Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⵉⵙⴽⵔ ⵉⵎⴹⴰⴽⴰⵕⵏ ⴳ ⵜⵜⵉⵍⵉⴼⵓⵏ ⴷ ⵜⵎⵛⵉⵡⴰⵕⵜ ⵜⴰⴼⵉⴷⵉⵕⴰⵍⵉⵢⵜ ⵏ ⵜⴳⴷⵓⴷⴰⵏⵜ ⵏ ⴰⵍⵎⴰⵏⵢⴰ ⵎⴰⵙⵙⴰ ⴰⵏⵊⵉⵍⴰ ⵎⵉⵔⴽⴰⵍ (ⴰⴱⵔⵙⵉⵔⴰ ⴰⴳⵍⴷⴰⵏ)
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⵉⵙⴽⵔ ⵉⵎⴹⴰⴽⴰⵕⵏ ⴳ ⵜⵜⵉⵍⵉⴼⵓⵏ ⴷ ⵜⵎⵛⵉⵡⴰⵕⵜ ⵜⴰⴼⵉⴷⵉⵕⴰⵍⵉⵢⵜ ⵏ ⵜⴳⴷⵓⴷⴰⵏⵜ ⵏ ⴰⵍⵎⴰⵏⵢⴰ ⵎⴰⵙⵙⴰ ⴰⵏⵊⵉⵍⴰ ⵎⵉⵔⴽⴰⵍ (ⴰⴱⵔⵙⵉⵔⴰ ⴰⴳⵍⴷⴰⵏ)

27 ⵉⵏⵏⴰⵢⵔ 2016 Version Imprimable
ⵕⵕⴱⴰⴹ - ⵉⴷⴷⴰⴷ ⴳ ⵓⴱⵔⵙⵉⵔⴰ ⴰⴳⵍⴷⴰⵏ, ⵎⴰⵙ ⴷ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ, ⵉⵎⴹⴰⴽⴰⵕⵏ ⴳ ⵜⵜⵉⵍⵉⴼⵓⵏ ⴷ ⵜⵎⵛⵉⵡⴰⵕⵜ ⵜⴰⴼⵉⴷⵉⵕⴰⵍⵉⵢⵜ ⵏ ⵜⴳⴷⵓⴷⴰⵏⵜ ⵏ ⴰⵍⵎⴰⵏⵢⴰ, ⵎⴰⵙⵙⴰ ⴰⵏⵊⵉⵍⴰ ⵎⵉⵔⴽⴰⵍ.

ⴷ ⵉⴼⵔⴰ ⵓⵙⵉⵡⴹ ⵎⴰⵙ ⴷ ⵉⵎⴹⴰⴽⴰⵕⵏ ⴰⴷ ⴳⴰⵏ ⵢⴰⵏ ⵓⵣⵎⵣⵣⵓ ⴰⴷ ⵙⵉⵡⴰⵍⵏ ⵅⴼ ⵓⵙⴱⵓⵖⵍⵓ ⵏ ⵜⵓⵇⵇⵏⴰ ⵜⵉⵙⵉⵏⵔⴰⵏⵉⵏ, ⴳ ⵜⵏⵏⴰ ⵎⴰⵙⵙⴰ ⵎⵉⵔⴽⴰⵍ ⵎⴰⵙ ⵜⵙⵙⵓⵙⵎ ⵛⴰⵢⴳⴰⵏ ⵓⵎⵢⴰⵡⴰⵙ ⵉⵙⵎⴰⵏ ⵙⵏⴰⵜ ⵜⵎⵉⵣⴰⵔ ⴰⴷ ⴳ ⵎⵏⵏⴰⵡ ⵏ ⵉⴳⵔⴰⵏ.

ⴷ ⵉⵎⴹⴰⴽⴰⵕ ⴰⴷ ⵙⴰⵡⵍⵏ ⵅⴼ ⵉⵎⵣⵣⵉⵜⵏ ⵉⵏⴼⴼⴰⵔⵏ ⵉⵜⵜⵉⵏⵉⵏ ⵎⴰⵙ ⴳⴰⵏ ⵉⵎⵣⵡⴰⴳⵏ, ⴷⴼⴼⵉⵔ ⵜⵖⵔⵉ ⵜⴰⵏⴼⴳⴰⵏⵜ ⵍⵍⵉ ⵜⵙⴽⵔ ⴰⵍⵎⴰⵏⵢⴰ ⵃⵎⴰ ⴰⵜⴰⵡⵡⵙ ⵉ ⵢⵎⵣⵡⴰⴳⵏ, ⵎⴰⵛⴰ ⵛⴰⵢⴳⴰⵏ ⵏ ⵉⵎⵣⵣⵉⵜⵏ ⵉⵏⴼⴼⴰⵔⵏ ⵙⴱⵖⵔ ⴳ ⵓⵣⵎⵣⵣⵓ ⴰⴷ ⵎⴰⵔ ⴰⴷ ⴼⵜⵓⵏ ⵙ ⵓⵕⵓⴱⴱⴰ.

ⴷ ⵢⵓⵛⴽⴰⴷ ⴳ ⵓⵙⵉⵡⴹ ⴰⴷ ⵎⴰⵙ ⴷ ⴳ ⵓⵙⴳⵓⵎ ⴰⴷ, ⵉⵎⵙⴰⵙⴰ ⴰⴷ ⵉⵙⴽⵔ ⵓⵎⴰⵡⵙⴰⵙ ⵏ ⵓⴳⵏⵙⵓ ⵏ ⴰⵍⵎⵏⵢⴰ ⵢⴰⵏ ⵓⵔⵣⴰⴼ ⵉ ⵍⵎⵖⵔⵉⴱ ⴷ ⵉⴽⵏⵉ ⵏⵏⵙ ⴰⵎⵖⵔⴰⴱⵉⵢ.

ⴷ ⵉⵎⵙⴰⵙⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵜⵎⵛⵉⵡⴰⵕⵜ ⵏ ⴰⵍⵎⵏⵢⴰ ⴰⴷ ⵙⴽⵔⵏ ⵉⵎⵙⵜⴳⴳⵯⴰⵔⵏ ⵏ ⵙⵏⴰⵜ ⵜⵎⵉⵣⴰⵔ ⵜⴰⵡⵓⵔⵉ ⵏⵏⵙ ⴷ ⵉⵎⵢⴰⵡⴰⴹⵏ ⴷ ⵓⵙⴼⵙⵉ ⵏ ⵉⵙⴷⴰⵡⵏ ⵏ ⵎⵉⴷⵏ ⵉⵣⴷⴰⵖⵏ ⴳ ⴰⵍⵎⴰⵏⵢⴰ ⵙ ⵜⵎⴰⵎⴽⵜ ⵓⵔ ⵉⴳⵉⵏ ⵜⵓⵍⴳⵉⵏⵜ, ⴰⴷ ⵓⵖⵓⵍⵏ ⵙ ⵍⵎⵖⵔⵉⴱ ⵖ ⵎⴰⵏ ⵓⵔ ⵢⴰⴳⵓⴳⵏ.

ⴳ ⵜⴳⴰⵔⴰ ⵏ ⵉⵎⴹⴰⴽⴰⵕⵏ ⵜⵖⵔⴰ ⵎⴰⵙⵙⴰ ⵎⵉⵔⴽⴰⵍ ⵉ ⴱⴰⴱ ⵏ ⵡⴰⴷⴷⵓⵔ ⴰⴷ ⵉⵙⴽⵔ ⴰⵔⵣⴰⴼ ⵉ ⵜⵎⴰⵣⵉⵔⵜ ⵏ ⴰⵍⵎⴰⵏⵢⴰ, ⴳ ⵜⵏⵉⵍⴰ ⵏⵏⵙ ⵉⵖⵔⴰ ⴰⵡⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵜⵎⵛⵉⵡⴰⵕⵜ ⵏ ⴰⵍⵎⴰⵏⵢⴰ ⴰⴷ ⵜⵙⴽⴰⵔ ⴰⵔⵣⴰⴼ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵎⴰⵢⴰⴷ ⵉⴷⴷⴰⵏ ⴳ ⵓⵙⵉⵡⴹ ⵏ ⵓⴱⵔⵙⵉⵔⴰ.

Dernière modification : 27 ⵉⵏⵏⴰⵢⵔ 2016
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B5%99%E2%B4%BD%E2%B5%94-%E2%B5%89%E2%B5%8E%E2%B4%B9%E2%B4%B0%E2%B4%BD%E2%B4%B0%E2%B5%95%E2%B5%8F-%E2%B4%B3-%E2%B5%9C%E2%B5%9C%E2%B5%89%E2%B5%8D%E2%B5%89%E2%B4%BC%E2%B5%93%E2%B5%8F-%E2%B4%B7-%E2%B5%9C%E2%B5%8E%E2%B5%9B%E2%B5%89%E2%B5%A1%E2%B4%B0%E2%B5%95%E2%B5%9C-%E2%B5%9C%E2%B4%B0%E2%B4%BC%E2%B5%89%E2%B4%B7%E2%B5%89%E2%B5%95%E2%B4%B0%E2%B5%8D%E2%B5%89%E2%B5%A2%E2%B5%9C-%E2%B5%8F-%E2%B5%9C%E2%B4%B3%E2%B4%B7%E2%B5%93%E2%B4%B7%E2%B4%B0%E2%B5%8F%E2%B5%9C-%E2%B5%8F-%E2%B4%B0%E2%B5%8D%E2%B5%8E%E2%B4%B0%E2%B5%8F%E2%B5%A2%E2%B4%B0#comment-0