Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵏⵙⵙⵉⵅⴼ ⴰⵏⴰⴼⵍⵍⴰ ⴷ ⴰⵏⵙⵙⵉⵅⴼ ⵏ ⵍⵉⵟⴰ ⵎⴰⵊⵓⵕ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⴳⵍⴷⵉⵏⵉ ⵉⴼⴽⴰ ⴰⵕⵥⵥⵓⵎ ⵏ ⵓⵖⵔⵔⴰⴱⵓ ⵏ ⵡⴰⵎⴰⵏ ⵏ ⵢⵉⵍⵍ « ⵡⴰⴷⵉⵏ ⵎⴰⵙⵙⴰ».
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵏⵙⵙⵉⵅⴼ ⴰⵏⴰⴼⵍⵍⴰ ⴷ ⴰⵏⵙⵙⵉⵅⴼ ⵏ ⵍⵉⵟⴰ ⵎⴰⵊⵓⵕ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⴳⵍⴷⵉⵏⵉ ⵉⴼⴽⴰ ⴰⵕⵥⵥⵓⵎ ⵏ ⵓⵖⵔⵔⴰⴱⵓ ⵏ ⵡⴰⵎⴰⵏ ⵏ ⵢⵉⵍⵍ « ⵡⴰⴷⵉⵏ ⵎⴰⵙⵙⴰ».

08 ⴱⵕⴰⵢⵕ 2016 Version Imprimable
ⴷⴷⴰⵅⵍⴰ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵏⵙⵙⵉⵅⴼ ⴰⵏⴰⴼⵍⵍⴰ ⴷ ⴰⵏⵙⵙⵉⵅⴼ ⵏ ⵍⵉⵟⴰ ⵎⴰⵊⵓⵕ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⴳⵍⴷⵉⵏⵉ, ⴰⵙⵙ ⵏ ⵓⵢⵏⴰⵙ ⴳ ⵜⵎⴷⵉⵏⵜ ⵏ ⴷⴷⴰⵅⵍⴰ, ⴰⵕⵥⵥⵓⵎ ⵏ ⵓⵖⵔⵔⴰⴱⵓ ⵏ ⵓⵙⵖⵓⴷⵓ ⵏ ⵡⴰⵎⴰⵏ ⵏ ⵢⵉⵍⵍ « ⵡⴰⴷⵉ ⵎⴰⵙⵙⴰ ».
ⴰⵢⴰⴷ ⵏ ⵓⵖⵔⵔⴰⴱⵓ ⵍⵍⵉ ⵉⵙⵖⴰ ⵓⵖⵔⴱⴰⵏ ⴰⴳⵍⴷⴰⵏ ⴷⴰⵔ ⵜⴰⵙⴰⵡⵔⵜ ⵏ ⵜⵓⵚⴽⴰ ⵏ ⵉⵖⵔⵔⴰⴱⵓⵜⵏ ⵏ ⵀⵓⵍⴰⵏⴷⴰ, « ⴷⴰⵎⵏ ⵛⵉⵍⴷ ⵏⴰⴼⴰⵍ ⵛⵉⴱⵉⵍⴷⵉⵏⴳ », ⵍⵍⵉ ⵉⵙⵢⴰⴼⴰⵏ ⴰⵎⴰⵏⵏ ⵏ ⵜⵉⵙⵙⵉ ⵉ ⵜⵎⵏⴰⵟⵉⵏ ⵍⵍⵉ ⴳ ⴷⵔⵓⵙⵏ ⵡⴰⵎⴰⵏ, ⴷ ⵍⵍⵉ ⵖ ⵓⵔ ⵍⵍⵉⵏⵜ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵏ ⵡⴰⵎⴰⵏ, ⴷ ⴰⵢⴰⴷ ⵉⴳⴰ ⵜⴰⵙⵏⵜⴰⵢⵜ ⴷⴰⵔ ⵉⵍⵍⴰ ⵡⴰⴷⴷⵓⵔ ⴰⵎⵇⵕⴰⵏ ⴳ ⵓⵙⵏⵜⵉ ⵏ ⵜⵡⵉⵣⵉ ⵏ ⵎⵉⴷⴷⵏ ⵉⵍⵍⴰⵏ ⴳ ⵡⴰⴷⴷⴰⴷ ⵉⵀⵔⵛⴰⵏ. ⴷ ⵉⵖⵜⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵏⵙⵙⵉⵅⴼ ⴰⵏⴰⴼⵍⵍⴰ ⴷ ⴰⵏⵙⵙⵉⵅⴼ ⵏ ⵍⵉⵟⴰ ⵎⴰⵊⵓⵕ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⴳⵍⴷⵉⵏⵉ ⵎⵙⵖⵉⵡⵜ ⵏ ⵓⵖⵔⵔⴰⴱⵓ ⴰⴷ ⴷⴼⴼⵉⵔ ⵉⵏⴳⵉⵜⵏ ⵉⵍⵍⴰⵏ ⴳ ⵜⵎⵏⴰⴹⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ ⴳ ⵓⵙⴳⴳⵯⴰⵙ ⵏ 2014. ⴷ ⵔⴰⴷ ⵢⴰⵡⵙ ⵓⵖⵔⵔⴰⴱⵓ ⴰⵎⴰⵢⵏⵓ ⴰⴷ, ⵍⵍⵉ ⵉⵙⵖⵓⴷⵓⵏ 1500 ⵎⵉⵜⵔ ⵎⵓⴽⵄⵄⴰⴱ ⵏ ⵡⴰⵎⴰⵏ ⴳ ⵡⴰⵙⵙ, ⴳ ⵓⵙⴳⵓⵍⵓ ⵏ ⵡⴰⵎⴰⵏ ⵉ ⵡⵓⴳⴳⵯⴰⵔ ⵏ 75000 ⵏ ⵓⴼⴳⴰⵏ ⵙ ⵡⴰⵎⴰⵏ ⵏ ⵜⵉⵙⵙⵉ, ⵙ ⵄⵍⴰⵢⵏ ⵏ 20 ⵍⵉⵜⵔⵓ ⴳ ⵡⴰⵙⵙ ⵉ ⵢⴰⵏ ⵓⴼⴳⴰⵏ. ⴰⴷ ⵏⵙⴽⵜⵉ ⵎⴰⵙ ⴷ ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ ⴳ ⵜⵎⴷⵉⵏⵜ ⵏ ⴷⴷⴰⵅⵍⴰ ⵜⴰⴼⵓⴳⵍⴰ ⵏ ⵍⴱⴷⵓ ⵏ ⵙⵉⵏ ⵉⵙⵏⵜⵉⵜⵏ ⵏ ⵜⵉⴳⵎⵉ ⵏ ⵜⵙⴳⴳⵯⵉⵡⵉⵏ ⵏ ⴷⴷⴰⵅⵍⴰ- ⵡⴰⴷ ⴷⴷⴰⵀⴰⴱ ⴷ ⴳⵍⵎⵉⵎ- ⵡⴰⴷ ⵏⵓⵏⵏ, ⴷ ⵓⵙⴳⵎⴹ ⵅⴼ ⵜⴰⵎⵖⵓⵏⵉⵏ ⵉⵥⵍⵉⵏ ⵙ ⵉⵖⴰⵡⴰⵙⴰⵏ ⴰⴷ. ⵉⵖⴰⵡⴰⵙⵏ ⴰⴷ ⵏ ⵜⵉⴳⵎⵉ ⵓⵛⴽⴰⵏⴷ ⴳ ⵓⵙⵏⵜⵉ ⵏ ⵜⵉⵙⵏⵙⵉ ⵏ ⵉⵏⴰⵡ ⴰⵏⴳⵎⵓ ⴰⵎⴰⵢⵏⵓ ⵏ ⵜⵙⴳⴳⵯⵉⵡⵉⵏ ⵏ ⵉⴼⴼⵓⵙ, ⵍⵍⵉ ⵉⵕⵥⴰⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⵕⴱⵉ, ⵙ ⵓⵣⵎⵣⵣⵓ ⵏ ⵓⴽⵜⵜⴰⵢ ⵡⵉⵙⵙ 40 ⵏ ⵜⵡⴰⴷⴰ ⵜⴰⵣⴳⵣⴰⵡⵜ, ⵍⵍⵉ ⵎⵉ ⵉⴳⴰ ⵓⵡⵜⵜⴰⵙ ⵏⵏⵙ ⵜⴰⵏⴼⵔⵓⵜ ⵏ ⵓⵙⵉⴷⴼ ⴰⴳⵉⵔⴰⵏ ⵏ ⵜⵙⴳⴳⵯⵉⵡⵉⵏ ⴰⴷ ⴳ ⵜⴰⵎⵓⵔⵜ ⵉⵎⴰⵏ, ⴷ ⵓⵙⴷⵓⵙ ⵏ ⵜⵉⴳⵎⵉ ⵜⴰⵅⴰⵜⴰⵔⵜ ⵏ ⵜⵏⵣⵔⵓⴼⵜ ⵍⵍⵉ ⵉⴳⴰⵏ ⴰⵎⵎⴰⵙ ⴰⴷⵍⵙⴰⵏ, ⴷ ⵓⵣⴷⴰⵢ ⴳⵔ ⵍⵎⵖⵔⵉⴱ ⴷ ⵜⵉⵖⴱⵉ ⵏⵏⵙ ⵉⴼⵔⵉⵇⵢⴰ.
Dernière modification : 08 ⴱⵕⴰⵢⵕ 2016
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B0%E2%B5%8F%E2%B4%B0%E2%B4%BC%E2%B5%8D%E2%B5%8D%E2%B4%B0-%E2%B4%B7-%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%8D%E2%B5%89%E2%B5%9F%E2%B4%B0-%E2%B5%8E%E2%B4%B0%E2%B5%8A%E2%B5%93%E2%B5%95-%E2%B5%8F-%E2%B5%9C%E2%B4%B0%E2%B4%B3%E2%B4%B3%E2%B4%B0%E2%B5%8D%E2%B5%89%E2%B5%8F-%E2%B5%9C%E2%B5%89%E2%B5%8D%E2%B4%B0%E2%B4%BC%E2%B5%89%E2%B5%8F#comment-0