Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴼⴽⴰ ⴳ ⴹⴹⴰⵕⵍⴱⵉⴹⴰ ⵍⴱⴷⵓ ⵏ ⵉⵙⵏⵜⵉⵜⵏ ⵉⵅⴰⵜⴰⵔⵏ ⴳ ⵓⵚⴽⴰⵡ ⵏ ⵓⵙⵙⴰⵢ ⴷ ⵉⴱⵔⴷⴰⵏ, ⵙ ⵡⴰⵜⵉⴳ ⵏ 8,5 ⵎⵍⵢⴰⵕ ⵏ ⴷⴷⵔⵀⴰⵎ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴼⴽⴰ ⴳ ⴹⴹⴰⵕⵍⴱⵉⴹⴰ ⵍⴱⴷⵓ ⵏ ⵉⵙⵏⵜⵉⵜⵏ ⵉⵅⴰⵜⴰⵔⵏ ⴳ ⵓⵚⴽⴰⵡ ⵏ ⵓⵙⵙⴰⵢ ⴷ ⵉⴱⵔⴷⴰⵏ, ⵙ ⵡⴰⵜⵉⴳ ⵏ 8,5 ⵎⵍⵢⴰⵕ ⵏ ⴷⴷⵔⵀⴰⵎ

25 ⵉⵏⵏⴰⵢⵔ 2016 Version Imprimable
ⴹⴹⴰⵕⵍⴱⵉⴹⴰ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ, ⴳ ⵜⵎⵏⴱⴰⴹⵜ ⵏ ⵄⵉⵏ ⵙⴱⴰⵄ- ⵃⴰⵢ ⵍⵎⵓⵃⵎⵎⴰⴷⵉ, ⵍⴱⴷⵓ ⵏ ⵛⴰⵢⴳⴰⵏ ⵏ ⵉⵙⵏⵜⵉⵜⵏ ⵉⵥⵍⵉⵏ ⵙ ⵓⵙⵙⴰⵢ ⴷ ⵉⴱⵔⴷⴰⵏ ⵉⴽⵛⵎⵏ ⴳ ⵓⵙⴰⵜⵉ ⵏ ⵓⵙⵖⵓⴷⵓ ⵏ ⵜⵓⴷⵔⵜ ⵏ ⵉⵎⵣⴷⴰⵖ ⴷ ⵜⴰⵎⵓⵏ ⵏ ⵜⴳⵎⵉ ⵜⴰⴷⵉⵎⵉⵖⵔⴰⴼⵉⵢⵜ ⴷ ⵓⵖⵔⵎⴰⵏ ⴳ ⵜⵎⴰⵥⵓⵏⵜ ⵜⴰⴷⴰⵎⵙⴰⵏⵜ ⵏ ⵜⴳⵍⴷⵉⵜ.

ⴷ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵍⴱⴷⵓ ⵏ ⵛⴰⵢⴳⴰⵏ ⵏ ⵉⵙⵏⵜⵉⵜⵏ ⵉⵥⵍⵉⵏ ⵙ ⵜⵓⵙⴽⵉⵡⵜ ⵏ ⵓⵣⵔⵉⴳ ⵡⵉⵙⵙ ⵙⵙⵉⵏ ⵏ ⵟⵕⴰⵎⵡⴰⵢ ⴳ ⴹⴹⴰⵕⴱⵉⴹⴰ ⴷ ⵓⵙⵖⵣⵉⴼ ⵏ ⵓⵣⵔⵉⴳ ⴰⵎⵣⵡⴰⵔⵓ, ⴷ ⵓⵙⴳⴷ ⵏ ⵉⴱⵔⴷⴰⵏ ⵏ ⵜⵎⴷⵉⵏⵜ ⴰⴷ, ⴷ ⵜⵓⵙⴽⵔⴰ ⵏ ⵓⴱⵔⵉⴷ ⵉⵣⴷⴰⵔ ⵏ ⵡⴰⴽⴰⵍ ⴳ ⵓⴱⵔⵉⴷ ⴰⵏⴰⵎⵓⵔ ⴰⵎⵣⵡⴰⵔⵓ ⵉⵜⴰⵡⵉⵏ ⵙ ⵊⴷⵉⴷⴰ. ⴷ ⵉⵜⵜⵓⴼⴽⴰ ⵉ ⵡⵙⵙⴰⵔⵓ ⴰⴷ ⴰⵜⵉⴳ ⵏ 8,5 ⵏⵉⴷ ⵎⵍⵢⴰⵕ ⵏ ⴷⴷⵔⵀⵎ, ⵎⴰⵢⴰⴷ ⵢⴰⵖⵓⵍ ⵙ ⵜⵓⴳⴳⵯⴰⵣ ⵉⵙⴽⴰⵔ ⴱⴰⴱ ⵏ ⵡⴰⴷⴷⵓⵔ ⴳ ⵜⵎⴰⵥⵓⵏⵜ ⵜⴰⴷⵎⵙⴰⵏⵜ ⵏ ⵜⴳⵍⴷⵉⵜ ⴷ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ ⵜⵉⵎⴰⵢⵏⵓⵜⵉⵏ ⵙ ⵉⵙⴱⴷⴰⴷⵏ ⵉⵎⴰⴹⵍⴰⵏ, ⴰⴼⴰ ⴷ ⵜⵍⴽⵎ ⵜⵎⴷⵉⵏⵜ ⴰⴷ ⵢⴰⵏ ⵓⵙⵡⵉⵔ ⵉⵖⵓⴷⴰⵏ. ⴰⵙⵏⵜⵉ ⵏ ⵓⵣⵔⵉⴳ ⵡⵉⵙⵙ ⵙⵙⵉⵏ ⵏ ⵟⵕⴰⵎⵡⴰⵢ ⴳ ⴹⴹⴰⵕⵍⴱⵉⴹⴰ ⴷ ⵓⵙⵖⵣⵉⴼ ⵏ ⵓⵣⵔⵉⴳ ⴰⵎⵣⵡⴰⵔⵓ ⵙ ⵡⴰⵜⵉⴳ ⵏ 4,280 ⵏⵉⴷ ⵎⵍⵢⴰⵕ ⵏ ⴷⴷⵔⵀⵎ, ⵔⴰⴷ ⵢⴰⵡⵙ ⴳ ⴰⴼⵙⴰⵢ ⵉ ⵜⵎⵓⴽⵔⵉⵙⵜ ⵏ ⵓⵙⵙⴰⵢ ⴳ ⵄⵉⴷ ⴷⵢⴰⴱ ⴷ ⵙⵉⴷⵉ ⵍⴱⵕⵏⵓⵚⵉ ⴷ ⵓⵙⴰⵏⴼⵓ ⵏ ⵜⵏⵉⵢⴰ ⵏ ⵓⵖⴰⵔⴰⵙ ⵏ ⵍⴽⵓⵍⵉⵢⴰⵜ ⵍⵉⵙⴰⵙⴼⴰ. ⴰⵡⵜⵜⴰⵙ ⵏ ⵉⵙⵏⵜⵉⵜⵏ ⴰⴷ ⵉⴳⴰ ⴳⵣⵣⵓⵎ ⴳ ⵓⵖⴰⵡⴰⵙ ⵏ ⵓⵙⴱⵓⵖⵍⵓ ⵓⵥⵟⵟⴰ ⵏ ⵟⵕⴰⵎⵡⴰⵢ ⴳ ⴹⴹⴰⵕⵍⴱⵉⴹⴰ, ⵍⵍⵉ ⵎⵉ ⵉⵜⵜⵓⴼⴽⴰ ⵡⴰⵜⵉⴳ ⵏ 16 ⵏⵉⴷ ⵎⵍⵢⴰⵕ ⵏ ⴷⴷⵔⵀⵎ ⴰⴼⴰ ⴷ ⵉⵍⴽⵎ 110 ⴽⵉⵍⵓⵎⵜⵔ ⵍⵍⵉ ⵔⴰⴷ ⵉⵜⵜⵓⵙⴱⵖⵔ ⴳ ⵓⵙⴳⴳⵯⴰⵙ ⵏ 2022, ⴷ ⵓⵙⴽⵔ ⵏ 15 ⴽⵉⵍⵓⵎⵉⵜⵔ ⵏ ⵓⵣⵔⵉⴳ ⵡⵉⵙⵙ ⵙⵙⵉⵏ ⵏ ⵟⵕⴰⵎⵡⴰⵢ ⴳ ⵜⵍⵍⴰ 20 ⵏ ⵓⵙⴰⵏⴼⵓ, ⴷ ⵓⵙⵖⵣⵉⴼ ⵏ ⵓⵣⵔⵉⴳ ⴰⵎⵣⵡⴰⵔⵓ ⵙ ⵙⵉⵏ ⵉⴷ ⵍⴽⵉⵍⵓⵎⵉⵜⵔ ⴷ ⵜⵓⵙⴽⵔⴰ ⵏ ⵙⵉⵏ ⵉⵙⴰⵏⴼⵓⵜⵏ. ⵉⴷ ⴰⵙⵏⵜⵉ ⵏ ⵓⵙⴳⴷ ⵏ ⵉⴱⵔⴷⴰⵏ ⵏ ⵜⵎⴷⵉⵏⵜ ⵏ ⴹⴹⴰⵕⵍⴱⵉⴹⴰ ⵙ ⵡⴰⵜⵉⴳ ⵏ 3,170 ⵏⵉⴷ ⵎⵍⵢⴰⵕ ⵏ ⴷⴷⵔⵀⵎ, ⵉⵥⵍⵉ ⵙⵍⴰⵡⴰⵏ ⴰⴽⴽⵯ ⵙ ⵓⵙⴳⴷ ⴷ ⵓⵚⴽⵉⵡ ⵓⵙⴰⵍⵉ, ⴷ ⵓⵙⴰⴽⴰ ⵏ ⵉⵎⵉⴽⵉⵍⵏ, ⴷ ⵓⵙⴷⵓⵙ ⵏ ⵓⵥⵟⵟⴰ ⵏ ⵓⵙⵉⴷ ⴰⴳⴷⵓⴷⴰⵏ. ⴰⵙⵏⵜⵉ ⴰⴷ ⵍⵍⵉ ⵎⵉ ⵉⴳⴰ ⵓⵡⵜⵜⴰⵙ ⵏⵏⵙ ⴰⴼⵔⴰⴳ ⵏ ⵓⵡⵏⴰⴹ ⴷ ⵓⵙⵖⵓⴷⵓ ⵏ ⵙⵍⴰⵎⵜ ⴳ ⵓⴱⵔⵉⴷ, ⴷ ⵓⵙⵖⵓⴷⵓ ⵏ ⵜⵎⴷⵉⵏⵜ ⵙⵓⵎⴰⵜⴰ ⵙⴹⵉⵚ ⵏ ⵉⴳⵣⵣⵓⵎⵏ ⴳⵔ ⵓⵙⴳⴳⵯⴰⵙ ⵏ 2016ⴷ 20120, ⴳ ⵓⵙⴰⵜⵉ ⵏ ⵜⵎⴷⵔⴰⵡⵜ ⴳⵔ ⵜⵎⴰⵡⴰⵙⵜ ⵏ ⵓⴳⵏⵙⵓ ⴷ ⵜⴳⵔⴰⵡⵜ ⵜⴰⵖⵔⵎⴰⵏⵜ ⵏ ⴹⴹⴰⵕⵍⴱⵉⴹⴰ. ⴷ ⵉⴽⵛⵎⵏ ⵉⵙⵏⵜⵉⵜⵏ ⴰⴷ, ⴳ ⵉⵙⵉⵣⵡⴰⵔⵏ ⵏ ⵓⵖⴰⵡⴰⵙ ⵏ ⵜⴳⵎⵉ ⵏ ⵜⵎⴷⵉⵏⵜ ⵏ ⴹⴹⴰⵕⵍⴱⵉⴹⴰ 2015-2020, ⵉⵔⴰ ⴰⴷ ⵉⵙⵖⵓⴷⵓ ⵜⵓⴷⵔⵜ ⵏ ⵉⵎⵣⴷⴰⵖ ⵏ ⵜⵎⴰⵥⵓⵏⵜ ⵜⴰⴷⴰⵎⵙⴰⵏⵜ, ⴷ ⵓⵃⵟⵟⵓ ⵏ ⵓⵡⵏⴰⴹ ⴷ ⵜⵎⴰⴳⵉⵜ ⵏⵏⵙ, ⴷ ⵓⵙⴷⵓⵙ ⵏ ⵓⴷⵖⴰⵔ ⵏⵏⵙ ⴰⴷⵎⵙⴰⵏ ⵃⵎⴰ ⴰⴷ ⵜⴳ ⵉⴳⵊⴷⵉ ⴰⵥⵕⴼⴰⵏ ⴳ ⵓⵎⴰⴹⴰⵍ.

Dernière modification : 25 ⵉⵏⵏⴰⵢⵔ 2016
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B4%BC%E2%B4%BD%E2%B4%B0-%E2%B4%B3-%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0-%E2%B5%8D%E2%B4%B1%E2%B4%B7%E2%B5%93-%E2%B5%8F-%E2%B5%89%E2%B5%99%E2%B5%8F%E2%B5%9C%E2%B5%89%E2%B5%9C%E2%B5%8F-%E2%B5%89%E2%B5%85%E2%B4%B0%E2%B5%9C%E2%B4%B0%E2%B5%94%E2%B5%8F-%E2%B4%B3-%E2%B5%93%E2%B5%9A%E2%B4%BD%E2%B4%B0%E2%B5%A1-%E2%B5%8F-%E2%B5%93%E2%B5%99%E2%B5%99%E2%B4%B0%E2%B5%A2-%E2%B4%B7#comment-0