Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⵉⵕⵥⴰⵎ ⴳ ⵍⵊⵓⵕⴼ ⵍⴰⵚⴼⴰⵕ ⵙⵉⵏ ⵉⵙⵏⵜⵉⵜⵏ ⵉⵅⴰⵜⴰⵔⵏ ⵏ ⵓⵙⵉⵔⴰ ⴰⵛⵛⵔⵉⴼ ⵏ ⵍⴼⵓⵚⴼⴰⵟ..ⴰⵙⴷⴷⵉⴷ ⴰⵎⴰⵢⵏⵓ ⵏ ⵓⵙⵉⵖⵏ ⴰⴳⵍⴷⴰⵏ ⵙ ⵓⵎⵢⴰⵡⴰⵙ ⵉⴼⴼⵓⵙ - ⵉⴼⴼⵓⵙ ⴷ ⵜⴳⵎⵉ ⵜⴰⵙⵓⵍⴰⵏⵜ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⵉⵕⵥⴰⵎ ⴳ ⵍⵊⵓⵕⴼ ⵍⴰⵚⴼⴰⵕ ⵙⵉⵏ ⵉⵙⵏⵜⵉⵜⵏ ⵉⵅⴰⵜⴰⵔⵏ ⵏ ⵓⵙⵉⵔⴰ ⴰⵛⵛⵔⵉⴼ ⵏ ⵍⴼⵓⵚⴼⴰⵟ..ⴰⵙⴷⴷⵉⴷ ⴰⵎⴰⵢⵏⵓ ⵏ ⵓⵙⵉⵖⵏ ⴰⴳⵍⴷⴰⵏ ⵙ ⵓⵎⵢⴰⵡⴰⵙ ⵉⴼⴼⵓⵙ - ⵉⴼⴼⵓⵙ ⴷ ⵜⴳⵎⵉ ⵜⴰⵙⵓⵍⴰⵏⵜ

01 ⴱⵕⴰⵢⵕ 2016 Version Imprimable
ⵍⵊⵓⵕⴼ ⵍⴰⵚⴼⴰⵕ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ ⴳ ⵓⴷⴷⵉⵙ ⵏ ⵜⵎⴳⵓⵔⵉ ⵏ ⵍⵊⵓⵕⴼ ⴰⵍⵚⴼⴰⵕ, ⴰⵏⵏⵓⵕⵥⵎ ⵏ ⵓⴷⴷⵉⵙ ⵏ ⵓⵙⵢⴰⴼⵓ ⵏ ⵍⴰⵏⴳⵔⵉ ⵉⵥⵍⵉⵏ ⵙ ⵓⵎⵏⵥⴰⵡ ⵏ ⵉⴼⵔⵉⵇⵢⴰ (ⴰⴼⵔⵉⴽⴰ ⴼⵉⵔⵜⵉⵍⴰⵢⵣⵕ ⴽⵓⵎⴱⵍⵉⴽⵙ), ⴷ ⵜⵙⵓⵜⵍⵜⴻ ⵜⴰⵎⵣⵡⴰⵔⵓⵜ ⵏ ⵓⵙⵏⵜⵉ ⴰⵙⴰⴽⵯⵏ ⵉⵙⵣⴷⵉⴳⵏ ⴰⵎⴰⵏ ⵏ ⵉⵍⵍ, ⵉⵜⵜⵓⵙⴽⵔ ⵙ ⵡⴰⵜⵉⴳ ⵏ 6,1 ⵎⵍⵢⴰⵕ ⵏ ⴷⴷⵔⵀⴰⵎ.
