Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴼⴽⴰ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏ ⵉⴳⵊⴷⵉ ⴰⵜⵉⴽⵏⵓⵍⵓⵊⵉⵢ ⴼⴰⵎ ⵍⵡⴰⴷ- ⵍⵄⵢⵓⵏ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴼⴽⴰ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏ ⵉⴳⵊⴷⵉ ⴰⵜⵉⴽⵏⵓⵍⵓⵊⵉⵢ ⴼⴰⵎ ⵍⵡⴰⴷ- ⵍⵄⵢⵓⵏ

05 ⴱⵕⴰⵢⵕ 2016 Version Imprimable
ⵍⵄⵢⵓⵏ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ ⴳ ⵜⴳⵔⴰⵡⵜ ⵏ ⴼⴰⵎ ⵍⵡⴰⴷ, ⵍⴱⴷⵓ ⵏ ⵜⵡⵓⵔⵉⵡⵉⵏ ⵏ ⵉⴳⵊⴷⵉ ⴰⵜⵉⴽⵏⵓⵍⵓⵊⵉⵢ (ⵜⵉⴽⵏⵓⴱⵓⵍ) ⴼⴰⵎ ⵍⵡⴰⴷ- ⵍⵄⵢⵓⵏ, ⴰⴷⵖⴰⵔ ⵏ ⵜⵓⵙⵙⵏⴰ ⴷ ⵓⵙⵏⴼⵍⵓⵍ ⵉⵔⴰⵏ ⴰⴷ ⵉⵙⴱⵓⵖⵍⵓ ⵜⵉⵎⵏⴰⴹⵉⵏ ⵏ ⵉⴼⴼⵓⵙ.
ⴰⵡⵜⵜⴰⵙ ⵏ ⵓⵙⵏⵜⵉ ⴰⴷ, ⵎⵉ ⵜⵜⵓⴼⴽⴰ ⵡⴰⵜⵉⵏ ⵏ ⵎⵍⵢⴰⵕ ⵏ ⴷⴷⵔⵀⴰⵎ, ⴷ ⵢⵓⵛⴽⴰⵏ ⴰⴷ ⵉⵙⴽⵔ ⴰⵙⵏⵜⵉ ⵏ ⵓⴷⴷⵉⵙ ⵏ ⵜⵎⴳⵓⵔⵉ ⴳ ⵓⵙⵢⴰⴼⵓ ⵏ ⵍⴼⵓⵚⴼⴰⵟ ⴳ ⴼⵓⵙⴱⵓⴳⵔⴰⵄ, ⴰⵙⴱⵓⵖⵍⵓ ⵏ ⵜⴳⵎⵉ ⵜⴰⴷⴰⵎⵙⴰⵏⵜ ⵏ ⵜⵎⵏⴰⴹⵉⵏ ⵏ ⵉⴼⴼⵓⵙ. ⵢⵓⵛⴽⴰⴷ ⵜⵓⵙⴽⵔⴰ ⵏ ⵓⵙⵏⵜⵉ ⴰⴷ ⴳ ⵜⵉⵔⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴷ ⵜⵉⵍⵉ ⵜⴳⵎⵉ ⵜⴰⵙⵓⵍⴰⵏⵜ ⵉ ⵜⵎⵏⴰⴹⵉⵏ ⵏ ⵉⴼⴼⵓⵙ, ⴳ ⵓⵙⵔⵇⴰⴱ ⵏ ⵓⵙⵙⴰⵔⵓ ⴷ ⵜⵙⵏⵜⴰⵢⵉⵏ, ⴷ ⵓⵙⴷⵓⵙ ⵏ ⵜⵥⴹⴰⵕⵜⵉⵏ ⵏ ⵉⵄⵔⵔⵉⵎⵏ, ⴷ ⵢⵉⵡⵡⵙ ⵏ ⵓⴼⵔⴰⴳ ⴷ ⵓⵙⴷⵓⵙ ⵏ ⵓⵢⴷⴰ ⴰⴷⵖⵔⴰⵏ. ⵉⴳⵊⴷⵉ ⴰⵜⵉⴽⵏⵓⵍⵓⵊⵉⵢ ⴰⴷ ⵢⴰⴳⴳⵓⴳⵜ ⵉ ⵜⵎⴷⵉⵏⵜ ⵏ ⵍⵄⵢⵓⵏ ⵙ 18 ⵏⵉⴷ ⵍⴽⵉⵍⵓⵎⵜⵔ, ⵉⴳⴰ ⵉⴳⵊⴷⵉ ⵏ ⵓⵙⵍⵎⴷ ⴷ ⵓⵙⵉⴳⴳⵯⵍ ⵏ ⵉⵙⴳⵓⵎⵏ ⵉⵥⵍⵉⵏ ⵙ ⵓⵡⵏⴰⴹ ⵏ ⵜⵏⵣⵔⵓⴼⵜ, ⴷ ⵉⴳⵊⴷⵉ ⵉⵜⵜⴰⵡⵙⵏ ⵜⵉⴳⵎⵉ ⵜⴰⴷⴰⵎⵙⴰⵏⵜ ⵏ ⵜⵙⴳⴳⵯⵉⵡⵉⵏ ⵏ ⵉⴼⴼⵓⵙ, ⴷ ⵉⴳⵊⴷⵉ ⴰⴷⵍⵙⴰⵏ, ⴷ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ ⵜⵉⵏⴰⵎⵓⵏⵉⵏ. ⴰⵜⵉⴽⵏⵓⴱⵓⵍ ⵏ ⴼⴰⵎ ⵍⵡⴰⴷ - ⵍⵄⵢⵓⵏ ⴷⴰⵔⵙ ⵓⴷⴷⵓⵔ, ⵙⵍⴰⵡⴰⵏ ⴰⴽⴽⵯ ⵔⴰⴷ ⵉⵙⴽⵔ ⵉⵣⵎⴰⵣ ⵏ ⵜⵡⵓⵔⵉ, ⴳ ⵜⵍⵍⴰ 1,8 ⵎⵍⵢⵓⵏ ⵏ ⵡⴰⵙⵙ ⵏ ⵜⵡⵓⵔⵉ ⵉ ⵡⴼⴳⴰⵏ, ⴳ ⵓⵣⵎⵣⵓ ⵏ ⵜⵓⵚⴽⴰⵡⵜ ⵏⵏⵙ ⵔⴰⴷ ⵉⵙⴽⵔ 1200 ⵏ ⵓⴷⵖⴰⵔ ⵏ ⵜⵡⵓⵔⵉ ⴳ ⵓⵙⴳⴳⵯⴰⵙ ⵏ 2022. ⴷ ⵔⴰⴷ ⵢⵉⵍⵉ ⴳ ⵉⴳⵊⴷⵉ ⴰⵜⵉⴽⵏⵓⵍⵓⵊⵉⵢ ⴳ ⵜⵡⴰⵍⴰ ⵏⵏⵙ ⵜⴰⵎⵣⵡⴰⵔⵓⵜ ⵎⵉ ⵜⵜⵓⴼⴽⴰ 655 ⵎⵍⵢⵓⵏ ⵏ ⴷⴷⵔⵀⴰⵎ ⴳ ⵜⵓⵙⴽⵔⴰ ⵏ ⵜⵙⴷⴰⵡⵉⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴳⵜⵉⵥⵍⵉ ⵜⴰⵜⵉⵇⵏⵉⵢⵜ, ⴷ ⵓⵙⵉⵏⴰⵏ ⵉⵖⵓⴷⴰⵏ, ⴷ ⵓⵏⴰⵎⵎⴰⵙ ⵏ ⵜⵥⴹⴰⵕⵜⵉⵏ ⵏ ⵜⵎⴳⵓⵔⵉ. ⴳ ⵓⵣⵎⵣⵣⵓ ⴰⴷ, ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷⵜ ⵉⵃⴼⴰⴹ ⵕⴱⴱⵉ, ⴰⵥⵕⵓ ⴰⴷ ⵜⵜⵓⵙⴽⵔ ⵜⵙⴷⴰⵡⵉⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴳⵜⵉⵥⵍⵉ ⵜⴰⵜⵉⵇⵏⵉⵢⵜ ⴳ ⵍⵄⵢⵓⵏ. ⵜⴰⵙⴷⴰⵡⵉⵜ ⴰⴷ ⵉⵜⵜⵓⴼⴽⴰⵢⴰⵙ ⵡⴰⵜⵉⴳ ⵏ 550 ⵎⵍⵢⵓⵏ ⵏ ⴷⴷⵔⵀⴰⵎ ⴷ ⵔⴰⴷ ⵜⴳ ⵜⴰⵎⵔⵙⴰⵍⵜ ⵜⴰⵅⴰⵜⴰⵔⵜ ⴳ ⵢⵉⴳⵔ ⵏ ⵓⵙⵎⵎⵓⵜⴳ ⴰⵏⴰⴼⵍⵍⴰ ⴷ ⵓⵙⵉⴳⴳⵯⵍ ⴰⴽⴰⴷⵉⵎⵉⵢ ⴳ ⵜⵎⵏⴰⴹⵉⵏ ⴰⴷ. ⴷ ⵔⴰⴷ ⵜⵙⵏⵓⴱⴳ ⵜⵙⴷⴰⵡⵉⵜ ⴰⴷ 2500 ⵏ ⵓⵎⵍⵎⴰⴷ ⴰⵎⵔⵣⵓ, ⴷ ⵔⴰⴷ ⵜⵙⴽⵔ ⵜⴰⵎⴷⵔⴰⵡⵜ ⵏ ⵓⵔⵣⵣⵓ ⴷ ⵜⴳⵎⵉ ⴷ ⵉⵙⵉⵏⴰⴳⵏ ⵉⵏⴰⵎⵓⵔⵏ ⴷ ⵉⵎⴰⴹⵍⴰⵏ ⵍⵍⵉ ⵔⴰⴷ ⵉⵙⴱⵓⵖⵍⵓ ⴰⵏⴰⵎⵎⴰⵙ ⴰⴷ ⵉⴳⴰⵏ ⵡⵉⵏ ⵓⵙⵏⴼⵍⵓⵍ ⴷ ⵉⵙⴰⴳⵎⵏ ⵉⴽⴰⴷⵉⵎⵉⵢⵏ.
Dernière modification : 05 ⴱⵕⴰⵢⵕ 2016
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B4%BC%E2%B4%BD%E2%B4%B0-%E2%B5%8D%E2%B4%B1%E2%B4%B7%E2%B5%93-%E2%B5%8F-%E2%B5%9C%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%89%E2%B4%B3%E2%B5%8A%E2%B4%B7%E2%B5%89-%E2%B4%B0%E2%B5%9C%E2%B5%89%E2%B4%BD%E2%B5%8F%E2%B5%93%E2%B5%8D%E2%B5%93%E2%B5%8A%E2%B5%89%E2%B5%A2-%E2%B4%BC%E2%B4%B0%E2%B5%8E-%E2%B5%8D%E2%B5%A1%E2%B4%B0%E2%B4%B7-%E2%B5%8D%E2%B5%84%E2%B5%A2%E2%B5%93%E2%B5%8F#comment-0