Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⵙⵉⵅⴼ ⵜⴰⴼⵓⴳⵍⴰ ⵍⴱⴷⵓ ⵏ ⵓⵙⵢⴰⴼⵓ ⴰⵎⴰⴷⵓⴷ ⵏ ⵓⵙⴰⵏⴼⵓ ⴰⵎⵣⵡⴰⵔⵓ ⵏ ⵓⴷⴷⵉⵙ ⵏ ⵜⴰⴼⵓⴽⵜ « ⵏⵓⵕ- ⵡⴰⵔⵣⴰⵣⴰⵜ » ⴷ ⵉⵕⵥⴰⵎ ⵜⵉⵡⵉⵔⵉⵡⵉⵏ ⵏ ⵓⵙⴽⵔ ⵏ ⵉⵙⴰⵏⴼⵓⵜⵏ ⵡⵉⵙⵙ ⵙⵙⵉⵏ ⴷ ⵡⵉⵙⵙ ⴽⵕⴰⴹ ⵏ ⵓⵙⵏⵜⵉ ⴰⴷ ⴰⵎⵇⵕⴰⵏ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⵙⵉⵅⴼ ⵜⴰⴼⵓⴳⵍⴰ ⵍⴱⴷⵓ ⵏ ⵓⵙⵢⴰⴼⵓ ⴰⵎⴰⴷⵓⴷ ⵏ ⵓⵙⴰⵏⴼⵓ ⴰⵎⵣⵡⴰⵔⵓ ⵏ ⵓⴷⴷⵉⵙ ⵏ ⵜⴰⴼⵓⴽⵜ « ⵏⵓⵕ- ⵡⴰⵔⵣⴰⵣⴰⵜ » ⴷ ⵉⵕⵥⴰⵎ ⵜⵉⵡⵉⵔⵉⵡⵉⵏ ⵏ ⵓⵙⴽⵔ ⵏ ⵉⵙⴰⵏⴼⵓⵜⵏ ⵡⵉⵙⵙ ⵙⵙⵉⵏ ⴷ ⵡⵉⵙⵙ ⴽⵕⴰⴹ ⵏ ⵓⵙⵏⵜⵉ ⴰⴷ ⴰⵎⵇⵕⴰⵏ

04 ⴱⵕⴰⵢⵕ 2016 Version Imprimable
ⵜⴰⴳⵔⴰⵡⵜ ⵏ ⵖⵙⵙⴰⵜ (ⵜⴰⵙⴳⴰ ⵏ ⵡⴰⵔⵣⴰⵣⴰⵜ) - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵡⴰⵙ ⴳ ⵜⴰⴳⵔⴰⵡⵜ ⵏ ⵖⵙⵙⴰⵜ ⵉⴹⴼⴰⵕⵏ ⵉ ⵜⵙⴳⴰ ⵏ ⵡⴰⵔⵣⴰⵣⴰⵜ, ⵜⴰⴼⵓⴳⵍⴰ ⵏ ⵍⴱⴷⵓ ⵏ ⵓⵙⵢⴰⴼⵓ ⴰⵎⴰⴷⵓⴷ ⵏ ⵓⵙⴰⵏⴼⵓ ⴰⵎⵣⵡⴰⵔⵓ ⵏ ⵓⴷⴷⵉⵙ ⵏ ⵜⴰⴼⵓⴽⵜ « ⵏⵓⵕ 1 », ⴷ ⵉⴼⴽⴰ ⴰⵏⵏⵓⵕⵥⵎ ⵏ ⵜⵡⵓⵔⵉⵡⵉⵏ ⵏ ⵓⵙⴰⵏⴼⵓ ⵡⵉⵙⵙ ⵙⵙⵉⵏ ⴷ ⵡⵉⵙⵙ ⴽⵕⴰⴹ ⴰⵙⵏⵜⵉ ⴰⵎⵇⵕⴰⵏ « ⵏⵓⵕ 2 ⴷ ⵏⵓⵕ 3 ».
