Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⵉⵕⵥⴰⵎ ⴰⴳⴰⴷⴰⵣ ⴰⵎⴰⵢⵏⵓ ⵏ ⵉⵙⵍⵎⴰⵏ ⴳ ⴷⴷⴰⵅⵍⴰ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⵉⵕⵥⴰⵎ ⴰⴳⴰⴷⴰⵣ ⴰⵎⴰⵢⵏⵓ ⵏ ⵉⵙⵍⵎⴰⵏ ⴳ ⴷⴷⴰⵅⵍⴰ

08 ⴱⵕⴰⵢⵕ 2016 Version Imprimable
ⴷⴷⴰⵅⵍⴰ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ ⴳ ⵓⴼⵜⴰⵙ ⵏ ⴷⴷⴰⵅⵍⴰ ⴰⵕⵥⵥⵓⵎ ⵏ ⵓⴳⴰⴷⴰⵣ ⴰⵎⴰⵢⵏⵓ ⵏ ⵉⵙⵍⵎⴰⵏ, ⴰⵢⵍⵍⵉ ⵉⵙⴷⴷⵉⴷⵏ ⴰⵏⵀⵍⵍⴰ ⵏ ⴱⴰⴱ ⵏ ⵡⴰⴷⴷⵓⵔ ⵉ ⵜⵙⴳⴰ ⴰⴷ, ⴷ ⵜⵉⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴷⵜ ⵉⴳ ⴷ ⴰⴳⵊⴷⵉ ⴰⵖⵣⵓⵔⴰⵏ ⵏ ⵜⵉⴳⵎⵉ ⵜⴰⵏⴰⵎⵓⵏⵜ ⴷ ⵜⴷⴰⵎⵙⴰⵏⵜ.
ⴷ ⵢⵓⵛⴽⴰⵏ ⵓⴳⴰⴷⴰⵣ ⴰⴷ, ⵍⵍⵉ ⵎⵉ ⵉⵜⵜⵓⴼⴽⴰ ⵓⵙⵙⴰⵔⵓ ⵙ ⵡⴰⵜⵉⴳ ⵏ 26 ⵏⵉⴷ ⵎⵍⵢⵓⵏ ⵏ ⴷⴷⵔⵀⴰⵎ, ⴳ ⵓⵙⵏⵜⵉ ⵏ ⵜⵙⵜⵔⴰⵜⵉⵊⵉⵢⵜ ⵜⴰⵏⴰⵎⵓⵔⵜ « ⴰⵍⵢⵓⵜⵉⵙ » ⴳ ⵢⵉⴳⵔ ⵏ ⵓⵙⵏⵎⴰⵍⴰ ⵏ ⵜⴰⴳⵎⵔⵜ ⵏ ⵜⴰⵖⴰⵔⵜ ⴷ ⵓⵣⴰⵢⴽⵓ ⴳ ⵍⵎⵖⵔⵉⴱ, ⵃⵎⴰ ⴰⴷ ⵉⵎⴰⵏ ⴳ ⵜⵉⴳⵎⵉ ⵜⴰⵏⴰⵎⵓⵏⵜ ⴷ ⵜⴷⴰⵎⵙⴰⵏⵜ ⵏ ⵜⵎⴷⵉⵏⵜ ⵏ ⴷⴷⴰⵅⵍⴰ. ⵉⵍⵍⴰ ⴳ ⵓⴳⴰⴷⴰⵣ ⴰⴷ, ⵉⵜⵜⵙⴽⵔⵏ ⴳ ⵡⴰⴽⴰⵍ ⴳ ⵜⵍⵍⴰ 3070 ⵎⵉⵜⵔ ⵎⵓⵔⴱⴱⴰⵄ, ⴰⴹⵖⴰⵕ ⵉⴽⵔⵎⵏ ⵏ ⵓⴼⵙⵔⴷ ⵓⵙⵏⵣ, ⴷ ⵓⴹⵖⴰⵔ ⵉⴽⵔⵎⵏ ⵏ ⵓⵙⵏⵓⴱⴳ ⵉⵥⵍⵉⵏ ⵙ ⵓⵙⵜⴰⵍ ⵏ ⵓⵢⴰⴼⵓ, ⴷ ⵜⵙⴳⴰ ⵉⴽⵔⵎⴰⵏ ⵏ ⵓⴼⵔⴰⵏ ⴷ ⵓⵄⵎⵎⴰⵕ, ⴷ ⵢⴰⵜ ⵜⴰⵎⵇⵚⵓⵕⵜ ⵉⴽⵔⵎⴰⵏ, ⴷ ⵜⵉⵔⵉⵡⵜ ⵏ ⵓⵙⵜⴰⵢ ⵏ ⵉⵙⵍⵎⴰⵏ ⵉⵥⵍⵉⵏ ⵙ ⵓⵙⴰⴽⵯⵏ, ⴷ ⵢⴰⵏ ⵓⵙⵉⵔⴰ ⵏ ⵓⵎⵙⴳⵏⴰⴼ ⵏ ⵉⵎⵓⴷⴰⵔ ⴷ ⵉⴹⵖⴰⵔⵏ ⵢⴰⴹⵏⵉⵏ. ⴰⵡⵜⵜⴰⵙ ⵏ ⵜⵓⵚⴽⵉⵡⵜ ⴰⴷ ⵜⴰⵎⴰⵢⵏⵓⵜ ⵏ ⵜⵙⵖⵏⵣⵉⵜ ⵏ ⵜⵢⴰⴼⵓⵜⵉⵏ ⵏ ⵢⵉⵍⵍ, ⴷ ⵓⵙⵖⵓⴷⵓ ⵏ ⵜⵢⴰⴼⵓⵜⵉⵏ, ⴷ ⵜⵏⴼⵔⵓⵜ ⵏ ⵜⵎⴰⴼⴰⵡⵜ ⵏ ⵜⵙⴰⴱⴱⴰⴱⵜ, ⴷ ⵓⵙⴱⵓⵖⵍⵓ ⵏ ⵉⵎⵓⵙⵙⵓⵜⵏ ⵉⵥⵍⵉⵏ ⵙ ⵜⴰⴳⵎⵔⵜ ⵏ ⵢⵉⵍⵍ ⴳ ⵜⵙⴳⴰ ⴰⴷ. ⴷ ⵔⴰⴷ ⵢⴰⵡⵙ ⵓⵙⵏⵜⵉ ⴰⴷ ⴳ ⵓⵙⵖⵓⴷⵓ ⵏ ⵜⵙⵎⵓⵔⵜ ⵏ ⵜⵖⴰⵡⵙⵉⵡⵉⵏ ⵏ ⵢⵉⵍⵍ ⴳ ⵓⵙⵡⵉⵔ ⴰⵏⴰⵎⵓⵔ, ⵙ ⵓⵙⵙⴱⵖⵔ ⵏ ⵓⵏⵎⵓⵔⵉ ⴳ ⵓⴳⵍⴰ ⵏ ⵉⵙⵍⵎⴰⵏ ⵏ ⵜⵎⴰⵣⵉⵔⵜ ⴳ ⵡⴰⴷⴷⴰⴷ ⵉⵖⵓⴷⴰⵏ.
Dernière modification : 08 ⴱⵕⴰⵢⵕ 2016
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B5%95%E2%B5%A5%E2%B4%B0%E2%B5%8E-%E2%B4%B0%E2%B4%B3%E2%B4%B0%E2%B4%B7%E2%B4%B0%E2%B5%A3-%E2%B4%B0%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%8F-%E2%B5%89%E2%B5%99%E2%B5%8D%E2%B5%8E%E2%B4%B0%E2%B5%8F-%E2%B4%B3-%E2%B4%B7%E2%B4%B7%E2%B4%B0%E2%B5%85%E2%B5%8D%E2%B4%B0#comment-0