Published on MAPNews (https://www.mapnews.ma/am)

Accueil > ⵍⵄⵢⵓⵏ.. ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴼⴽⴰ ⴳ « ⴼⵓⵙⴱⵓⴳⵔⴰⵄ » ⵍⴱⴷⵓ ⵏ ⵜⵓⵙⴽⵔⴰ ⵏ ⵓⵙⵏⵜⵉ ⵏ ⵓⴷⴷⵉⵙ ⵏ ⵜⵎⴳⵓⵔⵉ ⵉⴽⵛⵎⴰⵏ ⴳ ⵓⵙⵢⴰⴼⵓ ⵏ ⵍⴰⵏⴳⵔⵉ
  1. Accueil
  2. Activités royales

ⵍⵄⵢⵓⵏ.. ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴼⴽⴰ ⴳ « ⴼⵓⵙⴱⵓⴳⵔⴰⵄ » ⵍⴱⴷⵓ ⵏ ⵜⵓⵙⴽⵔⴰ ⵏ ⵓⵙⵏⵜⵉ ⵏ ⵓⴷⴷⵉⵙ ⵏ ⵜⵎⴳⵓⵔⵉ ⵉⴽⵛⵎⴰⵏ ⴳ ⵓⵙⵢⴰⴼⵓ ⵏ ⵍⴰⵏⴳⵔⵉ

05 ⴱⵕⴰⵢⵕ 2016 Version Imprimable
ⵍⵄⵢⵓⵏ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ ⴳ « ⴼⵓⵙⴱⵓⴳⵔⴰⵄ » ⴳ ⵜⴰⴳⵔⴰⵡⵜ ⵜⴰⵖⵔⵎⴰⵏⵜ ⵏ ⵍⵎⵕⵙⴰ ⴳ ⵜⵎⵏⴰⴹⵜ ⵏ ⵍⵄⵢⵓⵏ, ⵍⴱⴷⵓ ⵏ ⵜⵓⵙⴽⵔⴰ ⵏ ⵓⵙⵏⵜⵉ ⵏ ⵓⴷⴷⵉⵙ ⵏ ⵜⵎⴳⵓⵔⵉ ⵉⴽⵛⵎⴰⵏ ⴳ ⵓⵙⵢⴰⴼⵓ ⵏ ⵍⴰⵏⴳⵔⵉ.
ⴰⵡⵜⵜⴰⵙ ⵏ ⵓⵖⴰⵡⴰⵙ ⴰⴷ ⵉⴽⵛⵎⴰⵏ ⴳ ⵓⵙⵏⵜⵉ ⵏ ⵓⵙⵎⵀⵍ ⵏ ⵓⵏⴰⵡ ⵏ ⵜⵉⴳⵎⵉ ⴰⵎⴰⵢⵏⵓ ⵏ ⵜⵙⴳⴳⵯⵉⵡⵉⵏ ⵏ ⵉⴼⴼⵓⵙ, ⵉⴳⴰⵜ ⵜⵓⵙⴽⵔⴰ ⵏ ⵓⴳⵍⴰ ⴰⴷⵖⴰⵕⴰⵏ ⵙ ⵡⵓⴷⴷⵓⵔ ⵏ ⵉⵙⴰⴳⵎⴰⵏ ⵍⴼⵓⵙⴼⴰⵟ ⴳ ⵓⴹⵖⴰⵕ ⵏⵏⵙ, ⴷ ⵓⵙⴷⴷⵉⴷ ⵏ ⵜⴱⵖⵓⵔⵜ ⵏ ⵓⵎⵣⵉⵣⵡⵔ ⵏ ⵍⵎⵖⵔⵉⴱ ⵍⵍⵉ ⵔⴰⴷ ⵢⴰⵡⵙⵏ ⴳ ⵜⵉⴳⵎⵉ ⵏ ⵜⵙⴳⴰ ⴰⴷ, ⵙⵍⴰⵡⵏ ⴰⴽⴽⵯ, ⵙ ⵜⵉⴳⵎⵉ ⵏ ⴰⵥⵟⵟⴰ ⴰⵎⴳⵓⵔⴰⵏ ⵏ ⵜⴰⵎⵙⵙⵏⵜⵉⵜ ⴷ ⵜⵎⴳⵓⵔⵉⵏ ⵜⵉⵎⵥⵥⴰⵏⵉⵏ ⴷ ⵜⵏⴰⵎⵎⴰⵙⵉⵏ, ⴷ ⵜⴰⵣⵣⵓⵍⵜ ⵜⴰⵎⴰⵢⵏⵓⵜ ⵉⵥⵍⵉⵏ ⵙ ⵜⵡⵓⵔⵉⵡⵉⵏ ⵏ ⵓⵙⵎⵎⵓⵜⴳ ⵏ ⵍⴼⵓⵙⴼⴰⵟ ⵙⵔ ⵍⴰⵏⴳⵔⵉ (ⴰⵜⵡⴰⵍ, ⵜⵓⵚⴽⴰ, ⴰⵙⴳⴳⴷ, ⴷ ⵓⵙⵡⵓⴷⴷⵓ ⵏ ⵉⵙⵏⵜⵉⵜⵏ). ⴰⵡⵜⵜⴰⵙ ⵏ ⵓⵖⴰⵡⴰⵙ ⴰⴷ ⴰⵎⵇⵕⴰⵏ ⵍⵍⵉ ⵉⵥⵍⵉⵏ ⵙ ⵡⴰⵜⵉⴳ ⵏ ⵍⴼⵓⵙⴼⴰⵟ, ⵍⵍⵉ ⵔⴰⴷ ⵉⵙⵡⵓⵔ 1270 ⵏ ⵓⴼⴳⴰⵏ, ⵙⵍⴰⵡⵏ ⴰⴽⴽⵯ, ⴳ ⵜⵓⵚⴽⴰ ⵏ ⵓⴹⵖⴰⵕ ⵏ ⵜⵙⵢⴰⴼⵓⵜⵉⵏ ⵏ ⵍⴰⵏⴳⵔⵉ ⵙ ⵡⴰⵜⵉⴳ ⵏ 8.3 ⵎⵍⵢⴰⵕ ⵏ ⴷⵔⵀⴰⵎ, ⴷ ⵜⵓⵙⴽⵔⴰ ⵏ ⵢⴰⵏ ⵓⵙⴰⴽⵯⵏ ⵏ ⵓⵙⵙⵉⵔⴷ ⵏ ⵍⴼⵓⵙⴼⴰⵟ ⵙ ⵡⴰⵜⵉⴳ ⵏ 1.7 ⵎⵍⵢⴰⵕ ⵏ ⴷⵔⵀⴰⵎ, ⴷ ⵓⴹⵖⴰⵕ ⵏ ⵓⵙⵖⴰⵕ ⵏ ⵍⴼⵓⵙⴼⴰⵟ ⵉⵥⵍⵉⵏ ⵙ ⵓⵙⵉⴼⴰⴹ ⵙ ⵡⴰⵜⵉⴳ ⵏ 600ⵎⵍⵢⴰⵔ ⵏ ⴷⵔⵀⴰⵎ, ⴷ ⵓⴹⵖⴰⵔ ⵏ ⵓⵙⴱⴰⵢⵏⵓ ⵏ ⵄⵍⴰⵢⵏ 500 ⵏ ⵢⵉⴼⴹ ⵏ ⵟⵓⵏ ⵙ ⵡⴰⵜⵉⴳ ⵏ 800 ⵎⵍⵢⵓⵏ ⵏ ⴷⵔⵀⴰⵎ. ⴷ ⵃⵎⴰ ⴰⴷ ⵎⵛⴰⵛⴽⴰⵏ ⴷ ⵡⴰⴷⴷⴰⴷ ⵏ ⵢⵉⵍ ⴷ ⵓⵏⵣⵡⵉ ⵏ ⵜⴰⵖⴰⵔⵜ ⵍⵄⵢⵓⵏ, ⴷ ⵎⵔⴰ ⴰⴷ ⵙⵖⵓⴷⵓⵏ ⵉⵎⴰⵙⵏ ⵉⵜⵉⴽⵏⵓⵍⵉⵊⵉⵢⵏ ⵏ ⵓⵙⴽⵛⵎ ⴷ ⵉⵙⵉⴼⴰⴹ, ⵔⴰⴷ ⵉⵜⵜⵓⵙⴽⵔ ⴳ ⵓⵙⵏⵜⵉ ⵏ ⵓⵖⴰⵡⴰⵙ ⴰⴷ ⵢⴰⵏ ⵓⴼⵜⴰⵙ ⴰⵎⴰⵢⵏⵓ ⵙ ⵡⴰⵜⵉⴳ ⵏ 4.2 ⵎⵍⵢⴰⵕ ⵏ ⴷⵔⵀⴰⵎ. ⵙ ⵓⵣⵎⵣⵣⵓ ⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵃⴼⴹ ⵕⵕⴱⵉ ⴰⵕⵥⵥⵓⵎ ⵏ ⵓⵙⴰⴽⵯⵏ ⵏ ⵜⴰⵔⴷⴰ ⵏ ⵍⴼⵓⵙⴼⴰⵟ, ⵍⵍⵉ ⵉⴳⴰⵏ ⴰⴳⵣⵣⵓⵎ ⴰⴷⵙⵍⴰⵏ ⵏ ⵓⴷⴷⵉⵙ ⴰⵎⴳⵓⵔⴰⵏ ⵏ ⵜⵙⵢⴰⴼⵓⵜⵉⵏ ⵏ ⵍⴰⵏⴳⵔⵉ ⵍⵍⵉ ⵔⴰⴷ ⵉⵜⵜⵓⵢⴰⵙⴽⵔⵏ. ⴰⵢⴰⴷ ⵏ ⵓⵙⴰⴽⵯⵏ ⵍⵍⵉ ⵖ ⵔⴰⴷ ⵜⵉⵍⵉ ⵎⵏⵏⴰⵡⵜ ⵏ ⵜⵖⴰⵡⵙⵉⵡⵉⵏ, ⵙⵍⴰⵡⵏ ⴰⴽⴽⵯ ⵙⵉⵏ ⵉⴷⵖⴰⵕⵏ ⵏ ⵜⴰⵔⴷⴰ ⵏ 400 ⵟⵓⵏ ⴳ ⵜⵙⴰⵔⴰⴳⵜ. ⴰⵢⴰⴷ ⵏ ⵉⵙⵏⵜⵉⵜ,ⵏ ⵔⴰⴷ ⵜⵓⵙⴽⵔⴰⵏ ⵙ ⵓⵣⵔⴰⴽ ⵏ ⵃⵟⵟⵓ ⵏ ⵓⵡⵏⴰⴹ. ⵙⵍⴰⵡⵏ ⴰⴽⴽⵯ, ⵎⴰⵙ ⵔⴰⴷ ⴳⵉⵙ ⵉⵍⵉⵏⵜ ⵜⵖⴰⵡⵙⵉⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵙⵎⵓⵜⵢ ⵏ ⵍⴼⵓⵙⴼⴰⵟ ⵙⵔ ⵍⵏⴳⵔⵉ. ⵜⵓⵙⴽⵔⴰ ⵏ ⵓⵙⵏⵜⵉ ⵏ ⵓⴷⴷⵉⵙ ⵏ ⵜⵎⴳⵓⵔⵉ ⵉⴽⵛⵎⴰⵏ ⴳ ⵓⵙⵢⴰⴼⵓ ⵏ ⵍⴰⵏⴳⵔⵉ ⴷⴰ, ⵉⴳⴰⵏ ⵜⵉⵏⵉⵢⵜ ⵜⴰⵎⴰⵢⵏⵓⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵓⵙⵙⵓⵖⵏ ⵏ ⵜⵉⴳⵎⵉ ⵉⵎⴰⵏ ⵏ ⵜⵙⴳⴳⵯⵉⵡⵉⵏ ⵏ ⵉⴼⴼⵓⵙ, ⴷ ⵜⵉⵔⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴷ ⵉⵎⴰⵏ ⴳ ⵜⵙⵜⵔⴰⵜⵉⵊⵉⵢⵜ ⴰⵎⴳⵓⵔⴰⵏ ⵏ ⵜⵔⴰⴱⴱⵓⵜ ⵏ ⵓⵙⵉⵔⴰ ⴰⵛⵛⵔⵉⴼ ⵏ ⵍⴼⵓⵙⴼⴰⵟ, ⵎⵔⴰ ⴰⴷ ⵉⵙⴷⴷⵉⴷ ⵜⴰⵙⴽⵯⴼⵍⵜ ⵜⵎⵣⵡⴰⵔⵓⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⴰⴷ ⴳ ⵓⴳⴰⴷⴰⵣ ⴰⵎⴰⴹⵍⴰⵏ.
Dernière modification : 05 ⴱⵕⴰⵢⵕ 2016
Source URL: https://www.mapnews.ma/am/activites-royales/%E2%B5%8D%E2%B5%84%E2%B5%A2%E2%B5%93%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B4%BC%E2%B4%BD%E2%B4%B0-%E2%B4%B3-%C2%AB-%E2%B4%BC%E2%B5%93%E2%B5%99%E2%B4%B1%E2%B5%93%E2%B4%B3%E2%B5%94%E2%B4%B0%E2%B5%84-%C2%BB-%E2%B5%8D%E2%B4%B1%E2%B4%B7%E2%B5%93-%E2%B5%8F-%E2%B5%9C%E2%B5%93%E2%B5%99%E2%B4%BD%E2%B5%94%E2%B4%B0-%E2%B5%8F-%E2%B5%93%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%93%E2%B4%B7%E2%B4%B7%E2%B5%89%E2%B5%99-%E2%B5%8F#comment-0