ⴳ ⵜⵉⵣⵡⵉⵔⵉ ⵏ ⵜⴼⵓⴳⵍⴰ ⴰⴷ, ⵉⴼⴽⴰ ⵎⴰⵙⵙ ⵎⵚⵟⴰⴼⴰ ⴱⴰⴽⵓⵔⵉ ⴰⵏⵙⵙⵉⵅⴼ ⵏ ⵜⵎⵙⵙⴰⴳⵓⵔⵜ ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵢⵜ ⵏ ⵜⵥⴹⴰⵕⵜ ⵏ ⵜⴰⴼⵓⴽⵜ« ⵎⴰⵙⵉⵏ », ⴰⵡⴰⵍ ⵏⵏⵙ ⴷⴰⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴳ ⵉⵙⵎⵏⵉⴷ ⴰⵖⴰⵡⴰⵙ ⴰⵎⵖⵔⴰⴱⵉⵢ ⵏ ⵜⵥⴹⴰⵕⵜ ⵏ ⵜⴰⴼⵓⴽⵜ, ⴷ ⵓⵙⴷⴷⵉ ⵏ ⵜⵙⵓⵔⵉⴼⵉⵏ ⵔⴰⴷ ⵉⴹⴼⵓⵕ ⵓⵙⴱⵓⵖⵍⵓ ⵏ ⵏ ⵓⵙⵏⵜⵉ ⴰⴷ ⵏ ⵡⴰⵔⵣⴰⵣⴰⵜ, ⴷ ⵓⵎⵏⵉⴷⵏ ⵏ ⵉⵎⴰⵍ. ⴷ ⵉⵏⵏⴰ ⵙⵓⵍ ⵎⴰⵙⵙ ⴱⴰⴽⵓⵔⵉ, ⵎⴰⵙ ⴷ ⴰⵙⵏⵜⵉ ⴰⴷ ⵉⴼⴽⴰ ⵍⴱⴷⵓ ⵏⵏⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ 10 ⵎⴰⵢⵢⵓ 2013, ⴷ ⵉⴽⵛⴰⵎ ⴳ ⵜⴰⵏⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵓⵙⵢⴰⴼⵓ ⵏ ⵉⵙⴰⴳⵎⵏ ⵏ ⵓⴳⴰⵎⴰ ⵏ ⵜⴰⵎⴰⵣⵉⵔⵜ ⵏ ⵍⵎⵖⵔⵉⴱ, ⵎⴰⵔ ⴰⴷ ⵜⵉⵍⵉ ⵜⵏⴼⵔⵓⵜ ⵏ ⵓⵃⵟⵟⵓ ⵏ ⵓⵡⵏⴰⴹ ⴷ ⵢⵉⵡⵡⵙ ⵏ ⵜⴳⵎⵉ ⵜⴰⴷⴰⵎⵙⴰ ⴷ ⵜⴰⵏⴰⵎⵓⵏⵜ ⴷ ⵓⵃⵟⵟⵓ ⵏ ⵉⵎⴰⵍ ⵉ ⵜⵙⵓⵜⴰ ⴷⵉⴷⴷⴰⵏ. ⴷ ⵉⵔⵏⵓ ⵉⵏⵏⴰ ⵎⴰⵙ ⴷ ⴰⵏⴰⵎⵎⴰⵙ ⵏ « ⵏⵓⵕ1 », ⵙⴳ ⵉⵏⴰⵎⵎⴰⵙⵏ ⵉⵅⴰⵜⴰⵔⵏ ⴳ ⵓⵎⴰⴹⴰⵍ, ⴷ ⵉⵍⵓⵍⴰⵏ ⴰⵔ ⵖⵉⵍⴰⴷ, ⵙ ⵢⴰⵏ ⵓⵙⵢⴰⴼⵓ ⵏ160 ⵎⵉⴳⴰⵡⴰⵟ, ⴷ ⵢⴰⵜ ⵜⵙⵓⵔⵉⴼⵜ ⵉⵖⵓⴷⴰⵏ ⵏ ⵉⵙⵏⵜⵉ ⵏ ⵜⵥⴹⴰⵕⵟ ⵜⴰⵙⵎⴰⵢⵏⵓⵜ ⵉⵎⵇⵕⴰⵏ, ⵍⵍⵉ ⵔⴰⴷ ⵢⴰⴽⴽⴰ ⵜⴰⵥⴹⴰⵕⵟ ⵜⴰⵙⵎⴰⵢⵏⵓⵜ ⵏ 42% ⴳ ⵓⵙⴳⴳⵯⴰⵙ ⵏ 2020 ⴰⵔ 52% ⴳ ⵓⵙⴳⴳⵯⴰⵙ ⵏ 2030, ⵖⵎⴽⵍⵉ ⵉⵏⵏⴰ ⴱⴰⴱ ⵏ ⵡⴰⴷⵓⵓⵔ ⴰⴳⵍⵍⵉⴷ ⴳ ⵍⴰ ⴽⵓⴱ 21 ⵉⵉⵜⵓⵙⴽⵔⵏ ⴳ ⵜⵎⴰⵥⵓⵏⵜ ⵏ ⴼⵕⴰⵏⵙⴰ ⴳ ⴱⴰⵔⵉⵣ. ⴰⵚⴽⴰⵡ ⵏ ⵓⵏⴰⵎⵎⴰⵙ ⵏ « ⵏⵓⵕ 1 » ⴳ ⵢⴰⵏ ⵓⵣⵎⵣ ⵏ 30 ⵏ ⵡⴰⵢⵢⵓⵔ, ⴳ ⵜⵙⵡⵓⵔⵉ ⵓⴳⴳⵯⴰⵔ ⵏ 2.000 ⵏ ⵓⵎⵙⵡⵓⵔⵉ, ⵙⵍⴰⵡⴰⵏ ⴰⴽⴽⵯ 85% ⴳⵉⵙⵏ ⵉⵎⵖⵔⴰⴱⵉⵢⵏ, ⴷ ⵓⵙⵖⵍ ⵏ ⵓⴳⴳⵯⴰⵔ ⵏ 30% ⴳ ⵜⴽⵛⴰⵎ ⵜⵎⴳⵓⵔⵉ, ⵎⴰⵢⴰⴷ ⴰⴷ ⵉⵏⵏⴰ ⵎⴰⵙⵙ ⴱⴰⴽⵓⵔⵉ. ⴷ ⵔⴰⴷ ⵢⴰⵡⵡⵙ ⵓⵙⵏⵜⵉ ⴰⴷ, ⵎⵉ ⴷⴰⵔ ⵢⴰⵏ ⵡⴰⴷⴷⵓⵔ ⴰⵅⴰⵜⴰⵔ ⴳ ⵜⴳⵎⵉ ⵜⴰⵏⴰⵎⵓ-ⴷⵎⵙⴰⵏⵜ ⴷ ⵜⴷⵍⵙⴰⵏⵜ ⵉ ⵜⵎⵏⴰⴹⵜ ⵏ ⵡⴰⵔⵣⴰⵣⴰⵜ, ⴰⴼⴰ ⴷ ⴳⵉⵙ ⵉⵍⵉⵏ ⵉⵙⵢⴰⴼⵓⵜⵏ ⵏ ⵜⵎⴰⵍⵍⴰⵢⵜ ⵉⵎⴰⵢⵏⵓⵜⵏ, ⴷ ⵜⴳ ⵢⴰⵜ ⵜⵎⴷⵉⵏⵜ ⵉⴼⵓⵍⴽⵉⵏ ⴳ ⵓⵙⵡⵉⵔ ⴰⵎⴰⴹⵍⴰⵏ. ⴳ ⵓⵎⵏⴰⴹ ⴰⴷ, ⵉⵏⵏⴰ ⵎⴰⵙⵙ ⵄⵍⵉ ⵍⴼⴰⵙⵉ ⵍⴼⵉⵀⵔⵉ, ⴰⵏⵎⵀⴰⵍ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⵡⴰⵙⵙⵉⴷ ⴷ ⵡⴰⵎⴰⵏ ⵏ ⵜⵉⵙⵙⵉ ⵎⴰⵙ ⴷ ⵔⴰⴷ ⵉⴼⴽ ⵍⵎⵖⵔⵉⴱ ⵙ ⵜⵡⵉⵣⵉ ⵏ ⵜⵙⵜⵔⴰⵜⵉⵊⵉⵢⵜ ⵜⴰⵎⴽⴰⵢⵍⴰⵍⵜ ⴷ ⵜⵏⵉⵍⴰⵡⵜ, ⵎⵏⵏⴰⵡ ⵏ ⵓⵣⵎⵣ ⵏ ⵓⵙⵙⴰⵔⵓ ⴳ ⵢⵉⴳⵔ ⵏ ⵜⵥⴹⴰⵕⵜ ⵙ ⵖⴰⵡⴰⵙ ⵏ ⵡⴰⵙⵉⵜ ⵉⵣⴷⴷⵉⴳⵏ, ⵉⵔⴰⴷ ⵉⵜⵜⵓⵙⴽⵔⵏ ⴳ ⵢⴰⵜ ⵜⵉⵣⵉ ⵉⵖⵓⴷⴰⵏ, ⵙⵍⴰⵡⵏ ⴰⴽⴽⵯ ⴳⵔ 2016-2030, ⵍⵍⵉ ⴳ ⵔⴰⵏ ⵜⴰⵡⴹ ⵜⴰⵥⴹⵕⵜ ⵉⵜⵜⵓⵙⵎⴰⵢⵏⵓⵏ ⵏ 10.000 ⵎⵉⴳⴰ ⵡⴰⵟ ⵙ ⵡⴰⵜⵉⴳ ⵏ ⵓⵙⵙⴰⵔⵓ ⵏ 280 ⵏⵉⴷ ⵎⵍⵢⴰⵕ ⵏ ⴷⵔⵀⴰⵎ ⵍⵍⵉ ⴷ ⵜⴼⴽⴰ « ⵎⴰⵥⵉⵏ » ⴷ ⵎⵏⵏⴰⵡⵏ ⵏ ⵉⵎⴷⵔⴰⵡⵏ ⴰⵙⵉⵎⴰⵏ. ⴷ ⵉⵏⵏⴰ ⵙⵓⵍ ⵎⴰⵙⵙ ⵍⴼⴰⵙⵉ ⵎⴰⵙ ⴷ ⵜⵓⵜⵜⵔⴰ ⵏ ⵡⴰⵙⵙⵉⴷ ⵜⵓⵍⵉ ⵙ ⴽⵔⴰⴹⵜ ⵏ ⵜⵡⴰⵍ ⵙⴳ ⵓⵙⴳⴳⵯⴰⵙ ⵏ 1999 ⵍⵍⵉ ⵜⵣⵎⵎⴰⵎ 34 000 ⵊⵉⴳⴰⵡⴰⵟ ⴳ ⵜⵉⴳⵉⵔⴰ ⵏ 2015. ⴷ ⵉⵔⵏⴰ ⵉⵏⵏⴰ ⵎⴰⵙ ⴷ ⵜⴰⵙⵜⵔⴰⵜⵉⵊⵉⵢⵜ ⵜⴰⵏⴰⵎⵓⵔⵜ ⵜⴰⵎⴰⵢⵏⵓⵜ ⵜⵓⵛⴽⴰⴷ ⴳ ⵓⵎⵏⴰⴹ ⴰⴷ ⵏ ⵜⵥⴹⵕⵜ ⵢⵉⴽⴽⵉⵏ ⴰⴷⴷⵓⵔ ⵉ ⵓⵙⵖⵓⴷⵓ ⵏ ⵜⵥⴹⴰⵕⵜ ⵉⵜⵜⵓⵙⵎⴰⵢⵏⵓ ⵙ ⵓⵥⵟⵟⴰ ⵉⴳⴳⵓⴷⵏ ⵏ ⵉⵙⵏⵜⵉⵜⵏ ⵏ ⵜⵥⴹⴰⵕⵜ ⵉⵜⵜⵓⵙⵎⴰⵢⵏⵓ ⴰⵎⴽⴰⵢⵍⴰⵍ, ⵃⵎⴰ ⴰⴷ ⵉⵙⵙⴷⵎⵔ ⵜⵢⵙⵢⴰⴼⵓⵜⵉⵏ ⵏ ⵜⵎⴰⵣⵉⵔⵜ ⵏⵏⵖ ⴳ ⵢⵉⴳⵔ ⴰⴷ, ⵙⵍⴰⵡⵏ ⴰⴽⴽⵯ ⴳ ⵜⵙⵢⴰⴼⵓⵜ ⵏ ⵡⴰⵎⴰⵏ. ⵉⴷ ⵜⴰⵣⵎⴰⵔⵜ ⵏ ⵓⵣⵡⵓ, ⵉⵏⵏⴰ ⵎⴰⵙ ⴷ ⵓⴳⴳⵯⴰⵔ ⵏ 800 ⵎⵉⴳⴰ ⵡⴰⵟ ⵍⵍⵉ ⵔⴰⴷ ⵙⵢⴰⴼⴰⵏ, ⴳⵉⵙ 550 ⵎⵉⴳⴰ ⵡⴰⵟ ⵍⵍⵉ ⵉⵙⵙⵓⴷⴰⵏ, ⵉⴷ ⴰⵙⵏⵜⵉ ⵏ ⵜⵣⵎⴰⵔⵜ ⵏ ⵓⵣⵡⵓ ⴳ ⵜⵍⵍⴰ 850 ⵎⵉⴳⴰ ⵡⴰⵟ ⵉⵍⵍⴰ ⴳ ⵡⴰⴷⴷⴰⴷ ⵏ ⵓⵙⵙⵓⵊⴷ. ⴷ ⴰⴼⴰ ⴷ ⵙⵎⵓⵏ ⴳ ⵜⵉⴳⵎⵉ ⵏ ⵉⵙⵏⵜⵉⵜⵏ ⵏ ⵜⵢⴰⴼⵓⵜⵉⵏ ⵏ ⵜⴰⵥⴹⵔⵜ ⵉⵜⵜⵓⵙⵎⴰⵢⵏⵓⵏ ⵜⵙⴽⴰⵔ ⵎⴰⵥⵉⵏ, ⵎⵏⵏⴰⵡ ⵏ ⵉⵙⵙⴰⵔⵓⵜⵏ ⵉⵅⴰⵜⴰⵔⵏ, ⴷ ⵙ ⵓⵙⴼⵍⵙ ⵏ ⵓⴽⵛⵛⵓⵎ ⵉⵖⵓⴷⴰⵏ ⵏ ⵓⵥⵟⵟⴰ ⵏ ⵡⴰⵙⵙⵉⴷ, ⵎⵏⵏⴰⵡ ⵏ ⵉⵙⵙⴰⵔⵓⵜⵏ ⴰⴷ ⵉⵔⴰⵏ ⴰⴷ ⵢⴰⵡⵙ ⵉ ⵓⵙⵉⵔⴰ ⴰⵏⴰⵎⵓⵔ ⵏ ⵡⴰⵙⵙⵉⴷ (ⵓⵏⵉⵉ), ⴷ ⵛⴰⵢⴳⴰⵏ ⵏ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ ⵏ ⵓⵙⵙⴰⵢ. ⴳ ⵓⵣⵎⵣⵣⵓ ⴰⴷ, ⵉⴼⴽⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵙⵙⴰⴳⵓⵔⵜ ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵢⵜ ⵏ ⵜⵥⴹⴰⵕⵜ ⵏ ⵜⴰⴼⵓⵢⵜ (ⵎⴰⵣⵉⵏ) ⵎⴰⵙⵙ ⵎⵓⵚⵟⴰⴼⴰ ⵍⴱⴰⴽⵓⵔⵉ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵓⴷⵍⵉⵙ ⴷ ⵓⴷⴷⵉⵙ ⵍⵍⵉ ⵉⵙⴰⵡⴰⵍⵏ ⵅⴼ ⵓⵙⵏⵜⵉ ⵏ « ⵏⵓⵕ ». ⴷ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴱⴷⵓ ⵏ ⵓⵙⵢⴰⴼⴰ ⴰⵎⴰⴷⴷⵓⴷ ⵏ ⵓⵙⵔⵙ ⵏ « ⵏⵓⵕ1 », ⴰⵙⵏⵜⵉ ⵏ ⵜⵙⵢⴰⴼⵓⵜ ⵍⵍⵉ ⴷ ⵉⵜⵜⴰⵡⵉⵏ ⵜⴰⵥⴹⵔⵜ ⵙ ⵜⵎⴰⵎⴽⵜ ⵜⴰⵙⵉⵎⴰⵏⵜ (ⵉⵏⴷⵉⴱⵉⵏⴷⵉⵏⵜ ⴱⴰⵡⵕ ⴱⵔⵓⴷⵢⵓⵙⵔ) ⴳ ⵓⵙⴰⵢⵔⴰⵔ ⵏ ⵄⵍⴰⵢⵏ 480 ⵀⵉⴽⵜⴰⵕ ⵍⵍⵉ ⵉⴱⴷⴷⴰⵏ ⵅⴼ ⵜⵉⴽⵏⵓⵍⵓⵊⵉⵢⵜ ⵏ ⵜⵥⴹⴰⵔⵜ ⵏ ⵜⴰⴼⵓⵢⵜ ⵙ ⵉⴼⵉⵍ ⴰⵏⵟⵟⴰⴼ ⵍⵍⵉ ⴷⴰⵔ ⵜⵍⵍⴰ ⵜⵥⴹⴰⵕⵜ ⵏ ⵓⵙⴱⴰⵢⵏⵓ ⵏ 3 ⵜⵙⴰⵔⴰⴳⵉⵏ. ⴰⵙⵏⵜⵉ ⵏ « ⵏⵓⵕ 1 ⵉⵜⵜⵓⵙⴽⵔ ⵙ ⵡⴰⵜⵉⴳ ⵏ ⵓⵙⵙⴰⵔⵓ ⵏ 7 ⵎⵍⵢⴰⵕ ⵏⵉⴷ ⴷⵔⵀⴰⵎ. ⴷ ⵉⵍⵍⴰ ⴳ ⵜⴼⵓⴳⵍⴰ ⴰⴷ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ, ⴷ ⵉⵎⵛⴰⵡⴰⵕⵏ ⵏ ⴱⴰⴱ ⵏ ⵡⴰⴷⴷⵓⵔ, ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ, ⴷ ⵉⵙⵎⴷⵢⴰⵜⵏ ⵏ ⵜⵎⵉⵣⴰⵔ ⴷ ⵜⵎⵔⵙⴰⵍ ⵏ ⵓⵎⴰⴹⴰⵍ ⵍⵍⵉ ⵢⵓⵡⵙⴰⵏ ⴰⵥⵕⴼ ⵏ ⵓⵙⵏⵜⵉ ⴰⵎⵇⵕⴰⵏ, ⴷ ⵉⴳⵎⴰⵎⵏ ⵉⴷⵉⴱⵍⵓⵎⴰⵙⵉⵢⵏ ⵉⵍⵍⴰⵏ ⴳ ⵍⵎⵖⵔⵉⴱ, ⴷ ⵛⴰⵢⴳⴰⵏ ⵏ ⵉⵡⵔⵉⴽⵏ ⵢⴰⴹⵏⵉⵏ.
Dernière modification : 04 ⴱⵕⴰⵢⵕ 2016
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8D%E2%B4%B1%E2%B4%B7%E2%B5%93-%E2%B5%8F-%E2%B5%93%E2%B5%99%E2%B5%A2%E2%B4%B0%E2%B4%BC%E2%B5%93-%E2%B4%B0%E2%B5%8E%E2%B4%B0%E2%B4%B7%E2%B5%93%E2%B4%B7-%E2%B5%8F-%E2%B5%93%E2%B5%99%E2%B4%B0%E2%B5%8F%E2%B4%BC%E2%B5%93-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93-%E2%B5%8F-%E2%B5%93%E2%B4%B7%E2%B4%B7%E2%B5%89%E2%B5%99-%E2%B5%8F#comment-0