Published on MAPNews (https://www.mapnews.ma/am)

Accueil > ⵜⴰⵎⵏⴰⴹⵜ ⵏ ⵡⴰⴷ ⴷⴷⴰⵀⴰⴱ.. ⵉⵕⵥⴰⵎ ⴱⴰⴱ ⵏ ⵡⴰⴷⴷⵓⵔ ⵜⵓⵔⵜⵉⵜ ⵏ ⵉⵎⵥⵥⴰⵏ ⵏ ⵉⵊⵖⵓⵍⵏ « ⴰⵣⵓⵔⴰ ⴰⴽⵡⴰⴽⵓⵍⵜⵓⵔ »
  1. Accueil
  2. Activités royales

ⵜⴰⵎⵏⴰⴹⵜ ⵏ ⵡⴰⴷ ⴷⴷⴰⵀⴰⴱ.. ⵉⵕⵥⴰⵎ ⴱⴰⴱ ⵏ ⵡⴰⴷⴷⵓⵔ ⵜⵓⵔⵜⵉⵜ ⵏ ⵉⵎⵥⵥⴰⵏ ⵏ ⵉⵊⵖⵓⵍⵏ « ⴰⵣⵓⵔⴰ ⴰⴽⵡⴰⴽⵓⵍⵜⵓⵔ »

09 ⴱⵕⴰⵢⵕ 2016 Version Imprimable
ⵜⴰⴳⵔⴰⵡⵜ ⵏ ⵍⵄⵔⴳⵓⴱ (ⵜⴰⵎⵏⴰⴹⵜ ⵏ ⵡⴰⴷ ⴷⴷⴰⵀⴰⴱ) - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵏⴰⵙ ⴳ ⵜⴳⵔⴰⵡⵜ ⵏ ⵍⵄⵔⴳⵓⴱ ⴳ ⵜⵎⵏⴰⴹⵜ ⵏ ⵡⴰⴷ ⴷⴷⴰⵀⴰⴱ, ⴰⵏⵏⵓⵕⵥⵎ ⵏ ⵜⵓⵔⵜⵉⵜ ⵏ ⵉⵎⵥⵥⴰⵏ ⵏ ⵉⵊⵖⵓⵍⵏ « ⴰⵣⵓⵔⴰ ⴰⴽⵡⴰⴽⵓⵍⵜⵓⵔ », ⵉⴳⴰⵏ ⴰⵙⵏⵜⵉ ⴰⵎⵇⵕⴰⵏ ⵉⵙⴷⴷⵉⴷⵏ ⴰⵙⴷⵓⵙ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵡⴼⵔⴰⴳ ⵏ ⵉⵏⵏⴰⵡ ⴰⵊⵢⵓⵍⵓⵊⵉ ⴰⵢⵍⵍⴰⵏ.
ⴷ ⵉⴽⵛⴰⵎ ⵓⵙⵏⵜⵉ ⴰⴷ ⵏ ⵓⵙⴳⵎⵉ ⵏ ⵎⵎⵉⴷⵔⵏ ⵏ ⵡⴰⵎⴰⵏ, ⵍⵍⵉ ⵉⵜⵜⵓⵙⴽⵔⵏ ⵙ ⵓⵥⵕⴼ ⵏ 81 ⵎⵍⵢⵓⵏ ⵏ ⴷⴷⵔⵀⴰⵎ ⴳ ⵓⵙⵏⵜⵉ ⵏ ⵓⵣⴳⴳⵉⵔ ⵏ ⵜⵙⵜⵔⴰⵜⵉⵊⵉⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⴳ ⵢⵉⴳⵔ ⵏ ⵜⴳⵎⴰⵔⵜ ⵜⴰⵢⵍⴰⵏⵜ « ⴰⵍⵢⵓⵜⵉⵙ », ⵍⵍⵉ ⵉⵜⵜⵓⵙⴽⵔⵏ ⴳ ⵓⵣⴳⴳⵉⵔ ⵏ ⵜⴰⵔⴰⵜⵉⵏ ⵢⴰⵜⵜⵓⵢⵏ ⵜⵉⴳⵍⴷⴰⵏⵉⵏ, ⵉⵔⴰⵏ ⴰⴷ ⵉⵙⴳⴷ ⴰⵙⴷⴷⵉ ⵏ ⵡⴰⵜⵉⴳ ⵏ ⵢⵉⴳⵔ ⵏ ⵜⴳⵎⴰⵔⵜ ⵜⴰⵢⵍⴰⵏⵜ ⴷ ⵓⵙⵖⵓⴷⵓⵙ ⵏ ⵓⵎⵃⵉⵣⵡⴰⵔ ⵏⵏⵙ. ⴷ ⵔⴰⴷ ⵢⴰⵡⵡⵙ ⵓⵙⵏⵜⵉ ⴰⴷ ⴳ ⵜⴳⵎⵉ ⵜⴰⵏⵓⵏⵜ ⴷ ⵜⴷⵎⵙⴰⵏⵜ ⵏ ⵜⵎⵏⴰⴹⵜ ⴰⴷ, ⴷ ⵓⵙⴳⵎⵉ ⴷ ⵓⵙⵎⴽⵍ ⵏ ⵓⵣⵏⵣⵉ ⵏ 970 ⵟⵓⵏ ⵏ ⵜⵖⴰⵡⵙⵉⵡⵏ ⵏ ⵉⵍⵍ ⵙⵍⴰⵡⴰⵏ ⴰⴽⴽⵯ ⵉⵊⵖⵓⵍⵏ. ⴷ ⵉⴽⵛⴰⵎ ⵓⴳⵣⵣⵓⵎ ⵏ ⵓⵙⵏⵜⵉ ⴰⴷ ⴳ ⵓⵙⴳⴷ ⵏ ⵢⵉⴳⵔ ⵏ ⵜⴳⵎⵉ ⵏ ⵉⴷⴷⵔⵏ ⵏ ⵡⴰⵎⴰⵏ ⴳ ⵜⵎⵏⴰⴹⵜ ⵏ ⴷⴷⴰⵅⵍⴰ-ⵡⴰⴷ ⴷⴷⴰⵀⴰⴱ (2015-2020), ⵉⵍⵍⴰⵏ ⴰⴳⵏⵙⵓ ⵏ ⵉⵙⵏⵜⵉⵜⵏ ⵉⵙⴰⵡⵀⵎⵎⴰⵏⵉⵏ ⵉⵥⵍⵉⵏ ⵙ ⵓⵖⴰⵡⴰⵙ ⵏ ⵜⴳⵎⵉ ⴰⵎⴰⵢⵏⵓ ⵏ ⵜⵎⵏⴰⴹⵉⵏ ⵏ ⵉⴼⴼⵓⵙ, ⵍⵍⵉ ⵉⵕⵥⴰⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵜ ⵉⵃⴼⴰⴹ ⵕⴱⴱⵉ, ⵙ ⵓⵣⵎⵣⵣⵓ ⵏ ⵓⴽⵜⵜⴰⵢ ⵡⵉⵙⵙ 40 ⵏ ⵜⴰⵡⴰⴷⴰ ⵜⴰⵣⴳⵣⴰⵡⵜ. ⴳ ⵓⵎⵏⴰⴹ ⴰⴷ, ⵉⵍⵍⴰ ⴳ ⵓⵖⴰⵡⴰⵙ ⴰⴷ ⵉⵜⵜⵓⵙⴽⵔⵏ ⵙ ⵡⴰⵜⵉⴳ ⵏ 2.8 ⵎⵍⵢⴰⵕ ⵏ ⴷⴷⵔⵀⴰⵎ, ⵜⵓⵙⴽⵔⴰ ⵏ 878 ⵏ ⵓⴳⵣⵣⵓⵎ ⵏ ⵜⵙⵢⴰⴼⵓⵜⵉⵏ ⴳ ⴽⵕⴰⴹ ⵉⴹⵖⴰⵔⵏ ⵏ ⵜⴰⵖⴰⵔⵜ ⵏ ⴷⴷⴰⵅⵍⴰ ⵙ 520 ⵏ ⵓⴳⵣⵣⵓⵎ ⴷ ⵜⴰⵖⴰⵔⵜ ⵏ ⵙⵉⵏⵜⵔⴰ ⵙ 243 ⵏ ⵓⴳⵣⵣⵓⵎ ⴷ ⵜⵎⵏⴰⴹⵜ ⵉⵍⵍⴰⵏ ⴳⵔ ⵜⵖⴰⵔⵉⵏ ⴰⴷ ⵙ 115 ⵏ ⵓⴳⵣⵣⵓⵎ. ⴰⵢⴰⴷ ⵏ ⵉⵙⵏⵜⵉⵜⵏ ⵍⵍⵉ ⵔⴰⴷ ⵉⵙⴽⵔ ⵄⵍⴰⵢⵏ 3350 ⵏ ⵓⵣⵎⵣ ⵏ ⵜⵡⵓⵔⵉ, ⴷ ⵍⵍⵉ ⵅⴼ ⵜⴱⵉⴷ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵏ ⵉⴷⵔⵏ ⴰⵢⵍⵍⴰⵏ ⵙ ⵢⴰⵏ ⵓⵙⴰⴳⵎ ⵏ 6556 ⵀⵉⴽⵜⴰⵕ.
Dernière modification : 09 ⴱⵕⴰⵢⵕ 2016
Source URL: https://www.mapnews.ma/am/activites-royales/%E2%B5%9C%E2%B4%B0%E2%B5%8E%E2%B5%8F%E2%B4%B0%E2%B4%B9%E2%B5%9C-%E2%B5%8F-%E2%B5%A1%E2%B4%B0%E2%B4%B7-%E2%B4%B7%E2%B4%B7%E2%B4%B0%E2%B5%80%E2%B4%B0%E2%B4%B1-%E2%B5%89%E2%B5%95%E2%B5%A5%E2%B4%B0%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%9C%E2%B5%93%E2%B5%94%E2%B5%9C%E2%B5%89%E2%B5%9C-%E2%B5%8F-%E2%B5%89%E2%B5%8E%E2%B5%A5%E2%B5%A5%E2%B4%B0%E2%B5%8F-%E2%B5%8F-%E2%B5%89%E2%B5%8A%E2%B5%96%E2%B5%93%E2%B5%8D%E2%B5%8F-%C2%AB-%E2%B4%B0%E2%B5%A3%E2%B5%93%E2%B5%94%E2%B4%B0#comment-0