ⴰⵢⴰⴷ ⵏ ⵉⵙⵏⵜⵉⵜⵏ ⵜⵙⴽⴰⵔ ⵜⵔⴰⴱⴱⵓⵜ ⵏ ⵓⵙⵉⵔⴰ ⴰⵛⵛⵔⵉⴼ ⵏ ⵍⴼⵓⵚⴼⴰⵟ, ⵉⴳⴰ ⴰⵙⴷⴷⵉⴷ ⴰⵎⴰⵢⵏⵓ ⵉⵙⵓⵖⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵎⵢⴰⵡⴰⵙ ⵉⴼⴼⵓⵙ - ⵉⴼⴼⵓⵙ ⴷ ⵜⴳⵎⵉ ⵜⴰⵙⵓⵍⴰⵏⵜ, ⴷ ⵜⵉⵔⵉⵜ ⵏⵏⵙ ⴰⴷ ⵢⴰⵡⵙ ⵜⵉⵙⵏⵜⴰⵢⵉⵏ ⵏ ⵓⵙⵏⴼⵍⵓⵍ ⴷ ⵜⴳⵎⵉ ⵜⴰⵙⵓⵍⴰⵏⵜ ⵏ ⵜⵔⴰⴱⴱⵓⵜ ⴰⴷ, ⴷ ⵉⵎⴷⵔⴰⵡⵏ ⵏⵏⵙ ⵏ ⵉⴼⵔⵉⵇⵢⴰ, ⵎⴰⵢⴰⴷ ⵔⴰⴷ ⵉⵙⴷⴷⵉⴷ ⴰⴷⴷⵓⵔ ⵏ ⵜⴳⵍⴷⵉⵜ ⴳ ⵓⴳⴰⴷⴰⵣ ⴰⵎⴰⴹⵍⴰⵏ ⵏ ⵍⴼⵓⵚⴼⴰⵟ. ⴰⵡⵜⵜⴰⵙ ⵏ ⵓⴷⴷⵉⵙ ⵏ ⵉⴼⵔⵉⵇⵢⴰ ⵏ ⵍⴰⵏⴳⵔⵉ, ⵉⵜⵜⵓⵙⴽⵔⵏ ⵙ ⵜⴰⵔⴰⵜⵉⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵃⵎⴰ ⴰⴷ ⵜⵎⵓⵏ ⵜⴳⵎⵉ ⵏ ⵉⴳⴰⴷⴰⵣⵏ ⵏ ⵉⴼⵔⵉⵇⵢⴰ ⵙ ⵜⵓⴽⴽⵉ ⵏ ⵍⴰⵏⴳⵔⵉ ⵙ ⵉⵏⵏⴰⵡ ⵏⵏⵙ. ⴷ ⵉⵍⵍⴰ ⴳ ⵓⵙⴰⴽⵯⵏ ⴰⴷ ⴰⵎⴰⵢⵏⵓ ⵍⵍⵉ ⵉⵜⵜⵓⵙⴽⵔⵏ ⵙ ⵡⴰⵜⵉⴳ ⵏ 5,3 ⵎⵍⵢⴰⵕ ⵏ ⴷⴷⵔⵀⴰⵎ, ⵙ ⵢⴰⵏ ⵓⴳⵣⵣⵓⵎ ⵏ ⵃⴰⵎⴹ ⵏ ⵍⴽⴱⵔⵉⵜ (1,4 ⵎⵍⵢⵓⵏ ⵟⵓⵏ ⴳ ⵓⵙⴳⴳⵯⴰⵙ), ⴷ ⵢⴰⵏ ⵓⴳⵣⵣⵓⵎ ⵏ ⵃⴰⵎⴹ ⵍⴼⵓⵚⴼⵓⵕ (450 ⵏ ⵢⵉⴼⴹ ⵟⵓⵏ ⵉ ⵡⵙⴳⴳⵯⴰⵙ), ⴷ ⵓⴳⵣⵣⵓⵎ ⵏ ⵍⴰⵏⴳⵔⵉ (ⵎⵍⵢⵓⵏ ⵟⵓⵏ ⴼⵓⵚⴼⴰⵟ ⴰⵎⵓⵏⵢⵓⵎ ⵉ ⵡⵙⴳⴳⵯⴰⵙ), ⴷ ⵢⴰⵏ ⵓⴳⵣⵣⵓⵎ ⴰⵏⴰⵎⵎⴰⵙ ⵏ ⴽⴰⵀⵔⵓ-ⵃⴰⵔⴰⵔⵢⴰ ⵏ 62 