ⴹⴹⴰⵕⵍⴱⵉⴹⴰ.. ⴱⴰⴱ ⵏ ⵡⴰⴷⴷⵓⵔ ⵉⴼⴽⴰ ⵍⴱⴷⵓ ⵏ ⵉⵙⵏⵜⵉⵜⵏ ⵏ ⵓⵙⴱⵓⵖⵍⵓ ⵏ ⵓⵖⴰⵡⵙ ⴰⵎⵉⵖⵉⵙ ⵉ ⵃⵟⵟⵓⵏ ⵙ ⵓⴼⵉⴷⵢⵓ

25 ⵉⵏⵏⴰⵢⵔ 2016 Version Imprimable

ⴹⴹⴰⵕⵍⴱⵉⴹⴰ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ, ⴳ ⵜⵎⵏⴱⴰⴹⵜ ⵏ ⴹⴹⴰⵕⵍⴱⵉⴹⴰ- ⴰⵏⴼⴰ, ⵍⴱⴷⵓ ⵏ ⵉⵙⵏⵜⵉⵜⵏ ⵏ ⵓⵙⴱⵓⵖⵍⵓ ⵏ ⵓⵖⴰⵡⵙ ⴰⵎⵉⵖⵉⵙ ⵉ ⵃⵟⵟⵓⵏ ⵙ ⵓⴼⵉⴷⵢⵓ, ⴳ ⵓⵙⴼⵍⵙ ⵏ ⵓⵙⴰⵢⵙ ⴰⴳⴷⵓⴷⴰⵏ, ⵙ ⵢⴰⵜ ⵜⵡⴰⵍⴰ ⵉⵅⵜⵔⵏ ⴷ ⵓⵙⵏⵎⴰⵍⴰ ⴰⴷⵉⵏⴰⵎⵉ ⵏ ⵜⵡⴰⴷⴰ ⴳ ⵉⴱⵔⴷⴰⵏ.

