Published on MAPNews (https://www.mapnews.ma/am)

Accueil > ⵓⴷⴷⵉⵙ ⵏ ⵉⴼⵔⵉⵇⵢⴰ ⵏ ⵍⴰⵏⴳⵔⵉ ⴳ ⵍⵊⵓⵕⴼ ⵍⴰⵚⴼⴰⵕ.. ⴰⴳⵣⵣⵓⵎ ⵏ ⵓⵙⵢⴰⴼⵓ ⵏ ⵍⴰⵏⴳⵔⵉ ⵏ ⵓⵎⵏⵥⴰⵡ ⵏ ⵉⴼⵔⵉⵇⵢⴰ
  1. Accueil
  2. Activités royales

ⵓⴷⴷⵉⵙ ⵏ ⵉⴼⵔⵉⵇⵢⴰ ⵏ ⵍⴰⵏⴳⵔⵉ ⴳ ⵍⵊⵓⵕⴼ ⵍⴰⵚⴼⴰⵕ.. ⴰⴳⵣⵣⵓⵎ ⵏ ⵓⵙⵢⴰⴼⵓ ⵏ ⵍⴰⵏⴳⵔⵉ ⵏ ⵓⵎⵏⵥⴰⵡ ⵏ ⵉⴼⵔⵉⵇⵢⴰ

02 ⴱⵕⴰⵢⵕ 2016 Version Imprimable
ⵍⵊⵓⵕⴼ ⵍⴰⵚⴼⴰⵕ - ⵉⵜⵜⵓⵙⴽⵔ ⵓⴷⴷⵉⵙ ⵏ ⵍⴰⵏⴳⵔⵉ ⵏ (ⴰⴼⵔⵉⴽⴰ ⴼⵉⵔⵜⵉⵍⴰⵢⵣⵕ ⴽⵓⵎⴱⵍⵉⴽⵙ), ⵉⵍⵍⴰ ⴰⴳⵏⵙⵓ ⵏ ⵓⴷⴷⵉⵙ ⵏ ⵜⵎⴳⵓⵔⵉ ⵏ ⵍⵊⵓⵕⴼ ⵍⴰⵚⴼⴰⵕ, ⴰⴼⴰ ⴷ ⵉⵙⵢⴰⴼⵓ ⵎⵍⵢⵓⵏ ⵟⵓⵏ ⵏ ⵍⴰⵏⴳⵔⵉ ⴳ ⵓⵙⴳⴳⵯⴰⵙ, ⵍⵍⵉ ⵔⴰⴷ ⵉⵜⵜⵓⵢⴰⵣⵏ ⵙ ⵜⵎⵉⵣⴰⵔ ⵏ ⵉⴼⵔⵉⵇⵢⴰ.
ⵔⴰⴷ ⵉⵙⵡⵓⵔⵉ ⵓⴳⵣⵣⵓⵎ ⴰⴷ, ⵎⵉ ⵉⴼⴽⴰ ⴰⵕⵥⵥⵓⵎ ⵏⵏⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ, ⵉⴽⵛⵎⵏ ⴳ ⵓⵙⴰⵜⵉ ⵏ ⵓⵙⵖⵓⴷⵓ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ, ⴷ ⵓⵙⵢⴰⴼⵓ ⵏ ⵍⴰⵏⴳⵔⵉ ⴷ ⵢⵓⵙⴰⵏ ⵉ ⵡⴰⴽⴰⵍ ⵏ ⵜⴽⵔⵣⴰ ⴳ ⵉⴼⵔⵉⵇⵢⴰ, ⵎⴰⵔ ⴰⴷ ⵉⵙⴱⵓⵖⵍⵓ ⵜⵉⴼⵔⵉ ⵏ ⵉⴼⵍⵍⴰⵃⵏ ⵏ ⵉⴼⵔⵉⵇⵢⴰ ⴷ ⵓⵙⵖⵓⴷⵓ ⵏ ⵓⵙⵡⵉⵔⴰ ⵏ ⵢⵓⵜⵛⵉ ⴳ ⵓⵎⵏⵥⴰⵡ ⴰⴷ. ⴷ ⵉⵍⵍⴰ ⴳ ⵓⴷⴷⵉⵙ ⵏ ⵉⴼⵔⵉⵇⵢⴰ ⵏ ⵍⴰⵏⴳⵔⵉ ⴰⵎⴰⵢⵏⵓ ⵍⵍⵉ ⵉⵜⵜⵓⵙⴽⵔⵏ ⵙ ⵡⴰⵜⵉⴳ ⵏ 5,3 ⵎⵍⵢⴰⵕ ⵏ ⴷⴷⵔⵀⴰⵎ, ⵢⴰⵏ ⵓⴳⵣⵣⵓⵎ ⵏ ⵃⴰⵎⴹ ⵏ ⵍⴽⴱⵔⵉⵜ (1,4 ⵎⵍⵢⵓⵏ ⵟⵓⵏ ⴳ ⵓⵙⴳⴳⵯⴰⵙ), ⴷ ⵢⴰⵏ ⵓⴳⵣⵣⵓⵎ ⵏ ⵃⴰⵎⴹ ⵍⴼⵓⵚⴼⵓⵕ (450 ⵏ ⵢⵉⴼⴹ ⵟⵓⵏ ⵉ ⵡⵙⴳⴳⵯⴰⵙ), ⴷ ⵓⴳⵣⵣⵓⵎ ⵏ ⵍⴰⵏⴳⵔⵉ (ⵎⵍⵢⵓⵏ ⵟⵓⵏ ⴼⵓⵚⴼⴰⵟ ⴰⵎⵓⵏⵢⵓⵎ ⵉ ⵡⵙⴳⴳⵯⴰⵙ), ⴷ ⵢⴰⵏ ⵓⴳⵣⵣⵓⵎ ⴰⵏⴰⵎⵎⴰⵙ ⵏ ⴽⴰⵀⵔⵓ-ⵃⴰⵔⴰⵔⵢⴰ ⵏ 62 ⵎⵉⴳⴰⵡⴰⵜ, ⴳ ⵛⴰⵢⴰⴳⴰⵏ ⵏ ⵜⵓⵚⴽⵉⵡⵜ ⵏ ⵓⴱⴰⵢⵏⵓ, ⵍⵍⵉ ⵉⵥⴹⴰⵕⵏ ⴰⴷ ⵢⴰⵙⵉ 200 ⵏ ⵢⵉⴼⴹ ⵏ ⵟⵓⵏ ⵏ ⵍⴰⵏⴳⵔⵉ. ⴰⴼⵔⵉⴽⴰ ⴼⵉⵔⵜⵉⵍⴰⵢⵣⵔ ⴽⵓⵎⴱⵍⵉⴽⵙ ⵔⴰⴷ ⵉⴼⴽ 1,35 ⵎⵍⵢⵓⵏ ⵏ ⵡⴰⵙⵙ ⵏ ⵜⵡⵓⵔⵉ ⵉ ⴽⵓ ⴰⴽⴽⵯ ⴰⴼⴳⴰⵏ ⴳ ⵜⵙⵓⵜⵍⵜ ⵏ ⵜⵓⵚⴽⴰ 86% ⵏ ⵉⵎⵖⵔⴰⴱⵉⵢⵏ, ⴷ ⵓⵙⴽⵔ ⵏ 380 ⵏ ⵓⵏⵙⴰ ⵏ ⵜⵡⵓⵔⵉ ⴳ ⵓⵣⵎⵣ ⴳ ⵉⴱⴷⴰ. ⴷ ⵉⵙⵙⵏ ⵓⵙⵏⵜⵉ ⴰⴷ ⴰⵅⴰⵜⴰⵔ ⵏ ⵓⵙⵏⴼⵍ ⴰⵜⵉⴽⵏⵓⵍⵓⵊⵉ ⴷ ⵓⵡⵏⴰⴹ ⴳ ⵓⵙⵡⵉⵔ ⵏ ⵓⵙⵢⴰⴼⵓ ⵏ ⵍⴽⴱⵔⵉⵢⵜ, ⴳ ⵔⴱⴰⵃ ⵏ ⵜⵥⴹⴰⵕⵜ ⵏ ⵓⵙⵉⴷ ⵙ10 ⵎⵉⴳⴰⵡⴰⵜ ⴷ ⵜⴷⵔⵙⵉ ⵏ ⵜⵙⵎⵓⵔⵜ ⵏ ⵡⴰⵎⴰⵏ ⵏ ⵉⵍⵍ. ⴳ ⵎⴰⵢⵥⵍⵉⵏ ⵙ ⵓⵙⴰⴽⵯⵏ ⵏ ⵜⵣⴷⴳⵉ ⵏ ⵡⴰⵎⴰⵏ ⵏ ⵉⵍⵍ ⵉⵜⵜⵓⵙⴽⵔⵏ ⵙ ⵡⴰⵜⵉⴳ ⵏ 800 ⵎⵍⵢⵓⵏ ⵏ ⴷⴷⵔⵀⴰⵎ, ⵉⴳⴰ ⵙⴳ ⵜⵙⵜⵔⴰⵜⵉⵊⵉⵢⵜ ⵏ « ⵡⴰⵎⴰⵏ » ⵍⵍⵉ ⵜⵙⴽⴰⵔ ⵜⵔⴰⴱⴱⵓⵜ ⵏ ⵓⵙⵉⵔⴰ ⴰⵛⵛⵔⵉⴼ ⵏ ⵍⴼⵓⵚⴼⴰⵟ, ⵎⵉ ⵉⴳⴰ ⵓⵡⵜⵜⴰⵙ ⵏⵏⵙ ⴰⵖⵎⴰⵙ ⵏ ⵡⴰⵙⵙⴰⵔ ⵏ ⵜⴳⵎⵉ ⵏ ⵜⵎⵏⴰⴹⵜ ⵏ ⵅⵔⵉⴱⴳⴰ- ⵍⵊⵓⵕⴼ ⵍⴰⵚⴼⴰⵕ. ⴷ ⵉⵍⵍⴰ ⴳ ⵜⵙⵓⵜⵍⵜ ⵜⴰⵎⵣⵡⵔⵓⵜ ⵏ ⵓⵙⵏⵜⵉ ⵏ ⵓⵙⴰⴽⵯⵏ ⵏ ⵜⵣⴷⴳⵉ ⵏ ⵡⴰⵎⴰⵏ ⵏ ⵉⵍⵍ, ⵉⵍⴽⵎ 25 ⵎⵍⵢⵓⵏ ⵎⵉⵜⵔ ⵎⵓⴽⵄⴰⴱ ⴳ ⵓⵙⴳⴳⵯⴰⵙ (75 ⵏ ⵢⵉⴼⴹ ⴷ 800 ⵎⵉⵜⵔ ⵎⵓⴽⵄⴰⴱ ⴳ ⵡⴰⵙⵙ), ⴰⴳⵣⵣⵓⵎ ⵏ ⵓⵙⵓⴼⵖ ⵏ ⵡⴰⵎⴰⵏ ⵏ ⵉⵍⵍ ⵙ 7700 ⵎⵉⵜⵔ ⵎⵓⴽⵄⴰⴱ ⵉ ⵜⵙⴰⵔⴰⴳⵜ, ⴷ ⵓⴳⵣⵣⵓⵎ ⵏ ⵓⵙⵎⴽⵍ ⵏ ⵡⴰⵎⴰⵏ ⵏ ⵉⵍⵍ, ⵍⵍⵉ ⵔⴰⴷ ⴰⵙⵏ ⵉⴽⵙ ⵜⴰⵎⵜⵜⴰ ⵢⴰⴼⵓⵏ ⴷ ⵓⵣⴰⵜⵉⵎ ⴷ ⵜⴰⴷⵓⵏⵜ, ⴷ ⵓⴳⵣⵣⵓⵎ ⵏ ⵓⵙⵜⴰⵢ. ⴷ ⵔⴰⴷ ⵢⴰⵡⴹ ⵓⵙⴰⴽⵯⵏ ⵏ ⵜⵣⴷⴳⵉ ⵏ ⵡⴰⵎⴰⵏ ⵏ ⵉⵍⵍ ⵏ ⵍⵊⵓⵕⴼ ⵍⴰⵚⴼⴰⵕ, ⵍⵍⵉ ⵔⴰⴷ ⵉⵜⵜⵓⵙⴽⵔ ⴳ ⴽⵕⴰⴹ ⵜⵙⵓⵜⴰⵍ, ⴰⵙⵢⴰⴼⵓ ⵏ ⵜⵥⴹⴰⵕⵜ ⵏ 75 ⵎⵍⵢⵓⵏ ⵎⵉⵜⵔ ⵎⵓⴽⵄⴰⴱ ⴳ ⵓⵙⴳⴳⵯⴰⵙ.
Dernière modification : 02 ⴱⵕⴰⵢⵕ 2016
Source URL: https://www.mapnews.ma/am/activites-royales/%E2%B5%93%E2%B4%B7%E2%B4%B7%E2%B5%89%E2%B5%99-%E2%B5%8F-%E2%B5%89%E2%B4%BC%E2%B5%94%E2%B5%89%E2%B5%87%E2%B5%A2%E2%B4%B0-%E2%B5%8F-%E2%B5%8D%E2%B4%B0%E2%B5%8F%E2%B4%B3%E2%B5%94%E2%B5%89-%E2%B4%B3-%E2%B5%8D%E2%B5%8A%E2%B5%93%E2%B5%95%E2%B4%BC-%E2%B5%8D%E2%B4%B0%E2%B5%9A%E2%B4%BC%E2%B4%B0%E2%B5%95-%E2%B4%B0%E2%B4%B3%E2%B5%A3%E2%B5%A3%E2%B5%93%E2%B5%8E-%E2%B5%8F-%E2%B5%93%E2%B5%99%E2%B5%A2%E2%B4%B0%E2%B4%BC%E2%B5%93-%E2%B5%8F-%E2%B5%8D%E2%B4%B0%E2%B5%8F%E2%B4%B3%E2%B5%94%E2%B5%89-%E2%B5%8F-%E2%B5%93%E2%B5%8E%E2%B5%8F%E2%B5%A5%E2%B4%B0%E2%B5%A1-%E2%B5%8F#comment-0