ⵎⵉⴳⴰⵡⴰⵜ, ⴳ ⵛⴰⵢⴰⴳⴰⵏ ⵏ ⵜⵓⵚⴽⵉⵡⵜ ⵏ ⵓⴱⴰⵢⵏⵓ, ⵍⵍⵉ ⵉⵥⴹⴰⵕⵏ ⴰⴷ ⵢⴰⵙⵉ 200 ⵏ ⵢⵉⴼⴹ ⵏ ⵟⵓⵏ ⵏ ⵍⴰⵏⴳⵔⵉ. ⴰⴼⵔⵉⴽⴰ ⴼⵉⵔⵜⵉⵍⴰⵢⵣⵔ ⴽⵓⵎⴱⵍⵉⴽⵙ ⵔⴰⴷ ⵉⴼⴽ 1,35 ⵎⵍⵢⵓⵏ ⵏ ⵡⴰⵙⵙ ⵏ ⵜⵡⵓⵔⵉ ⵉ ⴽⵓ ⴰⴽⴽⵯ ⴰⴼⴳⴰⵏ ⴳ ⵜⵙⵓⵜⵍⵜ ⵏ ⵜⵓⵚⴽⴰ 86% ⵏ ⵉⵎⵖⵔⴰⴱⵉⵢⵏ, ⴷ ⵓⵙⴽⵔ ⵏ 380 ⵏ ⵓⵏⵙⴰ ⵏ ⵜⵡⵓⵔⵉ ⴳ ⵓⵣⵎⵣ ⴳ ⵉⴱⴷⴰ. ⴷ ⵉⵙⵙⵏ ⵓⵙⵏⵜⵉ ⴰⴷ ⴰⵅⴰⵜⴰⵔ ⵏ ⵓⵙⵏⴼⵍ ⴰⵜⵉⴽⵏⵓⵍⵓⵊⵉ ⴷ ⵓⵡⵏⴰⴹ ⴳ ⵓⵙⵡⵉⵔ ⵏ ⵓⵙⵢⴰⴼⵓ ⵏ ⵍⴽⴱⵔⵉⵢⵜ, ⴳ ⵔⴱⴰⵃ ⵏ ⵜⵥⴹⴰⵕⵜ ⵏ ⵓⵙⵉⴷ ⵙ10 ⵎⵉⴳⴰⵡⴰⵜ ⴷ ⵜⴷⵔⵙⵉ ⵏ ⵜⵙⵎⵓⵔⵜ ⵏ ⵡⴰⵎⴰⵏ ⵏ ⵉⵍⵍ. ⴳ ⵎⴰⵢⵥⵍⵉⵏ ⵙ ⵓⵙⴰⴽⵯⵏ ⵏ ⵜⵣⴷⴳⵉ ⵏ ⵡⴰⵎⴰⵏ ⵏ ⵉⵍⵍ ⵉⵜⵜⵓⵙⴽⵔⵏ ⵙ ⵡⴰⵜⵉⴳ ⵏ 800 ⵎⵍⵢⵓⵏ ⵏ ⴷⴷⵔⵀⴰⵎ, ⵉⴳⴰ ⵙⴳ ⵜⵙⵜⵔⴰⵜⵉⵊⵉⵢⵜ ⵏ « ⵡⴰⵎⴰⵏ » ⵍⵍⵉ ⵜⵙⴽⴰⵔ ⵜⵔⴰⴱⴱⵓⵜ ⵏ ⵓⵙⵉⵔⴰ ⴰⵛⵛⵔⵉⴼ ⵏ ⵍⴼⵓⵚⴼⴰⵟ, ⵎⵉ ⵉⴳⴰ ⵓⵡⵜⵜⴰⵙ ⵏⵏⵙ ⴰⵖⵎⴰⵙ ⵏ ⵡⴰⵙⵙⴰⵔ ⵏ ⵜⴳⵎⵉ ⵏ ⵜⵎⵏⴰⴹⵜ ⵏ ⵅⵔⵉⴱⴳⴰ- ⵍⵊⵓⵕⴼ ⵍⴰⵚⴼⴰⵕ. ⴷ ⵉⵍⵍⴰ ⴳ ⵜⵙⵓⵜⵍⵜ ⵜⴰⵎⵣⵡⵔⵓⵜ ⵏ ⵓⵙⵏⵜⵉ ⵏ ⵓⵙⴰⴽⵯⵏ ⵏ ⵜⵣⴷⴳⵉ ⵏ ⵡⴰⵎⴰⵏ ⵏ ⵉⵍⵍ, ⵉⵍⴽⵎ 25 ⵎⵍⵢⵓⵏ ⵎⵉⵜⵔ ⵎⵓⴽⵄⴰⴱ ⴳ ⵓⵙⴳⴳⵯⴰⵙ (75 ⵏ ⵢⵉⴼⴹ ⴷ 800 ⵎⵉⵜⵔ ⵎⵓⴽⵄⴰⴱ ⴳ ⵡⴰⵙⵙ), ⴰⴳⵣⵣⵓⵎ ⵏ ⵓⵙⵓⴼⵖ ⵏ ⵡⴰⵎⴰⵏ ⵏ ⵉⵍⵍ ⵙ 7700 