ⴷ ⵉⴽⵛⴰⵎ ⵓⵙⵏⵜⵉ ⴰⴷ, ⵉⴳⴰⵏ ⴰⵎⵣⵡⴰⵔⵓ ⴳ ⵉⵏⴰⵡ ⵏⵏⵙ ⴳ ⵓⵙⵡⵉⵔ ⵏ ⵜⴳⵍⴷⵉⵜ, ⵙ ⵡⴰⵜⵉⴳ ⵏ 460 ⵏⵉⴷ ⵎⵍⵢⵓⵏ ⵏ ⴷⵔⵀⴰⵎ, ⴳ ⵓⵙⴰⵜⵉ ⵏ ⵜⵓⴳⴳⵯⴰⵣ ⴳ ⵜⴼⵔⵓⵜ ⵏ ⵎⵉⴷⵏⵏ ⴷ ⵜⵖⴰⵡⵙⵉⵡⵉⵏ ⵏⵏⵙⵏ, ⴷ ⵜⴷⵔⵙⵉ ⵏ ⵡⴰⵜⵉⴳ ⵏ ⵓⴱⴽⴽⵉⴹ, ⴷ ⵓⵙⵏⵎⴰⵍⴰ ⵏ ⵓⵎⵓⵙⵙⵓ ⵏ ⵓⵙⵙⴰⵢ, ⴷ ⵓⴼⵔⴰⴳ ⵏ ⵜⴳⵎⵎⴰ ⴷ ⵉⴷⵖⴰⵔⵏ ⵉⴳⴷⵓⴷⴰⵏ. ⴷ ⵉⵙⵎⴰⵏⴷ ⵓⵖⴰⵡⴰⵙ ⴰⴷ ⴰⵣⴷⴰⵢ ⵏ ⵍⴽⴰⵎⵉⵕⴰ ⵏ ⵟⵕⴰⵎⵡⴰⵢ ⴷ ⵍⴽⵎⵉⵕⴰⵜ ⵢⴰⴹⵏⵉⵏ ⴳ (ⴰⵣⴰⴳⵓⵣ, ⵓⴼⵜⴰⵙ ⵏ ⴹⴹⴰⵔⴱⵉⴹⴰ ⴷ ⵍⵎⵓⵃⵎⵎⴰⴷⵢⴰ, ⴷ ⵉⴳⴰⴷⴰⵣⵏ ⵏ ⵜⵙⴱⴱⴰⴱⵜ ⵉⵅⴰⵜⴰⵔⵏ ⴷ ⵍⴱⴰⵏⴽⴰⵜ) ⵜⵓⴳⵜ ⵏ 760 ⵏ ⵍⴽⴰⵎⵉⵕⴰ ⵉⵃⵟⵟⵓⵏ ⵛⴰⵢⴳⴰⵏ ⵏ ⵜⵖⴰⵡⵙⵉⵡⵉⵏ. ⴷ ⵉⵔⴰⴷ ⵢⴰⵡⵡⵙ ⵓⵙⵏⵜⵉ ⴰⴷ, ⵍⵍⵉ ⵔⴰⴷ ⵜⵥⵕⴼ ⵜⵎⴰⵡⴰⵙⵜ ⵏ ⵓⴳⵏⵙⵓ ⴷ ⵜⴳⵔⴰⵡⵜ ⵏ ⴹⴹⴰⵕⴱⵉⴷⴰ, ⵙ ⵓⵙⵏⵎⴰⵍⴰ ⵏ ⵜⴰⵡⴰⴷⴰ ⴳ ⵉⴱⵔⴷⴰⵏ ⴷ ⵓⵃⵟⵟⵓ ⵓⵟⵓⵎⴰⵜⵉⴽⵉ ⵏ ⵉⵏⴳⴰⵙⵏ. ⴷ ⵉⴽⴽⴰⵜⵏ ⵉⵕⵥⴰⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ, ⴳ ⵜⵎⵏⴱⴰⴹⵜ ⵏ ⵄⵉⵏ ⵙⴱⴰⵄ- ⵃⴰⵢ ⵍⵎⵓⵃⵎⵎⴰⴷⵉ, ⵛⴰⵢⴳⴰⵏ ⵏ ⵉⵙⵏⵜⵉⵜⵏ ⵉⵥⵍⵉⵏ ⵙ ⵓⵙⵙⴰⵢ ⴷ ⵉⴱⵔⴷⴰⵏ ⵉⴽⵛⵎⵏ ⴳ ⵓⵙⴰⵜⵉ ⵏ ⵓⵙⵖⵓⴷⵓ ⵏ ⵜⵓⴷⵔⵜ ⵏ ⵉⵎⵣⴷⴰⵖ ⴷ ⵜⴰⵎⵓⵏ ⵏ ⵜⴳⵎⵉ ⵜⴰⴷⵉⵎⵉⵖⵔⴰⴼⵉⵢⵜ ⴷ ⵓⵖⵔⵎⴰⵏ ⴳ ⵜⵎⴰⵥⵓⵏⵜ ⵜⴰⴷⴰⵎⵙⴰⵏⵜ ⵏ ⵜⴳⵍⴷⵉⵜ.

Dernière modification : 25 ⵉⵏⵏⴰⵢⵔ 2016

Source URL: https://www.mapnews.ma/am/activites-royales/%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B4%BC%E2%B4%BD%E2%B4%B0-%E2%B5%8D%E2%B4%B1%E2%B4%B7%E2%B5%93-%E2%B5%8F-%E2%B5%89%E2%B5%99%E2%B5%8F%E2%B5%9C%E2%B5%89%E2%B5%9C%E2%B5%8F-%E2%B5%8F-%E2%B5%93%E2%B5%99%E2%B4%B1%E2%B5%93%E2%B5%96%E2%B5%8D%E2%B5%93-%E2%B5%8F-%E2%B5%93%E2%B5%96%E2%B4%B0%E2%B5%A1%E2%B5%99-%E2%B4%B0%E2%B5%8E%E2%B5%89%E2%B5%96%E2%B5%89%E2%B5%99-%E2%B5%89-%E2%B5%83%E2%B5%9F%E2%B5%9F%E2%B5%93%E2%B5%8F-%E2%B5%99#comment-0