵏ ⴳ ⵓⵙⴳⵯⴰⵙ ⵏ 2008. ⴷ ⵉⵜⵜⵓⵙⴽⵔ ⵓⵙⵏⵜⵉ ⴰⴷ ⵙ ⵡⴰⵜⵉⴳ ⵏ 62 ⵎⵍⵢⵓⵏ ⵏ ⴷⴷⵔⵀⴰⵎ.


ⵙ ⵓⵣⵎⵣⵣⵓ ⴰⴷ, ⵉⵕⵥⴰⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵜ ⵉⵃⴼⴹ ⵕⵕⴱⵉ, ⴰⵙⵔⵙ ⵏ ⵓⵙⴳⴳⴷ ⴷ ⵡⵓⴽⵓⵙ ⵏ ⵜⵉⵙⵏⵜ ⵜⴰⵣⴰⵖⵓⵣⵜⵍⵍⵉ ⵉⴽⵛⵎⴰⵏ ⴳ ⵓⵙⵏⵜⵉ ⵏ ⵓⵙⴷⵓⵙ ⵏ ⵓⵙⵍⴽⵎ ⵏ ⵡⴰⵎⴰⵏ ⵏ ⵜⵉⵙⵙⵉ ⴳ ⵜⵎⴷⵉⵏⵜ ⵏ ⴷⴷⴰⵅⵍⴰ 

Dernière modification : 09 ⴱⵕⴰⵢⵕ 2016
Source URL: https://www.mapnews.ma/am/activites-royales/%E2%B4%B7%E2%B4%B7%E2%B4%B0%E2%B5%85%E2%B5%8D%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B5%95%E2%B5%A5%E2%B5%8E-%E2%B5%89%E2%B5%99%E2%B5%8F%E2%B5%9C%E2%B5%89%E2%B5%9C%E2%B5%8F-%E2%B5%8F-%E2%B5%93%E2%B5%99%E2%B5%89%E2%B5%A3%E2%B4%B7%E2%B4%B3-%E2%B4%B7-%E2%B5%93%E2%B5%99%E2%B5%8D%E2%B4%BD%E2%B5%8E-%E2%B5%8F-%E2%B5%A1%E2%B4%B0%E2%B5%8E%E2%B4%B0%E2%B5%8F-%E2%B5%8F-%E2%B5%9C%E2%B5%89%E2%B5%99%E2%B5%99%E2%B5%89-%E2%B5%99-%E2%B5%A1%E2%B4%B0%E2%B5%9C%E2%B5%89%E2%B4%B3-%E2%B5%8F-495#comment-0