ⵎⵉⵜⵔ ⵎⵓⴽⵄⴰⴱ ⵉ ⵜⵙⴰⵔⴰⴳⵜ, ⴷ ⵓⴳⵣⵣⵓⵎ ⵏ ⵓⵙⵎⴽⵍ ⵏ ⵡⴰⵎⴰⵏ ⵏ ⵉⵍⵍ, ⵍⵍⵉ ⵔⴰⴷ ⴰⵙⵏ ⵉⴽⵙ ⵜⴰⵎⵜⵜⴰ ⵢⴰⴼⵓⵏ ⴷ ⵓⵣⴰⵜⵉⵎ ⴷ ⵜⴰⴷⵓⵏⵜ, ⴷ ⵓⴳⵣⵣⵓⵎ ⵏ ⵓⵙⵜⴰⵢ. ⴷ ⵔⴰⴷ ⵢⴰⵡⴹ ⵓⵙⴰⴽⵯⵏ ⵏ ⵜⵣⴷⴳⵉ ⵏ ⵡⴰⵎⴰⵏ ⵏ ⵉⵍⵍ ⵏ ⵍⵊⵓⵕⴼ ⵍⴰⵚⴼⴰⵕ, ⵍⵍⵉ ⵔⴰⴷ ⵉⵜⵜⵓⵙⴽⵔ ⴳ ⴽⵕⴰⴹ ⵜⵙⵓⵜⴰⵍ, ⴰⵙⵢⴰⴼⵓ ⵏ ⵜⵥⴹⴰⵕⵜ ⵏ 75 ⵎⵍⵢⵓⵏ ⵎⵉⵜⵔ ⵎⵓⴽⵄⴰⴱ ⴳ ⵓⵙⴳⴳⵯⴰⵙ.
Dernière modification : 01 ⴱⵕⴰⵢⵕ 2016
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B5%95%E2%B5%A5%E2%B4%B0%E2%B5%8E-%E2%B4%B3-%E2%B5%8D%E2%B5%8A%E2%B5%93%E2%B5%95%E2%B4%BC-%E2%B5%8D%E2%B4%B0%E2%B5%9A%E2%B4%BC%E2%B4%B0%E2%B5%95-%E2%B5%99%E2%B5%89%E2%B5%8F-%E2%B5%89%E2%B5%99%E2%B5%8F%E2%B5%9C%E2%B5%89%E2%B5%9C%E2%B5%8F-%E2%B5%89%E2%B5%85%E2%B4%B0%E2%B5%9C%E2%B4%B0%E2%B5%94%E2%B5%8F-%E2%B5%8F-%E2%B5%93%E2%B5%99%E2%B5%89%E2%B5%94%E2%B4%B0-%E2%B4%B0%E2%B5%9B%E2%B5%9B%E2%B5%94%E2%B5%89%E2%B4%BC-%E2%B5%8F#comment-0