Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ : ⴰⵎⴰⴹⴰⵍ ⵖⴰⵙⴰⴷ ⵉⵔⴰ ⵉⵙⴽⴽⵉⵏ ⵏ ⵓⵙⴳⴷ ⵍⵍⵉ ⵉⵙⴷⵓⵙⵏ ⵉⵙⴽⴽⵉⵏ ⵏ ⵓⵎⵙⵓⵔⵓⴼ ⵏ ⵜⴰⵢⵔⵉ ⴷ ⵓⵎⵢⴰⵡⴰⵙ ⴰⵏⴼⴳⴰⵏ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ : ⴰⵎⴰⴹⴰⵍ ⵖⴰⵙⴰⴷ ⵉⵔⴰ ⵉⵙⴽⴽⵉⵏ ⵏ ⵓⵙⴳⴷ ⵍⵍⵉ ⵉⵙⴷⵓⵙⵏ ⵉⵙⴽⴽⵉⵏ ⵏ ⵓⵎⵙⵓⵔⵓⴼ ⵏ ⵜⴰⵢⵔⵉ ⴷ ⵓⵎⵢⴰⵡⴰⵙ ⴰⵏⴼⴳⴰⵏ

25 ⵉⵏⵏⴰⵢⵔ 2016 Version Imprimable
ⵎⵕⵕⴰⴽⵛ - ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⴰⵙ ⴷ ⴰⵎⴰⴹⴰⵍ ⵖⴰⵙⴰⴷ ⵉⵔⴰ ⵉⵙⵙⴽⵉⵏ ⵏ ⵓⵙⴳⴷ ⵉⴷⵖ ⴳⵉⵙ ⵍⵍⴰⵏⵜ ⵜⴼⴷⴰⵡⵉⵜⵉⵏ ⵍⵍⵉ ⵉⵅⵚⵚⴰ ⴰⴷ ⵜⵜⵓⵣⵔⴰⴽⵏⵜ ⴷⴰⵜ ⵙⵉⴷⵉ ⵕⴱⴱⵉ, ⴷ ⵍⵍⵉ ⵉⵙⴷⵓⵙⵏ ⵉⵙⴽⴽⵉⵏ ⵏ ⵓⵎⵙⵓⵔⵓⴼ ⵏ ⵜⴰⵢⵔⵉ ⴷ ⵓⵎⵢⴰⵡⴰⵙ ⴰⵏⴼⴳⴰⵏ.
ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ, ⴳ ⵢⴰⵜ ⵜⴱⵔⴰⵜ ⵢⴰⵜⵜⵓⵢⵏ ⵢⵓⵣⵏ ⵉⵎⴷⵔⴰⵡⵏ ⴳ ⵜⵡⵓⵔⵉⵡⵉⵏ ⵏ ⵓⵙⴳⵔⴰⵡ ⵅⴼ « ⵉⵣⵔⴼⴰⵏ ⵏ ⵉⴷⵔⵙⴰⵏ ⴳ ⵉⵙⴳⴷⴰⵏ ⴳ ⵜⵎⵉⵣⴰⵔ ⵜⵉⵏⵙⵍⵎⵉⵏ ⴰⵙⵏⵜⵉ ⵓⵍⴳⵉⵏ ⴷ ⵜⵖⵓⵔⵉ ⵙⵔ ⵜⵙⵏⵜⴰⵢⵜ », ⵉⴱⴷⴰⵏ ⴰⵙⵙ ⵏ ⵓⵢⵏⴰⵙ ⴳ ⵎⵕⵕⴰⴽⵛ, « ⵏⵔⴰ ⴰⵜⵉⴳ ⴰⴷ ⵉⵙⵎⴰⵏ, ⴳ ⵜⴰⵖⵣⵉ ⵏ ⵜⵥⴹⴰⵕⵜ ⵅⴼ ⵜⵓⵚⴽⵉⵡⵜ ⵜⴰⵎⴰⵢⵏⵓⵜ ⵏ ⵓⴼⴳⴰⵏ ⴷ ⵜⵥⵥⵉⴹⵕⴰ ⵏ ⵜⵓⴷⵔⵜ ⴳ ⵓⵔ ⵍⵍⵉⵏ ⵉⵎⵏⵖⴰⵏ ⴷ ⵜⵉⵟⵓⵕⴼⴰ ». ⴷ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ, ⴳ ⵜⴱⵔⴰⵜ ⴰⴷ ⵉⵖⵔⴰ ⵎⴰⵙⵙ ⴰⵃⵎⴰⴷ ⵜⴰⵡⴼⵉⵇ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ, ⵎⴰⵙ ⴷ « ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵓⵔ ⵉⵜⵜⵓⴽⵙ ⴰⵡⴷ ⵢⴰⵏ ⵓⵣⵔⴼ ⵉ ⵢⴷⵔⵙⴰⵏ ⵏ ⵓⵙⴳⴷⴰⵏ, ⴷ ⵓⵔ ⵔⴰⴷ ⵏⴰⵊⵊ ⵎⴰⵢⴰⴷ ⴰⴷ ⵢⵉⵍⵉ ⵙ ⵢⵉⵙⵎ ⵏ ⵍⵉⵙⵍⴰⵎ, ⴷ ⵓⵔⵜ ⵏⵔⵉ ⵉ ⴰⵡⴷ ⵢⴰⵏ ⵓⵏⵙⵍⴰⵎ », ⴷ ⵉⵙⴷⴷⵉⴷ ⵎⴰⵙ ⴷ ⴰⵢⴰⴷ ⵉⵍⵍⴰ ⴳ ⵓⵎⵣⵔⵓⵢ ⵏ ⵜⴳⵍⴷⵉⵜ ⵜⴰⵇⴱⵓⵕⵜ ⵍⵍⵉ ⵉⵙⵎⴰⵏ ⵜⵉⵎⵙⴽⵔⵜ ⴳⵔ ⵉⵏⵙⵍⵎⴰⵏ ⴷ ⵉⵙⴳⴷⵏ ⵢⴰⴹⵏⵉⵏ». ⴷ ⵉⴼⵔⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⵏⵏⵙ « ⵉⴷⵖ ⵏⴳⴰ ⵍⴰⵎⵉⵔ ⵏ ⵉⵎⵓⵎⵏⵏ ⴷ ⵓⵏⴼⵔⴰⴳ ⵏ ⵓⵙⴳⴷ, ⵉⵍⵍⴰ ⵖⵉⴼⵏⴰⵖ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵉⵏⵙⵍⵎⴰⵏ ⴷ ⵡⵉⵏⵏⴰ ⵓⵔⵜⵏ ⵉⴳⵉⵏ, ⵏⵃⵟⴰ ⵉⵣⵔⴼⴰⵏ ⵏⵏⵙⵏ,ⵉⴷⵖ ⴳⴰⵏ ⵉⵏⴰⵎⵓⵔⵏ ⵖⵎⴽⵍⵉ ⵉⵍⵍⴰⵏ ⴳ ⵓⴷⵓⵙⵜⵓⵔ. ⴷ ⵉⵏⵏ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⵏⵏⵙ ⵎⴰⵙ ⴷ « ⴳ ⵓⴱⵔⵉⴷ ⴰⴷ ⴳ ⵏⴼⴽⴰ ⵉⵎⴰⵙⵉⵃⵉⵢⵏ ⵉⵣⴷⵖⵏ ⴳ ⵍⵎⵖⵔⵉⴱ ⴰⴼⴰ ⴷ ⵙⴽⵔⵏ ⵉⵙⴽⴽⵉⵏ ⵏⵏⵙⵏ ⵉⵙⴳⴷⴰⵏ ⴳ ⵎⵏⵏⴰⵡ ⵏ ⵜⵎⵥⵥⴰⵍⵓⵜ ⵏ ⵉⵔⵓⵎⵉⵢⵏ. ⴷ ⴷⴰ ⵏⵙⵡⵓⵔⵉ ⴰⴼⴰ ⴷ ⵜⵜⵓⴼⴽⵏⵜ ⵉⵎⵖⵔⴰⴱⵉⵢⵏ ⵓⴷⴰⵢⵏ ⴰⴷ ⴷⴰⵔⵙⵏ ⵉⵍⵉⵏ ⵉⵣⵔⴼⴰⵏ ⵉⵍⵍⴰⵏ ⴷⴰⵔ ⵉⵏⵙⵍⵎⴰⵏ ⵖ ⵎⴽⵍⵍⵉ ⵉⵍⵍⴰ ⴳ ⵓⴷⵓⵙⵜⵓⵔ ». ⴷ ⵉⵔⵏⵏⴰ ⵉⵏⵏⴰ ⵎⴰⵙ ⴷ ⴷⴰ ⵜⵜⵓⵎⵓⵏ ⴳ ⵉⵎⵓⵍⵍⵉⵜⵏ ⴷ ⵉⵙⵜⴰⵢⵏ ⴷ ⴷⴰ ⵙⴽⴰⵔⵏ ⵜⵎⵙⵎⵓⵏⵉⵏ ⴷ ⵛⴰⵢⴳⴰⵏ ⵏ ⵉⵎⵓⵙⵙⵓⵜⵏ ⵉⴷⵎⵙⴰⵏ ⴷ ⵎⴰⵙ ⵍⵍⴰⵏ ⴳ ⵉⵎⵛⴰⵡⴰⵕⵏ ⴷ ⵉⵎⵙⵇⴰⴷⵏ ⵏ ⴱⴰⴱ ⵏ ⵡⴰⴷⴷⵓⵔ. ⴳ ⵜⵙⴳⴰ ⵢⴰⴹⵏⵉⵏ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ « ⵜⴰⵏⵏⴰⵢⵜ ⵏⴰⵖ ⵉ ⵎⵏⵏⴰⵡ ⵏ ⵜⴰⵙⵙⴰⵙⵉⵏ ⵉⵙⴷⵉⴷⴷⵉⵏ ⵜⵓⴷⵔⵜ ⵏ ⵓⵏⴼⴳⴰⵏ ⵏⵓⴼⴰ ⵎⴰⵙ ⵉⵅⵚⵚⴰ ⴰⴷ ⵢⵉⵍⵉ ⵓⵎⵢⴰⵡⴰⵙ ⴳⵔ ⴽⵓ ⴰⴽⴽⵯ ⵉⵙⴳⴷⵏ ⴳ ⵓⵎⵙⵓⵔⵓⴼ ⴷ ⵓⵣⵔⴰⴽ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵍⵓⵍⵍⵉ ⵍⵍⵉ ⵎⵉ ⵉⵅⵚⵚⴰ ⴰⴷ ⵜⵜⵓⵙⵏⴰⵎ ⴳ ⴽⵓ ⴰⴽⴽⵯ ⵜⴰⵎⴰⵣⵉⵔⵜ. ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ « ⴰⵙⵡⵓⴷⴷⵓ ⵏ ⵓⵙⴽⴽⵉⵏ ⵏ ⵓⵙⴳⴷ ⴳ ⵍⵎⵖⵔⵉⴱ ⴳ ⵓⵣⵎⵣ ⴰⴷ, ⵉⴳⴰ ⵓⵡⵜⵜⴰⵙ ⵏⵏⵙ ⴰⵙⴱⵉⴷ ⵏ ⵓⵍⴰⵀⴰ ⴳ ⵉⵙⴽⴽⵉⵏ ⵏ ⵓⵙⴳⴷ, ⵙⵍⴰⵡⴰⵏ ⴰⴽⴽⵯ ⵍⵊⵉⵀⴰⴷ ⵍⵍⵉ ⴳ ⴷ ⵙⵙⴰⴼⵖⵏ ⵉⵎⴰⵙⵙⴰⵏ ⵏⴰⵖ ⵢⴰⵏ ⵜⵏⵎⵎⴰⵍⵜ ⵉⴷⴷⵓⵙⵏ ⴷⴰⵜ ⵡⵓⵙⵙⴰⵏ ⵉⵣⵔⵉⵏ ». ⴷ ⵉⵙⴽⵜⵉ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⴰⵎⵣⵔⵓⵢ ⵏ ⵍⵎⵖⵔⵉⴱ ⵉⵙⵙⵏ ⵜⴰⵖⵔⵎⴰ ⵉⵖⵓⴷⴰⵏ, ⵙⵍⴰⵡⴰⵏ ⴰⴽⴽⵯ, ⴰⵎⵢⴰⵖ ⵏ ⵉⵏⵙⵍⵎⵏ ⴷ ⵉⵙⴳⴷⵏ ⵢⴰⴹⵏⵉⵏ ⵣⵓⵏⴷ ⵓⴷⴰⵢⵏ ⴷ ⵉⵕⵓⵎⵉⵏ, ⴰⵢ ⵏⴰⵖ ⴰⴷ ⵢⵓⵊⵊⴰⵏ ⴰⵎⵙⴰⵙⴰ ⴳ ⵜⵓⵚⴽⴰⵡ ⵏ ⵜⵖⵔⵎⴰ ⵜⴰⵎⵖⵔⴰⴱⵉⵢⵜ ⵏ ⵍⴰⵏⴷⴰⵍⵓⵙ.
Dernière modification : 25 ⵉⵏⵏⴰⵢⵔ 2016
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D-%E2%B5%96%E2%B4%B0%E2%B5%99%E2%B4%B0%E2%B4%B7-%E2%B5%89%E2%B5%94%E2%B4%B0-%E2%B5%89%E2%B5%99%E2%B4%BD%E2%B4%BD%E2%B5%89%E2%B5%8F-%E2%B5%8F-%E2%B5%93%E2%B5%99%E2%B4%B3%E2%B4%B7-%E2%B5%8D%E2%B5%8D%E2%B5%89-%E2%B5%89%E2%B5%99%E2%B4%B7%E2%B5%93%E2%B5%99%E2%B5%8F-%E2%B5%89%E2%B5%99%E2%B4%BD%E2%B4%BD%E2%B5%89%E2%B5%8F-%E2%B5%8F-%E2%B5%93%E2%B5%8E%E2%B5%99%E2%B5%93%E2%B5%94%E2%B5%93%E2%B4%BC-%E2%B5%8F-%E2%B5%9C%E2%B4%B0%E2%B5%A2%E2%B5%94%E2%B5%89-%E2%B4%B7#comment-0